ارشدوني من فضلكم

[fella111]

حرام .... وهذه ليست مثالية الحرام حرام لو كان ماعطيتيش كلمة للاول اقول لك خيري و من حقك لكن مجرد موافقتك على الاول انتهى الامرى ......المشكلة لا في الاول و لا في الثاني المشكلة فيك انت كون يجيك واحد افضل منهما ترميهم في الزبالة و هي رايحة.

[الداعي الى الحق]

ليست مسالة مثالية بل هي سنالة انانية كل من قال لكي اتركيه فهو اناني هل تقبلين انتي انه يتركك ويبدلك باخرى ؟ اكيد لا
انتي تزوجتيه بمصلحة فاتك القطار وربما هو لمصلحة ملقاش لتقبله او انكي خدمة طامع فيك الله اعلم
اما انك تلعبيها بشطارة حرام عليك قد يتركك ثاني ويشوف لواحدة صغيرة شكون لعارف بصح انتي حبيتي تلعبيها راني تشوكيت كي قريت انتوما ماتأمنوش بالحب تتزوجوا بدون حب وتتبعوا المظاهر

[الرميصاءْ]

مشاعر الناس ماهيش لعب
اذا ماهوش عاجبك الخاطب الاول كنت رفضتيه مع البداية
اتقي الله

[خالد عنابي2]

اولا الخطبة والزواج ليست لعبة والحياة ليست كما في الافلام والمسلسلات التركية

ثانيا اذا كنتي مصممة على قرارك لاباس ولكن عليكي مواجهة الاول واخباره بالحقيقة دون حيل واكاذيب ودون افتعال المشاكل ومبررات الفراق الوهمية وليس معنى ذلك اخباره انك تريدين ان يخطبكي الثاني ولكن فهميه فقط انكي لا تريدين الاستمرار لاسباب تتعلق بكي وليس به

ثالثا خممي مليح وتاكدي لا تعودي تندمي

[أم أماني أريج]

في ديننا خطبة الرجل على أخيه غير جائزة و في نفس الوقت أنت غير مجبرة على الزواج برجل ماراكيش مقتنعة بيه و بالاك رايحة تقعدي طول عمرك تشوفي فيه بنظرة نقص و هذا الأمر رايح يؤذيك و يؤذيه .......
في رأيي المتواضع اتركي خطيبك الأول و ربي يرزقو بزوجة تقدرو أكثر منك و في نفس الوقت إذا قدرت تعفسي على قلبك و تصرفي النظر حتى على الخاطب الثاني هكذا ما يأنبكش ضميرك .......
أما مسألة راكي كبيرة و فرص الزواج نقصوا عليك أنا نقولك أرمي عليك هذا التفكير لأن الزواج رزق من عند الله و وقت لي كتبلك ربي فيه تتزوجي رايحة تتزوجي المهم ما تديش رجل ماراكيش مقتنعة بيه ....
بالتوفيق و ربي يجيبلك لي فيه الخير .

[first first]

شوفي ياطفلة
المشكلة تاعك عنوانها ارشدوني
مي انتي ماكيش تحوسي على الارشاد بمعناه التام
حابة طريقة لكي لاتخسري شيء.................... يعني حل مجيك منعرف منين نختارعولهولك؟؟؟

المهم انا من عندي نقولك ربي يهديك للخير
ونقصي التخلاط...........هو لي وصلك لهته المتاهه.

انتي حبيتينا نركزو غير على السيناريو ليضمنلك حقوقك...........والمشكلة تستدعي التعليق على اكثر من جانب.
فاتك القطار قبلتي بالاول.
جا التاني؟؟؟ ماعرف كيفاش جا؟؟؟ وكيفاش وصلك؟؟؟ درتي استخارة؟؟؟ حبيته؟؟؟؟؟؟ وكرهتي الاول؟؟؟ هكا من الباب للطاقة؟؟؟ ولاراكي على اتصال بالتاني مثلا؟؟؟

تحوسي الان على طريقة ترمي بيها الماء للاول؟؟؟ يعني مسرحية باش تبطلي مثلا ؟؟؟ لاني الصراحة مافهمتش...........لانو التبطال ساهل قوليلو بطلت وفرات وعلاه الميزرية هادي؟؟؟
هناك اشياء كثيرة لايتقبلها العقل..............لكن هادي تاع مخطوبة وتمهدي للخطبة من خاطب تاني اكبرهم
يعني بطلي اولا.................وانتظري قدوم التاني...............هته الاشياء لاتكون بالتوازي ........وفي كل الديانات........وبلاكش حتى لي ماعندهكش ديانة وعندهم شوية مبادئ فقط يرفضونها


ربي يفرج عليك.............ولي فيها خير يجيبها ربي.