الجزء 141 من واش طيبتي اليوم؟.؟؟؟؟؟ - الصفحة 6

ام و ابنة · 2015-08-28, 13:06

السلام عليكن
شوفو ما صبرتش عليكم قلت ندخل نسلم عليكم قبل ما نخرج مع أنكم وحدة ما تفكرت وليدي غير بدعوة صغيرة ربي يشفيه
سبحان الله يلعب و يهدر و الحمى اربعين نظن عندو لونجين خاطر كي نسقسيه يفتح فمو حاشاكم و يقولي يوجعني الداخل و بطني ربي يشفيه و وليدات المومنين

المعلمة الجديدة حنا هنا في العاصمة يبيعو لي كادر تع النظارات غاليييييين عند الحوانيت بصح كاين طوابل او طابلات في بعض الاحياء مثلا باب الوأد و ساحة الشهداء و أماكن اخرى يبيعوهم رخاس خلاص يما شرات وحدة بستين الف و وحدة بربعين و صدقيني شكون اللي نصحها صاحب خويا يخدم في حانوت النظارات قال لها يشروهم منين يشريهم المعلم ديالو نفس الكاليتي و فعلا شرات و اداتهم الحانوت ركبولها عليهم الزجاج و الحمد لله كل فترة تبدلهم بلا ما تتقلق

الله يبارك يا بنات عالروايع و الابداعات

زينب يا فنانة عجبتني طريقتك في القديد راني نسختها و باذن الله نطبقها يعطيك الصحة

الرجاء كي صبحت يا عسولة ان شاء الله تصلحي الكميرا ديالك

ام افنان بانتظار صورك و الله حبيت نشوف طيابك

ام حبوبة راني رفدت حبة رافاييلو و كمية ام ان امس امممممممممممممممم

اسيا كنت علابالي بيك قلبك طيب

ام سهام راني رفدت شوية طعام الله يبارك يسخف

ام بعودة ربي يسهل لك حملك و ولادتك

ام هند اهلًا بيك اختي

ساجدة ربي يقدرك بديتي من ضرك تعب القارية مع الولاد حنا مازال كلش في غرضهم خخخخ

ادعولي هاذ ليامات ان شاء الله بالاك نسجل وليدي في الروضة و نجي نحكيلكم عليه و على دوزانو هو ثاني خخخخ يا ربي اشفيه و اشف كل المرضى

غذانا فريت اومليت

أم محمد تاج · 2015-08-28, 13:07

صباحوووو غالياتي ونهاركم زين ومبرووووووووووووووك وصح غداواتكم يا سميناااات ورووووووعة واش حطيتوو روووووووووعة
ام اسلام الف الف مبرووووووك الكوووزينة وعتبة مبروووكة والأطايب تاعك رووووووووووعة تسلمي
غسلت اليوووم لاشومبر تاعي راهي تبرق بريييق يااااااااااااااااي
حبيباتي تسلمن على الأطايب كل وحدة باسمها
عودة ميمووونة زنوووبة الحبووووبة وام عبوووووووووودة ونشالله يرجعووو الغوالي
نكمل سوجاتي ونرجعلكم
حقة غدوة راني عارضة مرت سلفي العرووس الجديدة وسلفي وعجوزتي وابي الغالي ومرتووووووو ولعشية نبدا التحضيرات والشخشوووخة واجدة غدوة غير نطيب المرقة ونطيب الفلفل وراح ندير كرام ديبلومات كديسار مع الدلاع والفقووووووووس ولله الحمد والمنة
سلاماتي بطاتييييييييي

ام سارة18 · 2015-08-28, 13:11

صباح الخير جميعا وجمعة مباركة
ام اسلام مبروك الكوزينة الجديدة وان شاء الله نشوفوااطباق واخبار جديدة ومفرحة وما شاء الله على اطباقك تقولي عليها بسيطة باه تبعدي العين عليك خمسة وخموس عليك
ام عبودة مرحبا بك من جديد
انا غدايا شربة فريك وبوراك وسلطة البطراف

ام عبدو و ملاك · 2015-08-28, 13:16

ام و ابنة ربي يشفيلك ابنك ان شاء الله و تفرحي بيه هاد الفكرة تاع اللينات قالي ثاني بابا عليها و اختي الصغيرة قاتلي صاحبتها شرات كادر ب 35 الف و اداتو عند اوبتيسيان ركبلها الزجاجة قاتلي شرات مودال يهبل كامل كدبو بلي ب 35 الف اني لاصقة في راجلي يديني ان شاء الله تعرفي مع الخدمة و البعد راني نمشي 7 سوايع بالسيارة حتى نلحق لدارنا سيرتو مع الطريق تاع قسنطينة فيها السيركيلاسيو بزاف و هو او حاكملي في كلمة اللي نخسرهم ايسونس نزيدهم ونشريلها منا و انا ما نحبش نكثر عليه

الرجاء الاماني المجد · 2015-08-28, 13:17

ام وابنة شكرعزيزتي على السؤال لاباس الحمد الله وشركي انت بشفى على وليدك بلاك كشما اكل حاجة باردة علبيها مرض انا بناتي كيكلو فلاش ولا لكريم تقبضهم الحمى

