وصفة مربى الكرز

[ام مؤمن]

السلام عليكم

اذا ممكن تفيدوني بوصفة معجون الكرز او حب الملوك كيما تسموه نكون ممنونة لكم

راني عندي كمية حمراء و حلوة حابة نديرها معجون و كمية ماطابتش مليح و ناقصة حلاوةواش نديرلها ممكن نديرها في علبة بعيدا عن الثلاجةو نخليها تطيب او لا تصلح هذه الطريقة

حطيت طلبي في كذا موضوع للطلبات و مالقيتش اجابة ربما هنا يلفت الانتباه

و بارك الله فيكم مسبقا

[ام مؤمن]

ارجووووووووووووووووكم وحدة ماعندها الوصفة

[أنا هي]

وعليكم السلام ورحمة الله وبركاته

نقي الكرز من النواة وحطي معه كمية من السكر

وخليه يبات في الثلاجة حتى يذوب السكر

حطيه فوق نار ضعيفة وخليه حتى يطيب ويعقد ومرة على مرة حركيه باش ما يلصقش ويحرق

وممكن تضيف له عصير ليمون كي يقرب يطيب

[ام مؤمن]

اختي الكريمة انا هي بارك الله فيكي راهم قريب ياكلوه و انا نحوس على الوصفة ه يعطيك الصحة

راني 3 ايام و انا نحوس في المنتدى و عترث على هذه الوصفة




معجون الكرز بالنعناع
ندير كاس ماء يغليلما يبدا يغلي نحوه من النار ونضع فيه ربطة نعناع اخضر
1كلغ ورطل من الكرز او حب الملوك تنحيلو العلف
ثم لما يطلق النعناع نصفيه وفي نفس الماء نضع +حب الملوك + 1كلغ و300غ سكر+ عصير 2حبات ليمون تحطي هذا الخليط في الثلاجة لمدة 24سا
غدوة من داك تنحي حب الملوك وديري هذاك السيرو يغلي لمدة 15دثم ارمي فيه الحب ملوك واحسبي 10د وطفي عليه.
https://www.djelfa.info/vb/showthread...536757&page=18