الجزء 156 واش طيبتي اليوم متعة التذوق مع تكنلوجيا الصورة

[فراشات العمر]

السلام عليكم
كيفكم حراير البلاد لي رايحة لماليها تسلم عليهم
حبيت تنصحوني في زوجي جاتو ليسطومة والبطن نتاعو توجع وفالي لحراق كتلني يبغي يتقيئ
شكون فيكم تقلي على الماكلة لي لازم يخطيها ولا ياكولها

[حياة نور الدين]

انا دائما ننسى نححط فطوري هو الاخير بعد الردود
درت ارز بالصوص وليزابا
وخبز ام رحاب جااا هااايل

[فراشات العمر]

المشاركة الأصلية كتبت بواسطة حياة نور الدين

انا دائما ننسى نححط فطوري هو الاخير بعد الردود
درت ارز بالصوص وليزابا
وخبز ام رحاب جااا هااايل

بصحتك حوتة
حبيت نسقسيك باه تديري الاكل هذا اكل على قداه تبداي ولا على قداه تنوضي والعشاء على قداه تديريه
عندك ولاد ولا مازال
بانسبة لمؤكولاتك دايرة قائمة ولا كل يو كيفاه

[حياة نور الدين]

اهلااااا فراشات ربي يجيب الشفاء
اخهتي ايفيتي لي ابيس كيما فلفل اسود والحار والطمناطم بنوعيها المصبرة والعادية
المقلي ، القهوة،
اختي كثريلو لي سوب الخفيفة وخضرة مفورة وسلق
وربي يجيب الشفاء

[حياة نور الدين]

شوفي اختي روحي للدردشة

[فراشات العمر]

اين هي الدردشة

[touta2010]

مساكم سعيد
راني نحضر في يسكو ي رولي
لأخي جا ضيف لبيت أهلي

[oum fadoua]

المشاركة الأصلية كتبت بواسطة hawa19

ام فدوى كنت نحوس عليك باه تعطيني لتغوسات نتاع تارت الفلان اللي دارتها ام ابراهيم و شكرا

اسمحلي ختي مشفتكش انا ما ندخلش بزاف
هذي المقادير ترتت لفلون
دري100 غ سكر قلاصي + 125غ زبدة .........خلطيهم مليح .
بيضة واحيدة خلطيها معهم ...............ضيفلها250غ فرينة. فني
خلطيها بلا ما تعجنيها................... غطيها وحطيها فالثلاجة ترياح .
اما كريم بتيسيار
2 حبات بيض خلطيهم مليح مع 80غ سكر ...........................زيديلهم 60غ ميزينا
ممبعد تكوني سخنتي 1/2 ليتر حليب خلطي شوية مع بيض والسكر والميزينا كي يتخلط مليح
ضفيه كمية الحليب لي بقات و حطيها على النار وحركيها حتى تجمد وخليها تبرد ومتنسيش تغطيها
طيابها كالتالى
حلي العجينة و حطيها فالمول يكون 25 سم وفرغي فيها كريم بتسيار و حطيها فالفور
كي طيب من التحت حمريها من الفوق ......................خرجيها دريلها النباج
انا اسيفا مرة اخرى ارجو ان يكون الشرح مفهوم

[Omrihem]

https://www.djelfa.info/vb/showthread...post3994874062

الي فراشات العمر هاهو رابط الدردشة.
]

[حياة نور الدين]

المشاركة الأصلية كتبت بواسطة فراشات العمر

اين هي الدردشة

https://www.djelfa.info/vb/showthread...post3994874054

[oum sabrin]

المشاركة الأصلية كتبت بواسطة ام اماني77

صباح الخيرات على الجميع

يعطيكم الصحة يا الفحلات على الاطايب ربي يدوم النعمة

لي علقو على اطباقي نقولهم شكرااا عيونكم الحلوة

بالنسبة لكيكة الشكولة تلقاوها في المدونة اسمحولي راني مزروبة خارجة ضرك باذن الله لي تقدر تحطها هنا الاخوات تحطها وربي يجازيها كل خير


حبيباتي راح نغيب لايام فقط باذن الله مانطولش عليكم اتهلاو في رواحكم

في امان الله

المشاركة الأصلية كتبت بواسطة chez biba

السلام عليكم ورحمة الله وبركلته


صباح الخيرات على أحلى لمة، نتمنى تكونو كااااامل بخير يا رب

عشانا الليلة باذن الله راح يكون شخشوخة راني نوجد فيها مبعد ان شاء الله نحط كواليسي

