مجرد رأي و لكن ,,,,,,,,,

[{عآشقة الفردوس}]

صح كاينة

ساعات نكون أداك وين نخمم وش رح نقراى نلق جماعة حلت 20 تمرين نحير و في أغلب الأحيان يطيحولي المورال نحسهم ألات مش عباد يا سبحان الله

نحير في وحد تاني يقولك رح نحل 40 تمرين في هك و هك و هك

أنا في وحدة كي نحل عليها تمارين في نهار لا كثرت ندير 10

على العموم ربي يهديهم الناس لي كيف هك

و إذا كانو كيف هك صحا ربي يزيدهم و يعطينا ما عطاهم

[شهاب 07]

هاهاههاا انا كون نحل 2 تمارين كل يم ندي الباك ب 18 .. حقيقة ,,

[color="rgb(105, 105, 105)"]التمرين كي تحلوا لازم تفهموا ماشي تفوت عليه مرور الكرام ,, باه اذا قدر الله جا في الباك
[/color]
تقول آآآآ هذا حليتو و تكون شافي على الحل

[Wiem4]

عجبني موضوعك
امممم ماتقلقش روحك خلاص هك انا صراتلي لغاشي كامل يقولولك رانا نحلوا و رانا نقراو و رانا و رانا و انا تحكمني لخلعة نقول مازلت غير انا
كل واحد كيفاه راه منظم وقتو و كل واحد كيفاه يقرا
و بالنسبة للمعدلات لقيت بلي صح الاعضاء قرايين الله يبارك في الباك محسوب كامل داو معدلات ممتازة
بالتوفيق

[ai*cha]

المشاركة الأصلية كتبت بواسطة amel miral

ايبارك فيك والله يا أختي هاذاك النهار لن انساه ما حييت بعد ما فوتنا الرياضيات وعرفت بلي ما خدمتش اصابني يأس كبير ولكن بما أن معامل العلوم اكبر قلت انشاء الله نخدم فيها روحت لعشية بعد ما كملنا الانجليزية ووصلت متأخرة الى المنزل حوالي 18.30 لان المركز لي فوتنا فيه كان شوية بعيد المهيم كي لحقت للدار خممت نراجع العلوم مي كنت عيانة بزاف قلت ال ماما ضرك بلي رايحة نرقد شوية امبعد 21.00 تنوضني مالا ماما غاضتها حالتي قالت خليها ترقد شوية او 23.00 انوضها هاذاك هو الطريق نوضتني على 4.00 ثم احكمني انهيار عصبي او مع اني ممتازة في العلوم مي كان عمبالي بلي موحال انكمل بديت نقرا فالكراس و حاولت ان افهم ما كنت قد نسيته المهيم انهيت 3 وحدات الاولى انا لحقت للمناعة شفت فيها مليح مبعد قلت لالا نبدا على المشابك قريتهم وانا نلبس في قشي ههههههههههههه وامبعد كملت الباقي فالبيس كي كنا رايحين او كي لحقت للمركز رحت وين انحطو لي ساك او لي بورتابل او قاعدا انريفيزي فالمناعة حتى لحقت 8.25 جاني المدير قالي يا بنتي لوكان متدخليش ضرك ايحاوزوك المهيم ادخلت وانا نبكي بويسك ما رفيزيتش مليح الحلقات كالفن و كريبس او خيرت السوجي لي ما فيهش المناعة او خدمت فيه و الحمد لله ههههههههههه كسرتلك راسك بحكايتي سمحيلي انصحك في العلوم حلي التمارين ولكن ليس الشرط الكم تاعهم مي قادر اتحلي تمرين واحد وي كون شامل المهيم المعلومات لي فالتمارين سلاااااااااااااااااام

صار فيك هاذ الشي كامل هههه
بالتوفيييييييييييييييييييييق أختي

[maneloutaki]

والله صح البارح جيت نعاند قلت نحل تمارين رياضيات حتال 12 ليلا
امالا حليت تمرين رياضيات 9 رحت نرقد
شفت هاذ لحكايا ??? راهي ترجع عليهم نهار الباك ميقدروش يركزو في النهار بالسهرات هاذو الواحد يقرا قد جهدو
كيما يقولك يهبطولك المورال فرات
انا معدلي 11 العام هاذا
و ان شاء الله نحل و نقرا قد مجهودي انا جامي ندير كيفهم ياو والله بزاف نقرا قدي قد روحي نجيب الباك و انا رايـــــــــــــــحة
كيما قالو العضاء التمارين لازم نفهموهم
انا على ما اظن يشوفو تمرين يروحو يقراو الحل و يجيو يجرو راني حليت
انا تمرين في ساعة
لازم تتعب على التمرين ماشي يقراوه و يجيو يجريو
في حالة
يا اعضااااااااااااء متبعوهمش والله راكم خاسرين في الحكاية هاذي بقاو 10 ايام للباك متتعبوش بش تروحو بصحة و نفسية رائة يوم الامتحان ان شاء الله
ربي يوفقنا
تشاااااااااااااااااااااااوووووو

[شهاب 07]

