الجزء 141 من واش طيبتي اليوم؟.؟؟؟؟؟ - الصفحة 70

Mizou123 · 2015-08-31, 23:40

الله يرحمها برحمته الواسعة و يسكنها الفردوس الاعلى. و الله يصبر اهلها.
حبيبتي اذا ماعندكش مانع المتوفية خلات دراري و واش هو سبب الوفاة.
الله يرحمها

أم أماني وعبدو · 2015-08-31, 23:48

الله يحفظك ام سراج وربي يبارك فيك على الشرح المفصل لتحميل الصور

ام سوهيل · 2015-08-31, 23:49

اقتباس:

المشاركة الأصلية كتبت بواسطة mizou123

الله يرحمها برحمته الواسعة و يسكنها الفردوس الاعلى. و الله يصبر اهلها.
حبيبتي اذا ماعندكش مانع المتوفية خلات دراري و واش هو سبب الوفاة.
الله يرحمها

ايه اختي عندها 8 وليدات بسلامتهم وصغير فيهم عنده 7سنين

كانت مريضا مسكينا بي سرطان عنق الرحم عفانا الله واياكم اختي ربي يرحمها ويرحم امة محمد صلى الله عليه وسلم

أم أماني وعبدو · 2015-08-31, 23:54

اقتباس:

المشاركة الأصلية كتبت بواسطة ساجده 82

هههههههه ام وابنه عادي حبيبتي عندي بنت في عمرها عامين ونص زايده14 فيفري اولادي 9 .7 2،5 .وعام وانا عمري33 راكي تسمعي الرجاء الاماني المجد

انا ثاني في عمري 33

almazalina22 · 2015-09-01, 01:39

اقتباس:

المشاركة الأصلية كتبت بواسطة lyzzabel

صح عشااااكم حبييبااتي

المازيييتااا عاااش من شااافك كي رااكي و كي رااهي ام امنية لييكم وحححححشة شووفي الصدف دخلتي نتيا و قمووورة في نهاار وااحد .. ويينتا تشوريي .. سلمييلي على ام امنيتيييي

عطر الياسمييين ربي يفرج همك و يزييح كربك و يدخل الفرحة لقلبك حبييبتي عاااجﻻاا و ليس آجلا ااا اللهم آميييين .. اسمحييلي قبيﻻا خلطت بيينك و بيين ام امااني

ساااجدة الكييكة تحححفة تسلم ايديييك بصح عﻻاش اعطيتييها لهدييك الحية كﻻاتها قااع و خﻻاتناا هههه .. مبروووك الطهاارة على ولدك و ربي يحفظهلك

اورييسياا بصحتك الكرييمة تااع سكروورتيي باااينة مالوصفة بلي بنيييينة مممممم انا برك ما نبغييش نوادكوكوو

ام و ابنة بصحتكم التبحييرة شحاال نبغيي تااع اللييل فييها الكااااالم و النظرة تهببببببللللل

حبييبااتي تصبحوو على الف خييييير و إلى الملتقى بحول الله

اللهم ﻻ إله إلا أنت سبحانك إني كنت من الظالمين أستغفرك و أتوب إليك أنت التواب الرحيم

حبيبتي ليزااا مواااااااح توحشتك ياذات القلب الطيب والله راكم قااااع في القلب وكي هبطت كل وحدة نفوت على بلادها نتفكرها وام امنية معندهاش النت وراهي لاباس شكرا على السؤااال توحشتكم

اقتباس:

المشاركة الأصلية كتبت بواسطة آسيا 27

مساء الخير
كيراكم ان شاء الله تكونو بخير
سمعت بلي المازة ا ا طلت جيت نجري نجري نجري نجري .......قاع ماحشمتوش وحدة مابغات تجيبلي كاس ماء :d :d :d المهم مرحبا ا يا غالية انتي و قمورة توحشتكم بزااااااف
انا راني نطيب في المربى تاع الكرموس راه بدا يعقد و حرقلي يديا واااع

ام و ابنة حتى انا نبغي نحط الصور مي دارها بيا البورتابل والصور تع الواب كام ماشي شابين
ساجدة التارت تهبل و هاذوك الاسنان يخوفو قادرة تبلعينا و تبلعي المنتدي كامل :d :d
الصفحات الي بقاو المنتدى مابغاش يخليني نشوفهم ساعات ما يعرفنيش

حبييبتي اسيااا موااااحات يامشاكستي الدبدوبة كي جريتي ليا نعطيك بيدون ماااء هههههه وبوكي ورد خخخخخ توحشت دمك العسل والله كنتو قااااع في بالي ونظل نهدر عليكم

ام سااااجدة شكرا على الاضافة الجميلة ههههه قصدي الملخص خخخخخ
وراني نشوف كاين وافدات جدد الف مرحبا العائلة كبرت

العجوز رووولاكس والدبدوبة ام تااااج اشفاااو مشفتونيش صح فيكم بصح توحشتكم سماااح هذ المرة

ملخصي راني مازلت عطلة وضياافات وشياخات وطبعا مانسيتش الصور وراني نستنى يماركيلي زوجي في الطيارة ونروووح
ام وابنة وجميع الاخواااات الحمد لله كي راكم بخير

الاخت اللي توفات مرت لوسها ربي يرحمها وعظم الله اجركم والله يصبر وليداتها والله هذ المرض رااااه انتشر بزاف ربي يستر

راني ساهرة اذا تحملو الصور نحط سلام

ام أمينة · 2015-09-01, 06:24

صباح الخير ياشطورات وش احولكم ﻻباس واو ركم من 70 صفحة ونا مشفت والو ووووووععععععععع حنا ليوم دخول المدرسي ولدي يروح l'école مزلتو نتوم مﻻ بروفتيو ورقدو وشبعو نوم

ام أمينة · 2015-09-01, 06:33

ام سوهيل ربي يرحمها ويسكنها فسيح جناته يارب العالمين ويصبر و ﻻدها

ام أمينة · 2015-09-01, 06:37

ﻻ بنات رني نشوف بلي كينين بنات مهمش يبانو أن شاء الله يكونو بخير ام ماجد أم يسرا تاع فرنسا أم يسرا تاع باتنة biba طير الجنة جايدا و بشري الهام

oum islem · 2015-09-01, 06:57

صباح الخير والسعادة والتفاؤل والعافية لاحلى واطيب اخوات

صباحك سعيد كاووكا بالتوفيق لوليدك

كنت نراجع وشفت المازة اهلين ومرحبتين ليك وحشة كبييييييرة وش اخبارك انت ووليداتك ؟؟؟؟؟

ام سوهيل الله يرحم المرحومة ويوسع عليها ويصبر اهلها انا لله وانا اليه راجعون

اماني ام عبدو قلت نطل في الليل ونعاونك شربت دوايا طحت اخ فشششش بلا الدوا مانحبش السهرات وزدت واذا مافهمتيش حاجة
نحن في الخدمة ويعطيها الصحة ام سراج وملاك

الرجاء بالتوفيق ليك ولكل اساتذتنا الاعزاء وطلبتنا النجباء
ليزا الحمد لله على سلامتك
اسيا يا سكرة تقتلينا بخفة دمك الله يعطيك على قد قلبك الطيب
ساجدة راكي بابيشة بصح اكبر مني انا عجوووزة
ميزو افنان المعلمة الجديدة يعطيك الصحة على الكوكا بصحتكم
اوريسيا وين راكي ما تبانيش خلينا نشوفوك طلي على الكشرودات
ام ياسين ربي يصلح وليدك ويخليك حتى تشوفي ولاد ولادو وتفرحي بيهم وليدي 2 سبتمبر

