انتحاري البطئ...

[مشكلتي]

السلام عليكم ..ارجو ان تنصحوني لاني حقا محتاجة لذلك ...انا جد متعبة ليس لدي مشكله بل مشاكل نفسية و جسمية ..لا ادري اين ابدا و اين انتهي ..لا شئ يفرحني تعبت من هذه الدنيا ..من صغري و انا اعاتب نفسي لشىء لم افعله ..(تحرش جنسي ) حتى اني لا احس اني امراة كبرت مع هذا الذنب و رجع عليا سلبا ..كبرت و انا احاول اصلاح النقص الذي فيا و الذي زاد عليا بفي هذا السؤ بيني و بين نفسى ...انا الان في 28 من عمري احس كاني في 60 صديفاتي كلهم يا خدامات يا متزوجات و انا لا شىء ...لا شىء.حتى اذا احد لخطبتي لا يرجع ..حتى توسوت ومرضت .ما زاد الطين بلة امي التي يوم كامل وهي تعايرني الينات شاطرات و انت ..هل حتى في الزواج شطارة..والله حتى اني بدات اغير من ا ..صغار و تزوجو لا تقولولي تحملي و الله تحملت بزااف انا الان مريضة و جسمي اصيح جد نحيل لاني لا اكل و لا اشرب ..نفسيتي تعبانة تحت الصفر كؤهت كل شىء حتى نفسي كرهتها ...ارجو منكم النصيحة و بدون تجريح اريد ان ارتاح و ان اقف على رجليا من جديد ..و ادعولي معكم يارك الله فيكم

[نور لاتراه]

السلام عليكم
الشطارة انكِ تثقي بان الرزق من الله وبيد الله
فاتقتربي منه فالامر كله بيده
أبعدي عنك تلك الوساوس وادعي الله بيقين
أصلح الله حالكِ

[محارب الحمق]

اجل الزواج شطارة, ما معنى ذلك؟ معنى ذلك ان تنامي باكرا, تستيقظي باكرا للصلاة (سنة وفرض), ان تأكلي فطورا مغذيا, ان تهتمي ببشرتك وشعرك ان امكن, ان تساعدي الام في اعمال المنزل ان كنت لا تدرسين او انهيت الدراسة, ان تطالعي الكتب وخاصة كتب الدين فالتفقه في الدين فرض عين اوتتصفحي المواقع المفيدة ان امكن. ان تتغذي بشكل جيد, أكثري من شرب الماء فهو مفيد للصحة, صلي الظهر, نامي قليلا بعد الظهر ان امكن, صلي العصر ثم قومي بنشاطات مشابهة او مختلفة, تعشي قبل العشاء بأكل خفيف بسيط ثم صلي العشاء فالعشاء قبل العشاء, نامي مباشرة بعد العشاء, وفي كل يوم واظبي على اذكار الصباح والمساء, قراءة القران وخاصة الدعاء في اوقات الاجابة ولاتنسي الاعتناء بالبشرة والاسنان وببدنك بشكل عام. اقترحي على الام ان تقترحك على صديقاتها او ان توصي اخاك او اباك او اي من افراد العائلة ليدل عليك ان احد من الرجال يبحث عن زوجة له فكثير بسبب البلادة والغباء يسأله احدهم عن عروس للزواج فيدل على الجميع الا من هي في بيته!!! لا اضمن لك الزوج لكن اضمن لك تحسن حالك الجسدية والنفسية ولما لا الحياتية بكل جوانبها باذن الله لكنك تحاتجين الى الارادة والصبر والصبر والصبر ولا يغير الله ما بقوم حتى يغيروا ما بأنفسهم.

