|
|
|
|||||||
| قسم الأطباق الرئيسية الأطباق الرئيسية حصرية لأعضاء المنتدى |
في حال وجود أي مواضيع أو ردود
مُخالفة من قبل الأعضاء، يُرجى الإبلاغ عنها فورًا باستخدام أيقونة
( تقرير عن مشاركة سيئة )، و الموجودة أسفل كل مشاركة .
| آخر المواضيع |
|
أطباق رئيسية لشهر رمضان الفضيل
 |
|
|
أدوات الموضوع | انواع عرض الموضوع |
2015-04-09, 15:12
|
رقم المشاركة : 1 | ||||
|
أطباق رئيسية لشهر رمضان الفضيل
السلام عليكم ورحمة الله وبركاته
آخر تعديل ام ندى 87 2015-06-15 في 16:18.
|
||||
|
|
2015-04-09, 15:25
|
رقم المشاركة : 2 | |||
|
غراتان الباذنجان بالتونة وكريمة الجبن.
|
|||
|
|
|
2015-04-09, 15:30
|
رقم المشاركة : 3 | |||
|
الحريرة أم هبوبة |
|||
|
|
|
2015-04-09, 15:50
|
رقم المشاركة : 4 | |||
|
حساء الجبن ذو الذوق الرائع و المذهل و غير مكلف faizarbh مساء الخير أخواتي الكرام
اليوم جبتلكم ألذ حساء انا نموت عليه ذوقوا رائع و هذا بشهادة اللي ذاقوه حساء الجبن و الخضار المقادير 3 حبات بطاطا 2 حبات جزر كبار 1 جبن شاف تاع 50د حبة بصل فلفل أسود و ملح و زيت كرافس و تكون كمية مليحة fromage rouge رابي ان امكن  إضغط هنا لرؤية الصورة بحجمها الطبيعي. في قدر ندير شوية زيت و نقطع كل الخضر التاعي مكعبات كبار مثل اللي في الصورة و نضيف الفلفل و الملح إضغط هنا لرؤية الصورة بحجمها الطبيعي. و نقلو كي يتقلى مليح نضيف الماء حتى يغطي كل الخضر إضغط هنا لرؤية الصورة بحجمها الطبيعي. و بعد ما اطيب نرحيها مليح إضغط هنا لرؤية الصورة بحجمها الطبيعي. ثم انضيفلها الماء هنا ضيفي كيما تحبي كاين اللي يحبها عاقدة بزاف و كاين اللي نص نص كيما نحبها انا ثم نقطع الفرماج تاعنا مربعات صغار و نرميه في الحساء و نردوه على النار باش يذوب شوية و تقدري تضيفيلو فرماج رابي تاع البيتزا إضغط هنا لرؤية الصورة بحجمها الطبيعي. في طبق التقديم نقدرو ندير fromage rouge رابي إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. صدقوني ذوق رووووووووووووعة لا تنسو التقييم شكرا |
|||
|
|
|
2015-04-09, 16:05
|
رقم المشاركة : 5 | |||
|
غراتان بطاطا حطة والبنة خياااااااااال على ضمانتي الهام 07 البسملة1 صباح الخير حبيباتي  تكملة لمجموعة الوصفات اللي طلبتوها ووعدتكم بيها حبيت نحط هذي الوصفة بالذات قبل الوصفات الأخرى ، أولا ماقدرتش نأخرها من روعتها وبنتها  وأكيد تحتاجوها في رمضان مع العرضات ، صدقوني ماشي غير تحمر الوجه برك ... ( ثانيا ) إذا عرضتي عجوزتك واللى سلافاتك وقدمتيها يروحو يغليو بالغيرة من طيابك  وندبر عليك باش يغيرو مليح  أعرضي معاهم رجالهم هكذا كي يذوقو هذا الطبق صدقيني كي يروحو يبقاو يعايرو فيهم بطيابك ..... خلي يموتو بالقلب .شوفو أنساو أي وصفة غراتان بطاطا أخرى وركزولي في هذي الوصفة راهي أحسن غراتان بطاطا ذقتوه  وعلى ضمانتي الشخصية ونتحدى أي وحدة جربو وماتهبلش على طعمو  .... راني سميت هذي الوصفة صاروخ أرض-جو لاخاطر أنا راني زعمة مدايرة ريجيم ونخفف في الأكل وهذي راهي مستحيل تتقاوم مهما تكون عندك عزيمة هههههه  قبل مانبدى ماكلاه تقولولي مكلفة ، راني قلتلكم في العنوان راهو قراتان حطة نتاع ضياف الله الله يحمر الوجه ... راني صايمة ومانيش نرقد ونتعب في الخدمة غير ماتقلقونيش رمضان راهو غالبني  .