المشاركة الأصلية كتبت بواسطة maneloutaki

والله صح البارح جيت نعاند قلت نحل تمارين رياضيات حتال 12 ليلا
امالا حليت تمرين رياضيات 9 رحت نرقد
شفت هاذ لحكايا ??? راهي ترجع عليهم نهار الباك ميقدروش يركزو في النهار بالسهرات هاذو الواحد يقرا قد جهدو
كيما يقولك يهبطولك المورال فرات
انا معدلي 11 العام هاذا
و ان شاء الله نحل و نقرا قد مجهودي انا جامي ندير كيفهم ياو والله بزاف نقرا قدي قد روحي نجيب الباك و انا رايـــــــــــــــحة
كيما قالو العضاء التمارين لازم نفهموهم
انا على ما اظن يشوفو تمرين يروحو يقراو الحل و يجيو يجرو راني حليت
انا تمرين في ساعة
لازم تتعب على التمرين ماشي يقراوه و يجيو يجريو
في حالة
يا اعضااااااااااااء متبعوهمش والله راكم خاسرين في الحكاية هاذي بقاو 10 ايام للباك متتعبوش بش تروحو بصحة و نفسية رائة يوم الامتحان ان شاء الله
ربي يوفقنا
تشاااااااااااااااااااااااوووووو

لازم رحلة لتركيا باه تروح في صحة نفسية ماشي ما تتعبش ,, هاذيك اي صحة جسمية هاهاههااااا

[maneloutaki]

HiiiHiiiiiHiiiii -_-

[sozii]

اولاا استسمحگ علي هذه الگلمات التي سأقولها الآن ..
هذا ليس الوقت الانسب لطرح مثل هذه المواضيع
فگر في نفسك فقط و في النقاط التي ستحصدها في البكالوريا و لا تضيع وقتگ في التفكير اذا كان الكل يتحصل علي معدل ممتاز
لم يتبقي الكثير فرجاءاا لا تطرحوا مواضيع ليس لهاا فائدة لاا من قريب و لاا من بعيد
بالتوفيق

[شهاب 07]

المشاركة الأصلية كتبت بواسطة sozii

اولاا استسمحگ علي هذه الگلمات التي سأقولها الآن ..
هذا ليس الوقت الانسب لطرح مثل هذه المواضيع
فگر في نفسك فقط و في النقاط التي ستحصدها في البكالوريا و لا تضيع وقتگ في التفكير اذا كان الكل يتحصل علي معدل ممتاز
لم يتبقي الكثير فرجاءاا لا تطرحوا مواضيع ليس لهاا فائدة لاا من قريب و لاا من بعيد
بالتوفيق

ولاا استسمحگ علي هذه الگلمات التي سأقولها الآن ..
هذا ليس الوقت الانسب لطرح مثل هذه الردود
فگر في نفسك فقط و في النقاط التي ستحصدها في البكالوريا و لا تضيع وقتگ في التفكير اذا كان الكل يتحصل علي معدل ممتاز
لم يتبقي الكثير فرجاءاا لا تطرحوا ردود ليس لهاا فائدة لاا من قريب و لاا من بعيد
بالتوفيق

[شهاب 07]

المشاركة الأصلية كتبت بواسطة amira--dz

سوزي الاخ لي كتب الموضوع عندو حق بزاف والاعضاء لي ردو كامل يعطيهم الصحة
انا وحدة من الناس كنت حايرة كيفاش يقدرو يحلو التمارين هادو كامل وزيد في الليل
يعني كيما قالو خرين هنا انا اذا كثرت في نهار كامل نحل عشر تمارين هوما يقولو 30 40 ياو من انتم

كاين بزاف لي يشوفهم كيفاش يقراو يطيحلو المورال وانا تاني كنت هاك مي كل واحد واش يقدر
علاه نكثرو تمارين فيهم نفس الحاجة ؟؟ هل الاستفادة معناها نقتل روحي في لقرايا ؟؟؟

كل واحد يقرا على قدو مش رح نصنعو صواريخ ياو هادا باك برك خخخخ

المشكل انو الباك تاعنا ماشي معترف بيه دوليا هاهاههاا مالا علاه نقتل روحي في القرايا ,,, فرق مابين لي باك تاعنا و تاع المروك فرق شاسع

[~عابر سبيل~]

السلام عليكم ،،

ماذا أقول أخي ،، كل وقناعاته وكل وما يقول ، بالنسبة لي لا أهتم كثيرا بما يُنشر حول عدد التمارين أو مقدآر الحفظ أو حتى عدد الليالي البيضاء....
فهناك من لا يستوعب فكرة إلا بعد حل 40 تمرين ! وهناك ممّن أعرف لا يحل تمارين لكنه يجيب بشكل عادي دون أي إشكال ، أي كل منّا يختلف عن الآخر في كيفية الدراسة ببساطة ، فلماذا أزيد من ضغطي أو أثبط عزائمي بمقارنة نفسي مع الآخرين وما يحصّلون !
على كلّ الله يوفقنا وإياكم لما يحب ويرضى ،
تحياتي ~
عـآبر سبيلْ ~
: )