الجزء 156 واش طيبتي اليوم متعة التذوق مع تكنلوجيا الصورة - الصفحة 54

almazalina22 · 2015-12-21, 13:15

صح فطوركم
ليزا ولو انت العسل
ام خالد اهلا وسهلا
ام جوجو مممم الطعااام بالكرشة عمري ماكليتو راه يشهي
روضة اهلا بيك انت ماكيش تطلي والتعب والاشغااال مايخلاصوش
غدايا بطاطا فليو وقليت سكالوب وبرتقال والحمد لله حابة ندير حاجة حلوة وحرت حابة حاجة ساهلة وماتاخذش الوقت نحتاجها للقهوة نتاع العشية تكون واجدة

almazalina22 · 2015-12-21, 13:17

فراشات العمر مممم التارت راكي جبتيها بصحتك واصلي والوصفات راهم نتاع الاخوات في وصفات الحراير
ام سهااام نسيت الصباح ما صبحتش عليك واش احوالك كاش اطباق فاخرة
ام ياسو بصحتك الفووول نجي نفطر نموت عليه باي طريقة وراه في قلبي دوبارة

omjoujou · 2015-12-21, 13:23

فراشات العمر يعطيك الصحة راكي جبتيها وبصحتكم
المازة تسلميلي اختي وبصحتك بطاطا فليو والسكالوب شوفي ندبر عليك وش ديري للقهوة الصباح حطت ام رحاب مقرقشات روووووعة وساهلين ومايدوش الوقت وراهي حطت الوصفة تاعهم اذا بغيتي ديريهم

omjoujou · 2015-12-21, 13:28

المازة راني جبتلك الصورة تاع المقرقشات وجبتلك الوصفة تاعهم تفضلي

اقتباس:

المشاركة الأصلية كتبت بواسطة x ام رحاب x

السلام عليكم ورحمة الله وبركاته
كي اصبحتو جبتلكم المقرقشات باه تشربو القهوة راهم خفاف وبنان درتهم البارح للقهوة تاع لعشية

اقتباس:

المشاركة الأصلية كتبت بواسطة x ام رحاب x

ام تاج هاكي الوصفة تاع المقرقشات
المقرقشات
5 كيلات فرينة وكيلة سمن ذايب وبارد وقرصة ملخ وماء الزهر باه اتبلي لعجينة والعسل والجلجلانية
انحط في طبسي كبير الفرينة والسمن ايكون سخون وبارد وديري شوية ملح واتبلي بالماء الزهر واتعجنيها حتان تولي ملساء وخفيفة ماشي جارية شادة روحها واعجنيها بالكف تاع الايد وكي اتشوفيها طاوعاتك خليها ترتاح ربع ساعة وابداي حليها بالحلال مليح لازم اتكون رقيقة بزاف وقطعيها شرائح ماتكونش رقيقة بزاف انا درت 2 صباعتين وقطعت ةلازم اتكون الزيت سخونة واتبداي اتحطي واتلوي بالفرشيطة حتان تشكلك وردة واترمي عليهم بالمغرفة الزيت حتان تتنفخ وكي اتكملي عسليهم وديريلهم الجلجلان

x ام رحاب x · 2015-12-21, 13:31

صحة فطوركم لبنات
ام جوجو بصحتك الطعام مطرح مايسري يمري
فراشات بصحتك الخرشف بالزيتون شفتي شحال ايجي بنين
ام ياسين بصحتك الفول حبيبتي
ليزا لحقاتك رسالتي ولا لالا
المازة بصحتك الفطور واليكراب حنونة ماجيتيش لداركم
فراشات العمر بصحتك الحلوة اتشهي
روضة وحياة وكلكم بصحتكم واش فطرتو

حياة نور الدين · 2015-12-21, 14:06

اهلااااا فطوري كسكس مصورتش حطيت الفطور وسب سيد قعد يقلق فيبا والله حداش ونصف فطرنا باش يروح يخدم في الحق هو يخدم على الرابلعة بصح يخرج من الدار بكرب يحب يتقهوى ويدور باش يروح يخدم

لكن عندي الصور في الارشيف برك نتاع اليوم درىته باللفت والدجاج

وهادي الماكلة وجدت هالو يديبها معاه
بريك ومعقودة الشوفلور

انا هي رزيقة · 2015-12-21, 14:07

السلام عليكم فحلات الجلفة صحا غداواتكم كامل فتحت على بربوشة ام جوجو الفحلة و زيد مع الدوارة يا مامي يعطيك الربح ام حوجو سخفتيني
صباح الانوار ام ياسو و روضة و فراشات العمر و المازا
ام رحاب تسلم الايادي على هذوك المقرقشات
فراشات العمر االتارت مشهية حبيبتي
ام كامي ربي يشفي خالك يا رب و يشفي كل مرضانا ان شاء االله
انا البارح عجوزتي بعثتلي مسمن اممم مع كسرة علا بالها خدامة ما نعجنش غاضها وليدها ..خخخ
و انا كي العادة درت عشا تع الزربة تاع الخدامات يعني ... خخخ فريت مع شكشوكة طماطم
ا

om inas · 2015-12-21, 14:07

مساء الخير

غدايا لوبيا والعشاء بيتزا ان شاء الله

انا هي رزيقة · 2015-12-21, 14:10

اهلين حياتو بصحتكم الكسكسي سورتو كي بللفت و الجاج يا مي يا مي اممم

انا هي رزيقة · 2015-12-21, 14:17

اقتباس:

المشاركة الأصلية كتبت بواسطة lotus flowerl

يعطيك الصحة حياة و ام حمزة على الاقتباس....ربي يحفظكم

بنات كل واش حطيتوه ما شاء الله

تيتينا الحلوى تهبببببل....يعطيك الصحة

رزيققققققة واش درتو لصوص الجاج......

