نجحت في مسابقة رئيس محقق رئيسي للمنافسة

[وردة الباهية]

المشاركة الأصلية كتبت بواسطة amir 004

بالنسبة لمكان العمل كل مديرية و كيفاه خاصة لك على الاغلب يكون كالتالي :
كي يعيطولك تمضي محضر التنصيب و هذا يعني انك حكمتي الخدمة 100 بالمئة و ممكن يطلبو عليك ملف تكمليه
تقدري تخدمي في المديرية الولائية لعدة أيام و ثم تقدمي طلي تبديل أو نقل و تكون عملية سهلة اذا عندك معريفة أو تتكلمي مع المدير مباشرة و تقدري تخدمي لعدة أشهر و من ثم تطلبي التبديل و احتمال اخر في حالة كاين منصب فارغ في المفتشية الموجودة في البلدية تاعك مباشرة يعينوك فيها و تتهناي ..هذه جميع الاحتمالات
بالنسبة للعمل في المديرية هذا سيكون حسب طبيعة المكتب لي يحطوك فيه ممكن مصلحة النزاعات ممكن الاسواق و الفضاءات التجارية و فيها حوايج ملاح مثلا تكوني على اطلاع بكل صغيرة و كبيرة المسابقات الترقيات الخ
في المفتشية مقسمة الى فرق يعني تخدمي مع راجل او امراة حسب اختيارك بالتشاور مع رئيس المفتشية
بالنسبة للعمل ماتخرجيش كل يوم لازمك تشتغلي بذكاء نهار تخرجي للمراقبة و تحرير الاستدعاءات و تمدي موعد للتجار و تحدي النهار لي تستقبلي فيه التاجر لي عندو كلش مليح يروح يروح و لي عندو مخالفة تهزي المعلومات تاعو
كي تكملي تختاري الوقت لي تحري فيه المحاضر و باقي الوقت تقراي الجريدة ...
هذا بصفةعامة و عندك مثلا تخدمي اسادعاءات لمراقبة الحسابات الاجتماعية للشركات و مراقبة المقاولين للاسمنت هذا الامور تتعلميها بالدرجة و الممارسة و حسب التخصص لي تحكميه في المديرية
لكن حاليا بما انك جديدة و ما عندكش بطاقة التفويض بعمل تقدري تقدمي المساعدة و تتعلمي فقط لانك ماكيش محمية قانونيا

محقق رئيسي للمنافسة و التحقيقات الاقتصادية هو الذي يراقب في المحلات التجارية تاريخ استهلاك السلع ........الخ من الذي يقو بالمراقبة
هل من حق المراقب ان يفتش arrière beautique

[وردة الباهية]

لما يدخل المراقب من حق صاحب المحل ان يطلب بطاقة المهنة +امر بمهمة ممكن بعض التوضيحات

[chabibadz]

المشاركة الأصلية كتبت بواسطة cilia

السلام عليكم
انا اليوم عيطولي و قالولي نجحتي في مسابقة رئيس محقق رئيسي للمنافسة و التحقيقات الاقتصادية و قالولي ربحتي ، الحمد لله
بصح خوفوني من هذي الخدمة و قالولي ماشي مليحة للاناث انا راني حايرة و معرفتش واش ندير بغيت منكم كاش واحد يخدم نفس الخدمة يقولي و خاصة البنات

مبروك عليك الوظيفة ولكن الوظيفة هذه لاتناسب النساء ولا تسمعي للذي قال تقراي الجرائد وتشبعي راحة .
أكثر أوقات العمل تكون في الميدان اي مراقبة التجار و المؤسسات ومايصحب ذلك من مشاكل منها على سبيل المثال لا الحصر .. الاعتداءات على اعوان التجارة من طرف التجار من العنف اللفضى الى العنف الجسدي .. تخيلي تروحي لتاجر وتحاولي تغلقيلو المحل ديالو ليوكل بيه ولادو ماذا سيكون رد فعله ؟؟؟ . وكذا بعض التجار اصحاب النفوذ والمعريفة اقولك امشي منا وديري واش تحبي مانيش سامع بيك . الكثير من الاعوان تعرضو للاعتداء والضرب من التجار مرة في احد اسواق الخضر قذفو الاعوان بلعبارات تاع الميزان وكادت توقع ضحايا ...الخ
اضافة الى المداومة في ايام الاعياد والعطل .
اضافة الى انك تتنقلي للمراقبة باموالك الخاصة في اغلب الاحيان لعدم توفر سيارات الخدمة وتكوني مجبرة على تحرير عدد معين من المحاضر ...وطبعا كل هذا يختلف من مديرية الى اخرى

