من تطبق الباترون معي خطوة بخطوة

[بوسوار]

مساء الخير اخواتي وبالاخص الاستاذة راني حصلت
1- في البيروكي كيفاش نحطها لرسم المنحنيين الاخيرين للاوراك و خط أَ بَ سً حطيتها ورسمت بصح مقتنعت بالشكل من فضللك اعطيني قاعدة لها
2 - اما الخطين المائلين لتضييق الجنب الذي طولهما 14 سم يمران من النقطتين لً لًَ هل يشكلان زاية قائمة مع خط الخصر ام يكملان ميلانهما اي لا يشكلان زاوية قائمة مع خط الخصر
2- راني شوفت وحد الشرح نتاعك لوحد الاخت عن التضييق قلتيلها التضييق نقسموه على 3 بصح احنا قلنا ندو منه 3سم نحطوها في الجنب والباقي نقسموه على 2 ناتج واحد لبنسة الامام والاخرلبنسة الخلف
اما بالنسبة لهروبك من عند اختك راكي هربتي من عند اخت وحدة ورحت لخواتتك بزاف راني دعيتلك اليوم الجمعة ونويت حاجة مليحة عليك

[اراجيز]

المشاركة الأصلية كتبت بواسطة بوسوار

مساء الخير اخواتي وبالاخص الاستاذة راني حصلت
1- في البيروكي كيفاش نحطها لرسم المنحنيين الاخيرين للاوراك و خط أَ بَ سً حطيتها ورسمت بصح مقتنعت بالشكل من فضللك اعطيني قاعدة لها
2 - اما الخطين المائلين لتضييق الجنب الذي طولهما 14 سم يمران من النقطتين لً لًَ هل يشكلان زاية قائمة مع خط الخصر ام يكملان ميلانهما اي لا يشكلان زاوية قائمة مع خط الخصر
2- راني شوفت وحد الشرح نتاعك لوحد الاخت عن التضييق قلتيلها التضييق نقسموه على 3 بصح احنا قلنا ندو منه 3سم نحطوها في الجنب والباقي نقسموه على 2 ناتج واحد لبنسة الامام والاخرلبنسة الخلف
اما بالنسبة لهروبك من عند اختك راكي هربتي من عند اخت وحدة ورحت لخواتتك بزاف راني دعيتلك اليوم الجمعة ونويت حاجة مليحة عليك

مساء النور حنونة

اسمحيلي مكنتش في الدار كنت بايتة عند اختي

بالنسبة للبيروكي لو كان تشري الكبير خير لان البرتقالي مهوش عملي

وحاولي تصوري العمل والبيروكي محطوط باش نقلك اذا تطلعيه لفوق ولا تنزليه لانه ماكانش قاعدة معينة فقط بالملاحظة والممارسة

وراكي استعملتيه مليح في البترون الاخر شوفي كيفاه حطتيه

بالنسبة للتضييق نقسموا على ثلاثة يعني 10.7 نقسموها على 3 تعطينا 3 والباقي 1.7 نقسموه على الامام والخلف

وشوفي البترون نتاع الكم راني حطيتوا

[اراجيز]

اختي البيروكي راكي قالباتو حطي الجهة الرقيقة من فوق

بالنسبة لـ الخط الي سالتي عليه تروحي مائل ومن بعد عمودي 1 سم فقط

[بوسوار]

مساء الخير استاذة كيراكي دايرة نشالله لاباس اختي صبري معايا غي شوي و تتهناي من بعد مابقاليش بزاف باه نفهم مليح التضييق = 10.7 سم

النتيجة نقسمها على خط الجنب وقرصة الامام والخلف

نضع 3 سم في الجنب والباقي نقسمه على الامام والخلف بالتساوي

عرض فرصة الامام والخلف متساويين

معناها 10.7 - 3 = 7.7 سم

7.7سم نقسمها على الامام والخلف

7.7/2 =3.85 سم هذا شرحتيهلي كيماهاك من قبل ماقلتيليش نقسموهم على 3بالتساوي قلتي ندوا3و الباقي نقسموه على 2
اما الشرح نتاع اليوم كيفاه ندوا تجينا 3 ثلاث مرات و1.7 والله تخربت قلت تهنيت بقالي غي البيروكي راه خرجلي حساب وحداخر


الكم راني كملته يا استاذة

[اراجيز]

مكيش غالطة بصح لوكان التضييق مثلا 12 ميش راح ندو 3 للجنب والباقي نقسموه ندو 4 لكل جنب

يعني كي نقسمو لازم الامام والخلف يدو كيف كيف

[بوسوار]

واه علبالي الامام والخلف كيف كيف اناقوليلي جنب نعطوله كيما الخلف والامام او كيفاه هذيك4

[اراجيز]

المشاركة الأصلية كتبت بواسطة بوسوار

واه علبالي الامام والخلف كيف كيف اناقوليلي جنب نعطوله كيما الخلف والامام او كيفاه هذيك4

هي الاستاذة قلتلنا الامام والخلف نعطولهم شوية اكثر من الجنب احيانا بـ0.25 بصح انا نعطيلهم كيفكيف وجيني الخياطة هايلة وقدقد

[اراجيز]

بصح راني نشوف فيك غير انتي لي راكي تطبقي معايا وين راهم لبنات

راهم يطلعو في المواضيع لقديمة بلا تصاور ويقولو رانا حابين نتعلمو

كيفاش يتعلمو وهوما ما يطبقوش

[بوسوار]

هنا تقصدي نقسموا التضييق على3 وهذا يتنافى مع شرح الباترون

[اراجيز]

مسقسيتكش على الكم معياكش؟

[بوسوار]

نشالله ميجوكش نساء كيما انا سينو تهبلي

[بوسوار]

والو بالعكس غدوا نصورهلك في المساء لخاطر الصباح جايني ضياف

[اراجيز]

المشاركة الأصلية كتبت بواسطة بوسوار

نشالله ميجوكش نساء كيما انا سينو تهبلي

والله ما هبلتيني العكس والفتك

البارح كي كنت عند اختي الانترنت نتاعها كانت حابسة

عيطت لراجلي في التلفون وقلت له شوف بوسوار اذا راهي مكنكتيا ووش كتبت

رد عليك وكتبلك اسمحيلي الكنكسيو راهي ثقيلة

[بوسوار]

ربي يحفظك والله غي ربي يجازيك ويفرح نشالله ياربي صدقيني غي نويتللك حاجة شابة عند ربي نقولهاك في الرسائل الخاصة

[اراجيز]

ان شاء الله

انا عييت من الردود باش غير نوصل لـ 500 مشاركة ونقدر نكتبلك رسالة خاصة