أول مرة نشوف هذا الموضوع العمل ما خلانيش ندخل للمنتدى كثيرا أنا ثاني راني جديدة في السياقة كيفك ومن العمل للبيت والعكس والمسامفة وحد 4كلم ما أتذكره في بداية السياقة كانت تكاليلي بزاف ويضحكو علي التلاميذ أنتاعي ،
والحاجة الثانية اللي نتفكرها مليح كانت سيارتي تحب تسلم على السيارات اللي قدامها ،المرة الاولى في طريق ضيق ويوم قبل عيد الفطر طلبت مني صديقتي أخذها للسوق وانا لم أذهب هناك من قبل :وزوجي محرم علي هذه الاماكن حشمت وديتها حطيتها لما جيت نمشي قابلتني حافلة النقل الحضري فأضطريت ندخل شوية وراء كاميونة 404 باشي مدرعة وصاحبها مركبلها بار حديد خارج و متوقفة لما جيت نرجع للطريق سلمت (قبّلت ) سيارتي البيجو على خالتها الكاميونة وخليت عندها الفارأي الضوء الأمامي الأيمن ، من الخلعة من زوجي ماقدرتش ندخل وقعدت نستنى في صاحب السيارة نهار سوق عرافة حتى جاء ومن بعد رفض يعطيني الوثائق بعدها صورت الماتريكول وعطيت لزوجي عيط علي أدخلي بسرعة دخلت ولم تنته المغامرة عند هذا الحد ولي عودة للموضوع ولست وحدك يا زرقاء اليمامة
( تقرير عن مشاركة سيئة )، و الموجودة أسفل كل مشاركة .
2015-05-30, 10:34
العرض الشجري