خليفة يجيب على جميع أسئلتكم فيما يخّص السيراميك

[عطر الملكة]

السلام عليكم و رحمة الله تعالى و بركاته
أخ خليفة الله يحفظك و يرضى عليك بغيت نستشيرك انصحني عندي مشكل في وحد السكن راني نبني فيه

القصة اني لما اشتريت هذ السكن كانت مبنية فيه غرفة وحدة و محفور فيه خزان ماء هذا ما كان انا طبعا كملت الجزء المتبقي من البناء حاليا راه 2 غرف و مساحة صغيرة عولت نعملها مطبخ مؤقت حتى نقدر نكمل الطابق الأول لانو ميزانيتي شوية محدوة و طبعا المرحاض اعزك الله و مطلعة سكاليات للفوق بمعنى الطابق نتاع الروت شوصي يسمى كمل خاصو الفينيسيون

المشكل في خزان الماء جا المدخل نتاعو في الغرفة الي رايحة نديرها صالون انا في الاول ما كنتش معولة نديرها صالون كنا مخططين نديروها كراج قلنا معليهش كي يكون فيه الخزان مي كي غيرنا المخطط نتاعنا يسمى مدخل ريزارف في وسط صالون ماهيش لوجيك حاليا راني رايحة نركب الكارلاج مي حاصلة في حكاية الفتحة نتاعو واش نديرلها كاين الي قالولي اردميه واتهناي و ديري صهريج فوق السطح و كاين الي قالولي لالا ديريلوا غطى يكون مغلف بنفس لون الكرلاج الي رايحة تعمليه و ديريلوا كريبي ولا ما نعرف واش سميتها باش كي يتعمر الما ما يفيضش على الدار مي انا ما عجبتنيش الفكرة مطلقا يعني ريزارف وسط غرفة يخلق حتى مشكل الميديتي
و الله حرت ما عرفت واش ندير من جهة خسرنا عليه الدراهم و من جهة بلاصتو ماهيش طايحة كامل يفسد منظر الصالون كامل
انصحني على وجه ربي و اسمحلي طولت عليك