الى ام اسيد1 وكل وحدة حاصلة واش الطيب

[ام حمزة22]

المشاركة الأصلية كتبت بواسطة omjoujou

صباح الامل و التفاؤل مع هاذ اليوم الجديد كيفكم حبيباتي
غاليتي ام حمزة كيف اصبحتي ان شاء الله بصحة جيدة
غزالتي حنونتي و شراكي شكرا كثيرا على القصة و بصحتك البركوكس مرة الجاية نديرو انا و نعرضكم عليه اانتي وام حمزة وام سوهيل ولكل لي يحبو حنا في جهة الشرق نديروه بالقديد والكليلة و الفول و الكابويا
ليوم مش راح ندير لغدا رايحة دار بابا ولا دار شيخي مزال مقررتش
ام سوهيل ام هدول ام الخير ام الحبايب حياة نورالدين زاهو صدوفة وكل اخواتي نهركن مبارك

صباح الخيرات ام جوجو يسقسي عيك الخير حبيبتي الف شكر ليك على العرضة يا كريمة
رافقتك السلامة اينما دهبتي

[ام حمزة22]

المشاركة الأصلية كتبت بواسطة غزالة الصّحراء

حبوبتي أم حمزة اللّه ايجازيك كلّ خير على ردودك الحلوة. اللّه لايحرمنا منك. وربي ايجيب لك الشفاء إن شاء االلّه. وكلّ مايسبب لك الضرر حاولي تفاديه . ولما تبراي تماما كولي واش تشتهي نفسك. طبعا بمقادير.
ياله حبوبتي سلامي الحار لك ولجميع الأخوات.

يعطيك الصحة غزالتي على النصائح القيمة ربي يجيب الخير ليا وليكم جميييييعا

[omjoujou]

حبيباتي بدلي زوجي البرنامج مانيش رايحة دار بابا و لا دار شيخي كي خرج زوجي هاذ الصباح لقا الخدامى لي يسقمو الطرقات في الكارتي تاعنا يسقمو فيه راح قضا وجا قالي ديريلهم لغدا راني نصبت شربة تاع فريك بلحم الخروف و درت خبز الدار راح يخمر

[ام سوهيل]

المشاركة الأصلية كتبت بواسطة غزالة الصّحراء

أم جو جو حنونتي راكي كيما أنايا . أنموت على البركوكس. خاصة لما ايكون اسخون وحاااااااااااااااااااااار. راهي الأخت أم سوهيل سخفتنا. أبعثيلنا حقّنا حنونتي. بصحتكم أختي أم سوهيل.

zfhp hgodv ugdml ;q vhml

صباح الخير لبنات اسمحولي شهيتكم في الجنة ان شاء الله

[ام سوهيل]

المشاركة الأصلية كتبت بواسطة غزالة الصّحراء

اختي أم سوهيل أنت سخفتيني بالبركوكس.وأنا ضربت عصفورين بحجرة واحدة.
من كثرة الي سخفت على البركوكس. كان ايجي بين عيني وين مارحت. درت اليوم الكباب. بطريقة بسيطة ( بصلة ، ثوم ، حمص ، طماطم حبة ، قطع دجاج ، زيت . مادرتش الملح . لأنّ الدجاج مالح. ) التوابل فقط توابل الدجاج. وخليت الكل داخل طنجرة الضغط. وبعد نصف ساعة اضفت 2 كأس ماء + طماطم مصبّرة . . فورت البطاطا بعد ماقسمتها إلى ثلاثة أجزاء. ثم أقليتها.
من كثرة ألي سخفت درت البركوكس في كاسرونة فيها الماء المغلي درت . حق ماناكل برك. + ملح + قليلا من الزيت باش مايلسقش. ولما طاب . درتو في الكسكاس باش يتصفى من الماء أنتاعو. وأخذت كاسرونة أخرى ودرت فيها قليلا من الصوص ألي حضرتها للكباب + زوج فليفلات . راني قلت فليفلات تصغير للفلفلة . حمراء اللّون هذاك النوع الصغير الحححححححححححااااااااااروخليت الكل ينضج والبركوس شرب لاصوص . وانا أكليت البركوس وهو سخون في الصحن أنتاع الطين وهو حار. غالياتي كان طعموا أروع من العسل.
شفتي أختي أم سوهيل واش دار فيا البركوكس أنتاعك. ربي يحفظك ويصونك . راكي درتي لي الكوراج باش أنكون كالنحلة. ربي ايخليلك سوهيل ويحفظو من كلّ سوء . آمين.

