الجزء 156 واش طيبتي اليوم متعة التذوق مع تكنلوجيا الصورة - الصفحة 60

almazalina22 · 2015-12-22, 12:16

صبااااح الانواااار الجميييع يعطيكم الصحة على اطباقكم
ام كاميليا ربي معاكم وقادر على كل شيء
ام اتاج ام ياسو ليزا ام جوجو امحمزة زهرة اللوتس سماح حياة واللي نسيتها تسمحلي
نضت نتعافر ودرت شربة والخبز من برا وبرتقال ومندرين ولله الحمد
يسقوا يتغداو ولا يقعدو الله يسهل صبحة رقبتي مع اذني توجع ربي اشفني واشفي جميع مرضى المسلمين

almazalina22 · 2015-12-22, 12:17

اقتباس:

المشاركة الأصلية كتبت بواسطة cheikhaek

ممكن اثبات

حنونة اهلا بيك بصح اثبات نتاع واش ممكن راكي غالطة في القسم

انا هي رزيقة · 2015-12-22, 12:19

السلام عليكم صباح الخيرات يا حلوات الجلفة
صباح النور زهرة اللوتس و سماح
ام جوجو صبح الخير يا وجه الخير الخرشف راه كيما يحب الخاطر اممم بصحتكم حبيبتي
انا البارح درت سباغيتي و لا غير ياك المهم ناكلو ...خخخخ

almazalina22 · 2015-12-22, 12:20

ام ريهام التارت رووووعة
ام صابرين شكرا على الاقتباس وراكي قايمة بضيافك

انا هي رزيقة · 2015-12-22, 12:21

المازة اهلين و بصحتكم الشربة و ربي يشافيك اختي

omjoujou · 2015-12-22, 12:25

زهرة اللوتيس تسلميلي حنونتي وبصحتك وش تغديتي
المازة ربي يشفيك حبيبتي وبصحتك الشربة
ليزا لعزيزا مشكورة حبيبتي على وصفة الروز بالحليب
ام حمزة في انتضار الصورة النهائية تاع تبيخة الفول بالباذنجان شوقتيني باه نشوف هاذ الطبق الجديد بالنسبة ليا
ام ساجد بصحتك طاجين الزيتون والمطلوع
الاخت وزة راهي حطتلك الاخت سماح الرابط تاع المكاييل والقياسات مشكورة
ام تاجوووو لحبيبة وش هو غداك خخخخخخ
رزيقة وينكي ووينو عشاك تاع البارح؟؟؟؟؟؟
ام ياسين لقيتي غداك ولا لقاك خخخخخ
اسبا يعطيك الصحة على الحلو وربي يحفظلك مبمتك

omjoujou · 2015-12-22, 12:29

رزيقة عمرك طويل والله هذوين جيتي في بالي وسقسيت عليك وعلى عشاك تاع البارح حتى شفتك دخلتي وحطيتيه لقلوب عند بعضاها خخخخ بصحتك السباقيتي امممممم يشهي وتسلميلي
حقا نسيت لاتارت تاع ام ريهام يعطيك الف صحة حبيبتي وبصحتكم
حيوتة بصحتك الخرشف يبالي قلتي راح ديري نتي تاني الخرشف اذا مخنتنيش الذاكرة
ام صابرين بصحتك البواقي حبيبتي

انا هي رزيقة · 2015-12-22, 12:31

ام ابراهيم روائع واش حطيتي من حلويات و مرطبات ربي يسلم اليدين لي خدماتهم بصح قوليلي راكي من الوزن الخفيف ولا الثقيل حبيبتي ... خخخخ
ام جوجو المقرقشات خرجولك روعة روعة دون مجاملة اختي
ام ساجد طابلتك تشههي موت بهذييك الجاجة المحمرة الله الله لوكان انا نزيد برك وحدة حمود بوعلام سيليكتو
ليزا العسل و االله حتى الرز بالحليب تاعك يبان غير بصحتكم حبيبتي
ام حمزة ربي يشافيك حبيبتي بصح لي سوفلي توعك توب كيفاه ديري به يخرجولك هكذاك مقيسين سوا سوا تسلم اياديك اختي

