دمرني 2 تعقيب

[مشكلتي]

السلام عيكم انا صاحبة مشكلة دمرني مرتين

https://www.djelfa.info/vb/showthread.php?t=1909367

الناس كامل تفتي بللي انا غالطة و خبيثة و اخر دهب الى التكلم عن شرفي انا مكتبتش الموضوع باه تفتولي و لا باه تلوموني انا كان هدفي انكم تنصحوني لانها فترة 8 اشهر جاتني بزاااف و انا مصبرتش عليه

باعتبار راح نسمع كلامكم و نترك لي حبيتو و نكمل مع خطيبي حبيت واحد منكم يتحمل مسؤولية قدام ربي تاع الظلم اللي راح يوقع عليا لاني راح نكمل حياتي مع شخص نفسي و قلبي رافضينو منقدرش حتى نبقى معاه اكثر من دقائق؟؟؟

اللي راه يفتي بلي راهو ظلم قولولي مش ظلم الزواج مرة في العمر نغبن روحي مع واحد مرانيش قادرة نحبو ومش مقتنعة بيه؟؟؟؟ تعيش الناس كامل هانية و انا نكره حياتي و نكرهلو حياتو ؟
اييييييييه غالطة لكن الواقع الان يقول اللي نحبو و يحبني قدامي علاه ندي واحد قعدت معاه عام و عييييت نقتنع بيه الله غالب مقدرش يخليني نحبو ولو درة؟؟
و زيد خطيبي لاباس بيه غني و صغير و متربي و عندو عايلة و عرش و من غدوة يخطب اللي خير مني
و هدا اللي نحبو الدنيا كامل عليه كبير و فقير و ما عندو حتى واحد في الدنيا غير انا و ربي عاكستلو الدنيا و يغيضني مرانيش حابة نكون انا و الدنيا عليه



المفتي الدي سالته مفتي معروف جدا في السعودية 777 الشيخ خالد بن عبدالمنعم الرفاعي777 اهادا ردو على النت و نفس الرد قالو في اللقاء الشخصي

هل أفسخ الخطبة لأني أحب شخصًا آخر؟
الشيخ خالد بن عبدالمنعم الرفاعي

الجواب
الحمدُ للهِ، والصلاةُ والسلامُ على رسولِ اللهِ، وعلى آلِهِ وصحبِهِ ومن والاهُ، أمَّا بعدُ:
فالذي يَظهَر أنَّه لا يَخفى عليكِ ما وقعتِ فيه من إثم؛ بِتَساهُلِكِ في الحديث مع شخصٍ أجنبيٍّ عنك، وتَعدٍّ لحدود الله تعالى، وما استتبع ذلك من اشتعال الحبِّ بينكما، ولا يخفى عليك أن الحُب في تلك الحال لا يبيحُه الشَّرع؛ فليس في الإسلام ما يُعرف بالحبِّ والتعارفِ والصداقةِ بين الجنسين، وهذا هو السبب الوحيد لعدم راحتِكِ لخطيبك، ورغبتِكِ في فسخِ الخِطبة؛ لأنَّ المشغول لا يُشغَل.
والحلُّ لمثل حالتك هو فسخ خِطبتك، والزَّواج بذلك الشابِّ الذي ملأ قلبَك؛ ما دامت تتوافر فيه صفاتُ الزَّوج الصالح، ولا حرجَ في ذلك، وأيُّ حلٍّ سوى هذا عواقبُهُ وخيمةٌ على حياتك المستقبليَّة، وحياةِ خطيبك؛ لأنَّ مقارنتَكِ بينهما لن تنتهي، بل سَيزْكُوها الشيطان، حتى تَصيري معه جسدًا بلا روح؛ وفي مثل هذا قال النَّبيُّ - صلَّى الله عليْه وسلَّم -: ((لَم يُرَ للمتحابَّين مثلُ النِّكاح))؛ رواه ابن ماجه.
والخِطْبَة غايتُها أنَّها وعدٌ بالزواج، ولا يترتَّب عليها شيءٌ من آثار العَقْد، وهذا الوَعْد غير مُلْزِم عند عامَّة العلماء؛ فيحقُّ لكلِّ واحدٍ منهما العُدولُ عن الخِطْبَة متى شاء، وليس هذا من قبيل رفض رِزق الله تعالى كما تظنِّين، فما أدراكِ أن الله كَتبَه لك؟! ثم هذه الأمور مما سُمِحَ للخلق فيها بالاختيار.
وأوصيكِ بالاستخارة قبل الشروع في فعل شيء؛ لأنَّ حقيقتها التوكُّل والتَّفْويض قبْل وقوع المقْدور، والرِّضا، والافتِقار لله، وسؤالٌ لِمَن بيده الخيرُ كلُّه، الذي لا يأْتي بالحسنات إلاَّ هو، ولا يصْرف السيِّئات إلاَّ هو - سبحانه وتعالى.