ولله يا غزالة غير احشمت منك ومن الاخوت الي شهيتهم اسمحولي من فضلكم

غزالة بصحتك وش طيبتي

البنات الملتحيقات مرحبا بيكم وربي يخليلكم وليداتكم

[ام سوهيل]

المشاركة الأصلية كتبت بواسطة ام حمزة22

السلام عليكم

مساءكم سعبد لبنات واش راكم


ماشاء الله عليكم راكم منورين الصفحة ربي ينوركم دنيا واخرة


غزالتي يعطيك الصحة على الردود اامنيرة بارك الله فيك


لبنات اشكركن جنيعا على السؤال راني احسن ملي كنت


اليوم رحت عند اهلي ككل يوم جمعة وكي وليت لداري مريت على زوجت لوسي قصرت معاها حتى ادن المغرب دخلت الداري

اشكرك اختي بقلاوة على المرور الطيب اسعدني وجودك حتى انت عجبني اسمك راه يشهي ومسكورة على السؤال حبيبتي بارك الله فيك وربي يسعدك ويهنيك


ام وابنة يعطيك الصحة شكرا لك على السؤال بارك الله فيك ربي يحفضك ويخليك


غالياتي ام جوجو وام سوهيل راني جربت الكروكي و صراتلي نفس المشكلة الكروكي تشق حتى مع كيس واحد خميرا بصح كاش نهار نعاودو اختي اعطاتني استوس الا جاني مليح نقوللكم عليها مثل ما يقولو وراه وراه والزمن طويل والله عجبني مذاقه ويستاهل ان نعاودو ياريت لوكان صاحبة الموضوع حطتلنا المراحل كنا عرفنا سبب الانشقاق

تحياتي للجمييييع

ام حمزة وش راكي وش راهم داركم

انا انضن بلي التشقاق من البتار الاخدمتي بيه يعني الخلاط الكهربائي المرة الجاية الى عودته نضربه بي اليد ونشوف

[ام سوهيل]

لبنات من فضلكم اشكون الي عندها وصفة تع بتيسري مضمونة تمدهالي

غدوة ان شاء الله عندي مناسبة خاصة من بعد نقوللكم عليها

[حياة نور الدين]

المشاركة الأصلية كتبت بواسطة ام حمزة22

اهلا وسهلا بيك حياة
بصحتك واش طيبتي
ماشاء الله على بناتك اسماءهن جميلة ربي يحفضهملك ويسترهم
انا اليوم طيبت مسفوف بالجلبانة كليت منو غير شوية صبح نحيت الشهوة وفي اامساء غليت البيض ان شاء الله ما يضرنيش حتى السلطة خفت ناكلها من الزيت لي فيها

اهلا اختي ام حمزة ان شاء الله ربي يشفيك وتقدري تاكلي واش حبيتي

المشاركة الأصلية كتبت بواسطة غزالة الصّحراء

أهلا بك أختي حياة العسلامة ومرحبا بك. نورتي الصفحة ، ويارب أنت ايضا اتكوني بألف ألف خير. وبصحتكم واش طيبتي للعشاء. وربي يحفظ لك الأمورتين ويزين سعدهم ، وماشاء اللّه حتى اسماؤهما حلوة . ربّي ايطول في عمرك وتحضري لأفراحهما.

شكرا اختي ومنرحبا بسلامك وربي يحفظ كل اولادنا واللي معندوش ربي يرزق الذرية الصالحة ويعيناااااااااا على تربيتهم

[حياة نور الدين]

المشاركة الأصلية كتبت بواسطة omjoujou

حبيباتي بدلي زوجي البرنامج مانيش رايحة دار بابا و لا دار شيخي كي خرج زوجي هاذ الصباح لقا الخدامى لي يسقمو الطرقات في الكارتي تاعنا يسقمو فيه راح قضا وجا قالي ديريلهم لغدا راني نصبت شربة تاع فريك بلحم الخروف و درت خبز الدار راح يخمر

اهلااااا حنونتي ربي عاونك ويقدرك على فعل الخهير انت وزوجك الناس اللي كما انتم في طريق الانقراض ربي يجازويك خير

المشاركة الأصلية كتبت بواسطة ام سوهيل

لبنات من فضلكم اشكون الي عندها وصفة تع بتيسري مضمونة تمدهالي

غدوة ان شاء الله عندي مناسبة خاصة من بعد نقوللكم عليها

اهلاااااا حنونتي ام سهيل ان شاء الله سهيل ولعائلة بخير
انا نعمل الباتيسري بهذه الوصفة ويخرجلي هااايل مجربة من عند فاطمة الزهراء من قناة سميرة
الجنواز . 4 حبات بيض ، نضربها قليلا ليختفي الصفار باش ميحرقش السكر ثم نضيف 100غ سكر ونضرب جيدا حتى يولي السائل ابيض اللون هنا نزيدوا 100 غ فرينة على ثلاث مرات بالصفاية يعني نرشها ونبدا نخلط من تحت لفوق باش منكسرش البيض ويستحسن الخلط بملعقة كبيرة مثقوبة هاديك اللي نتقطعوا بها الغراتان ثم نديرها في صينية فوق ورق الطبخ ندخلها فرن ميخن بربع ساعة من قبل على 180 درجة مظة 7_8 د
انا نحضر 2 بعدها نقص من كل واحدة طرف باش نظيروا الطبقة الوسطىى
نضع القطعة الاولى نشربها بالسيرو ثم الحشو تحبي كريمة الزبدة او الشانتيي بعدها الطبقة الثانية ونعمنل نفس العملية ثم الكبقة الاخيرة ونزين حسب الرغبة