كل وحدة تمتعنا بأجواء العيد عندها وتحط كواليسها وعادات كل واحد في منطقتو في هاذ المناسبة

ام محمد تاج فكرتيني ب tarte au citron بالاك ندير des tartelettes

المشاركة الأصلية كتبت بواسطة حياة نور الدين

هادا رابط كيكة الشكولاطة لام اماني اللي طلب الوصفة

https://oumamani.over-blog.com/tag/%d...a%d8%a7%d8%aa/

شي بيبا اهلااااا اختي وبثحتك العشاء مسبقا وربي يبا ك النعمة

المشاركة الأصلية كتبت بواسطة أم أماني وعبدو

هذي مسكوتشو خدمتها من الفيس بوك باش نديها معايا اليوم لدارنا

المشاركة الأصلية كتبت بواسطة wahibaazel

صباااح الخير لكل الملتحقات .
ربي يعيييين كل الامهات في الاعمال الشاقة ،وماتنساوش احتساب الاجر هكذا نخرجو على فااايدة.
الغدا باذن الله بيري بالجاج.
الغالية ام اماني طريق السلامة
شي بيبا كيفك ،حياة ربي يجازيك خير على نقل الوصفة
حابة نعمل حاجة حلوة نديها معايا لوالدتي الغالية ،ذك نشوف تارت ام اماني ،او تارت اوسيترون راح نقل على ام تاااج.
سخفت على تارت تؤبشني وكي خرجت نسيت نشري كرام السائلة
.المرة الجاية .الى الملتقى

المشاركة الأصلية كتبت بواسطة lyzzabel

السلاااام علييكم و رحمة الله ،، صبااح الخييييير حبييبااتي و نهااركم طيييب

أولااا نقوول لأم حمزة الحمد لله على سلاامتك ،، انا مشي قرعااجة كبييرة بصح نظن الجزء الأول من حل الفزوورة هو صدفااات و غزاااالة خخخخخ أما الجزء الثااني ما ظنييتش غادي نلقااه هههه

حيوووتة يعطييك الصحة على الموسكووتشو تااع الفلاان كل خطرة نقوول نديره و ننسى و بصحتهم أهلك حنووونة و بصحتكم المسلسل الهنديي خخخخ انا بصرااحة ما ببغييييييش العدس و ربي يدوم عليينا النعم

سكررر كرررر و ام يااسوو و لي غاادي يديرو الرقااق و الرشتة بصحتكم حبييبااتيي

عزوووفة عااش من شاافك و في انتظاار مشااركااتك بفااارغ الصبر حبييبتيي

ام اماانيي ترووحي و ترجعي بالسلااامة غااليتيي

تفكرت رزييييقة الزقزووووقة قعدت بيين عينيا السلطة لي داارتها اختك تقوول ناكلها غيي هي مممممم يعطييها الصحة و سلمييلي علييها و ربي يرزقها بالزووج الصاااالح في القرييب العاااجل و تفرحو و نفرحو معااكم اللهم آمييييين

مييمتي الحنييينة صباااح الفل كي صبحتي من عينيبك ريحتي شوية ؟؟

زهوووورة ولوو حبييبتي تستااهلى كل خيير و البورااك بياانسييير طيبته فالفرن و بصحتكم حنوووونة ربي يخليييك و شكراا على الثقة

نسييت نقوول لأم ريهاام الكييكة خرجتييها رووووعة تسلك الأياااااديي حبييبتيي

ام صبرييين ماشااء الله علييك ما خلييتي حتى وحدة بلا ما ترديي علييها حنووونة و بصحتك الفطوووور

ام جووجوو اعقلي فييها ما بغيتييش تعاونييني في حل الفزوورة خخخخخ بصحتكم الشخشووخة و ربي يعااونك حبييبتيي

قااع لي حطوو طيابااتهم و أفكاارهم و لو بدوون صور تسلمن غااليااتيي و ربي يزييدكم من فضله

اليووم فطووري خفيييييف فرييت اوملاات و سلطة و الحمد لله صبحت رااسي تقيييل علياا باايتة مع لي كوشمااغ على وحد الموضووع راه شااغلي باالي بزااااف خخخخخ رااكم عرفتووه بلا ما نقووللكم ،، ربي يهديينا و خلااص ،، الحمد لله على كل حاال