بسم الله نبداو في المقادير : - حبة بصل كبيرة مقطعة مكعبات صغاااااار - حبة فلفل حلو مقطعة مكعبات صغار وممكن تزيدو حبة فلفل حار مقطعة مكعبات صغار اللي يحب الحار - لحم مفروم ( حوالي كاس كبير يعني حوالي 350غ ) او مرقاز او خليط من الاثنين ( اختياري ) - ثوم مفروم ( كمية مليحة حوالي 4-5 فصوص ) - حوالي 1.5 كغ بطاطا منقية ومقطعة شرائح رفيعة - توابل : ملح ، فلفل أسود ، كمون ، فلفل احمر ، ثوم بودرة - جبن مبشور : شيدار او غرييار و جبن أحمر حسب الذوق - القليل من جبن الكامومبير camembert إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. مقادير البيشاميل اللهلوبية : - علبة كرام فراش - علبة جبن طبيعي الحجم الكبير ( 120غ ) او علبتين الحجم الصغير (90غ ) - 2 ملاعق كبار فرينة معمرين مليح - 2 ملاعق زبدة = اصبع زبدة - التوابل : ملح وفلفل أسود فقط - حوالي 2/3 لتر حليب = 3 كيسان كبار حليب تقريبا التحضير : 1- نقي البطاطا ونقطعها شرائح رقيقة (بصح ماتكونش رقيقة بزاف كيما الشيبش ) باش جي بنينة لازم تكون رفيعة نوعا ما ونقليها بدون ما تتحمر هذا ضروري ، مثل مايظهر في الصورة ( البطاطا نقليها بدون ملح ): إضغط هنا لرؤية الصورة بحجمها الطبيعي. 2- نحط في المقلاة شوية زيت يسخن ( حوالي 4-5 ملاعق كبيرة زيت ) ونقلي البصل والفلفل حتى يبدأ يكتسب اللون الذهبي مثلما هو موضح في الصور : إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 3- نضيف الثوم واللحم المفروم او المرقاز ونقلي شوية ..... أنا طبقتها مرتين لهذا رايحين تلقاو صور مرات مرقاز ومرات لحم مفروم ما دوخوش  :إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 4- نضيف التوابل : فلفل أسود وكمون وفلفل احمر وثوم بودرة ( باش نعطي للحم المفروم طعم المرقاز ) + الملح ومانكثرش الملح لأنو في هذي الوصفة كمية مهولة من الجبن  .إضغط هنا لرؤية الصورة بحجمها الطبيعي. 5- الآن نبدأ نحضر البيشاميل على طريقتي صدقوني روعة وماشفت حتى واحد يدير كيفها لأنها ببساطة بيشاميل لهلوبية من أفكاري المجنونة ههههه  شفت بزاف مواضيع طلب مساعدة في البيشاميل وجاوني رسائل عليها قلت نصور الخطوات ونضرب عصفورين بحجر واحد  طريقة تحضير البيشاميل اللهلوبية : -نحط الكاسرول على نار هادئة جدا جدا ( نحطها على الكانون الصغير ونقص خلاااااص للنار ) ونحط فيها الزبدة تذوب إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - في نفس الوقت نحط الحليب نتاعي يسخن - نضيف الفرينة ( تكون مغربلة طبعا ) ونحرك بالمضرب اليدوي لمدة ثواني فقط مانطولش بزاف وحنا نحرك ثم نضيف الحليب باش ماتتحرقش الفرينة ( لازم الخليط يكون مثل الصورة يعني لاهو يابس ولا هو جاري بزاف) إضغط هنا لرؤية الصورة بحجمها الطبيعي. - نضيف حوالي كاس متوسط من الحليب الساخن ( مانحطش حليب بارد على خليط الفرينة والزبدة سخون باش الخليط مايكعبرش والبيشاميل نتاعنا تنجح )... نحرك بسرعة رايحين نتحصل على خليط يشبه العجينة الطرية إضغط هنا لرؤية الصورة بحجمها الطبيعي. الصور شوية ماشي ملاح لاخاطر نخدم بيد ونصور بالاخرى ...... عذرا  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - نضيف مرة أخرى كاس متوسط من الحليب الساخن ونحرك بسرعة .... نتحصل على خليط ثقيل مثل الصورة إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - نبقى نضيف الحليب ونحرك حتى يغلي باش نزيد الحليب مرة أخرى ونشوف القوام لما يغلي إذا مليح نتوقف وإذا ثقيل بزاف نزيد الحليب غير بالشوية هنا إضغط هنا لرؤية الصورة بحجمها الطبيعي. لازم الخليط المتحصل عليه يكون جاري شوية ماشي عاقد بزاف باش القراتان نتاعنا مايجيش ناشف فيما بعد بالعكس يبقى فيه صلصة طرية ورطوبة  ماشي كيما القراتان