هذا وش تفكرت الله غالب الكبر والتعب والمرض ما ديروش على جداتكم مسكينة
وما نحبش كثرة الاقتباسات تقتل صفحات الكوزينة

omjoujou · 2015-09-01, 06:58

صباح الانوار حبيباتي كيف اصبحتن
ام سوهيل ربي يرحم مرت لوسك ويصبر اهلها
الرجاء الاماني حبيبتي عودة ميمونة لخدمة تاعك راح نفتقدوك طلي علينا من الوقت لوقت
ام وابنة كنت راح نعاند عليك ندير محاجب لغدا بصح بدلت البرنامج راح نروح لدارنا هاذ الصباح نحط ولادي عند ما و نروح لحفافة نصبغ شعري عرس بنت سلفتي نهار الجمعة بصح خليلي لابار تاعي و بصحتكم مسبقا
ام ياسين عيد ميلاد سعيد لولدك ان شاء الله ربي يكبرو في طاعتو و تشوفيه في اعلى المراتب و تفرحي بيه و نفرحو معاك
ام تاجوووووو ام امينة معلمة الجديدة دائمة الشكر ميزو فضيلة ام اسلام ساجدة ام حبوبة ام افنان ليزا ام رحاب ام كاميليا وداد ام محمد ام سراج اسيا وكل الاخوات نهاركن زين
سلااااااااااااااااام

دائمة الحمد · 2015-09-01, 07:36

احلى صباح لكن جميعا
عودة ميمونة الى العمل لكل طاقم التعليم
ام ماجد ام طيري الجنة وكل عزيزاتنا الي التحقوا اليوم بالمدارس كان الله في العون

قمر 77 · 2015-09-01, 07:36

اصبحنا و اصبح الملك لله
الحمد لله عدنا و العود احمد شكرا حبيباتي على الترحيب و الله افتقتكن كثيرا و عييت نشارك البارح ما فاتوش ردودي ما فهمتش
ام اسلامو صبا الانوار ترحب بيك الجنة يا غاليةحقا حبيت نشكرك على مساعدتي ليا في صنع الاتاي درتو فالعرس طيبت كميات كبيرة جا مليح عجبهم مبصح لقيت ماركة هايلة اسمها المروان جا يهبل راني شريت منها باش نعود نديرو
كوكا غيرتي اسمك وش راكي حبيبتي ليك وحشة
ام جوجو وش اصبحتي و بصحتك النيو لوك لكل الملتحقات صباح الانوار و المسرات

omjoujou · 2015-09-01, 07:39

يسعدلي صباحك حبيبتي قمر 77 والله يسلمك

oum islem · 2015-09-01, 07:45

[size="6"]صباح الخير ام جوجو بصحتك الصبيغة والعرس جوزيه بالهنا

زهرة اللوتس الله يعطيك وقفة ساهلة
وهذي غريبية الكوكاو المعلكة الوصفة مغربية لقيتها في النت جربتها عجبتهم 3 مرات وانا نعاود فيها وكل مرة نستعمل نصف المقادير
يعني ما جربتش كمية كبيرة ما علا باليش كي تبقى بزاف تيبس ولا ﻻﻻ

500 غ كوكاو بقشوره...2بيض...125غ شكر احرش...2م ك معجون مشمش ...كيس ونصف خميرةحلوى...1م ك ماء الزهر
سكر ناعم
في مطحنة القهوة نرحي الكوكاو بقشوره ونزيد معاه السكر الاحرش ونزيد نرحي مليح نمرر الخليط في غربال مفتوح شوية مش الناعم لي اكبر منو
نحط الخليط في اناء ونزيد المعجون وماء الزهر والبيض بالتدريج وبحذر خاصة اذا كان الحبات كبار
ونجمع الخليط باليد مع العجن نضيف الخميرة ونعجن
نشكل كويرات صغيرة نمررها في السكر الناعم ونحطها في بلا مفرش بورق الزبدة
ندخلها للفرن المسخن ضروري 15 د من قبل
تنشف من الاسفل بدون ما تاخذ لون نشعل الفرن من فوق
وتقدم انسب شي مع الشاي او القهوة

انا نديرها بالتناوب مع المورانق خاصة انها عجبت اطفالي الاحباء
على الاقل ما ياكلوش الشيبس والفلاش

دائمتي الحمد والشكر وام حبوبة وفضيلة وام رحاب ووداد ام محمد كامل لبنات يعطيكم الصحة على مشاركاتكم القيمة
ولبنات لي ماذكرتهاش ما تزعفش مني تقولي وانا نديرلها رد خاص
[/size

omjoujou · 2015-09-01, 07:48

صباح النور حبيبتي ام اسلام والله يسلمك ولعقوبة تفرحي بوليداتك و نفرحو معاك