|
قسم الطبخ و المأكولات لتبادل الخبرات في مجال الطبخ والأطباق المتنوعة الجزائرية و العربية ... |
في حال وجود أي مواضيع أو ردود مُخالفة من قبل الأعضاء، يُرجى الإبلاغ عنها فورًا باستخدام أيقونة ( تقرير عن مشاركة سيئة )، و الموجودة أسفل كل مشاركة .
آخر المواضيع |
|
الدرس التاني من مدرسة تعليم فنون الطبخ
|
أدوات الموضوع | انواع عرض الموضوع |
2016-02-07, 16:58 | رقم المشاركة : 1 | ||||
|
الدرس التاني من مدرسة تعليم فنون الطبخ
البسملة1
درسنا اليوم عبارة عن وجبة محببة لدى الجميع صغار وكبار واخترتها لكم بكل اسرارا ها وان شاء الله تنال رضاكم درس اليوم هو الشورما عبارة عن طبق رئيسي غني كامل ومتكامل نبداو على بركة الله طريقة الخبز ومن عجينة واحدة رح نعمل اكتر من نوع خبز للشورما نحتاج الى : اولا: نذوب 2 مغارف كبار خميرة و2 مغارف كبار سكر في قليل من الماء الدافئ نمزج 4 كؤوس فرينة مغرف كبيرة حليب بودر او لحظة 4 مغارف كبار زيت ملح حوالي نص مغرف كبيرة نضيف الخميرة بعدما تكون خمرت .ماتاخذش وقت 5 د لااكتر ونعجن بالماء الدافي حتى نتحصل على عجينة طرية تلتصق في اليدين لااازم تكون طرية نبلل يدي بالماء وننفض العجين كما نديرو في جينة المحاجب نخلي العجين يختمر 30د فقط نهبط العجين وبالاستعانة بالفرينة ندير قرصات باحجام مختلفة من بعد تفهموا علاه الحجم مختلف نبدى على بركة الله في التشكيل هنا رح نشكل خبز البانيني نفرد العجينة رقيقة ونلف كما هو موضح ونخليها تختمر مدة ساعة كاملة هنا نقرص الخبزات فوق السميد ونخليهم يخمروا مدة ساعة ايضا هنا نحل بالحلال القرصات الصغار وهنا نحل القرصات الكبار رقاق عكس لي قبل لانو هذو رح نلف فيهم الشورمة مش نحشيهم يرحو 5 د لاغير ونكونوا سخنا مقلاة تيفال او طاجين الحديد ونبدى نطيب كي يسخن ملييييح نقص للنار خلاص نحط اول قرصة بديت نحلها ولما تشكل فقاعات نقلبها مباشرة رح تلاحظو انها بدات تنتفخ نقلبا بخذر باه طيب من كل الجوانب ونحاذر ماتتثقبش لانو رح يخرج كامل الهواء لي فيها وماتنتفخش بشكل مرضي هنا نكمل نطيب البقية نغطيهم مليح ونديرهم في ساشي لوقت الاستعمال بعد مرور ساعة نطيب الخبزات لي بقاو هنا نسخن الفرن مليييييح مع السنيوة ونحط الخبزة تطيب من فوق يعني نشعل الشواية ذ وهادو نطيبهم كما مالفين نطيبوا الخبز الان نحضر صوص التومية اللي هي الاساس في الشورما السورية ولاغنى عنها وماازمش تتبدل باي صلصة اخرى الطريقة ناجحة وبسيطة ومقاديرها مضبوطة كاس ماء + مغرف كبيرة ونص نشاء نحركهم مليح ونديرهم على النار حتى يغلوا نحرك تحريكة مليحة ونطفي مالازمش تغلي بزاف فوق النار لانو من بعد رح ينفصل الماء وتفسد الصلصة نخليها تبرد ونديرها في الثلاجة تبرد وتتماسك مليح من بعد نديرها في ميكسور لاااازم ميكسور او براميكسور او الطاس لي يجي مع البيترا نحط خليط النشاء مع 2 سنات توم ونميكسي مليح باه يترحى التوم من بعد نبدى نضيف 4مغارف كبار زيت على دفعات كل مرة مغرف ونمكسي مليح حتى يروح اثر الزيت ونزيد نكمل المغرف