العادي كي يطول ينشف ماتشحوش في الحليب لازم كمية زاكية من البيشاميل باش يجي الطبق بنين وماش يناشف - نضيف الآن الكرام فراش والجبن الطبيعي ونحرك حتى تغلي ونطفي رايح القوام يرجع أثقل شوية وكأنه كريمة ماشي بيشاميل وريحة الجبن الطبيعي تفحفح من البيشاميل تحفة وهذا هو السر اللي يخلي البيشاميل نتاعنا مميزة وفريدة وبنينة وكريمية وماتنشفش في الطياب  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. - نضيف القليل من الملح و رشة فلفل أسود ونخلط و لما تهز الغلية نطفي عليها إضغط هنا لرؤية الصورة بحجمها الطبيعي. هذا هو قوام البيشاميل نتاعنا راااائع كأنها كريمة إضغط هنا لرؤية الصورة بحجمها الطبيعي. 6- التركيب : - نصفف نصف كمية البطاطا في صينية الفرن ونرشها برشة خفيفة من الملح ويستحسن أن نستعمل صينية عميقة شوية وماتكونش كبيرة وواسعة بزاف باش الغراتان ماينشفش من الصوص في الفرن إضغط هنا لرؤية الصورة بحجمها الطبيعي. - نحط طبقة من اللحم المفروم أو المرقاز ( نصف الكمية ) إضغط هنا لرؤية الصورة بحجمها الطبيعي. - نحط قطع من جبن الكامومبير ومانكثرش بزاف لانه مالح....... حتى اللي مايحبش الكامومبير في هذي الوصفة يعجبو ونصيحة استعملو جبن كامومبير كيما اللي في الصور فوق أو أي نوع مايكونش ريحتو قاوية إضغط هنا لرؤية الصورة بحجمها الطبيعي. - نصب البيشاميل ( نصف الكمية أو أقل شوية من النصف باش نخلي كمية مليحة تكون من فوق وتغطي الوجه كامل نتاع القراتان ) إضغط هنا لرؤية الصورة بحجمها الطبيعي. - نحط كمية من الجبن المبشور ونحاول نحط الكمية الأكبر على الوجه باش يتحمر مليح من فوق إضغط هنا لرؤية الصورة بحجمها الطبيعي. - نكمل بنفس الطريقة نحط طبقة بطاطا المتبقية ونرشها بالملح ثم اللحم المفروم والكامومبير ثم البيشاميل ثم الجبن المبشور وندخلها للفرن حتى يتحمر الوجه فقط ونخرجها وهاهي واجدة خارجة من الفرن سخووووونة تغلي ومحمرة والله العظيم تشهي تشهي ومانحكيلكمش على الريحة اللي تهز الكوزينة كي تكون الطيب ممممم  إضغط هنا لرؤية الصورة بحجمها الطبيعي. قلتلكم طبقتها زوج مرات ومازالت الجماهير تطالب بالإعادة ههههههههههه وهذي من داخل شوفو راهي ماجيش ناشفة والسر في البيشاميل نتاعنا : إضغط هنا لرؤية الصورة بحجمها الطبيعي. شكون نسربيلو صحن ؟  إضغط هنا لرؤية الصورة بحجمها الطبيعي. وهذي المرة الثانية من بنتها نصور ونعاود  إضغط هنا لرؤية الصورة بحجمها الطبيعي. عن قرب للتعذيب الأجبان سايحة والطعم والريحة مممممممممم روعة والبيشاميل مانشفتش والأهم حتى كي تصبح وتعاودو تسخنوها تلقاوها ماشي ناشفة كيما العادة إضغط هنا لرؤية الصورة بحجمها الطبيعي. والله البنة كيما تبان في الصور أو أكثر يم يم يم  وأخيرا مانقوللكمش جربوها ولكن نقوللكم إذا ماجربتوهش رايحة  مع تحياتي ............... لهومة
 |
|||
|
|
|
2015-04-09, 16:12
|
رقم المشاركة : 6 | |||
|
دولمة كرمبيط ام سهام 02 اوراق كرمبيط مغليين وانزعي منهم سيقان الخشان واحشيهم بالحشو المتكون من 1/2 كاس روز مغلي ولحم مفروم ومعدنوش وثوم مرابي ملح فلفل اكحل وقرفة ولمي بحبة بيض ومن جهة اخرى تكوني موجدة مرقة بيضا اوحمرا كما اتحبي بالحمص كتبدا تغلي ستفي الصبيعات في الكوكوت وخاليهم يطيبو وحد 20العشرين تكون المرقة نشفت رابي الفرماج وطفي امنبعد زينها بالمعدنوس . ملاحظة: تفدري اديري المرقة باللحم والجاج والمرقة ما تكثريش الماء إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي.إضغط هنا لرؤية الصورة بحجمها الطبيعي.
