الى ام اسيد1 وكل وحدة حاصلة واش الطيب - الصفحة 395

بقلاوة · 2015-08-22, 15:40

ربي يتقبل منك يا ام جوجو و رني زعفانة منك يا غزالة لانك ما حطيتيتيش في القائمة مع اني سبق و أخبرتك اني متتبعة وفية

غزالة الصّحراء · 2015-08-22, 15:46

اقتباس:

المشاركة الأصلية كتبت بواسطة بقلاوة

ربي يتقبل منك يا ام جوجو و رني زعفانة منك يا غزالة لانك ما حطيتيتيش في القائمة مع اني سبق و أخبرتك اني متتبعة وفية

بعيد الشّر عليك من الزعاف أختي البقلاوة. أنت راكي اجديدة وراكي حاضرة ماشاء اللّه راني انعيط على الغايبات. وراكي شفتي راني سلمت حتى على المتتبعات والفضل يرجع ليك. لأنّك قلتي انك من المتتبعات . وليتي الآن صاحبة الدّار. حنونتي الدار دارك ألف مرحبا بك نورتيها وزينتيها بوجودك. إن شاء اللّه اتكوني فاتحة خير على صفحتنا المتواضعة.
أتمنى أنّ الزعل طار بعيد بعيد اللّه لايرجعو عندك حنونتي البقلاوة ألي نعشقها. تحيّتي الحارة ليك ولكلّ الأخوات.

: mh31:

بقلاوة · 2015-08-22, 15:50

اختي ام حمزة انا عجبني المحشي نتاعك بنوعيه و اكيد كلاهما لذيذ لكن الاحمر شكله احلى فانا في الحقيقة أعشق 3 حاءات في كل الاطباق. تكون حمرة و حارة و حامية يعني سخونة

بقلاوة · 2015-08-22, 15:55

اقتباس:

المشاركة الأصلية كتبت بواسطة غزالة الصّحراء

بعيد الشّر عليك من الزعاف أختي البقلاوة. أنت راكي اجديدة وراكي حاضرة ماشاء اللّه راني انعيط على الغايبات. وراكي شفتي راني سلمت حتى على المتتبعات والفضل يرجع ليك. لأنّك قلتي انك من المتتبعات . وليتي الآن صاحبة الدّار. حنونتي الدار دارك ألف مرحبا بك نورتيها وزينتيها بوجودك. إن شاء اللّه اتكوني فاتحة خير على صفحتنا المتواضعة.
أتمنى أنّ الزعل طار بعيد بعيد اللّه لايرجعو عندك حنونتي البقلاوة ألي نعشقها. تحيّتي الحارة ليك ولكلّ الأخوات.

: mh31:

الله لا يجيب الزعل راني غير نتمسخر و ترحيبك الحار راهو على عيني و راسي ان شاء الله ترحب بيك الجنة وو الله أحببتكن في الله

حياة نور الدين · 2015-08-22, 15:56

اهلاااااا الاخت بقلاوة عحبني اسمك كثيراااا

بقلاوة · 2015-08-22, 16:00

أهلا بيك حياة ان شاء الله يكون وجودي معكم حلو كحلاوة البقلاوة

omjoujou · 2015-08-22, 17:01

اقتباس:

المشاركة الأصلية كتبت بواسطة ام حمزة22

ام جوجو راهم كاينين الصور2 ربي يتقبل ويخليلك صحتك

واش دارت فيا النت ليوم هبلتني كلما نكتب رد يروح
امين حبيبتي ام حمزة ونتي ثاني ربي يخليلك صحتك و يشفيك يا غالية

omjoujou · 2015-08-22, 17:04

اقتباس:

المشاركة الأصلية كتبت بواسطة غزالة الصّحراء

مساء الأنوار اختي ام جوجو. واللّه غير عندك الحّق. يلعبوا في الغميضة. انا لماأرسلت لك الرّد كانت غير وحدة. وضروك راني شفت ردك وشفت زوج. ماشاء اللّه عليك اخموس على غاليتنا أم جوجو. راهم الصور أمنورين الصفحة اللّه اينورها عليك وياربك فيك ويقبل اللّه منك هذا العمل الخيريّ.

النور نورك يا لعزيزة تاعي و الله يسلمك ربي يناولك لي في بالك ويحققلك كل امانيك

omjoujou · 2015-08-22, 17:07

اقتباس:

المشاركة الأصلية كتبت بواسطة بقلاوة

ربي يتقبل منك يا ام جوجو و رني زعفانة منك يا غزالة لانك ما حطيتيتيش في القائمة مع اني سبق و أخبرتك اني متتبعة وفية

اميين حبيبتي و مرحبا بيك معانا عجبني اسمك باينة اسم على مسمى

omjoujou · 2015-08-22, 17:12

حياة نورالدين تعيشي حبيبتي ربي يشدلك في وليداتك ان شاء الله يعوضوك على بعد عائلتك

