حلويات بالعجينة السحرية رووووووعة

[ام اماني77]

بسم الله الرحمان الرحيم

السلام عليكم اخواتي

سبق وان وضعت العجينة السحرية للتشارك وماشابه اليوم بنفس العجينة عملت بها عدة انواع من الحلويات ان شاء الله تنال اعجابكم

اولا نحضر العجينة


كيلة سمن ذايب وبارد
كيلة زيت
كيلة حليب
رشة ملح
فاني
ونلمها بالفرينة نشكلها كويرات نغطيها ونخليها ترتاح

الحلوى الاولى:حلوى المنقوشة المحشية

https://

نوزن الكويرات 30غ

بالنسبة للحشو اختياري

ممكن نحشيهم بحلوة الترك

او بعقدة اللوز نعمل 4كيلات لوز بكيلة سكر ونضيف صفار بيضة حتى يبقى الحشو طري زاست قارس او فاني حسب الذوق زوج م ك سمن ونلم بماء الزهر

https://
بواسطة اليد نعطيها شكل بيضوي ونبسطها شوية راح نتحصل على الشكل المطلوب بواسطة النقاش ننقشها

https://



https://

ندخلها تطيب على 180درجة من فوق ومن تحت من بعد نخليها تبرد تماما ونعسلها
://

التزيين حسب الرغبة ممكن مكسرات او نستعمل سوريز كونفيت

https://


عن قرب

https://

الحلوى الثانية :التشاراك المعسل في مول السليكون

https://

هنا بدل مانعمل تشاراك وننقشه بالنقاش فضلت نعمله في مول السيلكون اختصارا للوقت والجهد

انا هنا استعملت مول السليكون حجم صغير لي تحب الحبة كبيرة تستعمل الاكبر

نوزن العجينة 20غ والحشو 8غ

بالنسة للحشو ممكن نستعمل الحشوين السابقين او نستعمل الحشو التالي

كاوكاو محمص ومرحي نضيفله كمية من حلوة الترك ونجمعه بالمعجون ونشكل كويرات

https://
نحط التشاراك في مول السليكون التاج

https://

ندخله للفرن يطيب

بعدها نخليها يبرد تماما ونعسله

https://

ممكن نزينه بالبيستاش على الاطراف

https://


عن قرب

https://


الحلوة الثالثة:قاطو النقاش في مول السليكون

https://

بدل ما ننقش كعك النقاش نعملوه في مول السليكون ايضا


نستعمل نفس العجينة فقط نضيفلها نصف كيلة سكر رطب للمكونات السابقة ونلمها بالفرينة

من بعد نوزن كويرات 30غ

الحشو غرس منقي نعجنه بكمية من الزبدة وماء الزهر لي تحب تضيفله جلجلانية محمصة والقرفة حسب الرغبة

نحشيه ونحط في نفس المول لي طيبنا فيه التشاراك وندخله يطيب من بعد نرش عليه كمية من السكر الرطب

https://



عن قرب

https://

تم بعون الله

ان شاء الله تعجبكم هذه الافكار الجديدة وطبقوها

في امان الله

[ayaranim]

الله يبارك ما شاء الله عليك

[ام رويدة]

رووووووعة. ..يعطيك الصحة.

[amouna.sem]

ما شاء الله عليك

[ام رشدى]

بارك الله فيكي سيدتي وادامكي الله لنا وربي يحفضلك وليداتك

[chafika5]

.magnifique comme toujours

[شوشو 11]

ماشاء الله ربي يبارك فيك وفي افكارك الرائعة
فعلا انت مبدعة

شكرا

[روضة من رياض الجنة]

الله الله ىعطيك الصحة حلوياتك كلها رائعة واكثر من رائعة رني ستفدت منك كثير

[yara salsabile]

بارك الله فيك مبدعة كالعادة

[imane khaled]

يا سلام يا فنانة ابداعك ماعندوش حدود ربي يسلملك ايديك

[محبة عبد الرحمان]

ما شاء الله يعطيك الصحة خدمة متقونة تبارك الله

[جيجلية]

بارك الله فيك

وصفات رائعة

شكرا لك

[amel...]

44444444444
يعطيك الصحة .....

[ام هاديل وياسين]

بارك الله فيك ام اماني هدي العجينة راني جربت بيها التشراك بالقلاصاج خرجلي يهبل

ويعطيك الصحة كي زدتي لينا هادي القطوات تسلمي اختي

ام اماني راسلت من قبل وما نعرف ادا وصلاتك رسالتي سالت فيها على قاطو البيضة كي درتو يطيب تشقق لي

وحشيتو بحلة الترك حتى هي سالت منو معرفتش وين المشكل ؟ مع اني تبعت كل الخطوات

[ام رضوان]

بارك الله فيك وربي يرضيك ويرضى عنك ويحقق امانيك يا ام اماني .والله وصفاتك نجربها ودائما ندعيلك.