|
|||
|
|
|
2015-04-09, 16:13
|
رقم المشاركة : 7 | |||
|
اقراص الكفتة محشين امممممممم من مطبخي اسمهان 79 السلام عليكم حبيباتي
طبق اليوم اممممممممممممممممممم قد ما نقول عليه بنين ما نعطيهش حقو إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. نقولو بسم الله نحتاج كمية من اللحم المرحي نتبلو بالملح وفلفل اسود بهارات شوية هريسة 1 م ك شابلير صفار بيضة معدنوس ثوم وبصل مرحي نحتاج ايضا نصف صدر دجاج يكون طايب في صوص بيضاء وهي بصل مرحي مليح ثوم مرحي معدنوس ملح فلفل اسود زنجبيل 1 م ص موطارد 1 م ص فرينة 1 م ك خل شوية افاح 2 م ك زيت نرحيه في الروبو بعد ما يطيب ملاحضة خلي شوية من الدجاج ما ترحيهش فتيه وارميه في لاصوص اللي طيبتي فيها الدجاج إضغط هنا لرؤية الصورة بحجمها الطبيعي. ثم نضيف للدجاج اللي رحيناه 2 م ك شابليرفلفل اسود بيضة تكون مغلية ومرابياطرف فرماج شاف ونخلطهم إضغط هنا لرؤية الصورة بحجمها الطبيعي. ناخذ شوية من اللحم المرحي نبسطو شوية ونحط في وسطو الدجاج المرحي اللي حضرناه إضغط هنا لرؤية الصورة بحجمها الطبيعي. ثم نغلق بقرص اخر من اللحم المرحي اعملي الأقراص شوية كبار كيما في الصور إضغط هنا لرؤية الصورة بحجمها الطبيعي. ونلم مليح على الجوانب إضغط هنا لرؤية الصورة بحجمها الطبيعي. ثم نرمدهم في الفرينة إضغط هنا لرؤية الصورة بحجمها الطبيعي. ونقليهم في الزبدة و الزيت ونشكل بولات صغار من اللحم الباقي ونقليهم ثاني إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ثم نرميهم في لاصوص اللي كنا طيبنا فيها الدجاج من قبل ونخليها تغلي مدة من دون تحريك نضيفلها عصرة قارص ونطفي بعد ما تخثار نقدمها مع القارص ونزين بالمعدنوس ولي بولات الصغار إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. هو ساهل بصح بنتو واااااااو ما يتشبعش نتمنى تجربوه ويعجبكم في امان الله حبيباتي |
|||
|
|
|
2015-04-09, 16:17
|
رقم المشاركة : 8 | |||
|
بطاطا في الفور اسمهان 79 السلام عليكم ورحمة الله وبركاته
لكل محبي البطاطا طبق سررررررررريع وبنين إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. ناخذ كمية من البطاطا صغير الحجم نقشرها ونغسلها نعمللها ملح وفلفل اسود وشوية هريسة وموطارد ونخلطها مليح ونخليها مدة ساعة نحطها في كسكاس تفور بعد ما نغطيها من الحسن البطاطا تكون ناشفة من الماء اللي غسلتيها بيه انا هنا كنت مزروبة كي عملتلها الهريسة والموطارد ما حكمتش فيها مليح إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. اما تشفيها دخلها الطياب مليح نحيها حطيها في مقلا مع شوية زبدة وزيت وحمريها مليح من كل الجوانب ثم اضيفيلها ملح وفلفل اسود مرة اخرا افاح او كسبر مرحي فلفل احمر حلو او حار كيما تحبي انتي شوية زنجبيل خليط من الدبشة والمعدنوس سنات ثوم مقطعين دوائر إضغط هنا لرؤية الصورة بحجمها الطبيعي. وزيدي حركي المقلا وهوما يتقلبو لما تشوفيها حمارت مليح فرغيها في بلا اللي يروح للفور خلطي في صحن فرماج شاف او بربار الكمية اللي حبيتي زيدي معاهم 1 م ك مايوناز وكمية من الكرام فراش هوبلا راهي بنينة بزاف إضغط هنا لرؤية الصورة بحجمها الطبيعي. ثم فرغي هاذاك الخليط على البطاطا ذرذري فرماج مرحي راهو هو اللي يزيدها بنة على بنة إضغط هنا لرؤية الصورة بحجمها الطبيعي. دخليها للفور حتى تحمار مليح إضغط هنا لرؤية الصورة بحجمها الطبيعي. قدميها سخووووووووونة انا هنا قدمتها مع اسياخ اللحم المرحي مشويين امممممممم إضغط هنا لرؤية الصورة بحجمها الطبيعي. راهي تجي هايلة واكيد اولادكم رايحين يحبوها في امان الله حبيباتي |
