الى ام اسيد1 وكل وحدة حاصلة واش الطيب

[أمنية غفران]

مرحبا أخواتي الكريمات

فطورنا اليوم كان كـــفــيــتــة ماشي كفتة على حساب ماعلقت العائلة لأني رققتها بزاف علاجال باش تخرج لي كمية وفيرة هههه درت معاها فريت
صحيتو كامل



هاوليكم هديتي

https://www.djelfa.info/vb/showthread.php?t=1805253

https://www.djelfa.info/vb/showthread.php?t=1805286

[أم الحبايب 26]

بصاحتك امنية غفران طمنينا عليك ام حمزة صدفات ولادي يصاورو بلبوغتابل ويحطو تصاور فلميكرو
نقولك اصح انا مناعرافش للبوغتابل ثاني نتع وليدي يديه معاه

[روح مراد]

صباح الخير حبيباتي إنشاء الله تكونو كامل بخير و أهلكم ثاني بخير
اسمحولي هذه الأيام عندي بزاف خدمة و عندي عرس اليوم طليت برك رايحة نرجع للدار على 9 نتلاقاو السبت أو الأحد إنشاء الله
تحياتي لكل وحدة فيكم

[صدفات]

المشاركة الأصلية كتبت بواسطة روح مراد

صباح الخير حبيباتي إنشاء الله تكونو كامل بخير و أهلكم ثاني بخير
اسمحولي هذه الأيام عندي بزاف خدمة و عندي عرس اليوم طليت برك رايحة نرجع للدار على 9 نتلاقاو السبت أو الأحد إنشاء الله
تحياتي لكل وحدة فيكم

صباح النور يا بنات
روح مراد مرحبا بك توحشناك تعرسي بالصحة و مبروك للعرسان

[أم الحبايب 26]

صباح نور يا لبنات ام حمزة وين راكي كامل ختافيتو

[ام حمزة22]

السلام عليكم
ان شاء الله تكونوا كااااامل بالف خير

عسلامتك روح مراد هدي غيبة ربي يقدرك تعرسي بالصحة والهناء

ام الحبايب راني هنا لاتيا مع تطبيق الدرس مع دورة تعليم بشرائط الساتان لي منضماتو المشرفة فيفي ربي يحفضها

اختي امنية بصحتكم الكفتة حتى انا نديرها بهاديك الطريقة مثل ما قلتي باه تكفي الكمية

حبيبتي صدفات واش راكي وولادك واش راهم مع الامتحنات

تحياتي للجميع بانتضار غزالتنا الغالية

[ام سوهيل]

صباح الخير وجمعة مبارك للجميع وش راكم توحشتكم بزاف اعضروني طولة عليكم رحت عند ماما طمنت عليها راهي خرجة من المشفى

شكر لي كل من سالت عني وعن امي ربي يجزيكم

راني مزروبة شوية من بعد نرجع ونشوف الصفحات الي فتوني الى اليقاء

[ام حمزة22]

اهلين ام سوهيل الحمد الله كي راكي بخير انتي والوالدة الكريمة ربي يخليكم لبعض وما تشوف شر مرة تانية
ربي يشفي جميع مرضانا ان شاء الله


تحياااااااتييييي للجمييييييع

[ام حمزة22]

السلام عليكم
مسائكم سعيد لبنات واش راكم ان شاء الله تكونوا كامل بخير انتم وكل عائلتكم

ام الحبايب مش من عوايدك تغيبي ان شاء الله المانع خير
تحياتي للجميع

[صدفات]

صباحكم سعيد يا بنات
أم سوهيل حبيبتي مرحبا بك و الحمد الله على سلامة ماماك ربي يخليها لك
أم حمزة حبيبتي خلاص كملت ألإمتحانات تهنينا تقول حنا كنا نمتحنوا بقاتلي الصغيرة لي في البتداءي اليوم بدات ربي ينجحها و ينجك كامل وليداتنا امين
أم الحبايب كنت باقية غير أنت زدت لحقت بغزالة وين رحت وقيلة رحتوا مع بعض

[غزالة الصّحراء]

المشاركة الأصلية كتبت بواسطة صدفات

صباحكم سعيد يا بنات
أم سوهيل حبيبتي مرحبا بك و الحمد الله على سلامة ماماك ربي يخليها لك
أم حمزة حبيبتي خلاص كملت ألإمتحانات تهنينا تقول حنا كنا نمتحنوا بقاتلي الصغيرة لي في البتداءي اليوم بدات ربي ينجحها و ينجك كامل وليداتنا امين
أم الحبايب كنت باقية غير أنت زدت لحقت بغزالة وين رحت وقيلة رحتوا مع بعض

صباح الأنوار والخيرات والبركات على صفحتي الغاليّة وعلى كلّ وحدة تنتمي إليها وكلّ وحدة باسمها. وياربّ الكلّ ايكون بألف خير وعافيّة.

اهلا ومرحبا بصدوفتي الغاليّة وكلّ وحدة باسمها . راني أهنا حنونتي. كنت مشغولة بامتحانتا البيت ههههههههههه. يعني غسل الحيطان. أغسلت غرفتي + المطبخ + الصالون. ومازال بعض الترتيبات. كيما تعرفي يد وحدة . ماعنديش على من أتكّل من غير اللّه. . واللّه غير اتوحشتكم بزاف بزاف كنتوا كامل في بالي وفي قلبي . بصّح اللّه غالب الوقت ماكانش. . سلامي لكلّ وحدة باسمها.
صدوفتي راني اتعلمت العمل بالكريات السّحريّة والفضل يعود للغاليّة الحبوبة أم حمزة. لما يرجع أوليدي بسلامتو من الجامعة رايح نرسل لكم الصور. طبعا إذا ماضيعهاش. ياله اتعلمي انت ثاني. وراني وجدت لوازم عجينة السيراميك. لما يكون عندي الوقت رايح نبدأ العمل إن شا ءاللّه. تحضيرات رمضان المبارك من غير غسل الحيطان، وجدت برك التوابل. وماشي بزاف. ياله ماهو جديدك واللّه غير اتوحشتكم.
صدوفتي راني اخترت اللّون الأخضر للكتابة. باش تعقليني.

