حمزة المجتهد مستعد للاجابة على استفساراتكم ~ الى التميز ~ متجدّد ~

[ورود العلم]

المشاركة الأصلية كتبت بواسطة rorororo

سلام نعاود نزيد نهبلك هههه
في هذ وقت وفي عطلة هذي بذات واش درتي ؟! وشحال من ساعة كنتي ترقدي في هذ شهرين لي تبقاولك و شحال من مقالة حفظتي في فلسفة ؟! و زعما كنتي حاسبة روحك تدس معدل 14 في باك ماذا كنت ردت فعل نتاعك؟! و واش هي مواد لي تفاجئتي في نقاطها و ماهي مادة لي درستها بزاف طول سنة و ما هي ماجة لي أهملتها وشحال كانت نقاطك فيهم ههه شكرا حبوبة

اهلا غاليتي رورو ....كيف حالك حبيبتي؟؟

هههههههه والله راني نحب اسئلتك التهبيلية لانها مميزة عزيزتي ....

شوفي صديقتي انا بصراحة في العطل ماكنتش ندير جدول معين ...بصح كنت نقرا على حساب وش ينفحلي ....وكنت نقرا في كل وقت ...من نوض الصباح تقريبا نبدا القراية على 8 يعني مش بكري ...حتان 12 تع اليل تقريبا ..وماكنتش نريح الا في الصلاة والاكل ....هذا بصراحة جعلني اصيب بارهاق كبير لكني كنت اتحمل واكافح من اجل اليوم المصيري ...

مممم بالنسبة للفلسفة ماكنتش نحفظ المقالات ولكن كنت نكتبها بيدي .....ونحاول نفهم الافكار نتاعهم مليح وكنت ندير المقالة شاملة والطريقة الجدلية...بالتقريب درت مقالة في المنطق ...وفي الرياضيات وفي العلوم التجريبة .. اما في العلوم الانسانية درت 3 مقالات ....والفلسفة صراحة بديت تحضيرها في الفصل الثالث لاني مالقيتلهاش وقت ..بسبب الظروف التي مرت بي طيلة العام كما اخبرتك مسبقا ...

بالنسبة للمعدل بصراحة كان هذا اسوأ معدل تحصلت عليه في مشواري الدراسي ..يعني اقل معدل ديتو في الثانية ثانوي وكان 16 ....اما في الباك كانت حالة استثنائية ....مي كنت متفائلة الى حد كبير يعني ماتوقعتش بصراحة ننزل على 15 ....وبعد ماعقبت الباك قلت ندي يا 15 يا 16......وقدر ربي سبحانو وجبت 14 والحمد لله .....بعد ما طلعت النتائج حسيت بحزن في المرة الاولى لتدني مستواي ..ولكن سررت في نفس الوقت اتصدقين هذا !!!...حقيقة كان ابي يريديني ان اصبح طبيبة وانا لا احب مطلقا هذه المهنة لانني ارى انها لا تناسبني ...ولو اخذت اعلى منها لاضطررت ان اختراها رغم عني ...فاحسست ان الله عز وجل شاء لي الخير بهذا المعدل ...

بصراحة مطلقة المادة الوحيدة التي تفاجئت بنقطتها هي العلوم فرغم مستوايا العالي ورغم انني عملت عملا جيد في الباك وكنت متاكدة من اجاباتي وبعد ان اطلعت على التصحيح النموذجي فرحت كثيرا اذ وجدت ان اجاباتي متطابقة مع التصحيح النموذجي ...كنت اظن انني لن انزل على 18 ..وفوجئت ب 12 ....لا ادري اغلب الظن انه كان خطأ في التصحيح والله اعلم ...لانني متاكدة من اجاباتي الصحيحة ....

ممممم لاتوجد مادة درستها اكثرعلى حساب المواد الاخرى يعني كنت ادرس بتوازن بين جميع المواد العلمية والادبية ...

بصراحة المادة الوحيدة لي قريتها في الفصل الاخير وهي الفلسفة وكانت نتيجتي فيها11.5



وبالتوفيق غاليتي نتمنى نكون جاوبت على جميع اسئلتك واي سؤال اخر انا في الخدمة


في امان الله حبيبتي ...