الجزء 156 واش طيبتي اليوم متعة التذوق مع تكنلوجيا الصورة - الصفحة 16

البحر الصافي · 2015-12-15, 13:29

السلام عليكم
اسمهان ربي يشفي وليد خوك
وحلوياتك رائعة راكي فنانة بمعنى الكلمة

x ام رحاب x · 2015-12-15, 13:37

اقتباس:

المشاركة الأصلية كتبت بواسطة اسمهان79

السلام عليكم لبنات واحلى مساء
أولاً الف مبروك حبيبتي ام صابرين الكوزينة اطباقك وكوزينتك وحلوياك ودارك ماشاء الله عليها ربي يحفظك ويحفظ وليداتك ومولا بيتك يارب
اخواتي راني صفر مراجعة اسمحولي ربي يعلم بالضروف اللي راني نجوزفيها استسمح المشرفات
ولد خويا 4سنين حكمو السكر طلعلو 5.20 راه في المستشفى في غيبوبة سكر ادعيولو معاكم جزاكم الله كل الخير راه يتيم مسكين
كنت راح نحطلكم موضوع الحلويات ذك لكن راح نروح للمستشفى
اذا كاب ربي في المساء فقط نخليلكم شوية صور
عذرا يا مشرفات ربي يعلم شحال قلبي محروق عليه راني تخطيت القانون اعتذر مرةً اخرى

الله ايشافيه عاجلا غير اجلا والله قلبي اتقطع عليه ربي يرفد ضرو يارب
والحلويات تحفة كي العادة حبيبتي

x ام رحاب x · 2015-12-15, 13:40

اقتباس:

المشاركة الأصلية كتبت بواسطة أم هبوبة

عشايا نتاع البارح مرقة حمراء بالحمص و البطاطا و ضفت معاهم كروم رولي على طريقة ام كاميليا

سلاطة

و هدي بطاطا في الفور و لوبيا خضراء سوتي و دجاج

و هدا كريب تركي عملته مع الشربة اول البارح

اقتباس:

المشاركة الأصلية كتبت بواسطة um alaa

صباحو حبيباتي هدا كان عشانا البارح تريدة

.

ليزاتي بشششششششششورة راهي تسال عليك و قاتلك توحشاتك بززززاف

اقتباس:

المشاركة الأصلية كتبت بواسطة انا هي رزيقة

السلام عليكم فتحت الصفحة على خيرات ام هبوبة و ام الاء ربي يفتحها عليكم يا حبيباتي طيابكم جوعني ..وععع و انا راني مع ساندويتش الخدمة البارد واعععع ثم واععع
صباح الانوار ام اماني و ليزا العسل و ام رحاب و ام امينة و ام محمد اسلام و صبرينة و زهرة اللوتس شفتكم تدعيو لكرونو بالشفاء ربي يشافيها من كل مرض يا رب
نحطلكم عشايا البارح و نروح نراجع

و هذا الصحن لاول وحدة تجي مورايا بصحتك اختي ..خخخخ

اقتباس:

المشاركة الأصلية كتبت بواسطة البحر الصافي

رزيقة راني انا الاولى خلاص ديتو بصحتكم يشهي

ام هبوبة بصحتك كلش هايل
ام الاء بصحتك ايشهي
رزيقة بصحتك حبيبتي عشاك شهاني بصحتكم

ام ريان عبدالله · 2015-12-15, 13:42

اسمهان ربي يشافي وليد خوك عاجلا غير اجلا هو وجميع مرضى المسلمين امين

القناعة كنز · 2015-12-15, 13:43

مبروك الكوزينة الجديدة ان شاء الله لي عودة مع كاش تلباز

القناعة كنز · 2015-12-15, 13:45

اسمهان بالشفا لولد اختك ان شاء يخرج من المستشفى سالم معافى

oum sabrin · 2015-12-15, 13:48

السلام عليكم و رحمة الله
نحط غذايا نراجع و نولي
طبيخة و بوري و دجاج محمر لاولادي

اسمهان ربي يشفي وليد خوك شفاءا لا يغادر سقما و يسمعنا خبر الخير عليه
مرحبا بك اشكرك على الباروك و على الحلويات الرائعة لي حطيتيها بالرغم من توترك
طمنينا عليه

