السلام عليكم مرحبا بكم معي في الكوزينة147 شعارنا نعم للتفاؤل

[أم أماني وعبدو]

غدايا لوبيا مرقا حمرا وسلاطة والحمدو لله

[ام ساجد]

ام رحاب تعيشي حنونة الله يخليك ويفرحك ببناتك وابنك ويحفظهم ويعلي مقامهم

ام اماني وعبدو الله يخليك عزيزتي تعيشي والكادو جاني من عند عنيا ولادي في زوج بنتي وولدي
فاجؤوني اليوم كي روحو من المدرسة كنت نطيب في الكسرة قالولي غمضي عينيك وبعد حلي
ولقيتهم جايبيلي الكادو ربي يفرحهم ويصلح فيهم ويريح بالي عليهم

[ام ساجد]

الله يسلمك اسمهان اوااااه كانش دزيري يجيب لمرتوكادو خاصة عيد ميلاد ما شكيتش
خاصة بعد فوات عشرة سنوات ههههههه

[أم أماني وعبدو]

ام وابنة نستعرف بيك يا الشاطرة والله غير فحلة ونص بصح اخدمي غير بشوي سايسي على صحتك ربي يبارك لك في دارك وفي زوجك وفي اولادك

[omjoujou]

لبنات بصحتكم كامل وش تغديتوا
اذا بغيتوا انا نفتحلكم الكوزينة الجديدة صابروني نوجدها ونعيطلكم اوكي؟؟؟؟؟

[البحر الصافي]

ام ساجد عيد سعيد وربي يحفظلك اولادك ويخليك ليهم
راهي عجبتني السلطة بزاف والوردة تهبل

[البحر الصافي]

المشاركة الأصلية كتبت بواسطة ام و ابنة

ام حبوبة ما رانيش مصدقة كوزينتك خلاصت ما حسيتلهاش خلاص
ربي يحقق لك امنياتك و يعطيك حتى يرضيك و يفرحك

البنات شكون تفتح الكوزينة الجديدة انا و الله مازلت شويا عيانة و انترنيت غير تلعب تروح و تجي
حقا البحر الصافي و ام جوجو صوركم ما ظهروليش خلاااااص

يعطيك الصحة ياالفحلة روحي بالشوي برك
ديري تجديد للصفحة بالاك يخرجولك الصورولا اضغطي على f5في لكلافي

[samira135]

المشاركة الأصلية كتبت بواسطة اسمهان79

مساء الخيرات والمسرات يا حلى عجائز وبنات
سميرة بصحتك السباقيتي لبارح عندنا عرس كي نديرو السباقيتي يموتو عليها لبنات
ام رحاب راكي قايمة بيها الله يبارك في الردود أيا واش تقولي كون تحلي الكوزينة نتي
نكمل مراجعة

السباقيتي للاسف مزالت في مكانها زوجي عيطلي قالي نطول وية ما نرجع تغداي قلتلو نونونو ما نتغداش حتى تجي ما نقدرش ناكل من غيرك ههههههه و هي الحقيقة من حملت عدت ما نقدرش نصبر على الاكل ساعة ايا رحت سخنت طعام و درتلو الدهان و العسل وكلييييت حتى شبعت وكي يجي نلعبها مزااااااال ما كليت و نزيد ناكل معاه

[اسمهان79]

دائمة الحمد على سلامتك حبيبتي يارب تكوني ريحتي شوية
ام جوجو امممممممم على الروز ندي شوية ما تغديتش خخخخخخ داتني الخدمة في الدار نسيت روحي
البحر الصاف قوليلي برك كي نجبدوه يرجع نورمال ما يتبدلش الذوق نتاعو عمري درتو
اهلين ام فاطيمة وأم سارة منورين حبيباتي
سميرة الخير اللي حطيتيه وتقولي ما مي موجدة والو يلا حليها إنتي او ام رحاب والله تمنيت نحلها لكن للأسف غدوة عندي عرس ويوم السبت وحتى اليوم لكن اليوم ما نيش رايحة حابة نحمم لبنات يجو من لقرايا نحبطهم للحمام وغدوة يرحمها ربي يعني مَش رايحة نوتر الكوزينة

