الجزء 122 مرحبابيكم عندي نتمنالكم اقامة طيبة - الصفحة 52

ام سراج وملاك · 2015-03-18, 17:21

ارزاق حنونة شكراااااا رسالتك فرحتني وكلامك عسل كيما نتي
ام رشدي عازفة ليزا قمر ام هديل ام رويد ام ياسين مساء الخير عليكم
حقا لبنات راني نشوف معظم لبنات يدورو منا ومن وميدخلوش للكوزينة ام اناس وتوتة ان شاء الله ميكونوش زعفانين برك والله توحشنا طلتهم علينا

ارزاق · 2015-03-18, 17:28

تستاهلي كل خير ام سراج بصح كفاه نعلرف بلي لحقت الرسالة

*وردة الشرق* · 2015-03-18, 17:28

مساء الانوار على الجميع
ارزاق .ام سراج .ام رشدي .ام ياسين .ام اسلام ربي يعينك
ليزا اني نسنى كيفاه ديرو انتوما القصعة ليزا خبز الشابتي انا نديرو من بكري لما نروحو عند عمتي للعاصمة منين الدوري تلقاي خبز تونسي حلفت نتعلمو وعلمتهولي جارت عمتي وابني مدمن عليه فقط انا ما نديرش نفس الحشو ونصغر الخبزات راني حطيتو في كوزينة الاء
لكن لما شفتهم يديرو فيه سخفوني لاني مسخافة

natacabell · 2015-03-18, 17:29

مساءكم سعيد ان شاء الله تكونو كلكم لاباس ٠مراجعتش كلش بصح اكيد راكم مزهيين الحالة يعطيكم الصحة كلكم و سلامي للغايبات الغاليات وان شاء الله المانع خير و بلا مانسمي لانهن كثيرات الله يبارك٠
هاذا طيابي اليوم كباب شلاظة موسكوتشو٠ و ربي و رحمتو و الحمد لله حمدا كثيرا

مسلمة بالفطرة · 2015-03-18, 17:29

ام نهولة شكرا على وصفة الكيكة بصح ماهيش محشية في الوسط؟ اذا كان ما غلطتش بليز قوليلي باش حشيتيها

*وردة الشرق* · 2015-03-18, 17:31

نتكبل اممممممم ماشاء الله اختي رائع

أم هبوبة · 2015-03-18, 17:36

لبنات واش راكم كامل توحشتك بزاف بزاف بزاف

النت كانت مقطوعة هدا شعال يعرفوا غير يدوا خلاص الشهر و هي ما كانش

احلام مبروك الكوزبنة الجديدة و دارك و كوزينتك ما ساء الله تتهناي فيهم
اخواتي سامحوني راني ناقصة مراجعة هدي الايام راني في دار والديا راهم مسافرين و انا و زوجي و اولادي راني قاعدة في الدار نعسها
كامل النهار مع الدراري و الشقى ما بغاش كامل يخلاص قلت نفظلها الدار. مين ترجع من السفر ان شاء الله ترقاها مرتبة
زينب سامحيني اختي ما شركت بزاف في كوزينتك و راني عارفة فاتوني حوايج و تدبيرات بزاف نتاع اخواتي الفحلات والله الظروف كانت شاطنتني
ما نيش نلبز هدي الايام بزاف كل شيئ تبدل عليا الكوزينة و الماعن راني كي التايهة ياخي كي بدلت كوزينتي تلفتلي
سامحوني طولت عليكم بصح توحشتكم الله غالب
احلام باروك الكوزينة
هدو عملتهم يامس للقهوة

و هادو نتاع البوم

نخليكم نروح نقهوي بنتي سمية و قتها نتاع الماكلة و رايحة ان شاء الله نحضر عجينة كرواسون بتحريفات زينب للغدوة ان شاء الله
يا رب ينجحلي
نخليكم في امان الله
ان ن شاء الله نراجع كل الصفحات و نشوف الشافات واش راهم حاطين و كاش نصائح نتاع وصفات الي جربتوهم

ام سراج وملاك · 2015-03-18, 17:39

اقتباس:

المشاركة الأصلية كتبت بواسطة أم هبوبة

لبنات واش راكم كامل توحشتك بزاف بزاف بزاف

النت كانت مقطوعة هدا شعال يعرفوا غير يدوا خلاص الشهر و هي ما كانش

احلام مبروك الكوزبنة الجديدة و دارك و كوزينتك ما ساء الله تتهناي فيهم
اخواتي سامحوني راني ناقصة مراجعة هدي الايام راني في دار والديا راهم مسافرين و انا و زوجي و اولادي راني قاعدة في الدار نعسها
كامل النهار مع الدراري و الشقى ما بغاش كامل يخلاص قلت نفظلها الدار. مين ترجع من السفر ان شاء الله ترقاها مرتبة
زينب سامحيني اختي ما شركت بزاف في كوزينتك و راني عارفة فاتوني حوايج و تدبيرات بزاف نتاع اخواتي الفحلات والله الظروف كانت شاطنتني
ما نيش نلبز هدي الايام بزاف كل شيئ تبدل عليا الكوزينة و الماعن راني كي التايهة ياخي كي بدلت كوزينتي تلفتلي
سامحوني طولت عليكم بصح توحشتكم الله غالب
احلام باروك الكوزينة
هدو عملتهم يامس للقهوة

و هادو نتاع البوم

نخليكم نروح نقهوي بنتي سمية و قتها نتاع الماكلة و رايحة ان شاء الله نحضر عجينة كرواسون بتحريفات زينب للغدوة ان شاء الله
يا رب ينجحلي
نخليكم في امان الله
ان ن شاء الله نراجع كل الصفحات و نشوف الشافات واش راهم حاطين و كاش نصائح نتاع وصفات الي جربتوهم

ربي يكون في عونك ام هبوبة ليك وحشة ويعطيك الصحة رووعة واش حطيتي ومتنسايش تبوسيلي سمية ربي يحفظهالك من كل شر اتهلاي فيها بلاما نوصيك

om hind · 2015-03-18, 17:50

مساء الخير عليكم
ممكن يا بنات تعاونوني في اختيار موديلات قاطو ملاح بويسك عرس سلفي في اول ماي و حرت واش ندير انا نحوس على وصفات مجربة و مضمونة علابالي المنتدى فيه آلاف الوصفات الجيدة بصح حارتلي

natacabell · 2015-03-18, 17:53

الله يسلمك زنوبة ياحسراه وين يجي واش حطيت قدام الروائع ديالك الله يبارك يعطيك الصحة كنت طلبت منك التحلية و حطيتيها الله يرضى عليك و قدرك على حفظ كتاب ماتيسر من القرآن انتي و جميع المشاركات
عشاتي انا شلاظة بزاف عليا وولادي عندهم لوبيا و كثر خير ربي

om kamilia · 2015-03-18, 17:53

hrayer kolkom allah yebarek
lyza yatik esseha

omhadil · 2015-03-18, 18:09

من صباح وانا مع التحميل وفى الاخير طلعت صورة واحدة

ام رشدى · 2015-03-18, 18:12

اختي عازفة شكرا على السؤال والله مازالت عندي شوية مبرجة كي تخلاص باه نجربهم انشاء الله يصلحولي
ربي يعيشك اختي عازفة والله نفرح بزاف كي تسقسي عليا

ام سراج وملاك · 2015-03-18, 18:15

اقتباس:

المشاركة الأصلية كتبت بواسطة om hind

مساء الخير عليكم
ممكن يا بنات تعاونوني في اختيار موديلات قاطو ملاح بويسك عرس سلفي في اول ماي و حرت واش ندير انا نحوس على وصفات مجربة و مضمونة علابالي المنتدى فيه آلاف الوصفات الجيدة بصح حارتلي

اختي هند صراحة انا عجبوني جميع وصفات ام اماني اقتصادين ويحمرو الوجه وزيدي حطي طلبك هنا خير باش تلقاي الاجابة موضوع دارتو الاخت زينب وحنا نعاونو فيه كامل بطلب منها ونتي ثاني تقدري تشاركي معانا كي تعرفي الاجابة وتعاوني لبنات
https://www.djelfa.info/vb/showthread.php?t=1773195

ام سراج وملاك · 2015-03-18, 18:18

اقتباس:

المشاركة الأصلية كتبت بواسطة زينب66

مساء الانوار على الجميع
ارزاق .ام سراج .ام رشدي .ام ياسين .ام اسلام ربي يعينك
ليزا اني نسنى كيفاه ديرو انتوما القصعة ليزا خبز الشابتي انا نديرو من بكري لما نروحو عند عمتي للعاصمة منين الدوري تلقاي خبز تونسي حلفت نتعلمو وعلمتهولي جارت عمتي وابني مدمن عليه فقط انا ما نديرش نفس الحشو ونصغر الخبزات راني حطيتو في كوزينة الاء
لكن لما شفتهم يديرو فيه سخفوني لاني مسخافة

شكراااااا حبيبتي ربي يعاونا كامل حقا زينب علاجال شخشوختك بعثت راجلي يجيبلي سيار قوليلي برك خي يجي متوسط هكذا قتلو وريتلو في التصويرة مزال مدخلش ان شاء الله يعرفو برك