استفسار عن نوعية السميد الرطب

[om kamilia]

السلام عليكم ورحمة الله وبركاته
حبيت نطلب منكن اخواتي الكريمات نوعية سميد رطب يوالم المسمن كلما نشري كيلو نعجنو مليح كي نجي نحلو يتقطع من فضلكن لا مارك مليحة ياريت لوكان بالصور وجزاكم الله خير

[ام ملاك الصبور]

سميد الجواد يجي بيه المسمن رائع عن تجربة

[om kamilia]

شكراحبيبتي ملاك

[om kamilia]

الظاهر كل الحراير مايطيبوش بيه

[ام ظافر]

اذا كنتي في الشرق كاين سميد البركة تاع زريبة الواد روعة ما تدلكيهش خلالالالالالالالالاص ولكن خيري المتوسط لانو فيه الحرش والرطب

[fatisousou]

انا تاني كيما انت انشاء الله اخوات افدونا
مع تحياتي

[omo marwane]

السلام عليكم اختي قالولي بلي سميد عمر بن عمر رائع كل لي جربوه عجبهم لكن ما جربتوش لأنني ملقيتوش في السوق وكيما قالتلك الأخت سميد الجواد مليح صح و لكن نصيحة ماتكثريلوش الماء يعني متجريش العجينة و كي تقطعيها كويرات صغار متخليهمش يرتاحو بزاف و الله اعلم

[حبيبة امها]

يا اختي ممكن انت لما تعجني تقطعيه وهو عجينة ديالو ما تقطعيهاش انا صراحة جربت بكل انواع السميد وما يتقطعش وانت إذا غابتلك لما تشري السميد بلي كمية قليلة منو بالماء وعجنيه بين صباعك رايحة تعرفي إذا سميد فيه العلك أو لا
وزيد لما تروحي تشري السميد لازم تقولي لصاحب المحل انك رايحة تعمل بيه لمسمن لانو مش كل سميد رطب معناتو يعجن
بالتوفيق اختب

[ام احسان]

السلام عليكم اختي
انا نستعمل دقيق مولا moula لعجن المسمن والمحاجب وتشختشوخة بساكرة وعجينو ساهل
جربيه بالاك يساعدك ويعجبك
بالتوفيق ....ماتنسايش تبعتيلي شوية كي تطيبي هههههههههه

[*فاتن*]

انا نستعمل عمر بن عمر و لابال و الذهبية و كلهم ملاح للعجين ...مسمن و شخشوخة و مطلوع

[raboha]

أنا عندي الحل و هااااااااااايل
ملي كبرت ندير المسمن بالسميد و الفرينة و هذي المرة معنديش سميد أيا درتو بالفرينة برك
واش نقولك خرج مسمن روووووووعة و عجينتو كل منحلها متتقطع
بصح قولي للبيترا يعاونك و إذا راكي تاكلة على صحتك عولي تدي أسبووووووووووووووع راحة هههههههههه كي تكمليه
لخطرش معلكة بزاااااااااااااااااف
هذو اليامات نحط الصور تاعو

[ام رضوان]

السلام عليكم ورحمة الله
اختي راهي كاينة انواع كثيرة من السميد في السوق وراهي تقريبا كامل تصلح لعجينة لفطير انا جربت عمر بن عمر الرقيق وثاني دقيق كنزة راهي نصحتنا بيه الاخت اسمهان الله يحفظها وكاين بزاف انواع
شوفي اختي ننصحك كي تبغاي الديريه خلطي كمية من الفرينة مع السميد باه ما يتقطعش وكي تعودي تعجني ما تقطعيش لعجينة واعجني باليبوسة مليح باه تبداي تسقي العجينة وديريهم كويرات صغار باه ما يتعبوكش في الطياب وما تجريش لعجينة واهم حاجة خليى العجينة ترتاح باه تبداي تطيبي.
انتمى ان اكون افدتك.

[oum rayanedino]

اختي الكريمة عمر بن عمر هايل خاصة متوسط اما الرقيق اذا شريتي شكارة لازم تقلبيه قادر تكون ماشي مليحة لذا لازم تقللي شكارة قبل ما تشري

[كوسيم]

ياختي أنا ماما تستعمل سميد كنــــزة رررررررررررروعة ماعندي مانقولك وشنو يحب العجين و بالتوفيق

[om kamilia]

شكرا عزيزاتي رايحة نعمل بنصائحكن