[toulay]

وعليكم السلام ورحمة الله تعالى وبركاته
اختي وكل ربي على هذاك المتوحش لميخافش ربي ناسي بلي كاين حساب وعقاب وعدالة الهية
الله يبارك 28 سنة راك في عمر الزهور اضحك افرح ازهى طيش عليك الماضي لانو هو لقاعد يسلب منك الفرحة تاع الحاضر ويخليك متشائمة من المستقبل
دير ثقة في ربي سبحانه وتعالى وخمم بلي حاجة مليحة راح تصرالك
اختي ننصحك دير le sport لانو ينحي الطاقة السلبية ويرجعك نشيطة
بالتوفيق

[زبدة ذايبة]

تعرفي أن 90% من الانطباع الأولي نحن من يحدده

إذا كان وجهك يوحي بالمأساة فكيف للخاطب أن يعود ؟؟؟؟؟

الرجل مايختارش إمرأة تغبنو وتنشرلو الحزن في الدار وكأن عندو ميت في الدار

واحد مايقبل يدي إمرأة بهذ المواصفات.

ماتزعفيش مني راني حابة نعاونك ونسميلك الأشياء بأسمائها

إذا كنت غابنة روحك، ووجهك يجيب الاكتئاب لأنك دائما حزينة

ماكاين حتى واحد يتزوج بامرأة يبان في وجهها الحزن

نحي على روحك وبرقي عينيك واوقفي على رجليك

لوكان تخلي روحك هكذا راكي رايحة دمري نفسك بنفسك

مارانيش نقولك ديري حاجات مايحبهاش رب العالمين

ولا تخرجي الطريق أبدا ماشي هذا هو

لكن اعكسي ثيقتك في نفسك تبان على وجهك

وتروح علييك هذيك السحابة السوداء اللي غطاتلك ملامح وجهك

ومابقى فيك غير الحزن.

حاولي تنساي هذاك الأمر اللي ذكرتيه

خلاص راكي كبيرة ضرك

انساي هذيك الطفلة الصغيرة اللي تمسخرو بيها بكري

لازم تقاومي هذا الأفكار لازم

داوسي عقلك وين راكي رايحة بروحك

مازالكي صغيرة انفضي الغبار على روحك

جددي حياتك وانتعشي راكي شابة ماشي شايبة!!!!!!!!!!!!!!!!!

ماتستسلميش للوساوس الشيطانية اللي ماراحاش تحبس حتى دمرك تدمير نهائي

افتحي ذراعيك للحياة واعقدي العزم على الانطلاق في بداية جديدة

شوفي أنا راني كتبتلك هنايا

بصح تأكدي بلي مهما كتبت وقريتي ماكاين حتى واحد يخرجك من هذا الشي اللي راكي فيه غير انت

واحد ماراح يساعدك لوكان ماتساعديش نفسك

الكرة الآن راهي في ملعبك

يا إما تبداي من جديد وتولي إنسانة حيوية وحية

يا إما واصلي في الانتحار البطيء اللي نمتمنى أنك ماتختاريهش كحل

لأنه حل الموتى والناس الميؤوس منهم ماشي الناس الحيين

[إسلام الفاروق]

يا ختي كريمة الحياة ليست غير زواج لماذا لا تهتمين بنفسك و تحقيق اهدافك اصلا من كلامك لا تبدين مستعدة لمواجهة الحياة الزوجية
انركي الاحباط واستيقظي كل يوم وانت فرحان و تضحكي وحمدي ربي كاين بنات راهم يعانو اكنر
سلام

[_ميمي_]

عليك بالصبر فلعله ابتلاء من عند الله يختبر فيه صبرك ولا تدعي الشيطان يتغلب عليك بادخالك في دوامة من الاكتئاب تقربي من الله واعدك بانك ستجدين الراحة التي تبحثين عنها واقسم لك بان قلبك لن يجد الطمانينة الا بقرب الله
ولتعلمي ان ما كتبه الله لك سواء بزواجك او بعدمه هو خير لك
واسال الله لك الصلاح وان يرزقك بالزوج الصالح الذي يعينك على طاعة الله

[first first]

وعليكم السلام ورحمة الله
يااختي فكرتني بحالة قريبة عزيزة ..............لاخدمة رغم انها جامعيةو لازواج + مسؤولية البيت..ولسنوات عديدة وطويلة
جربت القلق بجميع درجاته والوانه واشكاله..................والحمد لله فرج عليها ربي وهي الان متزوجة ولها اولاد ماشاء الله.