أستغفر الله العظيم الذي لا إله إلا هو الحي القيوم و أتوب إليه

اللهم صل و سلم على محمد و على آل محمد كما صليت و سلمت على إبراهيم و على آل إبراهيم ،، اللهم بارك على محمد و على آل محمد كما باركت على إبراهيم و على آل إبراهيم في العالمين إنك حميد مجيد

المشاركة الأصلية كتبت بواسطة hawa19

السلام عليكم اخواتي راكم فور والفتكم كيما موالفه اهلي تجي نشارك معاكم ديرها بيا النت ونحشم ندخل بدون صور شفت ماخرا حطت تارت flan parisien نضن ام ابراهيم اللي عمدها الوصفه تمدهالي و صح غداكم و عشاكم واكبر احتفال هو نصره الرسول صلى الله عليه وسلم بشتى الوساءل لازم نبينو للعالم بمدى حبنا له و تعلقنا به و فرحتنا بوجوده في حياتنا و في قلوبنا

المشاركة الأصلية كتبت بواسطة انا هي رزيقة

السلام عليكم يا طيبات الجلفة صباح الانوار ليزا العسل و ام اماني و حوا مرحبا بيك معانا اختي
البارح ما طيبتش لعشا بقالي سباقيتي تاع اول امس و باه نشجع راجلي يكلو بلا تشناف طيبتلو بيسكوي تفاح بوصفة ام سهام خرجلي روووووووعة هايل هايل هايل قعدت نصور فيه و نزيد من فرحتي بيه ... خخخخ في الاول راجلي قاللي وعلاه ما طيبتيش تارت التفاح يا لهويييييي ...بصح كي ذاقو سكت قالي صح مليح بصح الخطرة الجاية ديري التارت ... خخخخ
فرشت البلا تاعي بالكراميل ثم شرائح التفاح و درت بالعاني البيسكوي رقيق باه نستبنو اكثر ذوق التفاح و استنيت حتى برد باه زدت من فوق البيسكوي كراميل باه ما يشربوش و يبقا بالقوام تاعو

المشاركة الأصلية كتبت بواسطة omjoujou

جبتلكم غدايا غراتان الشيفلور للغالية ام تاجوووو اممممم

بصحتكم كامل وش راح تتغادو

المشاركة الأصلية كتبت بواسطة omomnia15

صباح مشرق لجميع واش اكم مع نحضيرات المولد
انا درت شخشوخة بسكرة راخي المرقة اطيب وللفطور ترت بورقر راهي بنت اختي عندي وقازوز
هذا عيد ميلاد ردينة جاوني الاهل والاحباب ربي يكثر خيرهم

المشاركة الأصلية كتبت بواسطة انا هي رزيقة

يا فرحتي شفت بلي المازة طلبت مني وصفة السباغيتي تاعي من عيوني حبيبتي راهي ما فيش اسهل منها اطلاقا

شوفي حبيبيي انا نديرها في مقلاة تيفال عميقة نحط فيها نصف راس كبير ثوم مدقوق مع فلفل اكحل و شوي فقط قرفة و ملح و راس ملعقة صغيرة زعتر مطحون مع راس نفس الملعقة فلفل عكري و زيت و ورقتين رند و نقلي الكل بصح قيس برك ما تشمي ريحة الثوم بلاكي تخليه يتحرقلك..خخخخ ثم ثم زيدي عليه ملعقة كبيرة و نص طماطم مصبرة (هنا على حساب كمية السباغيتي انا دي فوا ندير ملعقتين كبار او اكثر كي نطيب بزاف). و زيدي قلي شوي هذيك الطماطم مع الثوم ، حقا النار تكون من البداية قليلة و هذا هو سر الصلصلة كي تقلي الثوم مع الطماطم المصبرة (تقدري تزيدي حبة طماطم مرابيا كي تقلي الثوم مع الطماطم المصبرة) بعدها مرقي بكاس ماء و خلي الصوص تخثار هي ما تطولش بزاف باه تشوفيها ولات صوص خاثرة و جميلة و مشهية. تكوني طيبتي سباغيتي تاعك في ماء و ملح وشوي زيت و ما تخليهش يطيب بزاف . تصفيه في كسكاس و تفوتي عليه شوية ماء بارد باه يورح النشا الزايد و تم تم رميه في الصوص و خلطيه مليح فيها حوالي دقيقتين و هي على النار . و هكذا يكون عندك سباغيتي تاع الزربة ساهل و بنين و صدقيني حتى أطفال العائلة يعجبهم بزاف. دي فوا نرميلو حباة زيتون اسود في الاخير يعطيلو نكهة خاصة .

