مشكلتي مع الخجل

[مشكلتي]

السلام عليكم ان شاء الله راكم وحوالكم بخير
أنا شاب في عمري 24 سنة عندي شهادة في الأجهزة الطبية قبل 6 أشهر كنت ندير في الستاج في السبيتار للأجهزة هادو كنت نشوف في فتاة تعمل في تكوين للشبه طبي كا مانشوفها ولا نتلاقا بيها نبقى دايس حتان تروح بلا مانهدر معاها هيى تبان كبيرة شوية عليى كنت كل ما نروح لازم نشوفها منقدرش
وديما كل منتلاقا بيها منهدرش معاها كملت الستاج بصح عشيت كل خطرة نروح للسبيتار غير باش نشوفها بصح نلحق عندها نفوتها ومنهدرش معاها
والله تغيظني روحي ياجدك كيفاش و صوالح ببزاف راحولي غير بالحشمة هادي
درك راني في الخدمة الوطنية واليوم تلاقيت بيها مع أمها وفاتت عليى وبقيت نشوف فيها كرهت حياتي
أنا عاجبتني هاد الطفلة بصح كيفاش نبدا معاها
بغيت نشوفها واش رايها بلاك يكتب المكتوب ان شاء الله
أعطونا رايكم كيفاش نديرو

[محارب الحمق]

ضحكتني خويا, عجبتك وحدة سقسي عليها وروح لدار بوها اخطبها, هاذا ماكان, حاجة خرى غير خلي عليك. انت باين عليك ولد فاميليا خاطرش فيك الحشمة وكاينا حاجة تقوللك باللي هدرة مع طفلة برة الزواج ماهيش حاجة صحيحة وعلى هاذي تدخل بعضاك منها. لاكان راح تخطب وباين باللي سكانيتها مليح غير قدم, ولا كان ممعولش غير غض البصر تاعك مايجوزلكش تشلل عينيك هاكذا ببلاش

[toulay]

سلام عليكم
اخي الحشمة مليحة بصح ملازمش تخليها طيرلك les occasions
اذا حايب une relation sérieuse احكي معاها واطلبها على سنة الله ورسوله
شويا courage برك
بالتوفيق

[ScRiPt]

ابعث لها كاش وحدة تفريهالك

[طيور الجنان]

ابعث اختك تكلمها و تسألها واذا قابلة روح لباباه و دير خطوة رسمية و اذا كان فيها الخير راح يكتبهالك ربي سبحانو بالتوفيق

[زوجته]

مكتوب حد ميديه حد

[AMINA.Z]

توكل على الله و اقصدها مباشرة
"السلام عليكم ..اختي ماعليش نهدر معاك ....".و ادخل في الموضوع مباشرة ...اذا قبلت اقصد الدار ...اذا لا
تكون درت اللي عليك و ماراحش تبقى نادم و تتحسر.
بالتوفيق