الموالية ونمكسي حتى نكمل نضيف عصرة قارص وملح حتى يتعدل الذوق نخلط مليح وصارت جاهزة لنجاحها برك لازمها تتخلط مليح مليح الان نطيب الدجاج او السكالوب لي تبلناه وخليناه يتشرب صدر دجاج او طرف اسكالوب مقطع قطع صغيرة وملح وفلفل اسود فلفل احمر حار وتوابل الذواقة وراس حانوت وكمون وعصير نص حبة قارص 2 مغارف زيت ونص مغرف موطارد ونص مغرف طماطم مصبرة ونخلطهم ونخليه يتشرب من بعد نطيبهم بلااضافات لازيت ولاماء نظل نحرك حتى يطيب ويتشرب كل الصوص لي نزلوا نحضر بطاطا مقلية وسلاطة وطماطم وكاضافة مايونيز بلفلفل الحار ونبدى نحشي كما هو موضح وكل واحد وذوقه هنا فرغت الخبزات من داخل باه يبقى مكان للحشو والخبز من داخل طري وكي الاسفنجة هنا لفيت الشورمة اخر حبزتين حشيتهم هوما لي رمدتهم في السميد وطيبتهم مايحتاجوش باه نحمصوهم كما البقية وكان هذا درس اليوم اتمنى يكون في المستوى ويحوز على رضاكم لي عودة للرد على استفساراتكم اي خطأ في الكتابة او ماشابه راجع لثقل النت ولاني نكتب ونعاود مرات ومرات فــ عذرااا
|
||||
2016-02-07, 17:02 | رقم المشاركة : 2 | |||
|
يعطيك الصحة ام كوثر وصفة هايلة |
|||
2016-02-07, 17:05 | رقم المشاركة : 3 | |||
|
ربي يحفضك وجزيك كل خير من الصباح وان نستنى في الدرس 2انتضري تطبيقي بحول الله يكون ناجح |
|||
2016-02-07, 17:07 | رقم المشاركة : 4 | |||
|
يعطيك الصحة وصفة خفيفة والناس كامل تحبها بارك الله فيك |
|||
2016-02-07, 17:09 | رقم المشاركة : 5 | |||
|
بارك الله فيك قيد التجريب ان شاء الله |
|||
2016-02-07, 17:11 | رقم المشاركة : 6 | |||
|
من الصباح و انا نستنا راااااائعة الله يعطيك الف عافية |
|||
2016-02-07, 17:11 | رقم المشاركة : 7 | |||
|
يعطيك الصحه طبق الشاوارما محبوب الجماهير كبار وصغار عندي سوال واحد لازم نطبقو كل انواع الخبز ولا ما عليهش نوع واحد برك |
|||
2016-02-07, 17:16 | رقم المشاركة : 8 | |||
|
واو يعطيك الصحة وصفة وعليها الكلام غير خرجت من الخدمة جيت نجري نشوف الدرس الثاني |
|||
2016-02-07, 17:26 | رقم المشاركة : 9 | |||
|
درس رائع بارك لله فيك |
|||
2016-02-07, 17:32 | رقم المشاركة : 10 | |||
|
بارك الله فيك و ربي يجعلها في ميزان حسناتك |
|||
2016-02-07, 17:39 | رقم المشاركة : 11 | |||
|
ربي يجازيك خير اختي ام كوثر... بالنسبة لا صوص التومية نضيفها كطبقة في الحشو او ننخلطها مع المكونات بعدما يكونو طابو .و شكرا الفف شكر |
|||
2016-02-07, 17:46 | رقم المشاركة : 12 | |||
|
اختيار في القمة شكرا عزيزتي |
|||
2016-02-07, 17:47 | رقم المشاركة : 13 | |||
|
بارك الله فيكم اخواتي |
|||
2016-02-07, 17:49 | رقم المشاركة : 14 | |||
|
صلصة التومية ندهن بيها الخبز كاول طبقة ومن بعد نكمل الحشو |
|||
2016-02-07, 17:50 | رقم المشاركة : 15 | |||
|
ربي يجازيك ام كوثر بصح كيفاه اجباري نطبقو كا الانواع تاع الخبز ولا نوع واحد |
|||
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc