~»| …نصائــ|[ 01 ]|ـح ذهبية للطلبة الجامعيين الجدد …|«~االإقامة الجامعية ~»| استفيدوا من خبرة من سبقوكم

[سطايفية بكل فخر]

المشاركة الأصلية كتبت بواسطة soundes95

ياااه ماتتصوريش شحال فرحت كي لقيت هاد الموضوع :d والله كنت نحوس شكون يحكيلي هكا و ينصحني خاصة ماعنديش ختي كبيرة و مجربة
والله بارك الله فيك اختي و كل واحد قدملنا النصائح ربي يفرج عليكم ان شاء الله ..
عندي شوي اسئلة رغم انك جاوبتي على اغلب الاسئلة لي نقدر نخمم فيها المهم .. قيوليلي وش رايك فلي يتفاهموا قبل الدخول يعني تتعرفي عليها و كل بش ديروا مع بعض ! هل هي حاجة اجابية ؟ و تاني كي قلتي على الجافيل .. اذا كان المرحاض مش نظيف ولا نظيف كيفكيف . لازم وين نروحوا نديو معانا الجافيل ولا كيفاه !
و تاني اسك نقدر ندير بلج للباب ؟ واذا لا كيفاه ندير زعما نخاف يكون عندهم الدوبا و يجيوني سيرتوا اعوان الامن ربي يسترنا.
هل نقدر انا ندير دوبل و نخبيه عندي ؟
و بخصوص الاجهزة .. زعما عندي بورتابل غالي ولا حاسوب .. الحاسوب لازم ديما كاين ولا نقدر نخليه في الدار !و البورتابل تنصحيني نبدل واحد عادي ولا لا ؟ مع العلم ادرس سادرس طب اسنان و الحمد لله ..
بخصوص الاكل زعما نقدر نشري حوايج مايفسدوش ليهليه زعما القاطوا ولا اذا جعت ولا يجيني النمال ههههه
انا راح نقرا بعييد ان شاءالله .. يعني مانجي نروح غير بالشهر ولا اكثر .. فهل عندك مزيد من النصائح علا جال هاد الشي
.. مرة اخرى والله يعطيك ربي ماتتمناي على هاذ المبادرة و ان شاءالله اسئلة اخرى اني نجيي

ربي يدوم فرحتك على طول غاليتي
+
امين اجمعين ربي يوفقكم
+
شوفي نقلك كانو عندي صحاباتي
كاينة لي دارت مع صحاباتها فيهم لي تفاهمو وفيهم لي دارو على بعضاهم
وكاينين لي ميعرفوش بعضاهم خلاص ثاني كيفكي كاين لي تفاهمو ورجعو خواتات وكاينين لي متفاهموش
وكاينين لي تعرفو على بعضاهم من هنا من المنتدى ودارو مع بعض وتفاهمو وفيهم لي متفاهموش ولذلك
لازم تكون من عقليتك وتتفاهمي معاها ومش اي وحدة ديري معاها الا اذا شفتيها كيفك باش متقلقوش بعضاكم
اهم شيء المفاهمة وثاني مش اي حاجة ديرو عليها مشكل عقبو لبعضاكم باش تمشي الحالة
+
شوفي اختي انت احمي روحك بشوة جافيل خير من ماكانش غاليتي وزيد اشريو الديتول مليح
+
اذا قدرتي تتفاهمي انت وبنات باش تقفلو وحدة مليح لوتدخلو مع بعض وتبقا نظيفة لكن وحدك متقدريش تغلقي على الباقيين غاليتي منكونوش انانين
+
هههه الطوبا هذيك متحضرة راهي تاع جامعة تفوت عليك وتقلك بونجور ههه راني نضحك مع ختي مسبقش وقالولي انو شافو طوبا في الاقامة لكن اذا شفتيها ساهل الحال دواها الماء الغالي غليه مليح وكوبيه عليها او في المجرى هكا تضمني انها ماتت سواء هي او الفار
+
الميكرو تحتاجيه اختي للقراية راكي تيليشارجي منو راكي تقراي فيه كاش دوسي تكتبي التيبي تفتفري بيه فيلم ديفولي على روحك يعني تحتاجيه عسيه برك ولا وصي عليه لي معاك على عادت بنت فاميلا ولا اغلقي عليه في خزانتك او هزيه معاك
اما البورتابل متخافيش عليه او معاك ديما واذا شفتي روحك يروحلك خليه في الدار وديري واحد سمبولي
+
سينورمال اشري لاروحك برك متخليهمش محلولين ميجيكش واذا لقيتيه كاين بودر يتباع عند هدوك صحاب لكانكوري رشيه يروح
+
هه تجوعي كولي وشا حبيتي فقط كي تشري حاجة كيما الياورت ولكاسير وغيرهم كوليهم في اليومين هذوك باش ميفسدوش اشري كمية قليلة قد ما تجوعي برك وكي تزيدي تجوعي اشري هههه
+
بخصوص لبعاد راني قتلكم اختي
راحين تتاقلمو بالشوي وتوالفو لانو لازم عليكم تويكانديو
نصائح وشا نقلك اختي بالاضافة لي قلتهملكم
حاولي تنضمي وقتك في الاقامة خاصة في الويكاند متديهش قراية برك رفهي على روحك باش متقلقيش لانو لقراب يروحو للدار وهكا يجدو الروح
انت مثلا دوشي ديري مياج للشومبرا تلمي وانت وصحباتك تغداو مع بعضاكم حاولي تطبي حاجة نافحتلك فيها
ديرو تاي ولمة هكا متكرهوش وتبقاو تجدو روح الاقامة ثاني حاولو تخرجي مرة على مرة تشوفي المدينة انت ولبنات واقراو بعدها اذا حبيتو
شوفي اختي راهي جايتكم شوية غريبة مي بلعقل وبالولف تولي تجيكم نورمال وتلقاو رواحكم فيها وتوليو تعرفو تنظمو وقتكم فيها ومتكرهوش
عفسة ثاني قاتلي عليها صحبتي قاتلي كي نكرهو الاقامة ومنقدروش نروحو نبدلو ديكور الشومبرا ولا نروحو نباتو عند بعضانا

كاش منتفكر نزيد نقول لاختي واذا عندك اسئلة محددة راني هنا نجاوبك بلي نعرف
ومرحبا بيك في اي وقت