الجزء 140 من واش طيبتي اليوم - الصفحة 70

روضة 88 · 2015-08-25, 08:52

صباح الخير عليكم

ان شاء الله تكونوا ملاح علابالي محاجب ام وابنة مدايرين حالة

المهم شكون الفحلة تقلي كيفاه نعصر عصير الطماطم لابني

الرجاء الاماني المجد · 2015-08-25, 09:12

ام عبدو و ملاك · 2015-08-25, 09:13

صباح الخير يا وجوه الخير واش راكم انا غدايا مازال تالفلي و الله ما علابالي واش رايحة ندير

scorpionoir · 2015-08-25, 09:16

صباحو ام اسحاق وام وابنة راني ندير في المحاااااااااااااااااااااااجب .دليل انو شهاوني .ويعطيك الصحة على التحدي هكا باذن الله تتعلمي كلشي
روضة دري نص طماطمة مقشرة في الخلاط وارحيها مليح وزيديلها شوية ما باش ماتجيش خاثرة بزاف مبعد صفيها ومديلو بالمغرف ولا في البيبرون .بصح ما تكثريلوش بزاف منو

روضة 88 · 2015-08-25, 09:26

انا لمحاجب درناهم البارح للعشاء الحمد لله بصح كليت غير وحدة علابالكم راني رجيم

مولات الكوزينة يعطيك الصحة على الاجابة

أم محمد تاج · 2015-08-25, 09:43

صباحووووو سميناتي يا حلوااااااات
غدايا مازال تالف والحمد لله ههههههههههههه
عقرووووبة ممممم بصحتك المحجوووووبة والتبديلة نشالله نفرش ونحطهالك ونعتلك منين شريتها راهي كوفر بزوج مخاد وافيين ب 100 الف بررررك راه داير حالة
رووووضة حنووونة صباحوووو واذا وائل مازالو بلا دياري اكرمكم الله فعصير الطماطم يزيد يمشي الكرش انتبهي حنوووونة
الباقي نهاركم طيب بطاتييييييي

ام افنان48 · 2015-08-25, 09:56

صباح الخير يا ورود الياسمين ام ابنة دائمة الحمد روضة ام اسحاق رجاء الأماني سكوربيو ام تاج ساجدة ام ساجد المعلمة الجديدة اخت ميزو غيبت مابنتش ان شاء الله تكون مليحة هي وام محمد وسيم. ام رحاب والباقيات اسماء كبيرة الله يبارك. ام ابنة راكي جاي بيتها ما شاء الله قبلتي قاع المنتدى ههههه قاع ناس غارت منك شفتي هههه بصح والله خرجو روعة تحسب تاع واحدة عندها تجربة كبيرة في المحاجب ما شاء الله عليك يا لآلة هههه انا سخفتيني اليوم ان شاء الله نديرهم

ساجده 82 · 2015-08-25, 10:04

ساجده 82 · 2015-08-25, 10:13

صباخ الخير عليكن جميعا ماشاء الله واش حطيتو كل شئ فور .اموابنه لمحاجب هايلين تبعدي في العين عههه السر باش يجيو رقاق كي تحطيهم في الطاجين عاودي رقي لحواشي بيديك اضغطي وكلينع توته والله ماشفيت شكون دارت قطعه الكرطون او ورق مقوى ... مربعه تحلي فوقها لعجينه ومن بعد تقلبيالجهات على قيس المربع جيك مربعه اللي راهي عارفه الرابط تخطو فضلا
ام طيري الجنه عظم الله اجرك في شيخك والله يصبركم ويسكنه فسيح جنانه.
هديك الصوره كان عشائى خضر مشويه مع كبده ملفوفه مشويه والحمد لله قولولي اذا الصوره راهي كبيره انا نحمل من مركز مخزن وماعلى باليش منين نصغر

ام عبدو و ملاك · 2015-08-25, 10:14

حتى انا تبانلي ندير محاجب وخلاص ام و ابنة راكي درتيلنا الدودة
صباح الخير اخت ساجدة التصاور نتاعك راهم صغار نورمال

Oum Habouba · 2015-08-25, 10:17

السلام عليكم حبيباتي صباخ الخيرات والليرات نسلم عليكم قاع كل وحدة باسمها
شفت استفسارك ام وابنة علا التريد حنا عندنا تاني نوجدوه بالمرق ولكن نفرشو
التريد في الطبسي نحلو اوراقه ونحطو فوقه المرقة واللحم

Oum Habouba · 2015-08-25, 10:22

لبنات راني حاصلة كي نبغي ندير موضوع ونرفقه بالصور ما بغاوش يخرجولي
وادا خرجت ما تبانش في الصفحة مباشرة لازم نحل الرابط باش نشوفها وما عرفتش ندير اكتر من صورة
والله ايلا هبلني البارح بايتة معاه حت عينيا عوارووو

ساجده 82 · 2015-08-25, 10:28

شكرا المعلمه ج ام حبوبه مراحب مانقجرش نعاونك حبيبتي ضرك لبنات مايقصروش ويعاونوك
روضه انا مانعرفش عصي الطماطم انا ولادي نديرهم عصير الجزر

آسيا 27 · 2015-08-25, 10:29

السلام عليكم
صباحكم خييييييييييييييييييييييير
جبتلكم بسبوسة ان شاء الله تعجبكم

نراجع و نولي

ام سراج وملاك · 2015-08-25, 10:33

صباح الخير عليكم كامل
روضة عصير طماطم انا نغسل حبة طماطم مليح ونفورها ومبعد نرحيها مع شوي ماء سعيدة في روبو ونصفيها ومديهالو باردة شوي بصح اذا عندو اسهال مديريهولوش حاولي ديريلو ماء نتاع الروز وكثريلو الماء بزاف
ام هبوبة راني شفت مواضيعك اول حاجة لازم تحملي الصورة نتاعك من مركز التحميل كاين مراكز تحميل بزاف مركز الاسوار مركز الخليج مركز الثعلب مركز الجلفة انفو خيري مركز لي حبيتيه ومبعد كي تكتبي موضوع نتاعك السهم خليه لتحت الكتبة وروحي وين حملتي الصورة نتاعك لضي على رابط الصورة المباشرة ديريلها تضليل ولضي على كوبي ومبعد روحي وين موضوعك في المربع لي لونو اصفر لضي فيه فاسي الكتبة هاذيك htt وديري كولي ومبعد اوكي يجيك رابط فيه تضليل روحي في مكان بعيد عن الموضوع لضي باش يتنحالك التضليل من الرابط وخلاص اذا مفهمتيش مبعد كي نقعد في دردشة نحاول نصورلك الخطوات ان شاء الله
الهام عيت نبعثلك رسالة خاصة من فضلك فرغي صندوق الرسائل نتاعك