الجزء 150 من واش طيبتي اليوم..... نورتو غالياتي تفضلوا .....مرحبا بكن - الصفحة 69

ام و ابنة · 2015-10-25, 14:10

ام اماني و اسيا اهلا عزيزاتي

انا ما علاباليش وش من جماعة راني معاهم بص حنا تروح و تجي و كي تجي تجي ثقيلة خاصة في الوقت اللي نقعد بش نكونكتي فيه

om wassim · 2015-10-25, 14:29

سلام لبنات كاش حوت ههههه
انا خرجت الصبح دي بنتي للفاكسان و قضيت فالطريق
لقيتكم طلبتو وصفة الخبز دوك نحطهالكم اول مرة نجربو و عجبني خرج هايل
و هدا الحوت راني نتقمت منو هههه

و هادي كسرة شرب بيها راجلي صبح قهوة

زينب 83 · 2015-10-25, 14:30

مساء الخير لبنات و يعطيكم الصحة على الاطباق ، اللوبيا تشهيييييي و المادلان توب ، و انتوما توب

و علاه راكم عقاب الحوت مسكين راهي باخرة تاع مالطة هي لي قاست الكابل

انا ماني من جماعة 80%و لا 20٪ راني 0000000000٪ يكثر خير اوريدو هههههه

راني نحسب فيهم بالنهار و قتاش توصل الأربعاء زعمة كي انا ولى عندي شوي الوقت النات راحت ، بصح و الله كاينة فايدة ليوم كملت شغالي و طيبت لغداء و درت كرواسون و موسكوتشو و دوك راني مريحة في وقت قصير ، كنت بكري نخدم شوي و نطل شوي

خسارة و لا مركز تحميل حب يحملي عندي بزاف صور

om wassim · 2015-10-25, 14:36

خبز بدون عجن ساهل و هايل

350غ فرينة
1/4 ملعقة كبيرة ملح
1/4 م كبيرة خميرة خبز
بول تاع شربة معمر ماء دافي
زيتون أخضر مقطع أو اسود أو أعشاب عطرية
نخلط العجينة جي طرية تلصق فاليد انا خلطت بملعقة الخشب مليح
نغطيه و نخليه يخمر 2 سا لا أكثر لا اقل
نهبطلو الطلوع باستعمال الفرينة فوق الطالبة باش مايلسقش
و نحطو في صينية بها ورق الزبدة على شكل مستطيل شوية عريض و نرشو بالفرينة مالفوق
نخليه 20 د و امبعد ندخلو فرن 200
حتى يطيب
و بصحتكم

om wassim · 2015-10-25, 14:37

زينب انا نحمل من مركز top4top هايل

آسيا 27 · 2015-10-25, 14:38

اقتباس:

المشاركة الأصلية كتبت بواسطة om wassim

سلام لبنات كاش حوت ههههه
انا خرجت الصبح دي بنتي للفاكسان و قضيت فالطريق
لقيتكم طلبتو وصفة الخبز دوك نحطهالكم اول مرة نجربو و عجبني خرج هايل
و هدا الحوت راني نتقمت منو هههه

و هادي كسرة شرب بيها راجلي صبح قهوة

ام وسيم عرفينا بكسرتك
يعطيك الصحة على وصفة الخبز

زينب 83 · 2015-10-25, 14:48

ام وسيم يعطيك الصحة على الوصفة لكن اي فرينة استعملتي لانو بانلي اللون كانو دقيق الشعير او القمح الكامل

و يعطيك الصحة الكسرة قلشتيها ههههههههههه

اسيا هذا وين قدرت نشوف بقية الحلويات يعطيكم الصحة

om wassim · 2015-10-25, 15:26

اقتباس:

المشاركة الأصلية كتبت بواسطة آسيا 27

ام وسيم عرفينا بكسرتك
يعطيك الصحة على وصفة الخبز

الله يسلمك بلا مزية حبيبة
و كسرتي عادية و قلشتها كيما قالت زينب هههه
سميد شوية زيت ملح شوية خميرة حلوة و عجنتها و خليتها ريحت شوية و طبعتها ههه و طيبتها

اقتباس:

المشاركة الأصلية كتبت بواسطة زينب 83

ام وسيم يعطيك الصحة على الوصفة لكن اي فرينة استعملتي لانو بانلي اللون كانو دقيق الشعير او القمح الكامل

و يعطيك الصحة الكسرة قلشتيها ههههههههههه

اسيا هذا وين قدرت نشوف بقية الحلويات يعطيكم الصحة

الله يسلمك حبيبتي زينب
و الفرينة باش تضحكي قلت لعجوزتي اشريلي سيم قاتلي عندي تاع 10 كغ عمرتلي بسينة هههه
و لونها ماشي بيض حقرتها بصح كي شفت الخبز أيا قلت يعطيها الصحة
بصح حتى صاحبة الوصفة خرجلها لونو هكا و استعملت فرينة عادية
شوفي هاي صورتو

Oum Habouba · 2015-10-25, 15:56

سلاااام لبنات شفتو الكوزينة راها خاوية والمستفيد الاكبر مسعودة راهي مريحة نتاع بصح
ام الجوج البارح عييت نرسلك في الوصفة بصح والو مابغاتش تفوت قالي نتي فوتي ماشي انا وبصحتك المادلان
ام سارة والله غضتيني مسكينة انا تاني توحشتكم صايي ما تبكيش رانا هنا
ام وسيم بصحتك الخبز منظره مشهي سلمت يمناك
زينب كي راكي اختي مليحة من فضلك حطي الكرواصون نتاعك نشوفه واقسميه من الوسط وزيدي حطيلنا كاش جديد مشكورة
ام وابنة كي راكي مليحة
السلاااام للبقية

ساجده 82 · 2015-10-25, 15:56

سلام لبنات واشراكم مع النت ف
زينب يالله حطينا نستمتعو ا
ام وسيم على بالك نفس الخبز نديرو انا يوميا ههههه الفر ق انو انا مانديرش الزيتون فقط بالصح مره نلقى فيه السانوج مره الزعتر كل مره هههه زوجي يخليني نخ ج ويبدا الاضافات تاوعو الصراحه يحمر الوجه ومافيهش الجهد نهائي انا نهار العيد درت 11 خبزه قالي زوجي تخيلتك كيما اللي يطيبو للمجاهدين وقررت نقص لانا ولينا نستهلكو بزاف والميوان غادي يفلت
حاجه اخرى انا ندير عيني ميزاني ماعنديش مقادير معينه وكي يكون عندي الرايب او اللبن نستعملو على العموم شكرا

ساجده 82 · 2015-10-25, 16:03

ساجده 82 · 2015-10-25, 16:05

هذا خبزي ام وسيم ههه انا عجبتني الزخرفه اللي خرجت في خبزك عندنا واحج النوع هنا يسموه chapata يشبه الى حد بعيد لخبزك من حيث التقطيع

آسيا 27 · 2015-10-25, 16:08

اقتباس:

المشاركة الأصلية كتبت بواسطة ساجده 82

fadila34 · 2015-10-25, 16:10

ماشاء الله على الخير لحطتوه وتلي الخبز خرخلكم هايل بصحتكم
وصح قهوتكم

آسيا 27 · 2015-10-25, 16:17

كيييييييييييييكتي

فضيلة بون جووووووووغ
الحمد لله بديتو تبانو وحدة بوحدة