اقتباس:
المشاركة الأصلية كتبت بواسطة مريم عادل
الا توقفتم للحظه من مغالطة الناس بما قاله الشافعي ولو كنا سنتحدث عن الحكيم في عصر الشافعي لكان الانسان اليوم عليه ان يدرس الطب والصيدله والرياضيات والهندسه فالمعالج قديما كان يجمع العديد من العلوم الماديه وفي مقابله كان هناك عالم دين واقولها واكرر لو درنا على الشافعي بمفهوم الطب اليوم لا ماوجد ابدا الحاسوب ولا الهاتف ولا الضوء وعشنا في العصر الحجري بل لما تطور الطب بالتجهيزات والالات التي تنقض الارواح الان اليوم يوجد روبورتات معالجه لو مافي هندسه كيف كنا لنصل ولو مافي صيادله من اين لنا بالدواء لنهار كل شيء ونرجعو لنقطة الصفر قولو الحمد لله يامن تريدون الجميع يتجه للطب حتى خلت باقي الفروع من المبدعين لان لا احد يدرس مايحب احمد الله ان في شعوب اخرى تصدر لنا انجازاتها وابواب الجنه عديده اختر من اي باب تدخل المهم كن الافضل واتقن عملك فمن احياها تنطبق على الجميع وفي كل التخصصات تستطيع بكلمه بمال بقرار سياسي بالعدل بالعلم بالطب بالصيدله بالهندسه بكل شيء فلا تغالطوا انفسكم واستخر الله ثم توكل
|
بارك الله فيك بارك الله فيك بارك الله فيك ... يعني كلمة في محلها انا درت طب قريت 3 سنوات جبتهم لكن دايما كاين حاجة تقولي انو ماشي مجالي مانقدرش نبدع فيه اصلا مانيش حاسة روحي متحكمة في كمية المعلومات القليلة اللي نقراوها وينك يا نوصل للتطبيق و التوسع و الاتقان بلوكيت هذا العام على اساس نبدل الشعبة لكن كيف كيف مازال ضغط الأسرة و المجتمع ماقدرتش نتخلص منو و سببو التخلف اللي رانا عايشين فيه غياب الوعي بشكل كبير انا من وجهة نظري المجتمع تاعنا هذا الوقت يحتاج اللي يوعيه و يخرجو من دوامة المظاهر و السطحية اكثر ما يحتاج للي يداويه يحتاج للي يحيي روحو و نفسو و عقلو اكثر ما يحتاج للي يحيي جسدو انا كنت متأكدة اني قادرة على الابداع في مجالي لكن هاذ ال4 سنوات دمروني تماما نفسيا اصبحت شخص مدمرررررررر كرهت حياتي بمعنى الكلمة و ذرك راني حايرة بين ندير واش راني حابة و نواجه من اجل الفكرة اليي نؤمن بها او ندير رغبتهم و نندم طول حياتي و نتحاسب على نفسي و صحتي لي راهي تضيع .. المشكلة انو جيل ابائنا يقولك تندم كون جيب مليح و ما ديرش طب يقولك ربي يحاسبك عطالك قدرات باش دير طبيب و انت ضيعتهم في مجال اخر تافه راني حايرة كيفاه يخمو مافهمتش تعقدت تاع الصح و عييييييييييييييييييييييييييييييييييييت كون غير ماكنتش نقرا مليح راني في دوامة غير ربي لي عالم بيها نتمنى لي يشوف هذا التعليق ما ينسانيش بدعوة في ظهر الغيب ربي يفرج علي لأني رح نطرطق و ربي يوفقكم كامل تتقنو و تبدعو واش تحبو لأنو عامل النظافة لي يتقن خدمتو يكون خدم البيئة و الانسان و الحيوان و ساهم في نقص الأمراض و بالتالي راكم شايفين المعادلة وهذا لا يعني اني نقول الطب ماشي مليح بل من المهن الراقية و نحترمو جدااا و نحترم الأطباء و يقراو معاي ناس ما شاء الله و كاين ناس انا نطلع عامي بمعدل اكثر منهم لكن نحترمهم اكثر ما نحترم نفسي في الطب لأني مدركة بلي النقطة ماشي مقياس المقياس هو حب المجال و الابداع فيه و مدى التحكم فيه .. المهم ربي يوريلنا الحق و يعينا باش نتبعوه و صح عيدكم و بارك الله فيكم
( تقرير عن مشاركة سيئة )، و الموجودة أسفل كل مشاركة .
2015-07-17, 22:42
العرض العادي