لبنات ما ذكرت حتى وحدة بصح ليكم
مني احلى دعوة
ربي يغفر لي و يغفر لكم و لكل المؤمنين

اهلين اختي زهرة اللوتس راني سقسيتلك اختي على هذيك لاصوص هي تحط في الروبو بصلة كبيرة مع راس ثوم و معدنوس و حبة طماطم و التوابل لي تحبيها و مارغارين و زيت زيتون و ترحي الكل ثم تخلط قطع الدجاج مع هذا الخليط و تحطو في بلا و تزيد معاهم كاس ماء و الى الفرن بلا ما تغطيه راح يتحمر الدجاج و تبقالك فيه صوص عاقدة تسقي بيها البطاطا تاعك او حتى الروز

x ام رحاب x · 2015-12-21, 14:18

حياة بصحتك الكسكسي ايشهي والبريك امممممممممممممممممممم
رزيقة بصحتك حبيبتي اكلاتك كلها اتشهي بصحتكم

انا هي رزيقة · 2015-12-21, 14:22

اقتباس:

المشاركة الأصلية كتبت بواسطة ام محمد اسلام الله

مساء النور عليكم كاملين
نحطلكم شوية طيابات ونراجع شوية راهم مايبنوش مليح صورتهم في الليل والبورتابل ميصورش مليح

تسلم الايادي ام اسلام سورتو على هذوك لي تارتولات مشهييين موت و السباغيتي ثان ر و االله سخفني حبيبتي بلاك نديرو لعشية

انا هي رزيقة · 2015-12-21, 14:30

اقتباس:

المشاركة الأصلية كتبت بواسطة أم محمد تاج

ياخرابي يخطبولي في امورتي وااااااااع ام ساجد حنوووونة لازم تجيبولي ذيب احرش عمرو ماتخبش وتجيبولي العمود الفقري تاع ذبانة وتجيلولي سنة تمساح حي وشحمة ديناصور وحجرة من بركان فاير وثائر باش نمدلكم حبيبة قلبي وعمري وعويناتي

ام تاجو راكي نسيتي حاجة هامة في شروطك مريومة بنت القرن ال21 و التكنولوجيا لازم لازم من ضمن الشروط شهر العسل في كوكب القمر و العرس في صالة في المريخ او الزهراء على حساب قدرة الخاطب به نسهلولو شوي ... خخخ .
و الاهم من كل هذا ربي يحفظهالك يا رب

حياة نور الدين · 2015-12-21, 14:39

اقتباس:

المشاركة الأصلية كتبت بواسطة انا هي رزيقة

السلام عليكم فحلات الجلفة صحا غداواتكم كامل فتحت على بربوشة ام جوجو الفحلة و زيد مع الدوارة يا مامي يعطيك الربح ام حوجو سخفتيني
صباح الانوار ام ياسو و روضة و فراشات العمر و المازا
ام رحاب تسلم الايادي على هذوك المقرقشات
فراشات العمر االتارت مشهية حبيبتي
ام كامي ربي يشفي خالك يا رب و يشفي كل مرضانا ان شاء االله
انا البارح عجوزتي بعثتلي مسمن اممم مع كسرة علا بالها خدامة ما نعجنش غاضها وليدها ..خخخ
و انا كي العادة درت عشا تع الزربة تاع الخدامات يعني ... خخخ فريت مع شكشوكة طماطم

ا

عشاك اممممم خفيف ظريف بصحتكم وماعليش راه عجوزتك تخمم عليبكم

اقتباس:

المشاركة الأصلية كتبت بواسطة om inas

مساء الخير

غدايا لوبيا والعشاء بيتزا ان شاء الله

بصحتكم

اقتباس:

المشاركة الأصلية كتبت بواسطة انا هي رزيقة

اهلين حياتو بصحتكم الكسكسي سورتو كي بللفت و الجاج يا مي يا مي اممم

لوكاتن جيتي قريبة نجيبهولك حتى للخدمة ماشي خسارة

اقتباس:

المشاركة الأصلية كتبت بواسطة x ام رحاب x

حياة بصحتك الكسكسي ايشهي والبريك امممممممممممممممممممم
رزيقة بصحتك حبيبتي اكلاتك كلها اتشهي بصحتكم

الله يسلمك اختي

اقتباس:

المشاركة الأصلية كتبت بواسطة انا هي رزيقة

ام تاجو راكي نسيتي حاجة هامة في شروطك مريومة بنت القرن ال21 و التكنولوجيا لازم لازم من ضمن الشروط شهر العسل في كوكب القمر و العرس في صالة في المريخ او الزهراء على حساب قدرة الخاطب به نسهلولو شوي ... خخخ .
و الاهم من كل هذا ربي يحفظهالك يا رب

ههههههه كملتيب عليبها مسكين وليد ام ساجد
رزيقة اسمحخيلي على السؤال معندكش دراري

SAMAH SAMAH · 2015-12-21, 16:24

الاخت بشرى عندها الحق انا تاكدت من كلامها اغلب الصور من النت
https://moniskitchen.wordpress.com/2...arm-meatballs/
https://moniskitchen.wordpress.com/2...hrimp-skewers/

]

https://www.pinterest.com/pin/544091198708298362/

https://lacuisinelouisa.over-blog.com...de-viande.html

https://www.online-instagram.com/tag/...07651028588990
[IMG]https://cdn.top4top.co/p_559j5oh43p9.jpg[/IMG