خبز اليقطين و بيتزا بوازي امممممممم

زينب 83 · 2015-12-05, 10:02

السلام عليكم و رحمة الله

جبتلكم اليوم بعض الوصفات ان شاء الله تعجبكم

خبز اليقطين رائع و لونه جمييييل

كاس يقطين اي كابويا مفور و مرحي purèe
كاس حليب دافئ
ملعقة خميرة خبز
ملعقة سكر
فرينة حسب الحاجة و ممكن فرينة نصف فرينة و نصف دقيق عادي او دقيق قمح
سينوج و حبة حلاوة
ملعقتين زيت اي نوع
نصف ملعقة زبدة

ملح
نحطو الخميرة و السكر في الحليب حتى تطلع نزيدو باقي المكونات و اخيراً الفرينة حتى نتحصلوا على عجينة طريييييية و تلصق مثل عجينة البيتزا
نخلوها تخمر حتى تضاف الحجم ثم نشكلوها و نخلوها تخمر مرة اخرى و نطيبوها في فرن سخووووووووون
و النتيجة اكثر من رايعة خفة و بنة و صحة

خبز الكابويا

بيتزا بوازي

هاذي البيتزا لذيذة جدا عائلتي يحبوها بزاف حتى انهم استغناو عن كل انواع البيتزا ، هي معروفة بزاف في منطقة ليون الفرنسية ، أساس الوصفة هو صوص الغرويار اللذيذة

عجينة البيتزا
انا درت عجينة عادية
كاس حليب دافئ
ملعقة سكر
ملعقة خميرة خبز
فرينة
قطعة صغيييييرة زبدة
زعتر بري
ثوم مجفف

عجنت العجينة و خليتها تخمر و مباعد طرحتها رقييييقة
حطيت فوقها الجبن المبشور انا درت خليط من الغرويار و الجبن الاحمر
و مباعد حطيت
دجاج مقطع ، فلفل حلو مقطع ، زيتون اخضر ، فطر مقطع ، و قطع جبن ابيض و اخيراً زعتر بري

طيبتها في فرن سخوووووووون

بعد ما طابت مباشرة سقيتها بصوص الغرويار اللذيذة

و لي هي عبارة عن

اربع او خمس ملاعق كريم فراش نسخنوه او نذوبو فيها كمية من جبن الغرويار المبشور و نخلطو بالفوضوي حتى تولي عن،ان كريمة اممممممم نزيدولها اوريجانو و ثوم مجفف او طازج و فلفل ابيض

جربوها حبيباتي لانها فعلا لذذذيذة
لي ما تقدرش تتحصل على الغرويار ممكن دير جبن ابيض بطعم الغرويار

على فكرة ممكن تحطو الصوص من الاول و تخليوها طيب و تحمار
لكن انا عجبتني هكذا احسن و هذي هي الطريقة الاساسية

فوكاشيا بشكل مختلف

دايما اذا عجبتني وصفة نعتامدها مباشرة لكن نحب نغير في الأشكال و الذوق مرات
المهم هنا استعملت وصفتي لخبز الفوكاشيا
https://www.djelfa.info/vb/showthread.php?t=1818114
بعد ماخمرت العجينة
طرحتها رقيقة و فرشت فوها زيتون اخضر و بنفسجي ، طماطم مجففة و طازجة ، جبن مبشور ، زعتر أو إكليل جبل

نروليوها مثل الصورة و مباعد نقطعوها بسكين حاااااااد حتى نقطعو كل الطبقات الا الاخيرة

ممكن نخليو لي باكيت كيما راهم او ممكن نضفرو كل اثنين مع بعض

نخليوهم يخمرو مليح بعد ما ندهنوهم بحليب مخلط بزيت الزيتون و نطيبوهم في فرن سخووووووون
راح نتحصلو علو خبز راااايع شكلا و مذاقا

ان شاء الله تكوني وصفاتي عجبتكم غالياتي

في امان الله و حفظه

أم ياسين الزهراء · 2015-12-05, 10:15

رووووووووووووووووعة قتلك وصفاتك حلم جميل روعة وتسلم ايديك

أم ماجد · 2015-12-05, 10:16

دائما مبدعة زينب ربي يهنيك

ام رويدة · 2015-12-05, 10:19

ماشاء الله تبارك الله عليك اختي زينب
يعطيك الف عافية

شمس الشتاء · 2015-12-05, 10:37

ربي يجزيك كل خير اختي جربت وصفات بزاف تاعك ونجحت معاي آخرها الصابلي الي حطيتيه جا هايل وزاكي ربي يباركلك اختي العزيزة

القناعة كنز · 2015-12-05, 11:10

دائما مبدعة ربي يحفظك

ام محمد 05 · 2015-12-05, 11:21

الله يبارك دائما مبدعة اختي زينب من فضلك وصفة الهمبرغر لي وعدتيني بيها ياك منسيتيش برك

معتزة بديني · 2015-12-05, 11:53

يعطاك الصحة هايلين اختي

آسيا 27 · 2015-12-05, 12:05

ما شاء الله زينوبة كل شي 4444444444444444 الله يعطيك الصحة

زينب 83 · 2015-12-05, 12:54

بارك الله فيكم غالياتي

شمس الشتاء شفت ردك في موضوع الصابلي شكرًا غاليتي
أمال مانسيتكش حنونة مباعد نبعثهالك رسالة و اسفة جدا على التاخير

شمس الملوك · 2015-12-05, 13:27

بارك الله فيك وصفات رائعة وانا من عشاق الكابويا لكن للأ سف لم اجد وصفات كثيرة بها سوف اعتمد الوصفة قبل تجربتها لأني اثق في وصفاتك فقد جربت العديد منها اما البتزا فكنت سوف اسألك على الوصفة وهاقد وضعتها .اختي زينب لقد قمت بتصبير المشمش على طريقتك لكني لم اجد وصفة كيك او تحلية اعمله بها فااذا كانت لديك وصفة فاكتبيهالي وجزاك الله خيرا

ام رزيقة · 2015-12-05, 13:32

بارك الله فيك كلش44444444444444444444

ريتاج 09 · 2015-12-05, 14:21

مبدعة الله يبارك

lyzzabel · 2015-12-05, 15:00

يمييييي وصفااات مشهية حبييبتي زينووووبة باارك الله فييك غااليتيي

ام محمد اسلام الله · 2015-12-05, 17:06

اووووووووو ماشاء الله وصفاتك دائما في القمة