الجزء 156 واش طيبتي اليوم متعة التذوق مع تكنلوجيا الصورة - الصفحة 30

معتزة بديني · 2015-12-17, 15:04

اقتباس:

المشاركة الأصلية كتبت بواسطة انا هي رزيقة

معتزة بديني هذ هي وصفة الروز لي وعدتك بيها
تقلي بصلة متوسطة مقطعة رقيق مع لحم مقطع صغير مع فصين ثوم مدقوقين مع ورقتين رند مع شوي كمون لازم الكمون و فلفل كحل و شوي فقط قرفة و ملعقة صغيرة فلفل عكري و و حبتين زروديا مقطعين رونديل و زيت طبعا قلي الكل مليح ثم زيدي ملعقة صغيرة معمرة طماطم مصبرة ثم زيدي قلي و مرقي على حساب ما يطيب اللحم تاعك .يمكن طبعا تعوضي اللحم بالدجاج. و في نص الطياب ارمي في المرقة جلبانة و كمشة زيتون اخضر منزوع االنوى و مغلي نصعها مقطع رونديل و النص صحيحة. في هذه الاثناء تكوني طيبتي الروز تاعك في ماع مضاف اليه ملح و ورقة رند و ملعقة صغيرة معمرة كركم . انا نستعمل دائما الرز المفور . لازم يطيب ال دانتي يعني مشي 100بالمائة. امبعد صفيه بعد ما تضيفي ماء بارد في الاناء لي طاب فيه به نحيلو النشاء الزايد. امبعد ارميه في الصوص الطايبة. هنا عينك ميزانك لازم تكون لاصوص قيس ما تخلي الرز تاعك يتشرب من الماء تاعها لمدة 5 دقائق و طفي عليه و شهية طيبة اختى . خخخخخ

بارك الله فيك اختي وصفتك هايلة ربي يرزقك بواش متمنية

2015-12-17, 15:19

السلاااااااااااااااااام عليكم
بصحتكم كاااامل
حبيباتي اسمحولي مراجعتش عيااانة
درت مينااااج كبيييير للدار ولميت القش وخبيت المواعين خليت غير الضوروي لزوجي هههه لاني غدوة مسافرة لدارنا باذن الله نفوت العطلة
الغدا بوخفيييف برك هههه
مقارون بالتونة

وشومبينيون بالبيض

وخبز الدار

والحمد لله على نعمه علينا

ريتاج 09 · 2015-12-17, 15:22

مساء الخير عليكم
هدا عشايا تاع البارح راهو بسيط جدا بصح المهم المشاركة
قعدلي شوية عدس من لغدا وزدت معاه فريت وسكالوب مشوي

وهدي بطاطا بيتزا درتها من قبل

Ange Mouni · 2015-12-17, 15:25

الله يبارك تسلم الايادي فحلات ماشاء الله

um alaa · 2015-12-17, 16:42

Salami habibati. . .

حياة نور الدين · 2015-12-17, 16:43

اقتباس:

المشاركة الأصلية كتبت بواسطة ام محمد اسلام الله

مساء النور ام كاميليا
حياة نور الدين
دائمة الحمد
ام تاجو
ام ياسين الزهراء
رزيقة
ام ساجد
حنان الحمد لله لي طليتي توحشنا طلتك وتوحشنا اطباقك
بصح الصور مخرجوش
ووووووووالقائمة طويلة اكلاتك كلها تحفة يعطيكم الصحة روعة شهيتوني

اهلااااا اختي واش راكي

اقتباس:

المشاركة الأصلية كتبت بواسطة صبرينة ام مريم

السلاااااااااااااااااام عليكم
بصحتكم كاااامل
حبيباتي اسمحولي مراجعتش عيااانة
درت مينااااج كبيييير للدار ولميت القش وخبيت المواعين خليت غير الضوروي لزوجي هههه لاني غدوة مسافرة لدارنا باذن الله نفوت العطلة
الغدا بوخفيييف برك هههه
مقارون بالتونة

وشومبينيون بالبيض

وخبز الدار

والحمد لله على نعمه علينا

اهلااااا صبرينة راح نتوحشوك تروحي وترجعي بالسلامة

اقتباس:

