الجزء 128 من واش طيبتي اليوم..مرحبا بابداعاتكم

[النرجووسة]

مساء الانوار يا اعز الناس
عشايا فريت ومرقاز و سلطة
تم طيري الجنة شهتيني بالبيتزاااااااااااااا 444444444444
ليزا يا ليزا واش درتي فيا اليوم من المقروط وزدتي البراك وكلشي موجود فالدار الحمد لله بصح يدي راه باردين على التلباز نحب الواجد

[omomnia15]

سلام يا غاليات وصحيتو وحد مسقسات علي هاي فيكم
شفت غير فطور ليزا شهاني البوراك غدو ان شاء الله نديرو ياربي نحشيه بطاطا
المازة بصحتو كمال التارت علابالي حتيتو ساجية ومتنسايش التصاور
ام ياسو بصحتك البورتابل وين راهم التصاور
عشايا حبة بطاطا وحبة بسباس وكمشة جلبانة كربعتهم فالكوكوطة وعلابالي جي كي العسل ههههههههههه حوحو اليوم وين خلص راجلي غدوة ان شاء الله يقضيلي

[lyzzabel]

ام الجوووود يا عمريييي انت الحﻻا كلوووو موااااااااح .. حقا شفتي مقروظي وﻻ ما شفتيييهش هههه

سرووور حبيبتي انا عمري ما درت الش كوﻻ المحشية ما نكدبش علييك ما نبغيهاااش هههه .. مي شوكوﻻ فيجيكااوو روووووعة للقﻻاساااج و راني متأكككدة بلي تصلحلك .. بالنسبة لي قلتي جاتك قااسحة ننصحك ديري غيير طبقة وحدة بصح ادهني الموول ملييييح و ﻻاكاان ما تحشيهمش بالمثلجاات عﻻااش تقدمييهم باارديين .. يااك المجمد غير بااش يحكم ﻻ فووغم و ما يفسدش مين تديموليييه .. و انشالله يفيدووك الشيراات

[lyzzabel]

ام امنيييية كي راااكي عﻻااش ماراكييش تدخلي بزاااف بﻻااصتك وحححدهاا .. بصحتكم العشا نعرفووك قاافزة و تسلكييها هههه

نرجوووستيي لوكاان علياا ما تطيبي وااالوو كلشي يوصلك وااااجد حبييبتي .. شفتي الوحم شحاال وااعر ربي يقدرك

طاالبة الجاامعة و نااد اهﻻا و سهﻻا حبيبااتي

عشانا خفيييف ظريييف كيما تااع ام امنية ههه

[قمر 77]

طالبة و ليزا راكم حاكمين البلاصة الاولى قدام العرسان هههههههههههههه صحيتو هل من مزيد
ام امنية راكي فالقلب وش راكي دايرة فيها مع السوقانبالا كي برك تخرجي ولادك معاك ههههههههههههه
حقا اسماهان ما بانتش

[النرجووسة]

ليزا مشكورة يا الغالية
سقسيتك على منصف شحال في عمرو بصح مشفتيش حبيت نعرف ادا قد وليدي
حقا ران قريبة نطهرو كي ندرلو الفاكسان نتاع عام 6 شهور نطهرو لبنات لموالفين يدير لولادهو الفاكسان نتاع عام 6 يا درى واعرة درلهم السخانة ولا والو

[قمر 77]

نرجوستس لاباس على وليدك صح هذ الفاكسان نتاع عام و نصف هي الواعرة ديريلو اسبيجيك و اللي ديرلو الفاكسان كاين اللي تسمي و تكون التشكا نتاعها حنينة و كاين اللي ربي يغفرلهم تكون قاسحة و كلش يجوز و بالباراكا

[النرجووسة]

المشاركة الأصلية كتبت بواسطة قمر 77

نرجوستس لاباس على وليدك صح هذ الفاكسان نتاع عام و نصف هي الواعرة ديريلو اسبيجيك و اللي ديرلو الفاكسان كاين اللي تسمي و تكون التشكا نتاعها حنينة و كاين اللي ربي يغفرلهم تكون قاسحة و كلش يجوز و بالباراكا

قمورة شكرا اختي ران خايفة كل مندرلو الفاكسان منرقدش 3 ايام خصوصا ران حابة نطهرو ربي يسر ولداتنا كامل

[عائشة حسان]

الشلام عليكم
صح عشاواتكم كاااااااااامل
انا تعشينا بيري وبس ههه

هاكم شوفو

[rahma2014]

زينب حبيبتي ممكن رابط الخبز نتاع الحلوة ليزا باش نجربه غدا ان شاء الله كامل جربتوه

[عائشة حسان]

[lyzzabel]

هههههه عاائشة عندها الصح حقها تندب هههه عﻻاش فكرتينا كنت ناسيتهم وااااع .. ربي يلحقنا و يهنينا و نصومو بالصحة و السﻻامة آميين

نرجووستي حبيييبي منصف عنده tout juste 2ans راه كبير على ولدك .. و الفاكسان يدير الحمى انا هداك مانكره .. ديريله un suppo doliprane الصبااح و ربي يحفظه و مبرووووك عليه الطهاارة

قمووورة لوكان تحكمك سروور تعجنك عل لي راكي تعرضيلها فالغاشي و هي ما موجدة واالو هههه

[النرجووسة]

عاءشة ههههههههههههههههههههه موتيني بالضحك

انا ثاني فكرتيني بالماعن نتاع رمضان لا تنتهي غيرتغسلي يولدولك وحد اخرين ههههههههههههه

[أم ملك]

سلام الله عليكم
بصحتكم كامل واش طيبتو شفت غير المقروط تاع ليزا خرج رووووعة بصحتكم أنا حبست القاطو نهائيا ما رانيش ندير غير الفطور و العشا
بنتي الصغيرة راهي مهبلتني تاع الصح تخرب بزاف و باباها قالي ما تزيديش تحطيها في البوسات خليها تتعلم قالي تحطيها باه تكوناكتي و هي مسكينة مربوطة
خطرة على خطرة و نلقاها دارت كارثة البارح لقيتها صرطت شوشو صغير طارلها من شعرها ياي و راهي تحبو و زيد ما ترقدش بزاف مادامني نايضة و هي نايضة معايا و في الليل حتى على 1 ترقد ربي يحفظها و يحميها قولولي و إدا نقدر نحطها في المشاية راه عندها سبع شهور
و الله توحشتكم و توحشت القصرة معاكم حسيت روحي بعدت بزاف عليكم
عشايا درت قرنون و جلبانة و فول و بطاطا و شوية جاج في لكوكوت و بس و الحمد لله

[عطرالذهب]

مساء الخير يا حراير ويعطيكم الف صحة على العطاء وافادة الغير
انا دخلت باش نبارك لحبيبتنا المسرارة ام ياسو جانا البراح يدور ويقول ام ياسو شرات بورطابل
ايا بصحتك ام ياسو راه زوجي رايح لتونس باش يديرلك انونص ثم هههههههه