أم ياسين الزهراء · 2015-12-15, 13:51

اختي كورنو الف لاباس عليك حبيبتي

اسمهان ربي يشافي الطفل والله قطعتيلي قلبي الف لاباس

حبيباتي الكل ماشاء الله

غدايا شطيطحة لحم العجل بالزيتون والزرودية ودرت ليفريت وراني مشغولة لشوشتي يافرحتي بامومتي الضائعة

ارزاق · 2015-12-15, 14:21

مساء الخير دخلت علي الاقتباس تاع ام رحاب لخيرات ام هبوبة .رزيقة .ام الاء روووعة وغداء ام صابرين يشهي

اسمهان ربي يشفي ولد خوك ويعافيه يارب ومتنسايش طمنينا عليه
ام ياسين بصحتك الشطيطحة
القناعة كنز .ام ريان البحر الصافي .العزيزة ام رحاب مساء الخيرات

x ام رحاب x · 2015-12-15, 14:24

صحة فطوركم حبيباتي
ام صابرين بصحتك التبيخة والجاج والبيري تسلم ايدك
ام ياسين بصحتك الفطور وبلاكي تعجبك الامومة الضائعة واتشدي الطفل على يماه هههههههههههههه ربي يعينك حبيبتي
ارزاق كي مسيتي حبيبتي وبصحتك الفطور

مريم ريمة · 2015-12-15, 14:30

اقتباس:

المشاركة الأصلية كتبت بواسطة اسمهان79

السلام عليكم لبنات واحلى مساء
أولاً الف مبروك حبيبتي ام صابرين الكوزينة اطباقك وكوزينتك وحلوياك ودارك ماشاء الله عليها ربي يحفظك ويحفظ وليداتك ومولا بيتك يارب
اخواتي راني صفر مراجعة اسمحولي ربي يعلم بالضروف اللي راني نجوزفيها استسمح المشرفات
ولد خويا 4سنين حكمو السكر طلعلو 5.20 راه في المستشفى في غيبوبة سكر ادعيولو معاكم جزاكم الله كل الخير راه يتيم مسكين
كنت راح نحطلكم موضوع الحلويات ذك لكن راح نروح للمستشفى
اذا كاب ربي في المساء فقط نخليلكم شوية صور
عذرا يا مشرفات ربي يعلم شحال قلبي محروق عليه راني تخطيت القانون اعتذر مرةً اخرى

انت رائعة وفنانة ومبدعة وصفاتك ممتازة وانا لي تجربة مع اطبقاك خرجتلي تحفة دوك نحطهم وانشاء الشفاء العاجل ولد خوك يارب اتمنى انك تحطيلنا وصفات تاع هدو القاطو عجبوني بزاف خاصة تاع الشكولا

oum sabrin · 2015-12-15, 14:44

حبيباتي هادو التطبيقات لحد الان و نزيدو نشوفو
بينيي نيولوك للغالية زينب 83
https://www.djelfa.info/vb/showthread.php?t=1895953
بسبوسة الغالية ام رويدة

اقتباس:

المشاركة الأصلية كتبت بواسطة ام رويدة

تسلمو غالياتي اللي عجبتهم البسبوسة عيوونكم الشابين
وهاي ليكم الوصفة
المقادير

4بيض.4مغارف سكر.فاني كاس ماشي معمر زيت.2مغارف كاكاو اسود.3مغارف جوز الهند او اي نوع من المكسرات
علبة يوورت فاني.مغرفة صغيرة نسكافي او 3ملاعق قهوة طايبة.3 باكيات خميرة كميائية.220غ سميد متوسط
نضرب البيض مع السكر والفاني مليح نضيف الزيت ونواصل الخفق
نضيف الكاكاو وجوز الهند والقهوة ثم الياوورت وفي الاخير السميد والخماءر
ندهن القلب بالزبدة وندخلها لفرن مسخن مسبقا درجة حرارة متوسطة حتى تنشف تماما