***سلمى *** · 2015-08-22, 17:13

واشكم لبنات

ام سوهيل · 2015-08-22, 17:20

اقتباس:

المشاركة الأصلية كتبت بواسطة حياة نور الدين

اهلااااا حنونتي ربي عاونك ويقدرك على فعل الخهير انت وزوجك الناس اللي كما انتم في طريق الانقراض ربي يجازويك خير

اهلاااااا حنونتي ام سهيل ان شاء الله سهيل ولعائلة بخير
انا نعمل الباتيسري بهذه الوصفة ويخرجلي هااايل مجربة من عند فاطمة الزهراء من قناة سميرة
الجنواز . 4 حبات بيض ، نضربها قليلا ليختفي الصفار باش ميحرقش السكر ثم نضيف 100غ سكر ونضرب جيدا حتى يولي السائل ابيض اللون هنا نزيدوا 100 غ فرينة على ثلاث مرات بالصفاية يعني نرشها ونبدا نخلط من تحت لفوق باش منكسرش البيض ويستحسن الخلط بملعقة كبيرة مثقوبة هاديك اللي نتقطعوا بها الغراتان ثم نديرها في صينية فوق ورق الطبخ ندخلها فرن ميخن بربع ساعة من قبل على 180 درجة مظة 7_8 د
انا نحضر 2 بعدها نقص من كل واحدة طرف باش نظيروا الطبقة الوسطىى
نضع القطعة الاولى نشربها بالسيرو ثم الحشو تحبي كريمة الزبدة او الشانتيي بعدها الطبقة الثانية ونعمنل نفس العملية ثم الكبقة الاخيرة ونزين حسب الرغبة

مساء النولر اختي حياة ايسال عليك الخير وش راكي وش راهم وليداتك

اما بي نسبة لي بعد المسفة بينا وبين الاهل رانا قاع كيفكيف معليش ربي يخليلنا وليداتنا نقلبو فيهم وحش اهلنا ومرحبابيك بينا رانا عيلة وحدة وخيات بي ادن الله ربي يجمعنا في الجنة
و

براك الله فيك حبيبتي على الوصفة

ام سوهيل · 2015-08-22, 17:23

اقتباس:

المشاركة الأصلية كتبت بواسطة غزالة الصّحراء

أختي أم سوهيل . أنا جامي درتها. لما أنحب انديرها اندير الطريقة أنتاع ( 9، 9 ) بصّح راني حوستلك في النت ولقيت هذه الطريقة أنتاع الأخت amel5 من منتديات الجلفة. وحتى الأخت حياة نور الدين اللّه ايجازيها خيرا راهي أعطاتك الطريقة.
سلام عليكم
ليوم ان شاء الله جبت ليكم باتيسري من مطبخي ساااهل و مايديش بزاف مقادير و الدوق نتاعو كي نتاع برا
المقادير
نحتاجو ل-3 بيض
-120غ سكر
-120فرينة
-ملعقة صغيرة خميرة حلوى
-فانيليا
نضربوا البيض و السكر كي لعادة لتحضير الجينواز و نزيدوا عليها الفرينةو الخميرة
و نفرغوهم في صينية الفرن تكون مستطيلة كيما نحضروا لقاطو رولي و نخلوها حتى تنضج
نزيدوا نخدموا اخرى بنفس الطريقة و كل وحدة نقسموها في النص و في الاخير نتحصلوا على اربع مستطيلات
باش نديروا طبقات الباتيسري و نسقوا كل وحدة بالسيرو و نديروا طبقة من اي كريمة تحبوها انا درت كرام شانتيي
و نزينوا على حسب الرغبة و نقطعوها مربعات او كيما تحبوا
للاسف صور التحضير راحتلي من البورطابل
و لكن هاهو واجد ان شاء الله يعجبكم
إضغط هنا لرؤية الصورة بحجمها الطبيعي.

هاهي الطبقات

غزالة يعطيك الصحة راكي عطيتيني فكرة تع التزين حتا انا كنت حاصلة كيفاش نزينها يرك اللله فيك

ام سوهيل · 2015-08-22, 17:24

سلما مساء تاخير وش راكي

ام جوجو وام حمزة بصحتكم اطباقكم تشهي بصحتكم

بقلاوة مرحبابيك في دارك حنونة

ام حمزة22 · 2015-08-22, 17:36

السلام عليكم

ماشاء الله عليكم لبنات راكم منورين الصفحة بردودكن ومحليينها بوجودكن ووجود البقلاوة لحلوة مممممممممم

سلمى واش راكي ان شاء الله مرتاحة بوجود الوالدة الغالية

اختي بقلاوة يعطيك الصحة والاطباق مثل ما قلتي جات بنينة وخاصتا الصوص الحمراء زادت بنة على بنة ولي زادها البنة لمسة الغالية ام جوجو لي عطاتني الوصفة ربي بحفضها ويبعد عليها البلاء