المشاركة الأصلية كتبت بواسطة روضة 88

صحة غداكم جميعا بالصحة والهنا .

غدائي جلبانة بالدجاج بقاتلي من عشاء الامس وقليت فريت والحمد لله ودرت ميناج خفيف وضرك راني مع وائل لازم ميبكيش على جال عينيه مراض .

للعشاء بربوشة باللحم البقري والخرشف والحمص وكالعادة نطيب زوج مراقي وحدة باللحم ووحدة بالدجاج.

المشاركة الأصلية كتبت بواسطة lahna moka

مساء الخيرات حبيباتي الحلوات
راني 00 مراجعة سمحووولي
ليزاتي العسلاية راني في داري دبري خرجة و نتلاقاو
بمناسبة المولد رايحين ناس داري يديرو الرقاق و التقنتة و ن ع شرا لكل واحد شميعة و محارق و نوّالات

المشاركة الأصلية كتبت بواسطة ام نور الهدى 2014

السلام عليكم
بصحتكم الشخاشخ بالنسبة ليا مانديرش و اكن رتجل راح العلمة و جابلي ماشينة العجين قالي ديريلنا رشتة و اليوم قعدت مخدمتش قلت نجربها
الاسبوع القادم رايحة لتمسان شكون تلحقني ههههه

المشاركة الأصلية كتبت بواسطة نور الإسلام26

سلام عليكم
بنات كامل يعطيكم الصحة الله يبارك

المشاركة الأصلية كتبت بواسطة القناعة كنز

اهلا واش حوالكم هذا قلب اللوز من عندي و شكون تجيب التاي و السهرة عندي
درتو البارح و كان يشرب و اليوم قصيتو

المشاركة الأصلية كتبت بواسطة almazalina22

وهيبة انا تاني ضرسة العقل وضرسة البلومباج تناحالها راني واااع بصح خفت خخخخ ربي يشفينا ويجمعنا في الحرم
ولادي زعفو ا وكل وحدة دارت كوفارت ورقدت خخخ والله غاضوني
كيكة الشوكولا نتاع ام اماني تشبه لكيكة الامنيات بصح جربتها وما عجبنيش ذوقها خاصة الصوص كي سقيتها ممكن من الكاكاو
صح قهوتكم سلام

المشاركة الأصلية كتبت بواسطة أم محمد تاج

سلامووووووو حبيباتي
كواليس عشايا باذن الله



هنا بقالي المورانغ

المشاركة الأصلية كتبت بواسطة chez biba

الف شكر غاليتي وهيبة ربي يحفظك ويبعد عليك كل شر .. طهور ان شاء الله
سلامي المازة واش راكي اختي؟
ام أمنية كل عام وردينة بألف خير ربي يحفظها يارب (ياخي عندها عام؟؟؟)
لهونة الزينة مرحبا الكوزينة منورة .. توحشت اطباقك، بوسيلي سيرين
هاذو لي تارتولات تاعي البركة في ام محمد تاج الف شكرا يا احلى ام مريم وبوسة كبييييزة ليها

المشاركة الأصلية كتبت بواسطة القناعة كنز

[i]فرشات هذي الوصفة اللي معتامدتها

ليزا بصحتك بنين اممممممممم/i]

المشاركة الأصلية كتبت بواسطة نور الإسلام26

https://www.djelfa.info/vb/showthread.php?t=1874161

المشاركة الأصلية كتبت بواسطة oum islem

السلام عليكم ورحمة الله وبركاته
مساء الخير عليكم غالياتي ان شاء الله الجميع بصحة جيدة

لبنات لي عجبكم صابلي لي درت شكرا حبيباتي ربي يحفظكم راه كامل بعجينة واحدة ساهلة وبنينة وخفيفة واقتصادية

