الجزء 156 واش طيبتي اليوم متعة التذوق مع تكنلوجيا الصورة

[omjoujou]

دخلت لقيت لعزيزة ام ياسين قدامي ربي يعلي شانك ويطلع من مقامك كي درتيلنا قدر ودخلتي المهم ساعة على ساعة ادخلي طمنينا عليك وحطيلنا طياباتك نتمتعوا بيهم مستحيل الكوزينة تزهى بلا بيك
لبنات انا غدايا وجد نحطهولكم لاني ذرك راني خارجة رايحة لحفافة ولعشية نروح نبارك لمرت صاحب زوجي طهرت بنها البارح

بصحتكم كامل وش طيبتوا غداواتكم
نخليكم في امان الله
سلاااام

[ندى المحبوبة]

الله يبارك ان شاء الله مبروك الكوزينة ختيتوا ماشاء الله راكم كامل تعرفوا تطيبوا انا معروضة ولالا

[ارزاق]

صباح الخيرات مع دخلت قابلني غدا ام جوجو الله يبارك فحلة حتي انا فحلة وجدت الغدا وتغدينا شربة فارمسال بالحليب امممم شفتي لفحولة ههههه . ام ياسين محبوبة الجماهير صباح الخير والله عندك الحق وقتنا كامل رايح في الكوزينة منقدروش ننكرو فضل المنتدي علينا كاااامل لكن بالمقابل راح نتحاسبو علي وقتنا فاش عقبناه

[انا هي رزيقة]

السلام عليكم فتحت الصفحة على طمينة حياتو ربي يجعل ايامك كلها حلوة و سكر يا حياة راهي تشهي موت انا حتى لغدوة ان شاء االله باه ندير شوي
بصح لي ما خلاش فيا رشتة ام حمزة و شربة ام جوجو يا مامي يا مامي سخفتوني على 11 يا لبنات تسلم ايديكم يا الفحلات و الله يبانو هايلين و رايحين ينطقو من االبنة بصحتكم و صحة اولادكم

[انا هي رزيقة]

انا البارح درت فوقاس زينب الفنانة واش نقوللكم يا لبنات هايل هايل هايل سورتو مع ذوق زيت الزيتون اممم انا برك ما درتش الفرماج في الوسط راجلي غير يشكر فيا قولتلو البركة في الكوزينة و بناتها .. خخخ
و زدت معاه جواز بسبابس مع بطاطا
للاسف اليوم عندي مشكل مع رفع الصور لاول مرة تصرالي معلاباليش الا غير وحدي لبنات

[انا هي رزيقة]

اهلين و سهلين ارزاق بصحتكم الفرميسال و االله غير نحبها ملي كنت صغيرة بنتها مازالت في فمي
صباح الخير ندى المحبوبة اهلا بيك معانا اختي

[انا هي رزيقة]

ام يا سو الفحلة و االله غير عندك الحق في كلامك حتى انا وليت نستهزا في خدمتي ملي دخلت للكوزينة بصح راني نسيي نسقم في روحي .. خخ
و صح رانا رايحيين كامل نتحاسبو على وقتنا واش دارنا به و يا ريت كل واحد فينا يكون جوزو في اشياء فيها فائدة للجميع و لي نفسه طبعا بوركتي على حكمتك اختي و االله غير خليتني نفكر في نفسي اكثر

[مياسم الصمت]

السلام عليكم
بارك الله فيكم على الروائع التي تقدمنها

اختي انا هي رزيقة يا ريت لو تتفضلي وتعطيني رابط التارت تاع التفاح الاخيرة تاعك
عجبتني وبقات في بالي
او تشرحي لي
و البسكويت مشري او عجينة تارت

[روضة 88]

مياسم الصمت تسلم ايد رزيقة على التارت لانها خلاتك تشاركي معانا

لبنات كامل يعطيكم الصحة على الخيرات لي حطيتوها

غدائي بربوشة بقاتلي من الامس وللعشاء تهنيت عندي عرس.

[انا هي رزيقة]

صباح الانوار اختي مياسيم الصمت نهارك مبروك حبيبتي
هي ما فيش اسهل منها اختي انا استوحيت الوصفة من اختنا ام سهام البيسكوي هو مبدئيا كيك الياوررت لي فيه 3 بيضات و باطة يا وورت و بنفس مكيال الياوورت تزيدي في البيض مكيال و نصف سكر و تخلطيهم مليح و كانها جينواز هنا سر البيسكوي ثم تزيدي نفس الكيلة ناقص اصبع زيت ثم الياروورت دائما مع الخلط ثم بالسباتولا تزيدي 3 كيلات(اي باطة الياوورت) فرينة مغربلة مع باكي خميرة كيميائية
تكوني وجدتي المول تاعك فرشي القاع تاعو بالكراميل و ستفي ساير داير شرائح التفاح تكون خشينة شوي و فرغي عجينة البيسكوي عليه انا استعملت مول 26 سم باه ما يجيش البيسكوي عالي كي يطيب البيسكوي و يتحمر من فوق تم تم لازم تقلبيه على طبسي مسطح بشوي برك باه ما يعقدش الكاراميل انتي و شطارتك ... خخ
و بعد ما يبرد زيدي زينيه بالكراميل و هو فعلا بسكوي بنين جدا سورتو كي يكون بارد اممم

[انا هي رزيقة]

اهلين روضة تسلميلي حبيبتي و بصحتكم البربوشة

[انا هي رزيقة]

اووف خلاص قدرت نحمل الصور

[انا هي رزيقة]

شوفو الفوقاس شحال خفيف من الداخل و االله يستاهل التطبيق لبنات و يعطيك الصحة اختي زينب

[almazalina22]

صبااااح الانواااار
الحمد لله كي طليتي ام ياسو ربي يحفظك وصح كلامك درر
الجميع مولات الرشتة والشربة والتارت والفوقاص رووووعة
رزيقة خرجلك هااايل بصح جواز البسباس والدجاج قتلني هاتي طريقتك باش تزيدي تفرحي ههههه والف شكرا على وصفة السباقيتي في اقرب وقت نطبقها
البارح نضت درت كيكة الشوكولا لام اماني جات هايلة شربنا بيها الحليب روطار واللي كلاها مع العصير وبتنا بلا عشا شبعانين زدنا ياعورت برك وطبعا الاولاد سخنتلهم جواز كان باقيلي من الغدا والحمد لله درت لومبيونس مع ولادي سهرنا طرحتلهم اسئلة واللي جاوب على خمس اسئلة تدي عشرة الاف خخخخ والحمد لله عقبناها ضحك وزوجي قالي اجمل مولود والحمد لله

[touta2010]

صباحكم فل
سلام للجميع
واش راكم مع الكونية
انا جوزت المولد عند أهلي
دنا الرقاق