ونسأل الله أن يُلهِمَك رشدك، ويُقدِّر لك الخيرَ حيث كان.



بركاو ما تكفرو في الناس راه عيطلي و تفاهمنا العرس في الصيف و شكرا
و عدرا على الاطالة

[سومية88]

انا علقت علي موضوعك قتلك كي علرفتي تحب انسان وعلاش تخدعي خطيبك نهار الاول قوليلوا ماعجبتنيش بطلي وعلاش تشدي في طليقك ولا خطيبك نفرض درك طليقك يجبد روحوا تتزوجي عادي مع خطيبك هذا هو المشكل

[محمد جديدي التبسي]

ان شاء الله ما تندميش برك
من مكالمة صدقت ان عرسك في الصيف!!! مازلت أؤكد على كلامي السابق
ربي يكتبلك الخير ويوعيك بالحياة أكثر

[خالد عنابي2]

سبحان الله العظيم

يتمسخر بيها الاول ويرميها مثل ال.....

ويجي الثاني ينقذها من تلك الفضيحة والاهانة بدل ان تكون شاكرة

بمجرد ان يعيطلها الاول ترجع له وتولي تكره الثاني الذي لم يخدعها ولم يخذلها

بكري قالو لي يبيعك بالفول بيعو بقشورو

لو ترجعي للاول بكل صراحة تستاهلي كل ما سيحدث لكي

ولو ان مشرفي المنتدى لا يكثرون من الحذف والتعديل لقلت لكي ما اتمنى ان يحدث لكي

فقط حبيت نقول ان رجوع الاول لكي مجرد غريزة في الرجال يحبو كي يتركو وحدة تبقى ذليلة كسيرة مهانة ولهذا لم يتقبل ان هناك من يرد لكي الاعتبار بعدما ترككي
ولم يجد من حيلة سوى استمالتك اليه ثم رح يعاود يديرها بيك

[mino 13]

فى موضوع اول قلتي لنا ان سبب طلاق امر تافه كنت نتمنى تقولي لنا سبب تع صح لكي نحلل جيدا حكاية تاعك
انا فى بالي والله اعلم انه من افضل فسخ الخطوبة مع ثاني ولازم تصارحيه بلى نتيا لم تستطيع ان تحبيه باش قلبك يتهنى من جهته
وزوج سابق اهدري معاه الزواج ماشي لعب
ملا كي تكونو مزوجين علا جال كلمة ولا شئء بسيط يقولك راكي طالق؟؟ غير معقول
الله يوفق

[ميمي سمية]

نقولك فرد حاجة

في النهاية واحد ماراح يخسر غير نتي

الزواج ماهوش لعب وتمسخير،،، اعرفي وين تحطي رجلك مليـــح قبل لتندمي

تحبي نحط روحي في بلاصتك؟؟

كان جيت في بلاصتك نخلي الاول لخاطر ديجا سمح فيك من قبل وصايي وارجعي لخطيبك لي ماغلط معاك مادارلك حاجة تقيسك ^_^


هدا رايي

ربي يهنيك لفحلة

سلآلآم

[أمة الرحمان رقيّة]