شفت الكوزينة منورة بعودة الغاليات ام اماني وبيبا ووهيبة ولهنا
المازة على حساب وش فهمت كل اخت في ولاية خسارة يحبلكم باه تتلمو
ام امنية كل عام وردينا بالصحة والسلامة تكبر على الدين وطاعة الوالدين
ليزاتي وش راكي وش راهم الفرسان حبايب خالتهم ربي يهدي نفسك ويهنيك حتى شي في الدنيا يستاهل يقلقك
ام اماني وام ملاك وعبدو وكل لي رايحين عطلة عند اهلهم بصحتكم القناعة شكرا على وصفة قلب اللوز تشهي نطرد الكسل ونجربها بحول الله
زيكا مشكورة على السباقيتي وراكي نسيتي قطعة اللحم تاعي وبصحتك تارت التفاح شفتي شحال بنينة
ام جوجو وام حمزة وحياة وفراشات وام تاج وكامل لبنات يعطيكم الصحة ولي نسيتهم يسمحولي والله عن غير قصد وأول مرة نتأكد انو راسي مثقوب تاع الصح
غدانا كان بطاطا قرنون وبسباس وحمص مرق ابيض وعشانا كسكس الشعير بالزبيب والحليب الرايب ونزيد السكر للاولاد

المشاركة الأصلية كتبت بواسطة lyzzabel

حقاا بييبا علااش ما حمرتييش الموغاانغ مالفووق ولا تبغوها هاكا و في انتظااار الوصفة مع ام اسلااام

ام حمزة اخوااتك و مرت سلفك هوما ام اسراار و نوور الإسلاام و مولاات الكوزيينة ام صبرييين خخخخخ نيشان ولا راني غاالطة

المشاركة الأصلية كتبت بواسطة oum islem

هدا كان غدانا والحمد لله

وهدي وصفة صابلي اقتصادي

2بيض و1 م ك مرغرين طرية وكاس ناقص سكر كريستاليزي
نضربهم مليح بالباتوغ ونضيف كاس زيت بالتدريج زاست ليمونة وفاني
وكاس نشاء ورشة بيكاربونات وكيس خميرة ونجمع الخليط بالفرينة
نلصقهم بخليط معجون وحلوة الترك وكوكاو محمص ومرحي وندير الشكولا للتزيين
ليزاتي غير ما تزعفوش مني راني مين يفوتوني بزاف صفحات نعجز نراجع واذا راجعت براسي المثقوب ما نحكمش بزاف

المشاركة الأصلية كتبت بواسطة آسيا 27

مسا الخير
جبتلكم صابلي كنت درتو لبارح و زينتو اليوم فالحقيقة غرت من أختي جابتو معاها و أنا درتو نسخة طبق الأصل خخخخخخخخخ الله غالب أنا نموت بالغيرة هههههههه



نسيت ما قلتلكم اذا جاو الصور كبار ما تزعفوش ما زال ما تعلمت نصغرهم

المشاركة الأصلية كتبت بواسطة ام سهام 02

السلام عليكم
زهرة اللوتيس تفضلي






ام حمزة الف لاباس عليك اختي ما تشوفي ضر

المشاركة الأصلية كتبت بواسطة ام سهام 02

بصحتكم ام صابرين كلشي يعطيك الف الف عافية

المشاركة الأصلية كتبت بواسطة تهاليل

درت بيتزا للعشاء بصح شوي مش واضحة الصور

المشاركة الأصلية كتبت بواسطة حياة نور الدين

عشايا والحمد لله
طاجين الخرشف بالزيتون لام رحاب روووووعة نتمنى جربوووه
على فكرة عسى المانع خير مبنتيش اليوم

وفريت بالدجاج المحمر زوجي شراااه وسلطة
الاحمد الله على النعمة
الديسار موز مصورتوش

المشاركة الأصلية كتبت بواسطة ام حمزة22

السلام عليكم ورحمة الله تعالى وبركاته



لبنات ان شاء الله تكونوا كااااامل واهلكم بالف خير

حيوتة الكوزينة منورة بردودك يعطيك الصحة حبيبتي ربي يارك فيك راكي قايما بيها على احسن وجه

ام سبهام بارك الله فيك ويعطيك الصحة والعافية

تهالبل اهلا وسهلا فيك وبصحتك البيتزا وان شاء الله ما تكونش اخر مشاركة

لبنات بصحتكم واش حطيتو كلش يشهي ربي يدوم النعم ويحفضها

ام ياسو انتضر بشوق دخولك لصفحة في هاد الصباح المبارك

انا فطوري اليوم رشتة نتاع البارح درت كمية كبيرة البارح للفطور والعشاء وراني لقيتها اليوم للفطور ضربت 3عصافير بحجر واحد ههههههه

يومكن سعيد وموفق

سلاااااام

المشاركة الأصلية كتبت بواسطة حياة نور الدين

صباح الخير عليكم اصبحنا واصبح الملك لله
ام حمزة ام جوجو وكل اللي تدهل بعدي صباحكم مبارك