صدوفتي وين راكي . راني رديت عليلك. ومادخلتيش للصفحة. ماعليش راني صابرة ورايح انزيد نصبر. بالخصوص راني كاتبة باللّون الأخضر. بلاك على بيها مافقتيش. معاك يالخضرا.

[غزالة الصّحراء]

المشاركة الأصلية كتبت بواسطة ام سوهيل

صباح الخير وجمعة مبارك للجميع وش راكم توحشتكم بزاف اعضروني طولة عليكم رحت عند ماما طمنت عليها راهي خرجة من المشفى

شكر لي كل من سالت عني وعن امي ربي يجزيكم

راني مزروبة شوية من بعد نرجع ونشوف الصفحات الي فتوني الى اليقاء

أهلا ومرحبا بك أختي أم سوهيل كيف الأحوال والصحّة. وكيراهو سوهيل .وياربّ ايكون أتعافى , ويكون جوّز الامتحانات في أحسن الأحوال. والحمد للّه على سلامة الوالدة , وربّي ايطوّل في عمرها وتشوف اولادك في مراتبهم العليا.

[غزالة الصّحراء]

المشاركة الأصلية كتبت بواسطة ام حمزة22

السلام عليكم
مسائكم سعيد لبنات واش راكم ان شاء الله تكونوا كامل بخير انتم وكل عائلتكم

ام الحبايب مش من عوايدك تغيبي ان شاء الله المانع خير
تحياتي للجميع

أهلا ومرحبا بحبوبتنا الغاليّة مولات الدّار الزّينة الي لمّتنا وعلمتنا احوايج بزّاف هايلة . وبالخصوص علمتنا الهمّة ومنحتنا الإرادة من خلال اعمالها المتألّقة باستمرار. ونحن في انتظار جديدك الخفيف والظريف والّي في متناول الجميع يزّن الطاولة ويملأ المعدة ويترك الذّوق الرّائع ، والرائحة الشّهية ونحن نقوم باعداده.
أريد أن اقول للأخت أم الحبايب أنا مازلت عند وعدي ، متى حضّرت القلب اللّوز سأرسل الصوّر. حاليا مشغولة بأعمال البيت.
حبيباتي مازال مكملتش الشّغل ، قلت نضرب طلّة عليكم. سلامي الحّار أحرّ من الجمر على الناّر لكلّ واحدة منكنّ بدون أن أنسى أيّة واحدة. وعودة ميمونة لكلّ غائبة عنّا. . :m h31::mh3 1: :m h31::mh3 1:

[ام حمزة22]

المشاركة الأصلية كتبت بواسطة غزالة الصّحراء

أهلا ومرحبا بحبوبتنا الغاليّة مولات الدّار الزّينة الي لمّتنا وعلمتنا احوايج بزّاف هايلة . وبالخصوص علمتنا الهمّة ومنحتنا الإرادة من خلال اعمالها المتألّقة باستمرار. ونحن في انتظار جديدك الخفيف والظريف والّي في متناول الجميع يزّن الطاولة ويملأ المعدة ويترك الذّوق الرّائع ، والرائحة الشّهية ونحن نقوم باعداده.
أريد أن اقول للأخت أم الحبايب أنا مازلت عند وعدي ، متى حضّرت القلب اللّوز سأرسل الصوّر. حاليا مشغولة بأعمال البيت.
حبيباتي مازال مكملتش الشّغل ، قلت نضرب طلّة عليكم. سلامي الحّار أحرّ من الجمر على الناّر لكلّ واحدة منكنّ بدون أن أنسى أيّة واحدة. وعودة ميمونة لكلّ غائبة عنّا. . :m h31::mh3 1: :m h31::mh3 1:

اهلين وسهلين بغزالتنا الغالية
حبيبتي دوبتيني بكلامك ربي يحفضك ويخليك ويخليلك صحتك تقومي بدارك وولادك
ربي يقدرك على جميع شغالاتك

غزالتي انا تان جربت القلب لوز لي يندار بالبن راني جا هايل برك ما عرفتش لعبر نتاع سنيوة جا شوية عالي وزوجي قالي خلاص مانزيدش نشري القلب اللوز
يعطيهم الصحة لي بتكرو هاده الوصفة

[ام حمزة22]

المشاركة الأصلية كتبت بواسطة صدفات

صباحكم سعيد يا بنات
أم سوهيل حبيبتي مرحبا بك و الحمد الله على سلامة ماماك ربي يخليها لك
أم حمزة حبيبتي خلاص كملت ألإمتحانات تهنينا تقول حنا كنا نمتحنوا بقاتلي الصغيرة لي في البتداءي اليوم بدات ربي ينجحها و ينجك كامل وليداتنا امين
أم الحبايب كنت باقية غير أنت زدت لحقت بغزالة وين رحت وقيلة رحتوا مع بعض

صباحكي اسعد حبيبتي
ان شاء الله ينجح كل وليدات المومنين انا تان بنتي لي فالابتدائي ليوم بدات الامتحنات ومثل ما قلتي تقولي حنا لي رايحين نمتاحنو