الجزء 164 من كوزينة واش طيبتي اليوم (لمة الاحباب)

[جازيا ام البنات]

ليزاتي العزيزة والله كي شفتك مشاركتك فرحت صار انت لاهية في العقيقة والعرضات والعشوات وانا نقول ياربي تكون بخير ومايكون عندها والوووو
واااااع قلبي شحال يحبكم كاااااااااااامل بصحتو الزين العقيقة ومنستعرفش بيك حقي من كل شي بلاكي تقولي مابقا والوووووو حلي عينيك:d
فرحت ايضا كي شفت حياة دخلت من بعد نراجع ونديرلكم جماجيييييييييم
مريومة لاباس عليك ديري بركوكس بالعشوب وصفة ام هدول لي دارتها لسي سيد ولا تشيشة بالزعتر وماتشربيش مراها الماء وتبربري مليح ونعسي

[انا هي رزيقة]

حبيبتي ام كاميليا وين راكي حنونتي جبتلك تطبيقي لطورطة البصل و الدجاج تاعك التحفة . ربي يعطيك متتمناي حبيبتي و يسلكك على الف خير ان شاء االله جاتني كيما يحب خاطري و ذوق البصل مع الدجاج و الفرماج فعلا اممممممم و االله تستحق التجريب يا لبنات و طبعا بما انه المسيو شرالي عجينة مورقة فاكيد جابلي معاها ........ايا االشاطرة فيكم تقولي ...... خخخخخ لي معرفتش نعاونها درت هذو بيه

[انا هي رزيقة]

و هذا سحوري الخفوفي الجميل لاني صبحت صايمة اليوم اللهما تقبل مني و من كل الصائمات و الصائمين يا رب و هذا عشانا البارح

[lyzzabel]

صح فطوركم حبيباتي الغاليات و مطرح ما يسري يمريييي

زقزووووقتي و مريووومة و جازيا و كوثر يتوحشكم الخير و ترحب بيكم الجنة ياااارب والله حتى انا توحشتكم و كنت نسيي نطل عليكم مي معظم الصفحاات ما شفتهممممش المهم الحمد لله كي راكم لاباس حبايبي و ربي يبارك فيكم و في أيامكم و يخليكم ليا يااارب

جازيا بصحتكم الرولي مممممممممم يشهيييي في انتظار الوصفة حبيبتي

زقزوووقتي يا زقزوووقة تارت البصل و الجاج تسخف تسخف يعطيك الف عافية يا الحبيبة و صح صيامك و بصحتكم لا قغيااااد ممممم

حبيباتي نحاول نحمل الصور و نحطهم لعيوونكم و لعيووون حبيبتي ام هدووول باروك الكوزييينة

حقاا مريوومتي الحلوة الف لاباس عليك ديري العسل الحر مع عصير ليمونة و نص م ص قرفة مطحونة و كوليهم دافيييين سييييغتو فالليل قبل ما ترقدي و فالنهار في اي وقت تبغي بصح ما تخرجيش راهي القرفة تحمي الجناااب و بالشفا عليك حبيبتي

اييه و تاني شفت سؤال تاع حفيظة تسقسي على الفاح حنا نقولوله راس الحانوت فالغرب حنوووونة

[ام هدول]

مسا لخير لبنات بصحتك واش حطيتو من اطايب ..رني مع المراجعة مرة مرة نطل
شفت ليزا دخلت .....اهلا وسهلا راكي زتي الكوزينة نور ربي يحفضلك وليدك من كل سوء ........ماتخلناش نتواحشوك بزاف
لي عجبهم لغدة نقولكم بارك الله فيكم ونششكر لي فرحتو ببناتي وتلبازهم هدا يزيد يشجعهم ....
رتوجة ياعمري مازلك مريضة ..رببي يشفيك دير الما تاع البصلة كيما قلتلك الاخت راهو مليح بزاف ..