المشاركة الأصلية كتبت بواسطة omsalah

السلام عليكن اخواتى وشكرا لكل من دعمتنى ودعت لزوجى بالشفاء ولتعلم كل واحدة منا اننا اخوات فى الله نفرح ونحزن لبعضنا فلتكن هذه الرابطة اكبر من كل شئ دمت محبتنا ويومكن سعيد موفق

ام جوجو احلى صباح وحفضك الله

حياة نورالدين صباحك مشرق سعيدة انا بالتعرف اليك

المشاركة الأصلية كتبت بواسطة زينب 83

السلام عليكم
صباح الخير غالياتي
كيف اخوالكن
ام ياسين بانتظار طلتك
ام صلاح هاذي غيبة خبيبتي عندي بزاف ماشفتكش الف سلامة على زوجك ماعلاباليش بلي مريض
انا ليوم صايمة باذن الله الغدا راه مودر ههههه لكن الفطور بوراك و شطيطحة لحم بيضاء و خبز صبرينة
حقا لي مادارتش خبز صبرينة راااااااحت عليها من اروع انواع الخبز لي درتهم تحففففففة ربي يجازيها يا رب
لبارح جات في بالي قمر 77 و ناهد دوران عندهم بزااااف غايبات ربي يرجعهم على خير
مياسم 75 اءا راك تشوفي فينا طمنيني عليك

المشاركة الأصلية كتبت بواسطة أم ياسين الزهراء

صباح النوار

كيالعادة هدا وين نضت

دخلت على جال كل البنات اللي معنا دون استثناء وحابة برك نفهمكم في حاجة يعلم ربي ويشهد على الله اني ماانسحبت على جال المولود استغفر الله اصلا كل الاعياد الدينية بدعة كاين غير زوج اعياد في دينا والحمد لله لبنات عندي مدة حابة نبدل شوي راح اثقف واطور وراح ارجع للقران الكريم الكوزينا قيدتني وربطتني كل مانحل عينيا كوزينا نرقد كوزينا وعليه ماشي انسحب راح نقص ومين داك نطل عليكم ماننساش خير الكوزينا على قول زوجي ملي دخلت للجلفة طورت في الطبخ وهدا خير لاانساه لبنات ربي يحفظكم كملو عادي طبعا راح اتقرعج عليكم كينقدر اول مرة نحس روحي حرة ونشكركم بزاف اللي تدكرتوني ويارب امنية حياتي نتجمعو في الحرم الشريف


ماراحش نحرق راني غير هنا ندور مواح ليكم الكل

ام حمزة وام جوجو وحياة اتهلاو في الكوزينا انتم الجماعة الجديدة

المشاركة الأصلية كتبت بواسطة omjoujou

دخلت لقيت لعزيزة ام ياسين قدامي ربي يعلي شانك ويطلع من مقامك كي درتيلنا قدر ودخلتي المهم ساعة على ساعة ادخلي طمنينا عليك وحطيلنا طياباتك نتمتعوا بيهم مستحيل الكوزينة تزهى بلا بيك
لبنات انا غدايا وجد نحطهولكم لاني ذرك راني خارجة رايحة لحفافة ولعشية نروح نبارك لمرت صاحب زوجي طهرت بنها البارح

بصحتكم كامل وش طيبتوا غداواتكم
نخليكم في امان الله
سلاااام

المشاركة الأصلية كتبت بواسطة ندى المحبوبة

الله يبارك ان شاء الله مبروك الكوزينة ختيتوا ماشاء الله راكم كامل تعرفوا تطيبوا انا معروضة ولالا

المشاركة الأصلية كتبت بواسطة ارزاق

صباح الخيرات مع دخلت قابلني غدا ام جوجو الله يبارك فحلة حتي انا فحلة وجدت الغدا وتغدينا شربة فارمسال بالحليب امممم شفتي لفحولة ههههه . ام ياسين محبوبة الجماهير صباح الخير والله عندك الحق وقتنا كامل رايح في الكوزينة منقدروش ننكرو فضل المنتدي علينا كاااامل لكن بالمقابل راح نتحاسبو علي وقتنا فاش عقبناه

المشاركة الأصلية كتبت بواسطة مياسم الصمت

السلام عليكم
بارك الله فيكم على الروائع التي تقدمنها

اختي انا هي رزيقة يا ريت لو تتفضلي وتعطيني رابط التارت تاع التفاح الاخيرة تاعك
عجبتني وبقات في بالي
او تشرحي لي
و البسكويت مشري او عجينة تارت