[حياة نور الدين]

ملاحظة لكل حبة بيض نعمل 25 غ سكرو فرينة لضبط المقادير

[ام حمزة22]

السلام عليكم
ان شاء الله نكونو كااانل بالف خير


طبقي اليوم منقول من الغالية ام جوجو طيبت ضولمة حمراء عجبتني بزاف وزدت درت بيضاء خفت ولادي ما ياكلوليش ضولمة الحمراء ما حبيتش نجازف حتى ما نسمع منهم التعليقات مثل ما يقولو نقيل صداع

انا عمري ما طيبتها حمراء بصح عجبتني جات هااايلة ان شاء الله زوجي تعجبو

[ام حمزة22]

المشاركة الأصلية كتبت بواسطة حياة نور الدين

اهلااااا حنونتي ربي عاونك ويقدرك على فعل الخهير انت وزوجك الناس اللي كما انتم في طريق الانقراض ربي يجازويك خير


اهلاااااا حنونتي ام سهيل ان شاء الله سهيل ولعائلة بخير
انا نعمل الباتيسري بهذه الوصفة ويخرجلي هااايل مجربة من عند فاطمة الزهراء من قناة سميرة
الجنواز . 4 حبات بيض ، نضربها قليلا ليختفي الصفار باش ميحرقش السكر ثم نضيف 100غ سكر ونضرب جيدا حتى يولي السائل ابيض اللون هنا نزيدوا 100 غ فرينة على ثلاث مرات بالصفاية يعني نرشها ونبدا نخلط من تحت لفوق باش منكسرش البيض ويستحسن الخلط بملعقة كبيرة مثقوبة هاديك اللي نتقطعوا بها الغراتان ثم نديرها في صينية فوق ورق الطبخ ندخلها فرن ميخن بربع ساعة من قبل على 180 درجة مظة 7_8 د
انا نحضر 2 بعدها نقص من كل واحدة طرف باش نظيروا الطبقة الوسطىى
نضع القطعة الاولى نشربها بالسيرو ثم الحشو تحبي كريمة الزبدة او الشانتيي بعدها الطبقة الثانية ونعمنل نفس العملية ثم الكبقة الاخيرة ونزين حسب الرغبة

يعطيك الصحة حياة نفس طريقتي بارك الله فيك

[ام حمزة22]

المشاركة الأصلية كتبت بواسطة omjoujou

حبيباتي بدلي زوجي البرنامج مانيش رايحة دار بابا و لا دار شيخي كي خرج زوجي هاذ الصباح لقا الخدامى لي يسقمو الطرقات في الكارتي تاعنا يسقمو فيه راح قضا وجا قالي ديريلهم لغدا راني نصبت شربة تاع فريك بلحم الخروف و درت خبز الدار راح يخمر

الله يجعلها صداقة مقبولة ام جوجو وربي يبعد عليكم البلا والمصائب

[غزالة الصّحراء]

المشاركة الأصلية كتبت بواسطة ام سوهيل

ولله يا غزالة غير احشمت منك ومن الاخوت الي شهيتهم اسمحولي من فضلكم

غزالة بصحتك وش طيبتي

البنات الملتحيقات مرحبا بيكم وربي يخليلكم وليداتكم

أهلا بك أختي أم سوهيل. حنونتي غير ماتقلقليش روحك. بالعكس راكي شجعتيني باش أنطيّب واش أنحب. أنا في داري أندير البركوس بالخضرا لمفورة. ( الجزر + البطاطا + البصل ) وياكلوه بالبيض الطايب في الماء. وأنا صراحة نعشق كلّ حاجة. ماكانش حاجة مانحبهاش. والطريقة ألي درتي بيها عجبتني. . واللّه لما اكليت البركوكس الي درتو مازدت أكليت ايّ شيء. وراني مازال حاب أنزيد أنجربو بطريقة أختنا الغالية أم جوجو. هكذا الي ايديروه في دارنا. ومرة أخرى يعطيك الصحّة على طبقك الرائع وعلى طريقة تقديمه. وبصحتكم.
حبيت برك نعطيك ملاحظة : أنا كلّ شيئ كنت ناكلو في أيام زمان العزوبيّة في دارنا أو أيّ مكان وعجبني . مجرد مانشوف الطبق اشتهيه لا لأنّني جائعة.وإنّما لأنّني أشعر بعودة الماضي الحنين وأيام الطفولة. فألف شكر لك أختي أم سوهيل. رجعتيني للماضي الحنين بطبقك الرّائع. ولو أنّه في الحقيقة أنت الأروع.

[ام حمزة22]

المشاركة الأصلية كتبت بواسطة ام سوهيل

ام حمزة وش راكي وش راهم داركم

انا انضن بلي التشقاق من البتار الاخدمتي بيه يعني الخلاط الكهربائي المرة الجاية الى عودته نضربه بي اليد ونشوف

يسقسي عليك ااهير ام سوهيل

بالاك مثل ما قلتي الخلاط ااكهربائي واختي قالتلؤ لازم تحبطي الحربوش مليح بعد ما تروليه والله اعلم