تخصص بصريات و ميكانيك الضبط بسطيف

[zaki-italia1]

السلام عليكم لي عندوا معلومات بخصوص l'agrumment حول تخصص بصريات وميكانيك الضبط جامعة سطيف في فضلكم

[سطايفية بكل فخر]

السلام عليكم
بالنسبة لقصة لاقريمون تاع لوبتيك اخي نحب نولهكم لنقطة مش كل تخصصات هذي المعهد تخرج اوبتيسيان يعني مش كلها معنية بلاقريمون
التخصص الوحيد لي يعنى بيه هو اوبتومتري ولحد الان ممدوهاش ومزال المشكل قائم ورانا نعانيو
وحاليا تم غلقه وبلوكاه وبقاو غير اربع تخصصات في المعهد وهم ايضا مستقبلهم المهني مجهول ومش معتارفين بيهم
لذلك خلاصة القول رغم انو النيفو تاع الدراسة مليح وطالع لكن ممنصحكمش بيه واخطيوكم منو لانو متسقبلكم على المحك ومتعرفو وشا رايحين تخدمو
وربي يسهل للناس لي قرات فيه
واي استفسار اخر عن المعهد تفضل نجاوبك

[zaki-italia1]

مشكورة الاخت بارك الله فيك

[nour aljana]

salam ana tani 3tawni optique haba nata3araf 3la talaba li rah ykoune m3aya

[softy]

اختي سطايفية قالةلي حتى الميترولوجي ونحاوها ولا؟؟
وقبل منخرجو قالو رايحين يزيدو نفرع اوبتوميكانيك في ليسانس,صح كاينا منها ولا غير هدرة ؟

[الملاك المجروح93]

يا اختي سطايفية انا رحت على جال ابتومتري و في 2013 شكرتي فيه يعني انا خيرتها على جال موضوعك الحمد لله درك تهنيت منها مع اني لو اتخذت القرار الصحيح كون عام ونتخرج بالبوست تاعي لكن الحمد لله درت روطار مي خير من كون ضاعت حياتي في اوبتيك غير خطيكم لا نيفو تاع دراسة لا والو بلخير و قصاص يتمسخرو ينجحو في حبابهم ....

[سطايفية بكل فخر]

المشاركة الأصلية كتبت بواسطة nour aljana

salam ana tani 3tawni optique haba nata3araf 3la talaba li rah ykoune m3aya

السلام عليكم للساف انا منيش رايحة نكون معاك لكن انا نفس تخصصك اختي
قوليل وعلاش خيرتي هذا الاختصاص هل هي رغبة منك فيه او بعثوك ليه
وهل قريتي كل ما قال عنه او متعرفي عليه والو
؟
وراني هنا لاسئلتك وزيد هل تعرفي مستقبلو وشا يخرج او لا؟

المشاركة الأصلية كتبت بواسطة softy

اختي سطايفية قالةلي حتى الميترولوجي ونحاوها ولا؟؟
وقبل منخرجو قالو رايحين يزيدو نفرع اوبتوميكانيك في ليسانس,صح كاينا منها ولا غير هدرة ؟

والله مسمعت ملحقني حتى خبر عليها اخر مرة تلاقيت صحاباتي ثمة مكانش هذا القرار غاليتي رايحة نسقسيلك اختي

المشاركة الأصلية كتبت بواسطة الملاك المجروح93

يا اختي سطايفية انا رحت على جال ابتومتري و في 2013 شكرتي فيه يعني انا خيرتها على جال موضوعك الحمد لله درك تهنيت منها مع اني لو اتخذت القرار الصحيح كون عام ونتخرج بالبوست تاعي لكن الحمد لله درت روطار مي خير من كون ضاعت حياتي في اوبتيك غير خطيكم لا نيفو تاع دراسة لا والو بلخير و قصاص يتمسخرو ينجحو في حبابهم ....

اهلا غاليتي
نوضحلك بعض النقاط غاليتي
اولا لحد الان نشكر في الدراسة لانو فعلا مستوى ونتحدى اي واحد ثما يقول ميقريوش روحي شوفي جامعات اخرى وتفهمي وشا نقول ثانيا انا لما حليت المضووع قلت الحقيقة لا نقصان ولا زيادة الدراسة مليحة المستقبل مكانش ورانا نكونباتيو عليه ورجعي لموضوعي لقديم تلقاي هذا
ثالثا انا مقلت لحتى واحد يدخلو ومكانش اي واحد صقصاني ومجاوبتوش بواش كاين
وحاليا انا قلتلهم اخطيكم بسبب انو الادارة مهيش تجري على المستقبل وبالتالي رايحي يزيد يبقى لسنوات معطل فلما نتعطلو كامل روحنا حنا متزيدوش نتومت
وان شاء الله لما يتفك مشكلنا ننصحو بالتخصص هل فهمتيني غاليتي
+
راهو غلقوها الان وبقاو فقط ربع تخصصات واختنا راهي تقول ميترو رايحة تروح
+
اختي تاع لو خيرتي وعام وتتخرجي بالبوست تاعك هذي مكتوب ربي وعسى ان تكرهوا شيئ وهو خير لكم وعسى ان تحبو شيء وهو شر لكم وان شاء الله ربي يفتح بيبان الرزق قدام جميع الطلبة
+
وانت الان واش راكي مدايرة غاليتي بما انك تقولي البوست تاعي اما تعلم او شبه طبي لانو ولا حاجة مضمونة من غيرهم

[مَـــآجْـــدُولِــين]

كي راكم تقولو على الخدمة
زعمة تخصصات لخرين فيهم خدمة
ياو كلش كيفيكيف
المهم حنا نقراو
ومنا لهذاك الوقت ربي يفرج
ماتفقدوش الامل

[bounar]

مستقبل جامعي مجهول الله اكبر

[سطايفية بكل فخر]

المشاركة الأصلية كتبت بواسطة مَـــآجْـــدُولِــين

كي راكم تقولو على الخدمة
زعمة تخصصات لخرين فيهم خدمة
ياو كلش كيفيكيف
المهم حنا نقراو
ومنا لهذاك الوقت ربي يفرج
ماتفقدوش الامل

السلام عليكم
ياختي التخصصات الاخرى مقبولين في الوظيف العمومي وفي التعليم
يعني عندهم مناصب قليلة
لكن حنا غير مقبولين فهمتي اختي يعني حتى لو كان كاين مناصب مطيرلناش
+
مناش فاقدين الامل ورانا نقاموا حتى يمدولنا حقوقونا
وحنا نصحناكم لوجه الله باش تبعدو عليه حتى يتحل مشاكلو وديروه لاروحكم
وهي نصيحة لا نلزم بها احد
تحبوا تروحو راني قلتلكم الدراسة نيفو لكن المستقبل مجهول
اللهم اني بلغت فاشهد

المشاركة الأصلية كتبت بواسطة bounar

مستقبل جامعي مجهول الله اكبر

للاسف نعم اخي