الجزء 151 من مطبخ واش طيبتي اليوم اتفضلووو عنديي مرحباا

[lyzzabel]

وصفة المبسس على طريقتيي

في قصعة نحط 3 كيلاات سميد متوسط و قرصة ملح و كيلة مخلطة بين ما رغريين و زييت ثلثي الكييلة مارغريين داايبة و ثلث الكييلة زييت ،، نخلطهم و نحك بيديا ملييييح و نبدا نرش بالماااء بلاا ما نعجن هاد النقطة مهمة ،، حتى نشووف السمييد بدا يتلم و نقدر نشكل بييه كرة ،، نبسط كل الكمية تااع الخلييط و نشكل خبزة بارتفااع 2 سم على الأكثر مع الضغط كي نكوون نشكل فييها ،، نقطع بالمووس مقروظاات كباار كيما البرااج او مربعاات حسب الرغبة ،، انا نفضل شكل مقروظاات و نعدل كل حبة بيديي و نقلي في زييت غزيييز و سخوووون على ناار ما قلييلة ما متوسطة و نحمر حباات المبسس على الجهتين و مبااااشرة نعسلعم بعسل دافئ و نقدمهم بالصحة و الهناااا ،، قدما هو راااائع قدما يزييد يوليي أررروع ميين يباات ممممممم

[ام سهام 02]

المشاركة الأصلية كتبت بواسطة آيات سرمدية

السلام عليكم ورحمة الله وبركاته.....اهل المطبخ الكرام....

ياسلام اخت ام منصف هي الي استقبلتنا عندها هاد المرة.....ماشاء الله. ..بلامانقولك اطباقك دائما راقية كرقي روحك....وطيبة كطيب خلقك....جزاك الله خيرا. ...

ليوم لقيت شوي وقت فراغ...ايا توحشتكم ودخلت طليت لعشية ع الكوزينة وقريت الصفحة الاولى....ورحت طواالي للصفحة الأخيرة وقتها لقيت اطباق شريكتي لعزيزة على قلبي.....ام سهام وشفت قاطو الاجاص وبما انك قلت انو يجي بالتفاح وحطيتي رابط الوصفة....اي سميت بسم الله وقلت نروح نعمل حاجة حلوة ناكلها قبل ولا ورى لفطور....

وهاي النتيجة.....جات اممم مش كيما فالصورة تاع ام سهام....يمكن المول نتاعي صغير على بيها جات طالعة....ولكن انا جاتني خفيفة قطن ..وزيتنها بالتفاح الي قصيتو رقيق .....وعجبتني وهادا الأهم. ....اذن نقولك بارك الله فيك. جزاك الله خيرا. ..









وعشانا كان ....سوب الخضار وبوراك....والشومبينيون بالزيتون مع لي فولوفون....والسلاطة .....والحمد لله...

امممممممممممممممم اممممممممممممممم شريكتي الفحلة يعطيك الف الف العافية والله غير فرحتني بتطبيقك و الاكثر كعجباتك الصح في البنة مرات تلقاي شكل شباب و الذوق مشي بنين و كما قلتي اكيد المول اتاعك صغير لهذا جاتك عالية و المرة الجاية كبري المول و بصحتكم العشا

[oum anas 69]

شوفو شكون نسيت عمود الكوزينة لعزيزة على قلبي أم ياسو بصحتها أمورة لاتارت و البنتوف ربي يجعلها من الصالحات
أم سهام حبيبة قلبي ماتأمنيش واش يعجبني إتقاانك و تفانيك في الطبخ حقيقة كلش من يديك تحفة حتى و إن كانت حاجة بسيطة
آيات سرمدية بصحتك عزيزتي لاتارت تحفة
أم آلاء بصحتك اللشيكولا ياطيبة
أم وسيم ربي يرزقك بسكن لي يعجبك و يرضيك
ألمازا و أم أمنية و كاوكا مابانوش عساهم بخير
الميقريات وين راحو ؟؟؟؟

[omomnia15]

سلام ام انس ربي يجيبلك سويعة ساهلة
ايات سرمدية الكيكة 44444444
ليزا صحيتي على الجرنان راكي قايمة بالحالة وغدوة ان شاء الله نطبق البركوكس بالعصبان
ام سهام البريوش يشهي
لهنة كنت رايحة نقولك هني روحك سبقتني ام انس مزلتي نافسة والكوزينة مرجوعك ليها راهو الضغر صعيب كنا هكذا وذرك جاتنا في الصحة وهنا صغار ريحي باش يجيك الحليب
بنتي راهي ادير فالسوفلي كسرتلي راسي كي تكمل انحطلكم ولكم التقييم

[آيات سرمدية]

ماشاء....كنت قاعدة نقرا في الصفحات الي من ورا وصفة ام سهام....ومن بعد لقيت اطايب الي اقتبستهم اختي ام امينة.......والله سهلتيها عليا....هكذا منكثروش الصفحااااات...الي قتبستهم اختي امينة كاااااامل نقولكم ماشاء الله. ..كلشي بالطبع والشان...


