الاقامات الجامعية المختلطة؟؟

[بشرى2008]

السلام عليكم

أولا انا واعوذ من كلمة انا

كنت في اقامة جامعية مختلطة لم يعجبنا الأمر تفاجئت بوجود اقامة جامعية مختلطة

رأيت مالم أكن اتوقعه في حياتي في حياتي

في الشهر الفضيل وأمام الملأ وفي وضح النهاااااااااااااااااااااااااااااااااااااااار

في 2003 يوم الزلزال أقول يوم الزلزال أتدرون مادا فعلوا بعض الأشخاص تخيلو ا مادا فعل البنات والبنين بحجة الخوف ناموا جنبا الى جنب في الحافلة

أنا تركني والدي للدراسة وأقمت في اقامة جامعية مختلطة والحمد لله أتعرفين لمادا لأنه يعرف اخلاقي جيدا

قلتي اقامة جامعية مختلطة

وأقمت باقامة جامعية للبنات رأيت العجب العجب

الحراس يأتون كالخفافيش وحتى في في وضح النهار كنا نراهم مع بنات الجامعة في وضعيات يقشعر له البدن

دكرت الاقامة الجامعية المختلطة وقلت كيف لأب ان يترك أبنته في اقامة جامعية مختلطة

كيف تركك والدك الكرم الدهاب الى الجامعة وهو يعلم مادا يحصل داخل الجامعة انا شخصيا لا أستطيع مرافقة أبي في الجامعة لما رأيته من انحطاط للأخلاق





ا

[بشرى2008]

المشاركة الأصلية كتبت بواسطة حضنية28

السلام عليكم
اللوم يقع اولا على الاولياء
سبحان الله
كيفاش والد يرضى لبنتو
تقيم في اقامة مختلطة
المشكلة هي مشكلة اخلاقية اسرية تربوية للاسف
مجتمعنا سير نحو الهاوية العظمى...............

كيف لدولة اسلامية ان تنشأمثل هذه الاقامات المنحرفة
والوالدين اللي يرضاو بهذا الشئ يا اما راهم عميان يا اما حاجة اخرى.....

أنا كنت في اقامة جامعية مختلطة ووالديا مراهمش عميان ولا حاجة اخرى والحمد لله والديا عرفو يربوني وصح رباوني

الطفلة اللي خارجة طريق راهي في دارهم وخارجة طريق ماشي حتى تكون في اقامة جامعية مختلطة رانا نشوفو ونسمعو

كاين طفلة هنا قدامنا تقرا في الثانوي في الثانوي وبدات تمرض كل يوم مريضة نهار داوها للطبيب أهلها جات صدمة قد الدنيا لقاو ها بععععععععععععععععععععععيد الشر عندها مرض السيدا تقرا في الثانوي هادي مزال مخرجتش من البيضة وشافت الدنيا

وزيد نقولك شكون االي يديروها اغلبهم مساكن اللي يجو من الدوار ولا الدشر ماهم شايفين والو وتغرهم الدنيا

أنا الحمد لله ومانيش غير انا عندي صحاباتي الحمد لله

اللي خلاها باباها تروح للجامعة تان اعمى ؟ لااه صاري العجب في الجامعات تحشمي تطلعي راسك

الانسان يعرف واش يقول

الاقامات الجامعية للبنات الحراس راهم مخليين البنات

البنات الشاذات اللي في الاقامات الجامعية البنات اللي تزطل البنات اللي تتكيف واللي اللي ،،،،،،،،،،،،،، كل الافات الجتماعية كاين في الاقامات الجامعية للبنات تان الوالدين ميبعتوش بنتهم للأقامة

هكدا الوالدين مايبعتوش بنتهم تقا في الخارج لاخاطر يقولولها الدول الاوروبية معندهمش دين


الطفلة هي وتربيتها هي واخلاقها وين تحطيها ماتخافيش عليها

[ريحانة الشرق]

ربي يحفظنا الجامعة مكان علم المفروض

[ELECTRON CHOC]

لاحول ولا قوة الا بالله

[❀ حسآم ❀]

السلام عليكم
بارك الله فيك أختي الكريمة على الموضوع

أظن ان سلطاتنا مقصرة في كل شيء

و هي المسؤولة عن هذا الفساد الاخلاقي الحاصل في مجتمعنا

و الله المستعان

[موسى عبد الله]

المشاركة الأصلية كتبت بواسطة ◄♥♥ حسام ♥♥►

السلام عليكم
بارك الله فيك أختي الكريمة على الموضوع

أظن ان سلطاتنا مقصرة في كل شيء

و هي المسؤولة عن هذا الفساد الاخلاقي الحاصل في مجتمعنا

و الله المستعان

شوية من الحناء و شوية من رطابة اليدين ،و لا راني غالط ،هذا الاب و علاش يخلي بنتو تقرا وين كاين إقامات مختلطة ، واش بيه ربما راه اعمى ،أو أصم ، إذا كان لا بد تقرا في الجامعة في الولاية نتاعو ، ربما يقولك مكانش اختصاص يوالمها ،خليها تطلع صواريخ ،في الاقامات المختلطة ،ثم الشر مراهش غير في الاقامات النختلطة لآنه مثلا عندنا في المدية الاقامات مهيش مختلطة لكن و الله غير تسمع العجب ،راح المحرم في المجرم