المشاركة الأصلية كتبت بواسطة انا هي رزيقة

صباح الانوار اختي مياسيم الصمت نهارك مبروك حبيبتي
هي ما فيش اسهل منها اختي انا استوحيت الوصفة من اختنا ام سهام البيسكوي هو مبدئيا كيك الياوررت لي فيه 3 بيضات و باطة يا وورت و بنفس مكيال الياوورت تزيدي في البيض مكيال و نصف سكر و تخلطيهم مليح و كانها جينواز هنا سر البيسكوي ثم تزيدي نفس الكيلة ناقص اصبع زيت ثم الياروورت دائما مع الخلط ثم بالسباتولا تزيدي 3 كيلات(اي باطة الياوورت) فرينة مغربلة مع باكي خميرة كيميائية
تكوني وجدتي المول تاعك فرشي القاع تاعو بالكراميل و ستفي ساير داير شرائح التفاح تكون خشينة شوي و فرغي عجينة البيسكوي عليه انا استعملت مول 26 سم باه ما يجيش البيسكوي عالي كي يطيب البيسكوي و يتحمر من فوق تم تم لازم تقلبيه على طبسي مسطح بشوي برك باه ما يعقدش الكاراميل انتي و شطارتك ... خخ
و بعد ما يبرد زيدي زينيه بالكراميل و هو فعلا بسكوي بنين جدا سورتو كي يكون بارد اممم

المشاركة الأصلية كتبت بواسطة انا هي رزيقة

اووف خلاص قدرت نحمل الصور

المشاركة الأصلية كتبت بواسطة انا هي رزيقة

شوفو الفوقاس شحال خفيف من الداخل و االله يستاهل التطبيق لبنات و يعطيك الصحة اختي زينب

المشاركة الأصلية كتبت بواسطة touta2010

صباحكم فل
سلام للجميع
واش راكم مع الكونية
انا جوزت المولد عند أهلي
دنا الرقاق

المشاركة الأصلية كتبت بواسطة oum fadoua

السلام عليكم جميعا وشراكم ان شاء الله تكونو بالف خير

المشاركة الأصلية كتبت بواسطة انا هي رزيقة

توتا اهلين و بصحتكم الرقاق بصح ما نعرفش واشنو... خخخخ
المازة منورة حبيبتي و عجتني سهرتكم لوكاان كنت معاكم كنت نكمللك دراهمك ..خخخخخ
و الجواز تان ساهل ياك تعرفيني انا نحب غير الساهل و البنين طبعا
تقلي اطراف الدجاج مع بصلة صغيرة مقطعة رقيق وشوية معدنوس مقطع و حية طماطم مقطعة و ملح و فلفل اكحل و شوية سكنجبير و شوية قرفة و مغرفة صغيرة معمرة طماطم مصبرة و شوي فلفل عكري انا نحب المرق تاعي يكون حمر مع حبيتين زرودية مقطعين دوائر خشينة بعدما يتقلي كلش مليح مرقي قيس ما يطيب الجاج تاعك . بعد حوالي 15 دقيقة زيدي البسباس كل وحدة مقطعة الى 4 مع كمشة زيتون منزوع االنوي هو ما يطولش يطيب حوالي 20 دقيقة . في الاخير نحيت قطع الدجاج و حمرتها في مارغارين مع زيت و زدت طيبت بطاطا فريت دوائر و زينت بيهم الطبق

المشاركة الأصلية كتبت بواسطة انا هي رزيقة

ام صابرين بصحتكم الرشتة و السهرية و كل عام و انتم بخير يا رب

المشاركة الأصلية كتبت بواسطة ام نور الهدى 2014

السلام عليكم

رزيقة مااشاء الله وش هاد الخير شهيتني و انا تعبانة ما نقدر نعاندك
ام فدوى أجواء رائعة بصحتكم
تفضلوا عشايا البارح و الباتيسري

المشاركة الأصلية كتبت بواسطة آسيا 27

مسا الخير صحة غداكم اليوم درت البركوكس

المشاركة الأصلية كتبت بواسطة arwa alaa

السلام عليكم واش راكم راني توحشتكم بزاف راني عند عجوزتي مرانيش نقدر ندخل بزاف بصح حبيت نشكر كل الحراير على الوصفات راكم حمرتولي وجهي راني داخلة عليهم دخلة زي وحدوخر رزيقة ام حمزة حياة ام جوجو ام رحاب ام ياسو ام الاء راكم غيرتو بزاف في طيابي بلا ننسى كل المشاركات في الكوزينة كل وحدة باسمها شكرا راني ينساك حسب الاكلات الي طيبتها........... شكرا شكرا شككرا