الفراغ ولا جديد ماشي ساهلة...............لكن راهي مقارنة بابتلاءات اخرى تعد فرج؟

دوكة راهي حاجة ماتخليك تفرحي حسب قولك.........وانت زيدي على عمرك ..............هذا الماضي تنبشي فيه.....................هدي الماكلة ازهدتي فيها؟؟.............الماء تاني حلفتي عليه؟؟؟؟؟؟رفقا بنفسك يااختي الفاضلة..............لكان على الزواج انفضي هذا المنتدى تلقاي العازبات ربما اكثر من المتزوجات.............عادي.

تفاءلي اختي والماضي ادفنيه واترحمي عليه..............الفايدة كي راكي فتاة مستقيمة وفتاة تستحق كل التقدير وتستحقين كل خير.

عليك بالدعاء..................ان لم تدعي الله وانت في اسوء حالاتك متى تدعيينه؟؟ والا راكي تدعي اختي ولم تفرج بعد زيدي اصبري ...ربي حنين كريم وساعة الاستجابة لم تحن بعد ولعلها قر يبة فتفاءلي واحسني الضن بالله.

بخصوص اقفازي واشطاري..................راهي صرعو بيها الغاشي كامل حتى مولات 20ولم تتزوج بعد راهم يقولولها اقفازي؟؟؟؟؟؟؟؟؟؟؟؟؟؟؟؟؟؟؟؟؟؟
لي تقلك اقفازي قوليلها تمدلك لاستوس (الوصفة)...........اكتبيها وارميها في لابوبال؟؟؟(عفاكم الله)...........لان القصد غالبا مشوه وهي عبارة مستفزة؟......حاشا الوالدة امك راهي قصدها غير الخير وتحبلك كل الخير طبعا من الوالدة راهي كي العسل.

في الاخير .ربي يفرج عليك ويرزقك بكل ماتتمنين وزيادة ويرزقك من حيث لاتحتسبين.دوامي على الدعاء والاستغفار .ولاتقنطي من رحمة الله.

[AMINA.Z]

مشكلة انك تراقبين الناس فقط
انسي امرهم ..فكل شخص اخذ نصيبه و ما كان مكتوبا له في اللوح المحفوظ
انفضي الغبار على نفسك و اعيدي لنفسك الشباب الذابل بسبب الافكار السلبية..
الانسان لا يكون فاشلا الا اذا استسلم
نصائح الاخوة لا غبار عليها ....توكلي على الله و ابدئي التطبيق

[sinou19]

وعليكم السلام

باذن الله لوكان تبعيني خطوة خطوة تخرجي من الزااوية اللي راكي محشورة فيها

نبداوها مع ربي قبل العباد

ادا ماتصليش ولي تصلي وادعي ربي يفرج عليك ويرزقك بالحلال

اذا مفرطة في روحك ولي التاي بروحك صحتك غذائك نظافتك كل مايتعلق بانوثتك

اذا معمرة راسك بالغاشي الراشي وتقارني روحك بيهم فرغي راسك كااامل وعمريه بالامل لي راكي عايشة عليه

وبدلي نحي كلمة لاه انا وقولي بربي ان شاء الله نولي انا

28 سنة ماترجعيهاش سن الياس وتدفني روحك بالحياة مازالك صغيرة على هداك السن

ولا تقنطي من رحمة الله

مادام كاين رب ماتخافيش هو ادرى بالعباد ونوايا العباد

ربي يفرج عليك

[صمت الرجوله]

لا نملك لكي الا الدعاء....ربي يرزقك ان شاء الله بالزوج الصالح عاجلا غير اجل