حمزة المجتهد مستعد للاجابة على استفساراتكم ~ الى التميز ~ متجدّد ~

[Ļâ Přiňcĕsŝė]

صباح الخييييير اختي وفاء ان شاء الله تكون احوالك مليحة
اسمحينا هبلناك بالاسئلة مي ساعفينا شوية رانا في وقت حسااااااس جدا و متوترين المهم منكثرش الهدرة هههههه رايحة نتعبك شوي معايا مي شوفي انا حابة نخلص كلشي قبل الباكالوريا البيضاء يعني حابة بعد البكالوريا البيضاء تبقالي مراجعة و اعادة حل المواضيع المهم حابة تعطيني فكرة على كيفاه نظم جدول توقيني بحيث نخلص كلشي قبل البكالوريا البيضاء المهم الرياضيات مزاتلي المتتاليات و الهندسة في الفضاء الباقي راني مليحة فيهم و العلوم مزالي التنفس و الوحدات الاخرين ناقصة فيهم شوي مي عندي فكرة عليهم اما الفيزياء مزاتلي الاسترة و النووي و قليل من وحدة اولى و الحفظ خصصت ساعتين في اليوم من 17 الى 19 ومن للباكالويا البيضاء نكون خلصت الحفظ كامل ان شاء الله و المواد الادبية راني لالالالا علاقة خاصة الفرنسية و الانجليزية و الفلسفة رايحة ندير تحليل نص يعني نورمالمو متمكنت منو عاااونيني على جدول يساعدني مع العلم انا البكالوريا البيضاء في 17 ماي و انا 24 ساعة في الدار منروحش للليسي و منقراش لي كور و نرقد على 12 و نوض على 7 عاونيني راني متوترة خايفة منلحقش و شكرا بزاااااف بزاف ربي يخليك لينا و يحفضك راني ديما ندعيلك اختي سلالالاممم