الجزء 143 من واش طيبتي اليوم ( مطبخ التواضع شعارنا ) - الصفحة 2

ام أمينة · 2015-09-09, 07:54

السلام عليكم ورحمة الله وبركاته صباح النور يوم سعيد موفق للجميع
أم نسيمة الف الف الف مبروك الكوزينة جديدة أن شاء الله تكون فال خير للجميع ونسمعو فيها أخبار لمليح ونفرحو كمل
لبنات وقتاش يبداو صوم العشرة الأوائل تعيشو قولولي

omjoujou · 2015-09-09, 08:13

ام امينة حبيبتي نورمالمو يبداو من الثلاثاء القادم ان شاء الله ربي يقدرك على الصيام

أم ملك · 2015-09-09, 08:15

صباح الخير
أم نسيبة مبروك الكوزينة كوزينتك هايلة الله يبارك و إن شاء الله ربي يفتحها في وجهك
أم ماجد أم و إبنة الرجاء دائمة كاوكا صباح النور و كل الحاضرات و للملتحقات بعدي كاوكا
كاوكا العشر من ذي الحجة تبدا في 15 من سبتمبر إن شاء الله و ربي يقدرنا على صيامها و يتقبل منا و من الجميع
فطوري إن شاء الله ندير تشكشوكة و نشوف واش نزيد
تفضلي باروكي

و هادو حبات جربتهم برك بالعجينة لي بقاتلي إدا كتب ربي في العيد نخدمهم يعطيك الصحة زينب هايل و ساهل ربي يسهل عليك كل الصعاب

وفاء الياسمين · 2015-09-09, 08:19

هذا رفيس رمدتو في نوادكوكو جا بزاف بنين بصحتكم

ماشاء الله فتحت كوزينتي لقيتها منورة بوجودكم ماشاء الله ربي يجمعنا على الخير
سأعود لأرد على حبيبات قلبي ضيفات عيني

ربي جعل صباحنا رباحنا

أم لجين هيثم · 2015-09-09, 08:25

صباح الخير على الجميع
اختي أم نسيبة مبروك عليك الكوزينة ونشاء الله ربي يحقق لك حلمك

أم لجين هيثم · 2015-09-09, 08:27

أخواتي حبيت تعطوني طريقة رفع الصور مباشرة من الطابلات سمسونغ تاب 4 باه نجيب الباروك لاختي أم نسيبة

ام ساجد · 2015-09-09, 08:32

صباح الخير ويوم سعيد ومبروك الكوزينة الجديدة

ام نسيبة اهلا وسهلا بيك معنا ويسعدنا حضورك في كوزينة الجميع

وربي يحققلك احلامك ويسمعنا اخبار الخير فيها

زهرة الريف الف شكر على الكوزينة الرائعة لي فاتت وشكرا على الستضافة

ام نسيبة راكي تسالي الباروك

ساندي 28 · 2015-09-09, 08:34

صباح الخير مبروك الكوزينه الجديده ام نسيبه
ام ملك البقلاوة رايحا تنطق ماشاء الله تهبل اي وصفه ولا وصفه نتاعك وبصحتكم
غدايا مزال مقررتش نروح ندير ميناج كبير من مطر البارح سلام الى حين

دائمة الشكر · 2015-09-09, 08:35

صباح الخير اخواتي الكريمات
ام نسيبة مبروك عليك افتتاح الكوزينة ان شاء الله تكون فاتحة خير علينا وعليك
اخواتي يومكن موفق وسعيد

ام سراج وملاك · 2015-09-09, 08:38

صباح الخير على احلى بنات في الكوزينة
ام نسيبة مرحبا بك معانا في جزء جديد من لمتنا ان شاء الله تكون كوزينة خير للجميع في هذه الايام المباركة اسعدني تواجدك معنا اختي والله لك معزة كبيرة في قلبي ربي يحفظلك كل عزيز وغالي على قلبك
نسيت مرحبتش بالغالية ام هيثم وينك يااختي خليتي فراغ كبير في الكوزينة بالنسبة لصور تبعي طريقة زينب خير كي تحملي من مركز التحميل كوبي رابط المنتديات وفي الايطار لي نكتبو فيه متروحيش للمربع الاصفر ديري كولي مباشرة في صفحة الرد

أم لجين هيثم · 2015-09-09, 08:45

صباح الخير أختي أم سراج نشاء الله تكوني بخير
كانت عندي شوية ضروف مخلاتنيش نتواصل معاكم بالستمرار لكن مرة على مرة نطل عليكم
شكرا على المساعدة داءما انت السباقة للمساعدة ربي يحفضك نشاء الله
راح نجرب ونشوف

ام عبدو و ملاك · 2015-09-09, 08:48

صباح الخير يا وجوه الخير
مبروك اخت ام نسيبة و الله حتى انا دايما ندخل لمواضيعك ما شاء الله و ان شاء الله تكون كوزينة مربوحة
ام و ابنة صباح الخير ام جوجو الحبيبة ام سراج ام حبوبة ليزا دائمة الحمد الرجاء الاماني
ام ساجد مخللاتك روعة ام لجين صباح الخير
فضيلة ام هند الاخت ام ياسين الاخت زينب و كل الحراير صباح الانوار
انا غدايا ان شاء الله لوبيا سخف عليها سي السيد و بنتو

ام ساجد · 2015-09-09, 08:50

ام سراج صباح الخير ياي ام تاجو قالت نقطشكم هههههههه
بصح ما تقدرش علينا راي ثقيلة ههههههه
ام تاحو الحنونة علابالنا قلبك طيب وحنينة

غدايا بحول الله شيفلور ومطلوع وسلطة والحمد لله

ام ساجد · 2015-09-09, 08:51

المعلمة الجديدة صباح الخير غولادك ماشاء الله يهبلو ربي يبارك

واش صبح وليدك تنحت السخانة

زهرة الريف* · 2015-09-09, 08:58

صباح الخير عليكم كامل خياتي وربي يبارك في لمتنا وتبقى ديما لمة خير
نشكر كل أخت شرفتني بحضورها واطباقها وافكارها في كوزينتي ربي ينور أيامكم بفرحة تبهج قلوبكم
أم نسيبة العامرية مبروك عليك الكوزينة وإن شاءالله نشوفو فيها الخير
وهذا باروكي حلو ربي يحلي أيامك وايامنا