ومن بعد رجعت للصفحة الأخيرة. ....لقيت اختي ام انس....بارك الله فيك. ....اعطيتني اخر الأخبار ......

راح نقول لاختي اسمهان وام عبدوا وملاك....رحم الله فقيدكم....ان لله وان اليه راجعون لله مااعطى وله مااخذ....اللهم وسع لهم في قبورهم واجعل مثواهم الفردوس الأعلى. ...وارزق ذويهم الصبر والسلوان....هم السابقون ونحن اللاحقون...

اخت حنان....الحمد لله ع سلامتك....الخير فيما اختاره الله. ...احتسبي الأجر. ...وان شاء الله يعوضك خير ....

[saja hamed]

المشاركة الأصلية كتبت بواسطة oum anas 69

السلام عليكم ورحمة الله وبركاته
ليزاتي حنونتي عزيزتي بصحتك الكوزينة
أم عبدو و ملاك عظم الله أجرك في عجوزتك ربي يرحمها و يوسع عليها .. تعرفي كي مادخلتيش حسيت بلي توفات ... سبحان الله مرضها و موتها جاو بسرعة ربي ماحبهاش تتعذب بالكيميائي
أم يسرى ربي يرحم سلفتك و فضيلة أيضا ربي يرحم عجوزتك ياسعدك أديتي دعوة الخير يا طيبة
إسمهان واش راهم بيت خالك إن شاء الله صابرين
حنان يالحنونة ربي يخلف عليك عزيزتي ... مازالكي صغيرة و عروسة ماتبكي ماتحزني .. ربي ماشافلكش فيه الخير ... أنا طرحت 5 خطرات و الحمد لله على كل حال ... بصح المرة الجاية حاذري روحك مليح
لهنا نتي بالذات نجيبلك البشماق نعطيك طريحة ... يابنتي هني روحك راكي نافس ... ريحي و أشبعي رقاد و بركاي من تخلاط الكوزينة .. راكي تجيبيها في روحك حذاري حذاري ... و على الحليب أشربي لي تيزان مليح ليك و لبنتك يمشولها في الحليب و كولي العجائن و كثري البربوشة و خاصة الرخساس و كولي كلشي ... بعدي فقط على الخيار و الشفلور و البطيخ و البقول مثل اللوبيا و الحمص يديرو لي غاز و دفي روحك مليح و الراحة كذلك تدر الحليب ... إيه مادابيك تاكلي الماكلة السخونة و الحوت كذلك .. العدس باش يعوضلك الدم لي راحلك
لي عيد زواجهم نقلهم بصحتكم التقلاش ربي يخليكم لأزواجكم
أم و إبنة بصحتهم أطفالك لي بوت يهبلو كيما تاوع فرنسا ملاح كي تصب المطر يلبسوهم بالصحة و لهنا ... عندي سؤال ليك .. علاه رجعتي من الأنجليز مادام عاجبك الحال ثم ؟؟ و وعلاه ماطلعتيش ولدتي ثم علجال الجنسية يلقاوها مرة أخرى أولادك سواء للدراسة أو للعمل أو حتى للتحواس ؟؟
سيماسيم جيتي في بالي البارح عندك مدة مادخلتيش .. إن شاء الله أولاد ريحو شوية ؟؟؟
إيه دائمة الحمد مبروك لبنت أخوك و الحمد لله على سلامتها و سلامة آدم تربيه في العز و الدلال إن شاء الله
أم جوجو أم حبوبة الرجاء الأماني أم بيسان أم سراج أم رويدة أم تاجو أم الجود أم ساجد ذات النورين وووووو البحر الصافي و أماني ووووووووالله نسيت إن شاء الله راكم ملاح
عطورة و ساندريلا ربي يعطيكم و يعطيني وقفة ساهلة و لكل الحوامل
بصحتكم كامل الكرواسون خرجلكم هاااااايل
غدايا و عشايا بتزا درت 2 و زوجي راه في لبلاد غدوة إن شاء الله يروح
أدعولي أخواتي راني تعبانة ميتة كرشي مزيرتني و مسلاني قتلني بالسطر ماقدرتش نمشي
..

ربي يشفيك حنونة

[omomnia15]

راني هنا حبوبتي ام انس والمازة دعواتكم لوليدها ربي يرفد عليه راهي مشطونة معاه وراهي تسلم عليكم كاااااااااااااامل

[ام سهام 02]

المشاركة الأصلية كتبت بواسطة ماريا.م

بصحتكم اختي....يشهييييي
اذا ممكن رابط الوصفة

شوفي هذي الوصفة اقتصادية ودرتها غير من راسي المهم حاجة للقهوة

درت كاس حليب دافي و حطيت فيه 1مك خميرة خبز و2مك سكر و خالتهم وحد15 دقيقة حتى طلع امنبعد ضفت 4مك زيت و 2مك سكر و1مص ملح و 1مص فانيلا و 1مك قشور البرتقال و الفرينة و نص باكي خميرة حلوة حتى تحصلت على عجينة تتلصق دخلت فيها قطعة زبدة و و لميتها ودرتها في كيس مبلل و خاليتها تخمر

