الجزء163من كوزينة واش طيبتي اليوم ؟؟.؟؟؟.؟؟ - الصفحة 87

omjoujou · 2016-05-02, 07:18

السلام عليكم ورحمة الله وبركاته
صباح الخيرات حبيباتي
توحشتكم بزاااااف كنت في دار بابا ليام لي فاتت جوزت الامتحان تاع مسابقة التعليم و البارح في ليل برك لي روحت لداري
حيوتة وام كاميليا واسيا صباح الانوار
ام كاميليا ان شاء الله ماتشوفي شر وربي معاك
يوم موفق للجميع
سلاااااااااااام

omhadil · 2016-05-02, 08:06

صباح الخير حبيباتى غير دخلت لقييت حبيبتى ام جوجو ليك وحشة كبيرة اختى حتى انا كنت غايبة والحمد لله على سلامتك

أم محمد تاج · 2016-05-02, 08:07

صباحاتي حبيباتي الحلواااات ونهاركم زييين وكروشكم معمرييين
عودة ميمووونة ام الجوووج وام اسلام
ربي يخفف عليك ام كاميليا حنوووووونة
حيوووتة عشاك روووعة تبارك الله يالفحلة
ريمة الورووود يهبلووووو وربي يحفظلك ست الحبايب يارب

ام هدول · 2016-05-02, 08:15

صباح الخير عليكم اهلين بالملتحقات منورين ام جوجو وام اسلام
لي بيني محشين بالمعجون من ارشفي لقهوة الصباح اتفضلو
[url=https://www.0zz0.com][/url

oum islem · 2016-05-02, 08:18

صباحكن سعيد غالياتي
اسيا شكرا بزاف الفحلة على القهوة هداك ما يليق ليا اليوم
أم هدول وام سدرةواريج وحيوتة وكامل لبنات تسلمولي حبيباتي
حيوتة كل عام وريحان بالصحة والسلامة ربي ينجحها ويصلحها يا رب
راني بالتلفون من بعد نحطلها التاغت تاعها

طاطا أريج راكي ما شاء الله عليك كل صبعة بصنعة ولي قاتلهم اقعدو هنا لمحجوبة ياااااااي تقتل وتوووشاتني بزاف حبست المراجعة من تأثير الصدمة

أم هدول يعطيهم الف عافية الغزالات الفحلات ربي ينجحهم وتشوفي ولاد ولادهم

راجعت مليييح وشفت كل خيراتكم ربي يبارك في نعمه عليكم ويزيدكم من فضله ويحفظها من الزوال وربي يديم لمتنا الطيبة
لو ندير اقتباسات راح تخلاص الكوزينة اليوم بصح مش راح ندير باه نشفى عليها ملييح ونستمتع بالصفحات المتبقية

غدانا اليوم بربوشة وعندي ميناج شوية وبزاف الغبرة نكمل ونرجع ليكم واليوم نسمح في قيلولتي كرمالكم :d

نخليكم على خير غالياتي

مع السلامة

oum islem · 2016-05-02, 08:28

ريمة شكرا على الورد يا أجمل وردة وربي يخليلها صحتها ويحفظها ماماك الحبيبة
أم هديل على سلامتك وعطلة سعيدة اختي
ام جوجو بالتوفيق في لكونكووغ تاع التعليم ولا ؟؟؟......
ام تاجو صباح الخير وشكرا يا أبادااي على وقفتك وعلى الوصفات الرائعة لي حطيتيهم مازال سموووثي الرايب تاع النفخ ما تنسايناش راني نعاني

أم هدول يعطيك الصحة على لي بينيي خفاف يهبلو جاو في وقتهم
أم كاميلي ربي يخفف عليك ويسهل حملك وتسلكي بخيير ساعفي رووحك وريحي بدنيا وفكريا شدة وتفوت

ليزاتي الرفيس تاعك يهبل ما لقيت كفاش نذووق يشهيي بلبزاف

لحراير نخليكم نروح نكمل شغالاتي بأقصى سرعة كما شاغلوو ونرجع

omjoujou · 2016-05-02, 08:42

صباحكم سعيد حبيباتي ام تاجوووو ام هديل ام هدول ام اسلام
ام هديل ربي يشفيك حنونة امبعد طمنينا وش قالولك على التحاليل لي درتيهم
ام اسلام بصحتك لقعاد في دار والديك وربي يحفظهوملك ويطوللهم في اعمارهم
حقا كملي وش تقصدي بالكونكوغ تاع التعليم ولا؟؟؟؟؟........ اديني على قد عقلي خخخخخخ
ربي يعينك على الميناج

x ام رحاب x · 2016-05-02, 08:46

صباحكم اسعد حبيباتي جبتلكم مقرقشات ام هدول تشربو بيهم القهوة وليا رجعة راهي جايتني اختي ربي ان شاء الله اتلحق بالف خير
G]https://www9.0zz0.com/2016/05/02/10/358528972.jpg[/IMG]

مقرقشات ام هدول تسلم ايديه

oum islem · 2016-05-02, 08:53

الحبيبة الغالية أم رحاب شكرا على القريوش الله يحلي أيامك وطريق السلامة لأختك استمتعي بالقعدة معاها

أم الجوجو حبيت نقول تعليم ولا طبخ ولا حلاقة ولا واش من تخصص ؟.؟
اللهم امين ربي يخليلنا والدينا ويرحم الأموات منهم
واش هو غداك ؟؟ أنا بربوشة اذا تحبي تعاندي