المشاركة الأصلية كتبت بواسطة ريتاج 09

مساء الخير عليكم
هدا عشايا تاع البارح راهو بسيط جدا بصح المهم المشاركة
قعدلي شوية عدس من لغدا وزدت معاه فريت وسكالوب مشوي

وهدي بطاطا بيتزا درتها من قبل

اهلاااأ اختي بصحتكم

اقتباس:

المشاركة الأصلية كتبت بواسطة ange mouni

الله يبارك تسلم الايادي فحلات ماشاء الله

اهلااااا بك اختي معنا في دار اختي ام صثبرين

um alaa · 2015-12-17, 16:45

. . .

um alaa · 2015-12-17, 16:47

.

um alaa · 2015-12-17, 16:52

. /][/url].

حياة نور الدين · 2015-12-17, 16:52

راني درت للقهوة كرواسون ام ساجد ربي يحفظها ويعطيها الصحة وشكرااااا لبحورة اللي جرباتوا ودارتلي القلب ونديروااا صح تحفففففة

ام مريم الجزائرية · 2015-12-17, 16:53

اقتباس:

المشاركة الأصلية كتبت بواسطة آسيا 27

من عيوووووووني
ميني تارتولات بالغاناش

العجينة
grs 250 مرغرين و حبة بيض و صفار بيضة كاس سكر ناعم فرينة و لافاني 2 ملاعق مايزينة
ضربي المارغرين مع السكر من بعد زيدي البيض لافاني المايزينة و لمي بالفرينة مافيهاش الخميرة الكيميائية
و العجينة تكون طرية شكليها كريات صغيرة على حساب لي مول اللي عندك حلي كل كرية في القالب و دخليهن للفرن يطيبو و بعد ما يطيبو و يبردو احشيهم

و للحشو
300grs شوكولا سوداء دوبيها فوق حمام ماء و زيديلها 2 ملاعق حليب و 3 علب كرام ديسار بنينة تجي بنتو مع الشوكولا هباااال

خليها تبرد شوية برك تشد روحها و ديريها في كيس حلواني وديريها وريدات صغار و لا سامبل كيما درتها انا

و حطي فوقها حبة لوز و لا حبيبات الشوكولا و لا بيستاش و لا لي كوبو بالشوكولا بيضا انت اختاري

ان شاء الله تجربيها و تخرجلك شاااابة

بارك الله فيك اختي نجربها ان شاء الله وطيابك هايل الله يبارك

um alaa · 2015-12-17, 16:53

/][/url]

حياة نور الدين · 2015-12-17, 16:58

اهلااااااا ام الاء اطباقك رووووووعة يعطبك االصحة الناس واقيلا كامل راحوا فاكونس الكوزينة راه فااااارغة

um alaa · 2015-12-17, 17:01

اقتباس:

المشاركة الأصلية كتبت بواسطة lotus flowerl

حيووتة غيرتيني انا ثان نحاول نجربو ان شاء الله......بصحتك حنونة

ام الاء ....يا شريرة درتي عرضة ما شاء الله
و نسيتيني....
ربي يبارك

هههههههههههه عجبتني هادي تع شريرة هههه صاحب زوجي جا تعشى عندنا هدا ماكان هههه

حياة نور الدين · 2015-12-17, 17:10

اقتباس:

المشاركة الأصلية كتبت بواسطة um alaa

/]

[/url]

اقتباس:

المشاركة الأصلية كتبت بواسطة lotus flowerl

اهلا اهلا بالحلوييييين....
حياة ربي يجازيك على الاقتباس ....
اطباقكم تشهي ربي يدوم النعمة عليكم

فنانات و الله كل شي رووووووعة

عندي طلب صغيييييور.....
حابة ندير غدوة ان شاء الله

بايييييييييلا

شكون اللي عندها روسات تاعها او تاع المنتدى و جربتها تعطيهالي......

و جزاكم ربي كل خير يا رب

اقتباس:

المشاركة الأصلية كتبت بواسطة lotus flowerl

حيووتة غيرتيني انا ثان نحاول نجربو ان شاء الله......بصحتك حنونة

ام الاء ....يا شريرة درتي عرضة ما شاء الله
و نسيتيني....
ربي يبارك

اهلااااا اختي اللوتس الله يسلمك على كلامك وجربيه متندميش

و طريقتي في البايلا من كتاب سميرة
اصبري دوك نحملك الصور