=اللي عندو خبرة يدخل وجزاكم الله خير=

[{Rim}]

المشاركة الأصلية كتبت بواسطة عبد الله كمال

اولا رايحة تبداي تتعلمي قانون المرور او مايسمى الكود

و تجتازي امتحان قانون المرور اذا نجحتي

تنتقلي للسياقة و تتعلمي كفاش تقاري السيارة بين زوج سيارات و كفاش تدخليها و تخرجيها من القااج

و تفوتي امتحان ثاني يسنى كرينو

بعدها تبقاي تسوقي و تفوتي الامتجان الثالث و هو امتحان السياقة

اذا نجحتي مبروك عليك البيرمي

من حقك تفوتي امتحان كل 15 يوم و اذا فشلتي في الامتحان لازم تستناي 15 يوم اخرى باش تقدري تفوتي الامتحان

كون متراطيل خلاص في الامتحانات تقدري تجيبيه في 45 يوم

المشاركة الأصلية كتبت بواسطة aya ayouya doudou

اختي كيما قالك الاخ انت و شطارتك

المشاركة الأصلية كتبت بواسطة toulay

فالاول تقرا le code تتعلم فيه الاشارات و les intersections وبعدها مين تتعلم مليح تفوت l'éxamen يجي l'ingénieur يسقسيك شويا
لكان نجحتي راح تنتقل لمرحلة جديدة ولهي créneau كيفاش تصف السيارة واذا منجحتيش تستنى 15 يوم باش تزيد تفوت le code

ومين تنجح في le code راح يعلمك le moniteur كيفاش دير créneau وبعد 15 يوم من la pratique تفوت l'éxamen ومين تنجح ان شاء الله يجي le dernier éxamen ولهو circuit راح يعلمك le moniteur كيفاش تسوق وبعد 15 يوم تفوت l'éxamen

هي الاغلبية بين كل امتحان 15 يوم

وباش تتعلم la conduite مليح ملازمش تخاف ودير confiance في روحك واذا متعلمتيش مليح عند le moniteur تاعك تقدر تسجل des heures عند un autre moniteur باش تتعلم اكثر

بالتوفيق

المشاركة الأصلية كتبت بواسطة بوسماحة 31

اول شيء هو الدراسة النظرية من أجل اجتياز الامتحان النظري أو "الكود''
ومنها حفظ اشارات المرور.....والتعرف الجيد على أولوية المرور ....
و هناك دروس تطبيقية في الميدان للتعرف على السيارة وكل ما يتعلق بالسياقة .... مع بداية تعلم السياقة للمبتدئيين

بآآآرك الله فيكُــــــــــــــــم وجزآكُم الله ألف خير *شُكْرآآآآآآ*