خمرت رشيت طاولة العمل بالفرينة وحبطت الخمور و قسمت العجين على 3قطع و خدمتهم حرابش و ظفرتهم و حطيت الطفيرة في مول الكيك يكون مدهون بالزبدة ومن الافضل غلفيه بورق الطبخ وخاليه يخمر للمرة الثانية كاتشوفيه اخمر اشعلي الفرن خاليه يسخن و ادهنيه بخليط التلميع

انا دهنتو بشوي قهوة طايبة مع حليب غبرة وشوي عسل

حاليه يطيب على درجة 180 من الاسفل قبل باه ايطيب امليح وحد20دقيقة و تمنبعد اشعلي مالفوق غير تخرجيه ادهنيه بالمعجون ولاجولي او العسل

[saja hamed]

ما جوبتونيش واش راح نقدر نعمل باللبن حبيباتي

[أم ماجد]

اهلا ام انس حتى احنا توحشنا طيابك الرائئئع
نفس الكلامكنت حابة نقولو للهنا الدنيا ماطارتاش راكي نافسة ريحي
اليوم بعداما تغديت وحدي خخخخخخخخخ ودرت في البلاد وشفت السلع شريت شوية اواني وجبت زلابية معايا تحليو بيها



وحفيظ بعث هادي لاولادكم خاصة منصف خخخخخخخخخ خدموها اليوم في الروضة

[أم ماجد]

المشاركة الأصلية كتبت بواسطة saja hamed

ما جوبتونيش واش راح نقدر نعمل باللبن حبيباتي

عاودي السؤال من فضلك
حقا ام انس روحي سجي روحك خخخخخخخخ غدوا يجيك العزيز

[ام سهام 02]

المشاركة الأصلية كتبت بواسطة oum anas 69

شوفو شكون نسيت عمود الكوزينة لعزيزة على قلبي أم ياسو بصحتها أمورة لاتارت و البنتوف ربي يجعلها من الصالحات
أم سهام حبيبة قلبي ماتأمنيش واش يعجبني إتقاانك و تفانيك في الطبخ حقيقة كلش من يديك تحفة حتى و إن كانت حاجة بسيطة
آيات سرمدية بصحتك عزيزتي لاتارت تحفة
أم آلاء بصحتك اللشيكولا ياطيبة
أم وسيم ربي يرزقك بسكن لي يعجبك و يرضيك
ألمازا و أم أمنية و كاوكا مابانوش عساهم بخير
الميقريات وين راحو ؟؟؟؟

حشمتني حبيبتي ام هديل هذا من لطفك وذوقك الرفيع حتى انت ماشاء الله عليك فنانة و اطباقك اممممممم شهية ورااااااقية خاصة التقليدي تهبلني به

وراني حاسة بيك المسوولية والتربية والحمل و الصحة ميش كما قبل ربي يقدرك و يعينك و يسهل لك امورك و يعطيك صححتك امين يا رب

[ام سهام 02]

ام امينة شكراااااا حنونة ربي يخاليك و ربي يكون في عون المازة الغالية امين يارب بلغيها سلامي

ام ماجد ربي يحلي ايامك و يعطيه الصحة حفيظ

ساجا احمد دري خبز البن تع ام ساجد

[ذات النورين]

اختي اللي طلبت وصفة باللبن هاكي
جريوات كيلو + علبة اللبن اللي عندك + نصف ملعقة صغيرة نعناع ناشف+فصان ثوم مفروم ملعقة صغيرة ملح +كاس زيت
قطعي الجريوات عرضيا لدوائر وحمريهم فالزيت
خلطي اللبن والثوم والنعناع
رصي الجريوات دياولك في بلا تاع كوشة وفرغي عليهم خليط اللبن
ودخليه للكوشى ودعيلي

[سوسو المغتربة]

خواتاتي اسمهان والمعلمة الجديدة عظم الله اجركم ربي لي يعلم قاسني خبر الوفاة ربي يصبركم ويسكنهم
فسيح الجنات ياااااااارب
حنان ياعمري ماسمعتش بيك غير كي قريت الرد تاع ام انس ماديري والو في بالك ربي سبحانو بعظيم سلطانو يعوظك يارب
ام انس ربي يخفف عليك ان شاء الله انا بحملي الثاني من الشهر السادس وانا ثقيلة ما وصل الهر الثامن وليت الشهيق والزفير باسيف نخرجهم واالحمد لله فات كلش
ام جوجوبصحتنا انا ونتيا السهرية هههههههههه
ليزا حبوبة انا هي سوسو فولتيلي بالبنوتة مالا راكي متعددة المواهب بالإضافة للطبخ راكي حلاقة فحلللللة ونص ربي يبارك
البحر الصافي ربي يفرحك على الدعاءلي دعيتيهولي