انصحوني

[مشكلتي]

السلام عليكم اخوتي
زوجي رجل ملتزم والحمد لله و أتفهم معه لكن مؤخرا بدأ يعمل سائق أجرة و بطبيعتي كامرأة أخاف عليه من النساء خاصة فكم من رجل متزوج وله اولاد ومع دلك ما رحموهش هدا من جهة ومن جهة أخرى نخاف يفتن باحدى الزبونات انا جد متوترة علما أننا نحتاج الى هذه الخبزة وكل هذا يدور في خاطري و هو لا يعلم شيء مما افكر فيه ..لا أريد مصارحته بما أشعر حتى لا أشغله ولا أشوش عليه
انصحوني اخوتي خاصة الذي عندهم خبرة و كيف يمكنني حمايته دون أن أزعجه.
والله يجمع شمل كل العائلات و يحفظ كل زوج لزوجته.

[amira19]

شوفي حبيبتي لازم تكون عندك ثقه في نفسك و ثقه في زوجك. لماذا اصبحنا في زمن واحد ما يوثق في واحد الثقة هي اساس العلاقه الزوجيه و بدون ثقه تعيش المرا في. ناااااار

ادعي لربي يسخرلك زوجك و يحصنووووو و يسترو من بنات الحرام و ما تكثريش على زوجك بالاسئلة او تبينيلو مخاوفك بل بالعكس بينيلو بلي راكي واثقه فيه ثقه عمياء و هو و تربيتو و هو و اصوووولو و هو وازعه الديني

[- بصمة خير -]

باش يروحلك الخوف
اولا: الدعاء الله يحفظلك زوجك و يبعد عليه بنات الحرام
ثانيا: مرة تقوليلوا راني واثقة فيك 100% و علابالي مستحيل تلعبها عليا باش يعرف راكي مدايرة فيه الثقة و يجيه عذاب الضمير لو صح كان حتى يفكر لا قدر الله
و مرة تقوليلو مانيش غالطة راني مدايرة فيك الثقة ماتخلنيش نحس روحي غبية او غالطة لاني مديتلك ثقتي
نفس الشيء باش ديريلو عذاب الضمير
ههههههههههههههههههههههه
كيد النساء
ثالثا: ديريلوا واش يحب في الدار في جميع المجالات
ماتخليهش يحتاج حتى حاجة
سقسيه قوليلوا واش تحب نديرلك
ديريلوا مفاجات مش شرط لازم الصوارد و هدايا غالية
رابعا: الدعاء الدعاء الدعاء
ربي يحفضلك زوجك

[رووعة]

عليكي بدعاء

[خالد عنابي2]

كوني المراة المثالية التي يحلم بها واشبعيه في كل النواحي حتى لا يفكر في غيرك

لا تدعي الروتين والكابة يخيمان على منزلك

[zahra13]

والله يا اختي هاداك لي راح نعمل ليس لي حل الآخر ولكن بكلامك زدتي أكدتلي على هاد الطريقة الله يحفظك يا أختي وأسرتك ان شاء الله.

[zahra13]

المشاركة الأصلية كتبت بواسطة خالد عنابي2

كوني المراة المثالية التي يحلم بها واشبعيه في كل النواحي حتى لا يفكر في غيرك

لا تدعي الروتين والكابة يخيمان على منزلك

شكرا حبيبتي الروتين والكآبة جزء مهم لازم نتفاداه الله يسعدك بارك الله فيك.

[zahra13]

المشاركة الأصلية كتبت بواسطة البنفسجية

باش يروحلك الخوف
اولا: الدعاء الله يحفظلك زوجك و يبعد عليه بنات الحرام
ثانيا: مرة تقوليلوا راني واثقة فيك 100% و علابالي مستحيل تلعبها عليا باش يعرف راكي مدايرة فيه الثقة و يجيه عذاب الضمير لو صح كان حتى يفكر لا قدر الله
و مرة تقوليلو مانيش غالطة راني مدايرة فيك الثقة ماتخلنيش نحس روحي غبية او غالطة لاني مديتلك ثقتي
نفس الشيء باش ديريلو عذاب الضمير
ههههههههههههههههههههههه
كيد النساء
ثالثا: ديريلوا واش يحب في الدار في جميع المجالات
ماتخليهش يحتاج حتى حاجة
سقسيه قوليلوا واش تحب نديرلك
ديريلوا مفاجات مش شرط لازم الصوارد و هدايا غالية
رابعا: الدعاء الدعاء الدعاء
ربي يحفضلك زوجك

آمين يا رب انتي كذلك ربي يحفظلك زوجك ويخليه تاج على راسك كيما نقولو وراح نتبع كل المراحل لذكرتها باذن الله .

[rafikabissa]

السلام عليكم لن اضيف الكثير على نصايح الاخوات اعطيلو حقو باش يعطيك حقك بالمعقول وفقك الله واياك