|||
|
|
|
2015-04-09, 16:18
|
رقم المشاركة : 9 | |||
|
سمك في الفرن بالمايونيز..... ذوق لا يقاوم ام اماني 77 بسم الله الرحمان الرحيم وصفة اليوم عبارة عن سمك في الفرن بالمايونيز اقل مايقال عنها انها راااائعة هذا الطريقة تقدم في اكبر المطاعم رغم مكوناتها البسيطة الى ان طعمها لايقاوم هنا عملتها بسمك الباجو ممكن نستعمل انواع اخرى وممكن نستعمل فيليه السمك ايضا مناسب جدا لهذا الوصفة https:// إضغط هنا لرؤية الصورة بحجمها الطبيعي. المقادير: نحتاج الى 2 سمك باجو https:// إضغط هنا لرؤية الصورة بحجمها الطبيعي. بالنسبة للتتبيلة نحتاج الى: سنينات ثوم ملعقة كبيرة مايونيز ملح فلفل اسود كمون عصير نصف ليمونة م ك زيت كمية قليلة من المعدنوس مقطع رقيق طريقة التحضير اولا ننظف السمك جيدا من الداخل والخارج نخلط جميع مكونات التتبيلة https:// إضغط هنا لرؤية الصورة بحجمها الطبيعي. نأخذ السمكة طبعا نكون فتحتها من جهة البطن ونظفتها نزيد نفتحها من جهة الظهر ندهنها بالتتبيلة من جهة الظهر https:// إضغط هنا لرؤية الصورة بحجمها الطبيعي. ونزيد ندهنها من جهة البطن ومن الخارج جيدا من بعد نحطها في بلاطو يكون به ورق الزبدة https:// إضغط هنا لرؤية الصورة بحجمها الطبيعي. ونغطيه بورق الالمنيوم من الاحسن نتبل السمك قبل ونخليه يتشرب في الثلاجة واذا كنت مزروبة دخليه مباشرة للفرن مدة الطهي نصف ساعة لفيلية السمك اما السمك من هذا النوع انا نخليه ساعة الا ربع واكيد كل اخت والفرن الخاص بها بعد ذلك نقدمه مرفوق بسلطة او ارز ابيض وهذا شكله بعد مايطيب ttp:// إضغط هنا لرؤية الصورة بحجمها الطبيعي. صدقوني ذوق راااائع رغم اني لست من عشاق السمك لكن بهذا الطريقة يعجبني امممم https:// إضغط هنا لرؤية الصورة بحجمها الطبيعي. عن قرب https:// إضغط هنا لرؤية الصورة بحجمها الطبيعي. ان شاء الله تعجبكم هذا الطريقة ولي ماجربتهاش قبل تجربها واكيييد راح تعجبها في امان الله |
|||
|
|
|
2015-04-09, 16:20
|
رقم المشاركة : 10 | |||
|
طريقة اخرى للدجاج محمر و لكن فالكوكوطة مممممم lyzzabel  السلام عليكن و رحمة الله و بركاته أتمنى ان تكن في أحسن الأحوال حبيباتي إليكن طريقة من طرقي المختلفة في تحضير الدجاج المحمر فالكوكوطة نبدأ أولا بالمقادير  قطع دجاج طبعا منقي و مغسول بالما و الخل و مقطر حبة بصل مقطعة شراءح 5 أو. 6 فصوص ثوم مقطع شراءح حبة طماطم مقطعة قطع متوسطة ( اختياري) م ص موتارد أو خرذل ( اختياري ) ورقات رند بسباس النجمة حبات منها فقط مشي النجمة كاملة ملح فلفل اسود نصف م ص كمون زيت  نأتي الى الطريقة  نحط الزيت تقريبا 6 أو 7 ملاعق اكل في كوكوطة و ندير بالترتيب البصل الدجاج الثوم الطماطم و التوابل و نقلي على نار اقل من متوسطة مع التقليب حتى تولي الروائح الزكية مفحفحة فالكوزينة ممممم هههههه إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. نمرق بالما قيس ما يتغطى الدجاج و نغلق الكوكوطة و نخليه يطيب على نار متوسطة و نعسه راه بلخف يطيب مين يطيب و الصلصة تنشف ننقص للنار و نحمر الدجاج فالزيت تاعه يعني لي طاب فيه على الجهتين و نحاذر مين نقلبه باش ما يفسدش  نقدمه بطريقة مرتبة فالصحن مع البصل و الثوم و الطماطم لي طابو معاه و راها بنة مممممممممم لا تقاوم هههههه تقدري تقدمي معاه طبق جانبي انا قدمته مع بطاطا جريوات تاع الغالية ام يسرا مممممممم إضغط هنا لرؤية الصورة بحجمها الطبيعي. نتمنى تعجبكم الوصفة و تجربوها حبيباتي راها سهلة و ما تأخذش الوقت و بمقادير بسيطة إضغط هنا لرؤية الصورة بحجمها الطبيعي.  والى اللقاء في وصفة اخرى بإذن الله و دعوة خير بزاااااف عليا