[lyzzabel]

يا لهوي كتبت رد و حملت الصور و حطيتهم و كي رسلتهم خرجلي فوربيدن تاع عام عام واااااااااااااااع كلشي راح غادي نندبه

ام هدوول حبيبتي ربي يفرحك بأحبابك و النور نورك يا الغالية و ماشاء الله على بنياتك قوليلهم يعطيكم الصحة الخبيزات يشهوووووو ممممممممم

نزيد نحاول لا ما عاودهاليش خخخخخ

[lyzzabel]

بسم الله
هادو خرتهم اول أمس كنت باغية نعرض النسا و مرضت مور الدبيحة امالا قالي ن ع سي بالابان ارسليلهم و صايي راهم قاع عارفين بلي راكي مرييضة ،، دونك تفاهمنا هاكا و جات اختي الحبيبة عاونتني ربي يحفظها هي و وليداتها و زوجها من كل مكروه ياااارب
حتى بدينا نخرجو تفكرت نصور لحقت غي على هادو لي مغلفين و لي كانو مازال ما غلفناهمش

[ام هدول]

المشاركة الأصلية كتبت بواسطة lyzzabel

السلااااام عليكم و رحمة الله ،، صباح الخيرااات حبيباتي كي راااااكم توحششششششششششتكم نتمنى تكونو قااااع غايا مواااااااح

ام هدووول الحبييبة الف مبروووك الكوزينة الجديدة ان شاء الله عتبة الربح والله انخلعت كي لقيتكم فتو 50 صفحة يا لهوي راكم داخلينها غي الماكلة هههه بصحتكم غالياتي

انا كنت مشغووووووولة في هاد السيمانة درت المعروف تاع العقيقة تاع حبيبي منننننصف ،،،، واااااه تاع منصف هدا وين كتب ربي يعني انشغلت مالدبيحة للطياب للعرضة و زيد القدام من بعد نحطلكم الصور بإذن الله ،، حاولت شحاااال من خطرة ندخل نسلم عليكم مي النت تقيييييلة و زادو الصور كبااار كباااااار يبلوكو الصفحااات ما نجمت لا نتصفح لا نكتب رد يا خراااااشي صغروهم حبيباتي بليييييز بليييييييييييز

مريووووومتي وصلتني رسالتك مي ما بغاااتش تنتحل من بعد نزيد نحاول معاها و ربي يحفظك و يخليك و يحفظ قاااع لي سقساو عليا مواااحتيييييييين ليكم

فطورنا اليوم حووووت جابه ن ع غي دروك مازال ما نقيتهش شكون تجي تعاوني راني مدقدقة من كل جهة خخخخخ البارح برك كملت العرضة تاع الرجال و اليوم نزيد نرسل للي بقاو و الحمد لله

نخليكم في لامان و لي عودة بالبارووووك ان شاء الله ،، ربي يعاوني و إياكم و صح فطوركم غواااااليييي


لا إله إلا الله وحده لا شريك له له الملك وله الحمد وهو على كل شيء قدير

ربي يعيشو منصف وتشوفيه راجل فى احسن المراكز وبار بوالديه ..الحمد لله لي راكي بخير ....بصحتك الحوت وربي يعاونك

المشاركة الأصلية كتبت بواسطة كوثر التائبة

ام هدول بصحتك فطورك يشهي

شكرا حبببتي شهتك في الجنة

المشاركة الأصلية كتبت بواسطة كوثر التائبة

ربي يتقبل من جميع الصائمين
استغفر الله العظيم من كل ذنب عظيم عدد خلق الله العظيم

ربي يتقبل صيمك كوثر ..واش رايحة دري للفطورههههههههههه نقرعج كيمت تقولو

المشاركة الأصلية كتبت بواسطة جازيا ام البنات

مازال ماراجعت والو جيت على خاطر ام تاجو نحطلك رولي البطاطا درتو اليوم عشان عيونك الحلوين تفضلي برقي وعاودي مواااااااااااااح كبيرة ليك ولا تزعل يا جميل

ياي روووعة يعطيك الصحة درك ام تاجو تبرق عينيهامليح مليح حتى انا كنت رايحة نعاودو نشري برك ورق الطهي على جال ام تاجو الغالية
من بعد الوصفة رجاءا

المشاركة الأصلية كتبت بواسطة hafedas

السلام عليكم واش راكم نشاءالله بخير عندي سؤال ياريت تساعدوني من فضلكم سؤالي هو ماهو الفاح كيفاش نقولوله فالغرب وشكراا

لفاح هو راس الحانوت ختى

المشاركة الأصلية كتبت بواسطة جازيا ام البنات

ربي يحفظكم ويخليكم لامكم تفرحوها وشكرا لانكم فرحتوني شاطرات معندي مانقول
مكانش لحظات اجمل من انك تشوفي الصغنونات يكبروا ويتعلموا ويحطولك اطايبهم يااااااااااي لحظات وفرحة لاتعوض
باسم الله ماشاء الله ربي يخليهملك وتفرحي بيهم

