الى الامهات العاملات

الفارسية · 2015-03-12, 09:25

مرحب اريد رايكن وتجاربكن الخاصة
انا عاملة وابني عندو ثلاث اشهر يعني كملت الكونجي وراني داخلة نخدم والمشكلة ابني يرضع صدري كيفاش ندير معاه هل ارضعو حليب البيبرو من الان باقي لي 10 ايام وندخل للعمل ساعدوني ارجوكم كيفاش نولفو ينام وقت الصباح وكيفاش نولفو الحليب

samira10 · 2015-03-12, 09:48

مبروك عليك و انشء الله يتربى في عزك . يا اختي انا ثاني امراة عاملة و اولادي نعلملهم البيبرو من الشهر الاول في البداية نعطيلهم فيه تيزانة باه يتعلمو يشدوه و قبل ما ندخل للخمة بالشهر نبدا نعطيلهم فيه الحليب باه يوالفوه في حالتك مشكل كبير ادا ما شدلكش البيبرو و ا>ا تحتم ادفعي maladie و زيدي شهر اخر حتى يوالف

الفارسية · 2015-03-12, 10:08

شكرا على الرد اختي ولكن لا استطيع اخذ شهر اخر كونجي

kikimnarim2 · 2015-03-12, 11:32

هذه ازمة كل عاملة خاصة الاساتذة دخلي البييرون من درك وما تحبسيش الرضاعة من صدرك حتى يوالف

oprah · 2015-03-12, 14:55

ربي يكون في عونك رانا كامل نعانو
أنا راهو في 4 أشهر و المشكل ماشي عايف البيبرو يعيفلي الحليب
يرضع مي كي يلقى الحليب يولي يرجع فيه
ساعدونا

*عائشة* · 2015-03-12, 15:39

اولا مبروك عليك يتربى في عزك ان شاء الله
ثانيا بالنسبة الرضاعة اذا كنت تخدمي في الادارة راك عندك ساعات الرضاعة اعرفي تخيري وقتهم باش تروحي ترضعيه و مالازمش تحبسيلو صدرك خلاص خليه يرضع مليح مزالو صغير و في وقت الخدمة خليهم يمدولو البيبرون راح يحكمها ببساطة .. اطلبي ربي ما يوقف الرضاعة منك برك ..... ربي يسهلك

أم عبد الله ياسين · 2015-03-17, 01:12

اختي انا نجبد بلوتيغلي و تعطيهولو انا مزالي شهر و ندخل ربي معانا

رجائي فيك · 2015-03-17, 10:05

الحل يوالف البيبرو مي لحليب ننصحك خلي خليبك جربي تعمي بيبرو من حليبك و اعطيه صعيب يوالف في البداية بصح راح يتأقلم

Simassim · 2015-03-17, 13:24

اختي حاولي تجبدي من صدرك الحليب الطبيعي
وتخليه للمرأة لي تحكملك وليدك. يقدر يقعد حتى ست ساعات فدرجة حرارة غرفة تكون 22 درجة
تقدري تحتفظي بيه فالتلاجة وحتى المجمد

في الفريجيدار تقدري تحطيه حتى لأسبوع وماتحطيهش فالباب دخليه الداخل. درجة حرارة تكن بين صفر و 4
فالتلاجة حتى ست اشهر درجة حرارة تكون ناقص 18
باش ديكونجلي الحليب. حطيه فالفريجيدار حتى يدوب او في ماء دافئ حتى يدوب
ماتسخنيش الحليب فالمكرونود يفقد عناصر تاعو

فرح حياتي · 2015-03-17, 22:36

انا كي زيدت بقيت نزيد كل مرة شهر حتى كملت العام
مادامك تقري زيدي شهر اذا تقدري مازال صغير
ابداي جربيلو لبيبرون من الان ممكن مايشدولكش وماتحبسيش صدرك خليلو لبيبرون كي يكون مش معاك وكي تكملي خدمتك عوضيلو لحليب