|
|||
|
|
|
2015-04-09, 16:22
|
رقم المشاركة : 11 | |||
|
طاجين البسباس رووووووووعة chez biba السلام عليكم ورحمة الله وبركاته اليوم جبتلكم طريقة جديدة لتقديم البسباس من باب التغيير وخاصة اللي ما يحبش بزاف طعم البسباس، هاد الطاجين يجي روعة في الذوق وما يبانش كامل بللي بسباس إضغط هنا لرؤية الصورة بحجمها الطبيعي. **المقادير** لحم دجاج حبات بسباس متوسطة الحجم 4 حبات جزر بصلة مفرومه 2 ثوم مفروم ملح، فلفل اسود، راس الحانوت وزنجبيل 1 بيضة خبز مبشور (شابلور Chapelure) زيت للقلي معدنوس مقطع للتزيين شرائح ليمون للتزيين إضغط هنا لرؤية الصورة بحجمها الطبيعي. **الطريقه** نضع في طنجرة (كوكوت) اللحم، البصل والثوم مع 2 ملاعق كبيرة زيت نملح ونتركه يتقلى على نار هادئة. نظفي البسباس بإزالة السيقان، اغسليه وقطعيه الى نصفين. قشري الجزر، اغسليه وقطعيه إلى دوائر. أضيفي التوابل إلى اللحم، امرقي بالماء وأضيفي الجزر والبسباس، اغلقي واتركيه ينضج. بعد مرور 10 دقائقن اخرجي البسباس (لأنه ينضج بسرعة) واتركي الباقي لينضج 30 دقيقة. قومي بوضع أنصاف البسباس في البيض ثم الخبز المرحي واقليه في زيت غزير على الجانبين حتى يأخذ لون جيد. ضعيه على ورق ماص. عند التقديم، ضعي البسباس في صحن مع الجزر واللحم واسقي بالمرق زيني بشرائح الليمون والمعدنوس إضغط هنا لرؤية الصورة بحجمها الطبيعي. تجدون الطريقة المفصلة بالصور على أتمنى أن ينال إعجابكم ولا تبخلو علي بالردود |
|||
|
|
|
2015-04-09, 16:24
|
رقم المشاركة : 12 | |||
|
بطاطا Purée مع دجاج chez biba Roti السلام عليكم ورحمة الله وبركاته،
حبيت نتقاسم معاكم طريقتي الخاصة في تحضير البطاطا بوري (Purée) مرفوقة بالدجاج روطي مع الصلصة إضغط هنا لرؤية الصورة بحجمها الطبيعي. المقادير لـ 4 أشخاص: بالنسبة للبطاطا: 4 حبات بطاطا 1 فرماج (Le chef) كاس صغير حليب + 1 م.ك لحظة 1 ثوم ملح / ملعقة صغيرة زبدة بالنسبة للدجاج: 4 أطراف دجاج (Cuisses) 4 ثوم 1 م.ك زيت 1 م.ك موطارد (Moutarde) 1 م.ك عصير الليمون ملح / زعيترة التحضير: 1. اسلقي البطاطا في ماء مملح، قطريها وارحيها في خلاط كهربائي، أضيفي لها باقي المكونات حتى تصبح ملساء. 2. تبلي قطع الدجاج بالمقادير السابقة في مرميطة، غطيها واتركيها على نار هادئة لمدة 1سا مع التقليب من حين لآخر حتى تلاحظي أنه لم يتبقى سوى صوص ثقيلة. 3. اتركيها تتحمر على الجانبين لبضع دقائق على نار قوية. 4. عند التقديم قومي بتسخين البطاطا وقدميها في صحن مرفوقة بقطع الدجاج والصلصة. بالصحة والهنا |
|||
|
|
|
2015-04-09, 16:56
|
رقم المشاركة : 13 | |||
|
بطاطا بالكرام فراش الهام 07 صباح الخير والهناء حبيباتي .... على بالي طولت عليكم بالوصفات .... آسفة ..... نبداو بأول وصفة طلبتوها بزاف وهي البطاطا بالكرام فراش ... صدقوني تحفة في الطعم والبنة هايلة وأكيد تحمر الوجه قدام الضياف وتعجب كل الأذواق . هذي الوصفة جات في بالي بعد ماجربت وصفة شفلور ام محمد تاج ... يعني بصراحة الفكرة مسروقة من عندها ههههه  عادي راني وليت مشهورة بالسرقة  ... قلت نحط الوصفة من ضرك ياربي تصفى النفوس قبل رمضان  أول مرة درتها جاونا ضياف ، درت يومها كمية كبيرة وماكنتش متخيلة رايحة جي بنينة هكذا .... صدقوني لحسوا الصحون بالمعنى الحرفي للكلمة لأنو الصوص بنينة بزاف خاصة أنو يومها كثرت فيها الجبن ودرت صدر دجاجة كبيرة كامل جات رووووووعة فعلا ..... ربي يخليلنا الشاف ام محمد تاج وأفكارها اللهلوبية هههههه  .