[chabibadz]

المشاركة الأصلية كتبت بواسطة amir 004

خدمة مليحة راقدة و تمونجي عندك محاضر كل 15 يوم تحاسبي بيهم و ارقدي
الراتب 32800 دج المنحة 15000 كل 3 أشهر و 10000 كل 6 اشهر
ماكيش ملزمة باه تعملي في المكتب 80 بالمئة في الخارج
المهم نوصيك حاجة مهمة كي تنطلقي في العمل ردي بالك يخرجوك في مهمة مراقبة بدون أمر بمهمة أو قبل ما يخدمولك البطاقة تاعك الخاصة بالتفويض بالعمل
أي استفسار تفضل راني فس الوظيفة
أتمنى ان اكو افدت الجميع و الف مبروك للناجحين

أعوان الرقابة فهمو رواحكم من جيهة تقولو راقدة وتمونجي وشابعين راحة وتقراو فالجرنان .. ومن جيهة واحد اخرى تقولو حنا محقورين ونتعبو ونتعرضو لمخاطر في العمل الميداني وضغوطات المسؤولين واجبارنا على تحرير المحاضر وعدم توفر الامكانيات للعمل وبلي تتعبو بزاف وماتخلصوش مليحة مقارنة بالمجهود المبذول وتقارنو روحكم بعمال المالية لعندهم لابريم ولافارسي كثر منكم وديرو في الاحتجاجات والنقابات ...الخ

والله مطفرة غير فالاسلاك المشتركة

[chouaib.fcb]

هههه مانيش حاب نطيحلك المورال المهم ربي يكون في عونك عمل يجلب الكثير من المشاكل

[ali19932009]

سلام عليكم سيليا نقولك بالبركة عليك هاذ المنصب وإلي يخدم في طريق المستقيم ما عنده ما يخاف

[amir 004]

المشاركة الأصلية كتبت بواسطة chabibadz

أعوان الرقابة فهمو رواحكم من جيهة تقولو راقدة وتمونجي وشابعين راحة وتقراو فالجرنان .. ومن جيهة واحد اخرى تقولو حنا محقورين ونتعبو ونتعرضو لمخاطر في العمل الميداني وضغوطات المسؤولين واجبارنا على تحرير المحاضر وعدم توفر الامكانيات للعمل وبلي تتعبو بزاف وماتخلصوش مليحة مقارنة بالمجهود المبذول وتقارنو روحكم بعمال المالية لعندهم لابريم ولافارسي كثر منكم وديرو في الاحتجاجات والنقابات ...الخ

والله مطفرة غير فالاسلاك المشتركة

عندك الحق الشهرية طايحة و مقارنة مع الادارات الاخرين رانا محقورين وخاصة مع البمسؤولين يحبو 100 محضر في 15 يوم
للاسف الشديد لا نقابة ة لا خدمات اجتماعية و لا ترقيات و لا شيئ

[قسيس علي]

المشاركة الأصلية كتبت بواسطة فرناس وهران

فقط لا تستمعي لمثل هذه الاقاويل و الهدف منها داخل الادارة هي ابعاد العنصر النسوي لانها عاطفية نوعا ما اكثر من الرجال مما يؤثر على عملها . و هذا نظريا اما تطبيقيا امر اخر .
ما يهمناش من الاقاويل لكن عمل المرأة في هذا المجال افضل من الرجل من نواحي لا اذكرها و ستعرفين ذلك مع الوقت في العمل .
و تذكري دائما هذا الموضوع في الرابط و كيف كنت تبحثين ههههههههههه
https://www.djelfa.info/vb/showthread.php?t=1657804

أعمل رئيس محقق رئيسي للمنافسة والتحقيقات الاقتصادية لولاية الجزائر أقول للأخ فرناس اتق الله في نفسك ولا تقفوا ما ليس لك به علم
ونصيحة للفتاة المهنة لا تصلح للذكر فما بالك الأنثى
حسبي الله ونعم الوكيل

[imad1024]

بارك الله فيك

[imad1024]

بالتوفيق أن شاء الله