شكرا جازية على الدعاء للبانتك بالمثل ...يربي يفرحك بيهم

المشاركة الأصلية كتبت بواسطة انا هي رزيقة

حبيبتي ام كاميليا وين راكي حنونتي جبتلك تطبيقي لطورطة البصل و الدجاج تاعك التحفة . ربي يعطيك متتمناي حبيبتي و يسلكك على الف خير ان شاء االله جاتني كيما يحب خاطري و ذوق البصل مع الدجاج و الفرماج فعلا اممممممم و االله تستحق التجريب يا لبنات و طبعا بما انه المسيو شرالي عجينة مورقة فاكيد جابلي معاها ........ايا االشاطرة فيكم تقولي ...... خخخخخ لي معرفتش نعاونها درت هذو بيه

رزيقة بصحتك الطورطة نفرح كي تجربي حاجة وتعجبك .....ههههههههه عرفتا طورطة التفاح بعجنية التوريق .....من بين الوصفات لي راهي تنتضر التجريب
بصحتك ..بصحتك

المشاركة الأصلية كتبت بواسطة lyzzabel

صح فطوركم حبيباتي الغاليات و مطرح ما يسري يمريييي

زقزووووقتي و مريووومة و جازيا و كوثر يتوحشكم الخير و ترحب بيكم الجنة ياااارب والله حتى انا توحشتكم و كنت نسيي نطل عليكم مي معظم الصفحاات ما شفتهممممش المهم الحمد لله كي راكم لاباس حبايبي و ربي يبارك فيكم و في أيامكم و يخليكم ليا يااارب

جازيا بصحتكم الرولي مممممممممم يشهيييي في انتظار الوصفة حبيبتي

زقزوووقتي يا زقزوووقة تارت البصل و الجاج تسخف تسخف يعطيك الف عافية يا الحبيبة و صح صيامك و بصحتكم لا قغيااااد ممممم

حبيباتي نحاول نحمل الصور و نحطهم لعيوونكم و لعيووون حبيبتي ام هدووول باروك الكوزييينة

حقاا مريوومتي الحلوة الف لاباس عليك ديري العسل الحر مع عصير ليمونة و نص م ص قرفة مطحونة و كوليهم دافيييين سييييغتو فالليل قبل ما ترقدي و فالنهار في اي وقت تبغي بصح ما تخرجيش راهي القرفة تحمي الجناااب و بالشفا عليك حبيبتي

اييه و تاني شفت سؤال تاع حفيظة تسقسي على الفاح حنا نقولوله راس الحانوت فالغرب حنوووونة

.

شكرا ليزا......واش حال نفرح كي طلو غير برودوكم ....في اتنضار الباروك ......

[lyzzabel]

و هادي المرقة تاع يامس كان ن ع عرض صحابه للعشا قلت نصورها قدام لا نلهى و ننساها خخخخ

[القناعة كنز]

سلام يا احلى فحلات في الجلفة و الجزاير كاملة
جبت اليوم مسكوتة تاع 2 عظمات(بيضات) و الليمون خفيييييييييفة و بنيييييينة و اقتصادية هي الحق ماش انا اللي خدمتها خخخخ بنت عمي و قلتلها نحطها للبنات يشوفوها

يا رب تعجبكم موااااااحات

[lyzzabel]

الصور ما بغاوش يفوتو في رد واحد ععععع



و هادو الأطباق سربيت فيهم لصحاب ن ع الديكور كنت ناوية على حاجة شابة مي ما لحقنيش الوقت سيغتو كي يوقف الراجل فالكوزينة و يتقلق و زاد حبوبي الصغير طفرهالي فالبيض كان يدي و ياكل و انا لا خبر

[ام هدول]

المشاركة الأصلية كتبت بواسطة انا هي رزيقة

و هذا سحوري الخفوفي الجميل لاني صبحت صايمة اليوم اللهما تقبل مني و من كل الصائمات و الصائمين يا رب و هذا عشانا البارح

ربي يتقبل صيامك ويجعلو في الجنة ...وبصحتك السحور ةلعشا ..الخفف والضريف .....كخفة روحك الطيبة

[ريتاج 09]

مساء الخير وصح غداكم
الف مبروك ام هدول افتتاح هدا الجزء من الكوزينة ربي يجعلها عامرة بالخيرات والمسرات
علابالي راني روطار بصح حبيت نحطلك شوية من خربشاتي

[lyzzabel]

وجدت الطاولات و الماء و الكؤوس و الليموناد قبل ما يجو بصح عجزت نعاود نطلع و نصور عيييييييت بزااااف خخخخ و قدمتلهم مع الطعام سلطة الفواكه المنعشة

[lyzzabel]

و من بعد تيراميييسوووو باااااارد