بالنسبة ليا هذي الوصفة ضميتها مع الوصفات المختارة للقراتان والبطاطا في المجلد نتاعي كطبق جديد وبنين وخفيف يحمر الوجه قدام أي ضياف وخاصة جاينا رمضان وتكثر فيه العرضات ... وأهم حاجة ساهل ومايأخذش وقت طويل في التحضير وطبعا درتها وعاودتها عدة مرات وأكيد كي يجيونا الضياف نحب نحمر وجهي بهذي الوصفة اللذيذة. نبدأ على بركة الله مع المقادير : * حوالي 1 كغ بطاطا مقشرة ومغسولة ومنقية ومقطعة شرائح * قطعة اسكالوب = نصف صدر دجاجة ... مقطعة إلى شرائح ثم إلى قطع متوسطة الحجم * 1 بصلة كبيرة مقطعة شرائح * 4 فصوص ثوم مقطعة شرائح * علبة كرام فراش * 1 مكعب مرق دجاج * جبن مبشور أي نوع * التوابل : ملح ، فلفل أسود ، ثوم بودرة ، 2 أوراق رند إضغط هنا لرؤية الصورة بحجمها الطبيعي. الطريقة :
1- نحط في مقلاة كبيرة حوالي 4 ملاعق زيت + ملعقة صغيرة زبدة وبمجرد ما يسخنو نضيف البصلة ونقلي حتى تبدأ تأخذ اللون الذهبي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 2- نضيف الاسكالوب والثوم ونقلي لدقائق حتى يتحول لون الدجاج من الوردي إلى الأبيض إضغط هنا لرؤية الصورة بحجمها الطبيعي. 3- نضيف الملح والتوابل وننتبه أنو مانكثرش الملح لأنو الجبن مالح.... نقلي حتى يكتسب الدجاج اللون الذهبي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 4- نضيف أوراق الرند ونمرق بحوالي 3 كيسان كبار من الماء مع إضافة مكعب مرق الدجاج مفتت ونتركه يغلي على نار متوسطة حوالي 5د . إضغط هنا لرؤية الصورة بحجمها الطبيعي. 5- لمن تريد مرق ثقيل ممكن إضافة ½ ملعقة كبيرة من الفرينة تذوبها في القليل من الماء البارد وتضيفها للمرق وتحرك جيدا... ونخليها تغلي فقط 5د أخرى . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 6- ثم نضيف الكرام فراش وكمية مليحة من الجبن المبشور....هنا لك حرية الاختيار في نوع الجبن اللي تحبي ، انا استعملت تشكيلة أجبان كما في الصورة : جبن قرييار وشيدار رابيتهم وقطعة كامومبار قطعتها قطع صغيرة ... أضفت كل هذه الاجبان للمرق ونحرك جيدا... نخليها تغلي 5د أخرى فقط ونذوق الملح إذا محتاجة نزيد شوية ثم نطفي النار وراهي واجدة الصوص . إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. 7- في وعاء الفرن نصفف البطاطا المقلية ( البطاطا أنا نقليها في نفس الوقت مع تحضير الصوص وتوجد قبل الصوص لأنها ماتاخذش وقت طويل وهكذا نربح الوقت ). ونرش البطاطا برشة خفيفة فقط . من الملح إضغط هنا لرؤية الصورة بحجمها الطبيعي. * ملاحظة : البطاطا أنا نقليها بلون ذهبي مالازمش تتحمر وإلا رايحة تتحرق في الفرن. 8- نفرغ الصوص فوق البطاطا ونوزعها مليح ونرشها بشوية معدنوس مقطع وندخلها للفرن المسخن مسبقا ( باش نربح الوقت ) في الرف السفلي . مدة الطهي : فقط نخليها تغلي في الفرن لمدة 10-15د ونطفي لأنو كلش راهو طايب ... مالازمش نخليها طول رايحة تنشف من بعد. إضغط هنا لرؤية الصورة بحجمها الطبيعي. هنا كي خرجتها من الفرن سخووووووووونة ...تبان فيها مرق بزاف لكن صدقوني رايحة تتشرب هذاك المرق كامل كيما تعرفو البطاطا في القراتان تشرب المرق . 9- يقدم مع رشة زكية من المعدنوس  إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. يامامي على البنة مممممممممم انا ناكلها بيديا لا فرشيطة لا مغرفة ... هههههه  هذي الوصفة راهي بنينة بزاف بزاف بزاف .... رووووووووعة ..... اللي ماجربتهاش راهي راحت عليها ههههههههتحياتي ................ لهومة  |
|||
|
|
|
2015-04-09, 17:03
|