السلام عليكم
شا حبيتي نقولولك يعني؟ برافو الخيانة
انت خنت السيد الثاني لي خطبك و تمسخرتي بيه يعني كون صراتلك ليك ان واحد يخطبك باه ينسى حبه الاول تقبليها على عمرك؟
يا اختي ربي يهديك شكون كفرك؟ انا مش نهدر على لي حكاولك على شرفك مي ردود العضوتين ام جهاد وrose blanche
فيهم الحق, يعني لي يهدرلكم كلمة الحق ما عجبكمش والله نحير فيكم صح
يعني زعما السيد هذا كي جاء قالك العرس في الصيف كلامه قران؟
راو يستنى وقتاه يزيد يرميك عليه ويتهنى منك
ولكان تزوجتي بيه ما تفرحيش بزاف
لانه راح يتعامل معاك كيما الشيفونة تع الكوزينة
ومادام شافك تجري من وراه و تتنازلي على كل شيء وتوقفي ضد والديك على جالو
راح يحط رجليه في ماء بارد ومرة اخرى راح يتفنن في علاقته مع البنات وهو مهني باسكو عمبالو بلي راح تحملي الذل على جالو
بركاي ما تمسخرتي بروحك ولكان هانت عليك نفسك ديري قدر لوالديك لي رباوك وتعبو وقراوك
مش تروحي تتبعي واحد تروحي معاه لاخر الدنيا كيما تقولي
والعضوة rose blanche صدقت كي قالت لك بلي هذا يحب يتفاخر بانه محط اعجاب من صغيرات السن
والسيد الثاني لي خطبك مش كي عاد غني ومتربي وعندو ناسو تسمحي لنفسك باه تحقريه
ما سقسيتيش روحك بالاك ربي اختبرك لكان تشكري النعمة ولا لا
انا نضن بلي 22 سنة كافية باه تميزي بين لي يتمسخر بيك وبين لي حاب يصونك
والحب جامي كان اساس تع زواج
انا جدي جامي حب جداتي قبل الزواج مي عاشو هانيين حياتهم كامل
لانه بكري كان وقت الحشمة والنيف مش على اتفه سبب يطلقها ومبعد كي يشوفك تخطبتي يجي يفسدلك حياتك
لكان راكي فرحانة بيه نقوللك الضامن ربي هو وعدك وعد قادر يوفي بيه قادر يخون
مكانش حاجة نزلت من السماء موثوقة بلي هو راح يتزوجك
وتفكري بلي راكي جريتي معاك الثاني و بلي الدنيا دور وكل واحد يدي حقو
انا مش حا نطعن فيك لان ربي راح يحاسبني
لكن حتى لو كان ردي قاسي لازمك تعرفي برك بلي راكي غالطة
محال يكونو الردود تع الاعضاء قبل كامل غالطين وانت هي الصحيحة
نقصي من روحك شوية واستعرفي بغلطتك و الجئي لربي وادعيه يبين لك الحق
وما تتهميش الاعضاء في الباطل انهم كفروك
انا وحدة من الناس كي شفت مشكلتك تغششت لاني ما نحبش الانانية
وللاسف انت تخممي غير في روحك وفي الدكتور تاعك هذا
ما خممتيش على الثاني بلي قادر يتجرح وبلي عندو ام قادرة تدعي عليك دعوة تحطمك بيها
نتمنى انك ما تتحسسيش من كلامي لانك لو كنت شقيقتي راح نكلمك بنفس الطريقة
لانك في سبات ولازم واحد يدفعك باه تجري على روحك وتصصحي غلطاتك
اذا بقيتي تخممي هكا ما صالحاش تكوني زوجة وام

[سومية88]

راني معاك مليون بالمئة امة الرحمان رقية مشكلتنا دائما نخمموا واش يخرج علينا مانحموش في الطرف الثاني نعم هي الانانية

[ام رضوان]

شوفي يالالة راكي تحلمي
كي يتزوج بيك يعيشك اختي خبرينا برك باه نفرحولك هذا مكان.
وكيما يقول المثل
واقعدي تبعي الكذاب لفم الباب
بصح تلقاي الحال فات وعيشي تسمعي
وكي غاضك الحال المرة الجاية كي تكتبي كاش مشكلة تاعك حطي الشروط اللي نتبعوها .
تفاهمنا ولا لالا.