[um alaa]

المشاركة الأصلية كتبت بواسطة ام ساجد

الله يسلمك اسمهان اوااااه كانش دزيري يجيب لمرتوكادو خاصة عيد ميلاد ما شكيتش
خاصة بعد فوات عشرة سنوات ههههههه

عيد ميلاد سعيد
ربي يرفحك بوليداتك و يخليهملك
انا في عيد ميلادي اللي فات زوجي كان مشومر ههه شرالي طابطة ميلكا قالي نشعلو فيها شمعة يتمسخر بيا و كنت مريضة بالضرسة دار عليا و كلاها كامل هههههههههه

[ام سهام 02]

السلام عليكم و رحمة الله تعالى وبركاته

وحشتوني غاليتي

في هذو يومين الغبتهم على الكوزينة كنت نخدم في الحلوة فال لنفاس الغالية ام تاجو ومريومة محبوبة الجماهير راهي بنتنا كامل لازم نقلشوها و انديرو لها كا نها راهي قدامنا

راني صورت لقاتو حتى اجي سهام من المدرسة تحطهم

[ام و ابنة]

ام جوجو و الله الذي لا اله الا هو كنت رايحة نقترح عليك تفتحيها انت او ام اماني و عبدو يعطييييك الصحة

ام اماني و عبدو ربي يحفظك عزيزتي و كلامك صواب

ام ساجد الله يبارك كلش متحوف و الوردة تع الجزر قتلتنيييييي ياخي هذاك جزر ماشي طايب و مقطع و مستف في شكل وردة

البنات يعني في رايكم عادي نكونجليو التمر ما يروحوش فوايدو و ما يتبدلش ذوقو؟؟؟يعني ما كانش طريقة اخرى لحفظ التمر
و سؤال اخر نتوما كي تشرو التمر بش تستهلكوه في الايام الجاية وين تحطوه في الثلاجة و لا برا و كي تغسلوه ما يقراصش؟؟؟؟؟؟

[أم أماني وعبدو]

المشاركة الأصلية كتبت بواسطة ام ساجد

ام رحاب تعيشي حنونة الله يخليك ويفرحك ببناتك وابنك ويحفظهم ويعلي مقامهم

ام اماني وعبدو الله يخليك عزيزتي تعيشي والكادو جاني من عند عنيا ولادي في زوج بنتي وولدي
فاجؤوني اليوم كي روحو من المدرسة كنت نطيب في الكسرة قالولي غمضي عينيك وبعد حلي
ولقيتهم جايبيلي الكادو ربي يفرحهم ويصلح فيهم ويريح بالي عليهم

اللهم آمين يريح بال كل الامهات على وليداتها حنونة

ربي يحفطهم لك ويحفظك ليهم ويجعلهم قرة عين ليك ولباباهم

[ام و ابنة]

اسمهان الفلان برك؟؟؟؟ تستهلي الكوزينة و ما فيها و قليل عليك

ام الاء و سميرة ادهشتوني هل فعلا في الجزائر و في هاذ الجيل رجال ما زالهم يغيرو بزاف على نساهم و ما يخليوهمش يخرجو غير معاهم؟؟؟

ربي يحفظلكم ازواجكم و يسخرهم ليكم

ام ساجد مبروك الكادو خاصة كي جا من عند وليداتك ربي يحفظهم و يفرحهم في حياتهم كيما فرحوك اليوم و يريح بالك عليهم

[ام سهام 02]

شفت الحبيبة ام ندى دخلت اهلا وسهلا بيك نورتي الكوزينة

توام روحي ام رحاب يسقسي عليك الخير و طيابك كالعادة يشهي وراقي يسلمووووووووووووووو حبيبتي

ام ساجد عيد ميلاد سعيد عزيزتي الكادو انظن من عند ماماك ربي يطول في عمرها