رقم المشاركة : 14 | |||
|
طاجين الزيتون طوب مرحي و فوري بخليط الجزر أممممم أم آدم ودارين السلام عليكم هاذي وصفة لطاجين الزيتون بشكل جديد نقلتها لكم من منتدى آخر تالمون عجبتني بزاف حبيت تستفيد منها الأخوات الكريمات تقول صاحبة الموضوع بأنه هذه الكيفية قدمها الشاف مصطفى بسعدى باذاعة الشلف نبدا بسم الله إضغط هنا لرؤية الصورة بحجمها الطبيعي.المقادير: اطراف الدجاج +زيتون اخضر مفور +زيت +بصلة مسكرفجة+ سنات ثوم +صفار بيضة +ملعقة اكل طماطم مصبرة +ملح+ فلفل اسود +فلفل عكرى+ زرودية مفورة +باقة عطرية(الرند المعدنوس الدبشة) هذي الوصفة فيها مراحل 1 - الزرودية نفوروها مع الملح +الكمون+ وفلفل اسود ثم نرحيها و نزيدلها شوية فرماج 2- الزيتون نخلوه فى الماء 5د ونبدلو الماء 3 مرات ثم نفوروه مع الفلفل الأسود ثم نرحيه وقبل ما نرحيه نخلي منو كمشة للتزيين 3- نعمل مرقة حمرا بالدجاج + بصلة مسكرفجة+ ثوم مرحى+ طماطم مصبرة +شويييية ملح +فلفل اسود نقليها مليح اومبعد نمرق ونضيف الباقة العطرية 4- لحم مرحى + ملح +فلفل اسود + زيتون مرحى +دبشة ومعدنوس +بيض (نديرو صفار برك واذا كانت كمية كبيرة ندير واحدة كاملة) ثم نكوروه ونحشيوه من الداخل بمغرفة زرودية و نعاودو نكوروه ثم نرمدوه فى الفرينة ونقلويوه فى الزيت نحطوهم فى المرقة 10د ونرموا كمشة زيتون من فوق بصحتكم منقول |
|||
|
|
|
2015-04-09, 17:04
|
رقم المشاركة : 15 | |||
|
أفخاذ الدجاج الكااذبة من مطبخي بالصور lyllia 30 السلام عليكم و رحمة الله تعالى و بركااته اليوم جبتلكم وصفة راائعة علمتهالي أخت ليبية ماشاء الله عليها و جربتها أكثر من مرة و كاانت نااجحة حبييت نشاركم بيها اتفضلوا ان شااء الله تعجبكم حباباتي أفخاذ الدجاج الكاذبة : كأس حليب 2 بيض نصف كأس زبده ذائبة 2 ملعقة صغيرة خميرة ملعقة صغيرة خميرة كيميائية فرينة تعجن حتى تتكون عجينه طريه وتترك حتى تختمر - الحشوة .. نسلق لحم الدجاج في الماء مع بهارات الحب ونتركه الى ان ينضج تماما .. ثم نقوم بتفتيت اللحم بواسطة اليد .. نضع بصل مفروم على النار مع الزيت الى ان يتحمر ثم نضيف اليه حبة جزر مبشورة ثم الدجاج المفتت مع الملح و التوابل ثم نضيف اليهم المعدنوس المفروم أو الكسبر و الفرماج ( الفرماج قد ما كثرتي تجيك بنينة ) نطفي عليهم النار ونتركهم الى ان يبرد ثم تستخدم - بطاطا مقلية على شكل اصابع ولا نقوم بتحميرها يعني تبقى باللون الاصفر لاننا سنعاود قليها من جديد مقادير التغليفة .. دقيق بيض مخفوق مع قطرتين خل خبزة مرحية ( البقسماط ) طريقة تشكيل الفخدة .. - نقوم بفرد العجينه بسمك رقيق سواء المنزلية أو الجاهزة ونقصها على شكل مربع .. - نضع في وسط العجينة ملعقة من الحشوة - نضع نصف طرف بطاطا مقلية في العجينة والنصف الاخر خارج العجينة - نقفل الزوايا المقابلة لبعض ونلم اطرافها ثم نشكلها على فخذة نمرمدها فالفرينة ثم البيض ثم البقسماط .. و نقليها في زيت يكون سخون من بعد نقص النار متوسطة أترككم مع الصوور إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. إضغط هنا لرؤية الصورة بحجمها الطبيعي. و بالصحة و الهنااء انتظر أراائكم |
|||
|
|
|
| الكلمات الدلالية (Tags) |
| أطباق, تشهر, رمضان, رئيسية, شاركو, إنجاز, كتاب |
|
|
المشاركات المنشورة تعبر عن وجهة نظر صاحبها فقط، ولا تُعبّر بأي شكل من الأشكال عن وجهة نظر إدارة المنتدى
المنتدى غير مسؤول عن أي إتفاق تجاري بين الأعضاء... فعلى الجميع تحمّل المسؤولية
Powered by vBulletin .Copyright آ© 2018 vBulletin Solutions, Inc
العرض العادي
