سلام عليكم
حاب ندير قصة حياتي هنا ونشارككم بحياتي بالمختصر ولكما تصحلي فرصة نكتب هنا
انا شاب من تيزي وزو امازيغي عمري 33 سنة ثالث ولد في العائلة عيلتنا مكونة من 5 اولاد وابي وامي ربي يحفظهم لينا .
اختي الكبيرة متزوجة من بكري حتى مشفيتش لعرسها عندها ولاد رجال ونسا الله يبارك عايشة بتيزي وزو ومسكينة راجلها مرات يخدم مرات يقعد وهي مقرتش كامل وماكثة فدار يعني عايشة في مزرية بصح سعيدة لان سعادة لا تاتي من المال ابدا.
واخي الكبير يخدم دركا في صحراء هو ثاني مهندس عنده مرته من العاصمة وهي ساكنة ثما لان اهلها ثمة وهادي كيما القط والفار مع يما هي واعرة ويما واعرة يما ثاني لسانها مر . ومبعد انا نحكيلكم على روحي كي نخلص منهم ومبعد اختي وهي متزوجة برفيقي الوحيد في تيزي وزو يعني فهمني ونفهمه وانا عاودت خواتاتي يحكولي لانه راني شايف طفل كي مايدريش خواتاه صديقاته مكنش حتى معنى للاخوة لان صداقة هي اسمى العلاقات في رايي
وثاني شايف بلي مكنش طفلة لميكونش عندها عواطف او اعجاب لشخص ما والمشاكل لنشوفها دركا هي الغلط نتاع شباب صراحة الولد كي مايديرش خته صديقته والولد وينصحها ويوعيها اكيد راح تغلط في هاد الحالة راح تعتمد على تجارب البنات والبنات عاطفيات مساكن مايعرفوش عقلية راجل وعلى هادي يغلطوا وانا محبيتش ندير نفس الغلط عاودت اخواتي الصغار على صراحة مثلا صديقي هدا مدرس انجليزية ومراهش فاهم لانه قاري ودليل كاين قاريين ماشي فاهمين بصح هو مؤدب وكبر في عينيا بزاف اختي هاد عجبها رفيقي كي نتلقاو في دارنا تسمعه وتسمع عليه عجبها بزاف وصرحتني وفرحتلها لانه علبالي باخلاقه ووليت حاب نجمعهم كي يجي نخليها هي لتجيب القهوة بصح هو جامي كان يرفع عليها عينه واختي هادي شابة وقلت بلاك راج تعجبه ولله الحمد خطبها ديركت ومدينها وهي
ركا خدامة وهو خدام متفاهمين نقدر نقول عايشة عيشة انسان.
واختي صغرة سلفية وتزوجت سلفي كيفها .
دارنا كنا فقرا بزاف وهاد لخلا ناس ما يدرولناش قيمة وانا كنت حساس فقررت انه ننجح بصراحة ولدت عندي عقدة رغم ان مستوى المعيشة بينا مكنش كبيرة بزاف وكي صار عمري 17 ربحت الباك وروحت لفرنسا جوزت كونكور نتاع المهندسين ودخلت مدرسة المهندسين وعشت مع خالتي بصراحة انا انسان محظوظ في كثير من الامور ماسوفريتش كيما المهاجرين الاخرين كنت نقرا برك وجامي خدمت كي كنت نقرا وكنت نقرا مليج ونجيب من بين الاوائل ومبعد تلقيت بواحد الماني حبني بزاف وحبيته كان نعم صديق كان يعاوني بدراهم لانه كان كبير عليا وخدام وكي خلصت قراية شرالي طونوبيل كهدية مزالها لحتى دركا لقيت خدامة ديركت بصح براتب ضعيف شوية بصح في هداك كنت نشوفه كبير 1500 اورو لشهر خدمت عامين ومبعد انتهى العقد وخدمت 6 اشهر كاستاد في ثانوية . وعشت مع رفيقي لالالماني في شقته ووكي حبست كاستاد خمتت نحط دوسي لاكبر شركة في فرنسا كتجربة متاكدتش راح يقبلوني بصح قلت نسيي زهري وبالفعل قبلوني بشركة airbus وفرحت بزاف بالاول كان راتبي قليل شوية يخلوصلي برك 3000 اورو بصح المهم عندي نخدم بهاد شركة العريقة بصح ولاو يطلعولي بالمرتب ودركا راهم يخلصولي راتب ممتاز تسع سنين خدمة وحلمي نروح لامريكا ونخدم باكبر شركة ثما بصح ولادة ابني اجل مشروعي لحتى يكبر ولدي ويدخل ليكول راح نحوس على خدمة في امريكا ان شاء الله . وا دركا الحمد لله بنيت لاهلي فيلا في تزي وزو وبابا شريتله طونبيل وشريت طونبيل لاختي المتزوجة برفيقي وكل مرة نبعثلهم دراهم وديتهم للحج بابا ويما والحمددلله كامل لحقرونا وريتلهم واش نسواو ناس تحكم بالمظاهر يالطيف بابا درتله حانوت باه يتسلى فيه لا اكثر .
وماحبيتش نحكي على تجاربي العاطفية لانه منحبش لحكي لحتى واحد عليهم غير صديقي الالماني لانه هو اكثر شخص نوثق فيه . ويفهمني سورته
عندي زهر في كلش بصح في زواج او العلاقات ماعنديش زهر وزواج ماشي مكتوب حاولت اكثر من مرة كلما مرة مننجحش حاجة طبيعية الانسان يربح حوايج يخسر حاجة مكنش لسقمتله دنيا هادي كومبلي ودركا مقتنع بحظي ومقتنع ادا ماشي مكتوب زواج راح نبقى عازب عادي المهم عندي ولدي نعيش معاه كامل حياتي وسلام
( تقرير عن مشاركة سيئة )، و الموجودة أسفل كل مشاركة .
2016-05-21, 16:06
قصة حياتي
العرض العادي