[غربة أهل السنّة]

وعليكم السّلام ورحمة الله وبركاته
الأخت الكريمة،، نصحتُكِ بما أحبّه لنفسي ولأختي المسلمة..
كنتِ على الأقل تتقبّلي النّصيحة بينكِ وبين نفسك لا أن تتهّمي الآخرين بأنهم كفّروكِ
يؤسفني أن أخبرك أنه من الصّعب أن تري الحقّ،، فبصيرتك عمياء بسبب العاطفة
أنتِ لا تشعرين بحجم المسؤولية الملقاة على عاتقكِ ولا تعلمين ما سيكون بعد الزّواج
وليتكِ أخبرت المفتي بتفاصيل الحكاية حتّى يردّ عليك بجوابٍ شافٍ...
قال عمر بن الخطّاب رضي الله عنه وأرضاه: "لا خير في قوم ليسوا بناصحين، ولا خير في قوم لا يحبّون النّصح"
واعلمي أنّنا لا نريدُ لكِ الشّر
لكنّ شيطانك هو من يقودك وسيأخذك للجحيم وربّما لن تستفيقي إلا بعد فواتِ الأوان
******************
سبحانك اللهمّ وبحمدك أشهد أن لا إله إلّا أنت أستغفرك وأتوب إليك..
أرجو عدم اقتباس مشاركتي والرّد عليها
وشكرآآآ

[~أمة الله~]

عليكِ السلام ورحمة الله
أختي : مِن العقوبات المُعجلة في الدُنيا، البغي وهُو الظُلم، وأنتِ ظلمتِ الشخص الثّاني، ما ذنبُه إن لم تُحبيه!
طيّب ما حبيتيهش وزوجك ما زوجك ، لماذا تركتيه كل هذا الوقت roue de secours وكُنتِ ماشي حابّاتو وقاعدة معاه، ثُمّ كي عاود رجع الأوّل عادي بكلّ برودة تهدري مع الثّاني كأنّه خطيبك واللّول المخلوق قاعد يبني حياتُكما في راسُو وحدو...
الأصل، إمّا كُنتِ تحاولي أنّك تنساي الزّوج الأوّل لِما فعلَهُ معكِ وترككِ بكلّ سهولة وتحاولي تبني حياتك مع الثّاني لي قبلتيه لاباس عليك عام وأنتِ خطيبته ...كي بانلك هذا بانلك فقرو ولا أدري ماذا...
أو كُنتِ كي ماشي حبّاتُو وعلى عِلم بلي زوجك لم يتزوّج بعد وأنتِ تُحبيه لهذه الدّرجة، وكان بعثتي أحد ثِقة يتوسّط بينكما، ياخي كان زوجك، في الحقّ هاذي ماتجيكش صعيبة !!!

وفي الأخير، أرجو أن تستغفري الله لِذنبك، وأن تعتذري مِن خطيبك وتطلبي مِنه السّماح على الأقل يكون ضميرك مرتاح شوية، لإنّه كما يٌقال في المثل: ما غاظنيش الدورو، غاظني النّقش اللّي فيه... يعني راكي إنسانة كبيرة، واستشرتي ثُمّ قرَّرتي -ما تنسايش الاستخارة برك ، فالله هُو الأعلم بما فيه خير لكِ-، وتتحملين نتائج أفعالك واختياراتِك، لكن هذا لا يعني أنّه على مصلحتي نعفس إنسان آخر ابتغاني في الحلال وكان صادِقا معي....

وفي الأخير: خودي الراي لي يبكيك ماشي لي يضحك بيك...
وربي يكتبلك الخِير ويبصّرك بالحقّ...

[MALEK TATARE]

كما لعبتي بولد الناس الثاني الي حبك وسترك تلعب بيك الدنيا نصتعرف السيد الاول راجل ونص انتم هكذا البنات تبعو الماتريال وصحاب فرنسا واوروبا وتخلو الي يحبوكم ويحبو يستروكم

[sidra2014]

ربي يهديك أختي إلى طريق الصواب إستخيري وصلي وادعي ربي سبحانو ينورلك طريقك راهي الندامة تجي مع الأخير