كل الملتحقات يومكن موفق

مع السلامة

omjoujou · 2016-05-02, 08:57

ام اسلام حتى انا غدايا بربوشة راهي قريب تطيب خخخخ
اما الكونكوغ لي عقبتو تاع توظيف الاساتذة
ام رحاب المقرقشات خرجولك رووووعة بصحتكم بصح بلاكي تكثري منهم لايطلعلك السكر
ربي يوصل اختك على خير

كوثر التائبة · 2016-05-02, 09:23

صباح الخير كل شيء يشهي من المالح الحلو
انا فطوري ادا كتب ربي محاجب

جازيا ام البنات · 2016-05-02, 09:29

صباحكم ورد يااحلى النحلات ربي ينجحك ام جوجو وتتحصلي على الوظيفة حياة عيد ميلاد سعيد لريحان وكل عام وهي بالف خير وان شاء الله تشوفيها في اعلى المراتب يارب الله يشفي كل مريض يوم موفق وسعيد للجميع

جازيا ام البنات · 2016-05-02, 09:30

غداي باذن الله قراتان الكرمب

lyzzabel · 2016-05-02, 09:32

السلااام عليكم و رحمة الله ،، أحلى صباااح حبيباتي الغاليااات و نهاركم طيييب

غاليتي ام إسلاام على سلاااامتك توحشششتك و بصحتك الزيارة عند الوالدين ربي يخليهم و يطول في اعمارهم و يرزقكم رضاااهم ياااارب ،، و تسلمييي على كلامك الجميييل عيونك الحلوييين دومااااج ما ننجموش ندوقو بعضنا كيما قلتي و تفضلي طبسي خص نص ليك كيما تقولو

حيوووتة بصحتها ريحااانة ماماها العمر كله يااارب و تشوفيها أحلى و أجمل عروووس ياارب بوسيهالي منا و منا و قوليلها كل عام و انت بأف خيير يااارب

ام هدوول صحيتي كليوم تجيبيلي حاجة تسخفيني بيها و انا ما عندي قايمة نعاندك خخخخ و ماشاء الله على بناتك الغريبية لي داروها تهبلب تهبل و قوليلهم الجمهووور راه يطالب بالوصفة واقيلا ماراكيش تراجعي درووسك خخخخ و كنت اقترحت عليك وحد الحاجة ما نظنش شفتيها

سكروووور صباح الفل و الورد ما قلتيلناش فطورك شاوالا اليوووم و بصحتك لي فراااز من عند الغااالي و حقي وين راه مممممم هههه ربي يخليه و يطول في عمره و يعيش و يجيبلك يااارب

حقا حبيبتي ام اسلاام شفت تطبيقاتك للتارت بكريمة البرتقاااال المزركشة من طرف الفنانين لي عندك فالدااااار يؤبشوووني ههههه و شفت البرانية تأمني شهتنييي مووووت تقول عمري ما كليتها أكيييد لأنها من يديك ممممم بصحتكم يا الغااالية و شكرااا على الثقة مواااااح

ام جووجوو ربي يوفقك حبيبتي و تسمعينا الأخبار المفرحة ياااارب

ريييمة المقرووظ روووعة روووعة تسلميييي حبيبتي و شكرااا على الوروود الجميييلة الفواااحة ممممم انا ندي الوردة الصفراء عجبتني مووووت و فكرتني بذكرياااات جميييييلة و في نفس الوقت نتألم و نبكي كي نتفكرها ،، ربي يحفظلك ماماك و يمتعها بدوام الصحة و العافية اللهم آميييين

مريووومة اليوم مازال ما طليتيييش وين راكي غاطسة و شاراكي تلبزي قري

ام خديجة بصحته الوالد الكيك و بصحتك الفووول حنووونة و ربي يخليهلكم يارب

ام ساارة و بحووورة يعطيكم الصحة على الطياباات و كيكة التفاااح حبيباتي

زقزوووقة يااااي تعجبيني مين تقولي أرشيفي الجمييييييل لأنه فعلاااا جميييييل و رااائع كروعتك حنووونة

مييمتي الحنييينة ربي يوصل أختك بخيير و سلاامة ياارب والله راني فرحااانة في بلاصتك ربي يجمعكم دايما فالأفراح يارب

هادو لي عقلت عليهم و لي نسيتها أكييييد سهواااا و حقها عليا

و دروك شكوووون الشاااااطرة لي تجي تعاونيييييييييي

اللهم ما أصبح بي من نعمة أو بأحد من خلقك فمنك وحدك لا شريك لك فلك الحمد و لك الشكر

lyzzabel · 2016-05-02, 09:47

مممممم جازيا جبتيلنا الورووود و ريحة الربيييع ربي يزهي اياامك و بصحتكم غراتان الكرمب ،، كي راكي حنوونة ريحتي شوية من دراعك ؟؟

ام إسلاام بصحتكم الطعام حبيبتي

حقا ام كاااميي ربي يشفيك و يعافيك حبيبتي انا تاني راني كيفك تقريبا كليوم حتى نعد روحي في عداد الأموات و الحمد لله على كل حال ،، يامس ما نجمتش نراسلك راحتي الكونيكسيون و قعدت قاع النهار رهههههج حتى للصباح لقيتها مليحة ،، من بعد نراسلك حنوووونة

نخليكم في لامان و فطوري راكم عرفتوه بلا ما نقوللكم خخخخ نشمر على درعتي و نتكل على روحي بويسك حتى وحدة ما بغات تعاوني ،، هيا سلااااام و ربي يعاونكم حبيباتي

حسبي الله لا إله إلا هو عليه توكلت و هو رب العرش العظيم