[موسى عبد الله]

كذلك قضية السلطة نتاعنا مقصرة ،أنا أظن لو كل راجل يشد بنتو ما يبعثهاش و ين كاين الاقامات المختلطة ،ربما تضطر السلطات ان تعيد النظر

[الفايسبوكي]

المشاركة الأصلية كتبت بواسطة موسى عبد الله

كذلك قضية السلطة نتاعنا مقصرة ،أنا أظن لو كل راجل يشد بنتو ما يبعثهاش و ين كاين الاقامات المختلطة ،ربما تضطر السلطات ان تعيد النظر

السلام عليكم أخي موسى
أتمنى أن تكون بخير و صحة و عافية
أنا معك فيما تطرقت إليه و السلطات حتى نكون في الصورة
إتخذت قرار سنة 2008 أو 2009 بفصل جميع الإقامات
المختلطة في الجزائر و ذلك بأمر من رئيس الجمهورية
و هو ما طبق في جل ولايات الوطن ما عدا بجاية و أظن
بومرداس الله أعلم حتى لا نقول ما لا نعلم و لكن بجاية
حدثت مسيرات و مظاهرات من طرف الطلبة و شلت جميع
الجامعات و المعاهد من أجل منع تطبيق هذا القرار و هو ما كان
لهم بطبيعة الحال و ذلك نظرا لطبيعة المنطقة السياسية كما يعلم
العام و الخاص .
أما تقولي الوالدين كيفاش يبعثوا بناتهم للإقامات المختلطة
أنا نقولك كاين و الله ما علابالو بيها حتى وين راهي تقرا
و جامي إذا راح طل عليها و لا سقسا عليها
هذا هو الواقع المر الذي نعيشه اليوم
للأسف الشديد

[موسى عبد الله]

عند كل الحق يا أخي جيب الاولاد و ابث للشارع يربي و رانا نشوفو في النتائج

[وفاء الصحراوية]

ربي يستر ختي الغالية وسام
انا معرفتش بلي كاين اقامات مختلطة غير كيما قلت بصح والله مافاتت عقلي هوما كل واحد في جنب و دايرين رايهم كيفاش حتى يكونو بجنب بعض
ربي يستر ويهدي بنات و شباب المسلمين والله الحالة صح تخوف بصح انا رايي ان التربية تلعب دور كبير في مثل هذه الامور والتي بنت اصل ونقية تعرف وين تعفس وميش غير وين قالو امشو امشو يلاكان هذا هو الحال الله يسمح في القراية و في بو جدها كلش كلش والشرف و العفة والكرامة ماتتعوض ماتتشرىبمال
ربي يهدي ما خلق
تقبلي مروري ختي لعزيزة

[القناعة كنز]

اتوجد إقامات مختلطة؟؟؟على الجزئر السلام

[*باسم*]

والله لما سمعت عن هذا الموضوع من فترة ماصدقت أنه يوجد إقامات مختلطة في الجزائر البلد المسلم والعربي طبعا أول غلطة في المسؤولين نفسهم وفي سكوت أولياء الطلاب عن هذا الوضع كأن شيئا لم يحدث والأمر الأخر سكوت الطلاب نفسهم لو كان هناك ضغط من جهة الأولياء والتلاميذ ربما تغير الوضع

[~أمة الله~]

السلام عليكم ورحمة الله
لا حول ولا قوة إلا بالله
أضم صوتي لأصوات من مرّوا ، العتب على الوالدين ، امّا حجة الطفلة مربية أو لا أدري ماذا ، فالحيُّ لا تُؤمن عليه الفتنة ... وعابد بني اسرائيل وفُتن ...
والله وكأنوا بقاو غير الإقامات المختلطة باش تقيم فيهم الفتاة ، وكأنها ستدرس في جامعة باش تولي مختصة في النووي مثلا ؟؟؟ ولا راح تطلع الصواريخ ؟؟ ياخي كلّ ولاية فيها جامعة ! لي تحب تدرس ، تقعد قدام دارهم ...
نعوذ بالله من الفتن
ربي يسترنا والأخوات ..
ونرجوا من الأولياء برك يفطنوا شوية ، والله مرات تقول ماراهمش عارفين واش راهو يصرا والله المستعان

[Mohammed_Amine]

الناس هي اللي تحوس ع الفساد او اصلا لايرونه فسادا ,, كاين طلاب جابوهم من بجاية لجيجل سمعت بلي دارو احتجاج كي لقاو الاقامات منفصلة !!!

[وليد1990]

اعتقد ان هدا المشكل هذا بعيد علينا فهو في بجاية
فالحمدلله انها لا توجد في الولايات المحافظة