المشاركة الأصلية كتبت بواسطة حياة نور الدين

انا دائما ننسى نححط فطوري هو الاخير بعد الردود
درت ارز بالصوص وليزابا
وخبز ام رحاب جااا هااايل

المشاركة الأصلية كتبت بواسطة فراشات العمر

السلام عليكم
كيفكم حراير البلاد لي رايحة لماليها تسلم عليهم
حبيت تنصحوني في زوجي جاتو ليسطومة والبطن نتاعو توجع وفالي لحراق كتلني يبغي يتقيئ
شكون فيكم تقلي على الماكلة لي لازم يخطيها ولا ياكولها

السلام عليكم و صح فطوركم
ام اماني شكرا على الوصفة تروحي و ترجعي بالسلامة
شي بيبا اهلا بك و بصحتكم واش طيبتي و التارت اممممم
حياة شكرا لك على رابط ام اماني و بصحتكم طاجين الخرشف و الارز بالصوص امممممممممممم يشهي و كذا الطمينة
ام اماني و عبدو ام الموسكوتشو جاك يشهي ممكن الزصفة
لهلا وهيبة و بصحتك التارت
ليزا ربي يبارك فيك و راكي حليتي الفزورة يا شطورة
اهلا اختي حوا
زيكا يعطيك الصحة على بسكوي التفاح يبان يشهي و شكرا على وصفة السباقيتي و شكرا على كل واش حطيتي الفوكاشيا اممممممم
ام جوجو غراتان الشفلور جاك
ام امنية بصحتكم واش طيبتي و كل عام و البنوتة بالف خير
روضة بصحتكم الطعام بالبقري و الخرشف
اهلا لهنة موكا بصحتكم الرقاق
منال و منير مرحبا بك معنا
ام نور الهدى بصحتكم الرشتة و التارت جات امممممممم يسلموو طريق السلامة عليك
نور الاسلام امممممم بصحتكم اختي كل شيء يشهي و شكرا على رابط الخبز
القناعة كنز بصحتكم قلب اللوز
المازة اهلا بصحتكم الكيكة و بالشفا عليك
ام تاجو امممممممم روائع حبيبتي التارت تشهي بصحتكم
ام اسلام اهلا بك و بصحتكم الغذاء و شكرا على الوصفة و شكراعلى الرد عيونك الرائعة
اوريسيا اهلا بك
على سلامتك اسيا و الصالبلي جاك روعة
تهاليل بصحتك
ام حمزة بصحتكم الرشتة و التارت
اهلا ام صلاح ربي يشفي زوجك شفاءا لا يغادر سقما
وهيبة بصحتكم و طريق السلامة سلمي على الاهل
زينب تقبل الله صيامك و بصحتكم واش طيبتي
ام ياسين سعيدة بردك لاني والله تاسفت كثيرا لم راجعت و رفت بانك انسحبت اتمنى تبقاي تنورينا و تطلي علينا و ربي يوفقك و يوفقنا لما يحبه و يرضاه
ام جوجو بصحتكم الغذا يشهي و بصحتك الحفافة و القعدة
ندى المحبوبة مرحبا بك معنا اختي
ارزاق اهلا و بصحتكم الفيرميسال بالحليب
مياسم الصمت اهلا و فيك بارك الرحمان اختي و بصحتك التارت
اهلا توتا بصحتكم الرقاق
ام فدوى بصحتكم واش طيبتي كلش رووووووعة يسلمو
اسيا بصحتكم البركوكس راهو يشهي
اروى الاء اهلا بك
اهلا فراشات العمر بالثفا على زوجك ما تطيبيلوش حاجة حملرا او الحارة علاجال الحريق و كاين بيبسان مليح لالام ليستوما و لحريق

[hawa19]

شكرا اختي ام فدوى على بالك قعدت بين عينيا نتاع ام ابراهيم اما على الشرح فانت كفيتي و وفيتي يعطيك الصحه

[oum sabrin]

هذا كان غذايا مع سلطة و الحمد لله

[البحر الصافي]

مساء الخير

[البحر الصافي]

السلام عليكم