دورة تعلم صنع عجينة السيراميك والتشكيل بها ..ادخلي شاركينا واتعلمي حرفة .. مع klodia26_dz .. ^^"

[ميمي ناصر 22]

ربي يجازيك كل خير حنونة
ايه فن التشكيل بعجينة السيراميك هايل انا جربتها مي مكملتش فيها
بالمنلسبة كانت كاينة دورة في فن السيراميك و مواضيع بزاف لهدا الفن منو موضوع انا نقلتو مهوش من اعمالي فيه كيفاه تصنعي ورود بعجينة السيراميك
ان شاء الله نكون من المتتبعات للدورة و نحاول نطبق الا ساعفني الحال
وربي يجازيك الجنة
تقبلي مروري

[om bari]

المشاركة الأصلية كتبت بواسطة klodia26_dz

البسملة1

السلام عليكم ورحمة


مساء النور بنات .. ان شاء الله تكونو كامل بألف خير وصحة وعافية




اممم اليوم جيتكم بشي جديد ماشي كيما لعادة نصائح أو وصفات

اليوم جيتكم بحرفة وحابتكم تشاركوني فيها وتتعلموها ممكن تفيدكم شي يوم كيما فادتني انا والحمد لله :d




الحرفة هاذي ممكن شفتو عليها شوية من قبل وممكن فيكم الي حاولت تجربتها أو حاولت تعرف طريقة عملها وما عرفتش

والي استغربت منها انو مازال ماكنش موضوع هنا في قسم الأشغال اليديوية على عجينة السيراميك رغم انها من أجمل الأشغال والإبداعات



ان شاء الله انا رح نعمللكم دورة لتعليم طريقة عمل العجينة والتشكيل بيها مثل الأمثلة " الأشكال " الي في الفيديو أو أكثر بإذن الله






هذا الشكل الي في الصورة واحد فقط من باقي الموديلات علابالي بنات كامل تحبو هاذ لخرايب .. على هذا حبيت ويسعدني لو انو كل وحدة تقدر تخدم شي ولو بسيط من يدها وهكذا تكسبو حرفة وأيضا المتزوجات ما تعرفيش بعيد الشر وش رح يصير في حياتكم ممكن رح تلقاي الحرفة هاذي تساعدك على دخل وفقط وانتي فالبيت ..



بصراحة انا عملت الحرفة هاذي كانت مجرد هواية فقط ثم جاني عليها اقبال كبير وهذا الي خلاني كل مرة نزيد نتعلم شي جديد فيها لكن وقفتها مع الاسف هاذ الأعوام الاخيرة لأسباب شخصية ..

لكن كي فكرت قلت انا حبستها علاش ما نفيدش بيها بنات أو نساء هما بحاجة ليها اكثر مني



ما نطولش عليكم اكثر نخليكم مع الفديو بنات والي حابة تتعلم الطريقة وتتبع معانا الدروس تشارك في الدورة

رح نعملها على شكل دروس وبالفيديو وبالشرح المفصل والمبسط وتنجحو فيها كامل بإذن الله ..

.


فيديو أعمالي هنا : https://cutt.us/klodia

.


ادخلو للفيديو ما يفوتكمش أشكال قلوب وسمايلات فيس بوك رووعة وغيرههم ...




ايا شكون حابة تنضم لينا في الدروة ؟

وان شاء الله اذا شفت تفاعل معاكم وتطبيق للدروس نحاول نتفق مع المشرفات ونعلمو مسابقات وتكون فيها جوائز ان أمكن



انتظروني قريب ان شاء الله









اختكم في الله klodia26_dz

ما شاء الله أختي ربي يبارك

[ام ندى 87]

ربي يباركلك في صحتك اختي حمستيني بزاف ودا حب ربي اكيد راح نطبق معاك

[* دموع الشوق *]

انااااااااااااااااا جد متحمسة
ديري الكوراج و ابداااااااااي رانا معااااااااااااك..........ههههههههههه
بارك الله فيك

[نور المستقبل]

السلام عليكم بارك الله فيك راني معكن في الدورة

[هاجر 76]

السلام عليك حبيبة الف شكر ليك حبيبة على الدورة مميزة حابة نشارك معاكم ونتعلم فن السيراميك

[لآلئ]

السلام عليكم
يشرفني الانضمام اليكن وشكرا على هذه الدورة