نحضر السيرو اللي هو كاس ماء يغلي مع فاني بمجرد ما يبدا يغلي نضيفلو 3ارباع علبة نسلي يعني نخلو ربع باطة
ونخلوه يغلي شوية وهاهو شكلو

كي تطيب مباشرة وهي سخونة نشربها

وهاي بعض الصور

والتزيين انا درت شكولا مبشورة ونوادكوكو
وباستعمال الصفيحة تاع مول لي تارت الي يتفتح يعني هديك القاعدة نعلم بيه وندردر شكولا ثم نوادكوكو بالترتيب حتى شكلت زربية تشبه لتاعي ههه
والتزيين اكيد يعود ليك ادا استعملت في العجينة لوز او كوكاو راح ديريه هو فالتزين وادا درت نوادكوكو زيني بنوادكوكو
وتقدري ديريلها قاناج الشكولا جي مممم بصح انا ماحبتش الحلاوة بزااااف درتها هاكا
نتمنى تعجبكم وتجربوها

غراتان البطاطا بالمرقاز

دولمة كرنب تاع ام كاميليا
https://www.djelfa.info/vb/showthread.php?t=1893152

خبز هشوش تاع صبرينة
https://www.djelfa.info/vb/showthread.php?t=1568049

قاطو البالون للغالية ام تاجو

اقتباس:

المشاركة الأصلية كتبت بواسطة أم محمد تاج

حبيباتي بما انو مشغولة راح نحطلكم الوصفة تاع القاطو ومبعد براحتي نسكنلجها
هو صح يشبه لي دوم والفكرة كيما هوبصح الحشو من مخاميخي المخمخين
اولا القاعدة وهي عبارة عن صابلي مربع انت استعملي وصفة الصابلي لي ناجحة فيها
الحشوة هبال وخيال
شوفو زوجي ح كان مسافر وماكانش شكون لي يشريلي لوازم الحلويات بعيدة الحانوت عليا ايا فتحت الثلاجة وشي لي كان خدمت بيه
700غ نواد كوكو الرقيق على خاطر كاين الخشين نضيفلو بشور 3 ليمونات
700غ عجينة السكر نحطها في كاسرونة ونذوبها مع فنجال تاي ماء الزهر وزوج مغارف زبدة كي تذوب مليح نضيفها لنواد كوكو ونخلط بملعقة خشبية على خاطر الخليط سخون وكي يتخلطو نستعمل اليدين ونعجن مليح حتان النواد كوكو يطلق الزيت تاعو ونحاول نضغط عليه براحة اليد اذا تشكلت الكويرة خلاص الحشو واذا ماتشكلتش نضيف مغرف كبيرة زبدة طرية
نجيب مول البالون ونحط الحشو ونضغط مليح باش تتشكل عندنا بالونات متحوفين ونحطهم بجيهة
نذوب الشوكولاطة بدون اضافات وندهن لي مول تاع البالون باستعمال ملعقة صغيرة ونحط الحشو ونعدل الحبة مليح ونحطو في الثلاجة 10 دقائق ونحيه برفق
نحط شوي شوكولاطة فوق حبة الصابلي ونلصق الحشو ونزين الحبة كيما يحب الخاطر
ماكانش عندي ملون ابيض باش نضيفو للسكر قلاصي فاستعملت السكر وماء زهر وزينت بخطوط وبس

هاذ الكمية خرجتلي 60 حبة

oum fadoua · 2015-12-15, 14:49

السلام عليكم
كالعادة اطباق متميزة و حلويات جميلة واكيد لذيذة مشاء الله عليكم

هذا باروك لفتيتاح الكوزينة

فطورنا دولمة وللقهوة جينواز

oum fadoua · 2015-12-15, 14:52

جومانة الخنونة · 2015-12-15, 15:24

اممممممممممممممممممممممممممممممممممممممممممممم فحلات