أم فاطيمة · 2015-08-28, 13:21

مساء الخير الشيرات جمعة مباركة
ام اسلام مبروك الكوزينة انشاء الله تكون خير على الجميع
لبنات يعطيكم الصحة كلش يشهي
هاهو باروكي بيتزا ام رامي الله يذكرها بخير
و جينواز ام كوثر

الرجاء الاماني المجد · 2015-08-28, 13:21

زينب شحال شريتي مول سيليكون وكيفه تديربيه حلوة الصابلي اشرحلي ربي يحفظك

أم فاطيمة · 2015-08-28, 13:22

ام و ابنة ربي يشافي وليدك طهورا انشاء الله

زينب 83 · 2015-08-28, 13:35

أهلين بالغالية ام فاطمة ما شاء الله على اطباقك
ام تاج اممممممم كون غير عرضتيني معاهم علابالي طياب حراير و اكيد البنة امممممممممممم

ام و ابنة ربي يشفي وليدك يا رب احتمال تاني تكون ضربة شمس اذا خرجتي او رحتي للبحر ، المهم شوفي عجوزتي عطاتني وصفة رووووعة و انا معتامدتها للسخانة ، ديري زوج ساشيات كاتالجين او اسبيجيك مع شوي ماء زهر و ادهني جسم تاع وليدك كاااامل من الفوق للتحت ، و الله رايعة للسخانة لانو الدواء راح يدخل عبر مسامات الجلد للدم مباشرة ، و طبعا زيدي شربيلو، حاولي ابدا ماتخليش السخانة تطلع و ربي يشفيه

الرجاء المول شريتو ب 30 الف واقيلا ، ممكن ديري اي عجينة صابلي تحبيها انا درت عجينة صابلي التاج تاع ام اماني و حشيت الحبة بخليط مكسرات و بعد ما طابت و بردت دهنت المول بالشوكولا و عاوت حطيت الحبات و دخلت الكونجيلاتور عشر دقايق

اي سؤال غاليتي انا في الخدمة

yasmalak · 2015-08-28, 13:42

سلااااااااام
اييي توححححشتكم بزااااف و كلما نقول ندخل تشدني حاااجة
ايا شكووون توحشتني وشكون لالا خخخخخ

*سماح 94* · 2015-08-28, 13:44

صح غداكم غالياتي
الرجاء اهلا بيك منوورة الكوزينة
زينب ياااااهالا و سهلا بيك من جديد اطباقك تحف فنية هههه ماشاااء الله عليك
ام و ابنة ربي يشفي وليدك هذا وين سمعت بلي مريض
ام فاطمة ام افنان ساجدة المعلمة الجديدة و الجميع منوااااااااات

زينب 83 · 2015-08-28, 13:45

اقتباس:

المشاركة الأصلية كتبت بواسطة yasmalak

سلااااااااام
اييي توححححشتكم بزااااف و كلما نقول ندخل تشدني حاااجة
ايا شكووون توحشتني وشكون لالا خخخخخ

اهلين بالغالية حنان و الله دايما نسال عليك و اليوم بالذات كنت في بالي توحشناك واش هذي الغيبة و الله تقلقت عليك خاصة انو اخر مرة دخلت كنت المورال طايح الحمد لله كي راك بخير توحشنا إبداعاتك يا غالية

زينب 83 · 2015-08-28, 13:46

اقتباس:

المشاركة الأصلية كتبت بواسطة *سماح 94*

صح غداكم غالياتي
الرجاء اهلا بيك منوورة الكوزينة
زينب ياااااهالا و سهلا بيك من جديد اطباقك تحف فنية هههه ماشاااء الله عليك
ام و ابنة ربي يشفي وليدك هذا وين سمعت بلي مريض
ام فاطمة ام افنان ساجدة المعلمة الجديدة و الجميع منوااااااااات

اهلين غاليتي سماح كيف الاحوال حبيبتي ان شاء تكون تحسنت شوي

ام عبدو و ملاك · 2015-08-28, 13:53

انا شريت هاد المول السمانة اللي فاتت في العيد ان شاء الله رايحة ندير بيه حابة ندير العجين تاع قاطو نص بنص لام اماني بصح نديرو في هاد المول و نديرلو القلاساج بالشيكولة واش رايكم

أم ياسين الزهراء · 2015-08-28, 14:19

مبروك الكوزينا الجديدة وربي يفرج عليك حنونة وطيابك امممممممممممممم من صابني ناكل ونعاود اممممممممممممممم الله يعطيك الصحة
اهلا بالغاليات ام عبودة حنان زينب

اسيا وحدك ياموصيبة نديرو الزبايل ونحصل في الشيطان هكى نقول انا هههههههههههههه ربي يهدينا للخير ويجمعنا في الحرم يارب نعمى الاخوات والرفقة

غدايا شخشوخة الضفر والكانتالو والحمد لله

لبنات درت البارح قلب اللوز في سنيوة جديدة وكيسقيت القلب اللوز خرجلي من اطراف السنيوة يافرحتي وشماتت زوجي في هههههههههههههه كاشي عفسى للسنيوة