أختي و....

[مشكلتي]

السلام عليكم
مشكلتي مع اختي التي هي نهار ليلا في الفايسبوك
وهذا ما ادخل الشك في عقلي على انها تتكلم مع شبان فيه ولهذا تجسست عليها ودخلت له واذا بي ارى مجموعة من الشبان في فيسبوكها
و عندما اخبرت امي قاتلي مبعد نهدر معاها وكي هدرت معاها قالت كون ما نهدرش معاهم نقعد بايرة و حتى واحد ما يجي يخطبني
فاجابتها امي عادي ما تكثريش معاهم الهدرة يعني انا راني زعفانة منها بزاف
ارشدوني ماذا افعل معها؟

[ahlem 05]

أختك عنيدة ذات قدرة علي الاقناع لذا فعليك أن تستعملي نفس أسلوبها لا ترغيميها او تهديديها بل لا تفتحي الموضوع مباشرة معها بل بطرق ملتوية مثلا قولي لها نعرف وحدة تعرفت بالفايسبوك و هكا وهكا و فهميها بالحيلة نظرة الشباب الي الفتاة لي عندها فيسبوك قولها يبغيو واحدة جامي دارت فيسبوك كيعاد باينة لي عندها اي كانت تحكي بيه وهكا حكايات بزاف مام ألفي من راسك

[اَشْرَفْ اَنيِسْ]

حاولي تدخلي للرسائل تعها اقراي واش تحكي

[mrmilano1984]

الله يهديها هادي لو انا نعرفها تتكلم في الفايس بوك ومع رجال وتخلط موحال نخطبها او نتزوج بها ياو لوكان يكون واش عندها طفلة من الان تتكلم مع رجال من صغرها راح تولي عقليتها هكدا او اكثر ربي يهديها قولولها اخطك من الفايس وتركز في دراسة او عملها او تتزوج عادي فايس ونت كلو مضيعة الوقت

[*أم سجى*]

هههههههههههههههه اختك هايلة عجبتني كي قاتلك لكان منهدرش ميخطبونيش ...هدديها بلي راح تخبري بباك ولا خوك بلاك تخاف ولمخافتش ومحبستش خبريه فعليا

[Naila boushra]

المشاركة الأصلية كتبت بواسطة مشكلتي

[FONT=Century Gothic]السلام عليكم
مشكلتي مع اختي التي هي نهار ليلا في الفايسبوك
وهذا ما ادخل الشك في عقلي على انها تتكلم مع شبان فيه ولهذا تجسست عليها ودخلت له واذا بي ارى مجموعة من الشبان في فيسبوكها
و عندما اخبرت امي قاتلي مبعد نهدر معاها وكي هدرت معاها قالت كون ما نهدرش معاهم نقعد بايرة و حتى واحد ما يجي يخطبني
فاجابتها امي عادي ما تكثريش معاهم الهدرة يعني انا راني زعفانة منها بزاف
ارشدوني ماذا افعل معها؟[/FONT]

غريـــــــــب
قوليلها بلي راح تخبري خوك ولا باباك بلاك تخاف

[ابو ارسلان]

"كون ما نهدرش معاهم نبقا بايرة" هذا عذر اقبح من ذنب.
امالا قوليلها بلي هذا الشباب راهم يحكيو لبعضاهم و بلي اي واحد منهم كون يفكر يخطبك رايح الاخر يقولو ما كان لاه راني نعرفها و عندي علاقة معاها.. و يكون السبب في بوارها هو انها كانت تتحدث معاهم.
الفيسبوك هو بمثابة ارشيف فضائح و اي بنت تسقط في الفخ تاعو يحبلها باش تخرج منو.

[مُحمد رازي]

صراحة الوضع سيزيد تأزما إن لقيت أختك دعما من والدتكما
فالمفروض أن توبخ والدتك و تنكر على أختك ما تفعله و ليس أن توهمها بأنها فعلا هي تمشي في الطريق الصحيح
على كل أنا متأكد من حسن نية والدتك و رغبتها في أن تراكن متزوجات و لعلها لا تعلم خفايا و ما يحدث فعلا في دهاليز الفايسبوك
لكن ينبغي إنقاذ أختك من التعمق أكثر و الأخذ بيدها قبل فوات الأوان لأن الفايسبوك ليس وسيلة للزواج
بل لتمضية الوقت و اللعب ببنات الناس و إغراقهن في الوعود الكاذبة و تركهن في الأخير بعد اللعب بهن
و الظاهر بأن أختك من النوع العنيد و التي تحب أن تعمل ما يقوله لها رأسها فقط و لا تفكر في العواقب
و أرى بأنك ينبغي لك تجربة كافة الطرق من نصح و أن تبيني لها بأن هذا الطريق خاطئ و يوصل لنهايات تعيسة
فإن لم تنصت لكلامك حاولي الضغط على الوالدة و إفهامها بأن كل من تعتقد بأنهم خطاب عبر الفايسبوك ماهم إلا ذئاب بشرة
متسترين بأقنعة و يجيدون معسول الكلام و الوعود الكاذبة
بالنسبة لحالة إذا كان هناك أخ أو أب و تم إخباره بما يجري فغالبا سيتصرف هذا الأخير بعنف
و لعل هذا الوضع الذي سيطبق على أختك من تضييق و مراقبة سيجعلها تتمرد أكثر و ستعتقد بأنكم لا تحبون لها الخير
خصوصا إذا كانت تمر بمرحلة مراهقة أو ما زالت صغيرة في السن و لم ترى وجه الحياة الحقيقية
و حتى و لو اضطررت هناك حل يمكن تطبيقه و يعتمد على تخليص أختك من الفايسبوك بالفايسبوك نفسه
و هو أنك تسجلين حسابا جديدا بالفايسبوك و تحاولين أن تكوني صديقة لأختك بدون أن تعرفك
و حاولي التقرب لها أكثر من خلال الفايسبوك و بعد أن تشعري بأنها صارت تطمئن لك
يمكنك من خلال هاته الصداقة أن تقولي لها مثلا بأنك من قبل كنت قد تعرفت على شاب عبر الفايسبوك و أنه غدر بك في الأخير
و أنك اعتبرت من هذا الأمر بأن لا يوجد أبدا شيء اسمه زواج عن طريق الفايسبوك
بمعنى يمكنك أن تنفري لها أمر الفاسبوك هذا و أن تقنعيها بأن الزواج مقدر من عند الله
و أنه إن يشأ يبعث لها زوجا حتى لباب بيتهم
بدون أن تعرض نفسها على الكلاب و الذئاب الفايسبوكية الذين همهم فقط تمضية الوقت و الاستمتاع
ربي يصلح حال أختك و يرزقها الزوج الصالح

[abdel02]

تجسسي على أمك ربما هي الأخرى راهي تفايسبوكي، مادام الأمر جاها عادي.

[سعيد رحال]

ربي يصلح الامور ويهدينا ويهدي كل المسلمين

[〆 بٰٰاولو 乄]

المشاركة الأصلية كتبت بواسطة mrmilano1984

الله يهديها هادي لو انا نعرفها تتكلم في الفايس بوك ومع رجال وتخلط موحال نخطبها او نتزوج بها ياو لوكان يكون واش عندها طفلة من الان تتكلم مع رجال من صغرها راح تولي عقليتها هكدا او اكثر ربي يهديها قولولها اخطك من الفايس وتركز في دراسة او عملها او تتزوج عادي فايس ونت كلو مضيعة الوقت

واه صحيبي عندك الحق

كنت باغي نقول هاك

الله يهديهاا