انا هي رزيقة · 2015-12-22, 12:34

زهرة اللوتس كلامك سكر و الله شوفي حبيبتي كثري المعدنوس مع القصبر في الصلصة و زيدي شوية كركم بلاك تتحصلي على هذاك اللون لي راكي توحسيه انا موالفة تخرجلي احيانا صلصلة االبولي خضرا كي نكثر الحشاوس فيها

انا هي رزيقة · 2015-12-22, 12:39

شفت بلي ام يسرى القاورية دخلت اهلين حبيبتي توحشنا اطباقك الجميلة
ام صابرين صباحك عسل و بصحتك البواقي

روضة 88 · 2015-12-22, 12:50

لبنات صحة غداكم جميعا بالصحة والهنا انا الحمد لله بقالي زيتون من العشاء وشريت الخبز من برا راني مع غسيل الملابس

لبنات وش راكم طيبوا بالباذنجان انا راهم يشريوه بصح يفسد ونطيشوه بلا ما نطيبوه عليها سقسيتكم وش ديرو بيه.

ام حمزة22 · 2015-12-22, 12:50

السلام عليكم

صح فطوركم وبصحتكم واش طيبتو

لبنات ولادي الشباب بسلامتهم قريب خلاوني فالحشمة قريب مالقيتش واش نصور

بعد ماطاب لفطور خليت بنتي مع تسياق ودخلت لغرفتي نفرز خزانتي على 11 دخلو ولادي سمعت سلام عليكم فاادخلة والخرجة بصح ما سمعتهمش دخلو للكوزينة وفرغولي ااطنجرة بسلامتهم قريب قعدت انا ولبنات بلا فطور ما طلبوش مني حتى نسقيلهم سقاو لرواحتيهم وسهلو لاشغالهم ربي يسترحم ويحفضهم ويحفضلكم وليداتكم

راني طولت عليكم باش برك نبرهنلكم ان تبيخة الفول والبدنجال بنييييينة مممممممممممم

اراجع وارجع بادن الله

تهاليل · 2015-12-22, 12:54

السلام عليكم ورحمة الله وبركاته راني في مدة كبيرة مدخلتش لركن الطبخ مكنش القعاد كامل باه نطل عليه المهم غادي نقرا هذو اربع وستين صفحة بصح حبيت واحدة فيكم لي جربت مادلان مسروق نتع الهام تقولي كاتبة هي واحدة ونصف ياغورت يعني كيلة نتع ياغورت نكيلو بيها مرة ونزيدو نصف وواش معناها ياغورت ممزوج فيه حبيبات ؟ واحدة ونصف سكر يعني بكيلة ياغورت ندير مرة ونزيد نصف ؟وتانيك واحدة ونصف خمارة نتع قاطو يعني ساشي ونصف ؟ فهموني بغيت نجربه وراقبو تطبيقي هنا نحطه بإذن الله

SAMAH SAMAH · 2015-12-22, 12:56

اقتباس:

المشاركة الأصلية كتبت بواسطة Lotus Flowerl

زقزوقة بصحتكم السباغيتي و ربي يدوم النعمة و يرزق كل محروم ....
اكيد كل شي من يدك بنين
و شكرا على وصفة الصلصة ...انا كليتها مرة في الطيارة و هي خضراء ...و عجبتني
راني كل مرة نبحث و نجرب حتى نوصل الوصفة هذيك الصلصة....علا بيها سقسيتك

السلام عليكم طيابكم ماشاء الله بارك الله فيكن
الصلصة اللي تحوسي عليها ماشي صلصة البيستو

انا هي رزيقة · 2015-12-22, 13:03

ايه صح سماح سماح في رايي سور تكون هذيك يعطيك الصحة اختي و االله ما جاتش في بالي حتى قولتيها بارك االله فيك حبيبتي