قلب اللوز بالكسان مضمون مع ميمي2012

ميمي2012 · 2016-06-20, 12:59

السلام عليكم ورحمة لله وبركاته

اخواتي العزيزات كنت حطيت موضوع نتاع قلب اللوز لكن المقادير كانت مشكلة الي معندهمش ميزان
قررت نعود نحط هذا المرة المقادير بالكاس اسهل .
ونأكذلكم ناجح ناجح ناجح باذن الله .
وكذلك سهل متقديش تسوي فيه .المقادير :
تخدي 6كيسان تشيشة خشينة
3كيسان سكر
1كأس زيت
1لبن
1ماء الزهر مشي معمر مليح
نصف كاس حليب
ملعقة نتاع القهوة الصغيرة اخلاص ملح
ملعقة صغيرة لافاني لازم
قرصة خميرة الحلوة نورة .

مقادير الشربات :لترة ونصف ماء ،2 كسان سكر يغلو 12دقيقية طفي وضفي كاس ماء الزهر

التحضير تخدي التشيشة مع السكر خلطيهم مليح مليح مليح ثم ضفي الزيت وخلطي مليح مليح مليح .
ثم ضفي باقي المكونات ، ادهني المول بقليل من الزيت ضعي الخليط يكون جاري خليه 20دقيقة
ثم الى الفرن يكون ساخن من قبل ، ولما ينشف غير شوية حلي عليه قسميه وعودي خليه يطيم مليح من تحت حتى تشوفي الون الأحمر على الأطراف اشعلي من فوق حمريه ، ولازم الشربات تكون باردة شربيه على دفعات لكن الأولى تكون اكبر رجعيه للفرن طافي حولي 2دقائق غطيه
ثم خرجيه وشوفي الا محتاج تسقي .
وخليه يرتاح اكتر من 6سعات كل ما خليتيه يرتاح اكثر كل ما يكون اشباب ويخرج روعة في الذوق والشكل ، وهو مضمون مع ميمي 2012
كل ما تكون الحاجة ناجحة معي ومضمونة نحب نرمزلها هكذة
نتمنى لكم النجاح والتوفيق في تحضيره وتأكلوه بالصحة والهناء .
صح رمضانكم.