~ ~ ~طلباتكم مجابة بإذن الله ~ ~ ~

[زينب 83]

المشاركة الأصلية كتبت بواسطة ام رشدى

والله اختي زينب الموضوع في محلو وجزاكي الله خيرا وسؤالهو
كنت خدمت من مدة لاصوص تومات خدمت بلارة كبيرة ونسعمل منها للبيتزا او الكوكا او.....
لكن بعد مدة فسدتلي شميت فها ريحة ماش مليحة مع اني درت فيها التوابل البصل عادي وحطيتها في بلارة وغمرتها بالزيت من فوق وغطيتها وحطيتها في الثلاجة اول مرة تصرالي وما عرفتش السبب ياريت تجاوبوني وماهي افضل طريقة للاحتفص بيها

شوفي حبوبة انا الطماطم نحيلها قشور و الزريعة و نعثر هذا مليح و و نرحيها و نطيبها حتى تنشف مليح و مباعد نحتفظ بيها في بلارات زجاج لكن لازم يتعقمو في ماء و خل 45 دقيقة و و نحط الطماطم و نغلق مليح لازم الهواء ما يدخلش نهائي و مباعد نعاود نغلفهم بمنشفات و نزيد نحطهم يتغلاو مليح و الله نحتفظ بيها لأشهر خارج الثلاجة تبقى جديدة رووووعة بصح نهار نحلها ندخلها الثلاجة ، انت ممكن خسرتلك لانو البلارة مش معقمة و زيد مي تفتحي و تغلقي يدخل لهواء و هو لي يدير التعفن

المشاركة الأصلية كتبت بواسطة scorpionoir

مساء الخير زينب وربي يحفظك على هذه المبادرة
اول سؤال ليا على اللوز .فاش نرحيه باش يرجع غبرة
انا نرحيه في الروبو كينوود بصح يبقالي متوسط ونغربلو يطيحلي الغبرة ولاخر يبقالي مرحي متوسط
ياريت تقولولي فاش راكم ترحيوه ؟

انا نرحيه في رحابة القهوة يجي هايل و نزيد نغربلوهم لكن لازم يكون جاف ماشي مندي

[ام رشدى]

اختي زينب الطماطم ماتضيفيلها والو لاتوابل لا بصل ياريت تشرحيلي اكثر اختي

[زينب 83]

المشاركة الأصلية كتبت بواسطة ام رشدى

اختي زينب الطماطم ماتضيفيلها والو لاتوابل لا بصل ياريت تشرحيلي اكثر اختي

نزيدلها الملح و الثوم و البهارات لي نحب و من الفوق نحيلها شوي زيت ، شوفي الصح في التعقيم و تاني ماتحطيش في علب البلاستيك لانها هي لي تفسد الطعام ، بإذن الله راح ندير موضوع في القريب

[selma2013]

يعطيك الصحة كنت طرحت الفكرة في الكوزينة لي فاتت ولا وحدة كلفت روحها وردت عليا ولا عبرتني أنا قلت هناك مبتدئات غلبو مساكن من طرح ا لأسئلة في كل مرة قلت نفتحو موضوع والحترفات يجاوبوهم كلما سمحت الفرصة بردتيلي قلبي

[زينب 83]

المشاركة الأصلية كتبت بواسطة selma2013

يعطيك الصحة كنت طرحت الفكرة في الكوزينة لي فاتت ولا وحدة كلفت روحها وردت عليا ولا عبرتني أنا قلت هناك مبتدئات غلبو مساكن من طرح ا لأسئلة في كل مرة قلت نفتحو موضوع والحترفات يجاوبوهم كلما سمحت الفرصة بردتيلي قلبي

اهلين سلمى انا و الله العظيم ما شفت طلبك ، لكن القلوب عند بعضاها ، الحمد لله كي حققتلك طلب و لو من دون قصد راك منورة حنونة

[selma2013]

زينب حنونة أنا ولا أنتي المهم الأخوات يستفادو بارك الله فيك ممكن الأخوات ما يعرفونيش على بيها ما ردوش عليا هههههه

[أم ملك]

سؤالي هو ما هو الفرق بين الكريمة السائلة و كريمة الخفق و القشدة الطرية و لما نفتحو العلبة شحال ممكن تقعد و ماتخسرش

[manora_007]

بارك الله فيك يا اخت زينب ربي يجعلها في ميزان حسناتك، أنا سبق و سالتك في موضوع كاساديا باللحم المفروم قداه فيها سعرة للقطعة و نزيد نتعبك التليتلي قداه فيه. رايحة نبدأ لزوجي ريجيمك ربي يقدرني ان شاء الله. وشكرا على المجهود لي راكي تبذلي فِيْهِ

[زينب 83]

المشاركة الأصلية كتبت بواسطة manora_007

بارك الله فيك يا اخت زينب ربي يجعلها في ميزان حسناتك، أنا سبق و سالتك في موضوع كاساديا باللحم المفروم قداه فيها سعرة للقطعة و نزيد نتعبك التليتلي قداه فيه. رايحة نبدأ لزوجي ريجيمك ربي يقدرني ان شاء الله. وشكرا على المجهود لي راكي تبذلي فِيْهِ

اهلين حبوبة
كاساديا تاع وصفتي قطعة فيها 400 سعرة ، اما التليتلي ف نصف كاس مجمر بالمرقة فيه 140 سعرة
حبيبت نبهك لحاجة عدد السعرات الرجل ماشي كيما المراة لانهم هوما عندهم حرق اكثر منا

[زينب 83]

المشاركة الأصلية كتبت بواسطة أم ملك

سؤالي هو ما هو الفرق بين الكريمة السائلة و كريمة الخفق و القشدة الطرية و لما نفتحو العلبة شحال ممكن تقعد و ماتخسرش

اهلا بك عزيزتي ،
القشدة الطرية الطبقة المتكونة على سطح الحليب الكامل الدسم و تكون شوي ثقيلة منها جي عادية طعمها يشبه لليايورت الطبيعي و منها جي حامضة يزيدو لها بعض الخمائر
كاينة بطوش انا دايما نستعملها

الكريمة السائلة و هي نفسها كريمة الخفق الخاصة بالطبخ هي الكريمة المصوعة من الحليب الكامل الدسم حيث تنزع منه الكريمة وتستعمل في الطهي وتزين الحلويات
توجد في البرادات في المحلات بجانب منتجات الالبان والاجبان

يمكن استبدالها بالحليب الكامل الدسم في الوصفات التي لا تتطلب خفق الكريمة السائلة

انا نستعمل hopla

اما القشطة في تكون متماسكة و تميل للزبدة اكثر انا نستعمل قشطة بوك

و كاينة القشطة اللي يحشيو بيها القطايف السورية هذي نخدموها في الدار كيما المهلبية

مدة الحفظ انا الصراحة كي نحلها دايما نغلقها مليح او نغلق الفتحة و نستعملها في أسبوع على الاكثر

[أم ماجد]

بارك الله فيك زينب
راني منين يكون عندي الوقت نضرب طلة كاش مانساعد ونستفيد ايضا

[أم ياسين الزهراء]

الاخت ام رشدي انا نخدم صوص طوماط ونكونجليها افضل عمري لاخليتها في فريجيدار الا ادا كانت المدة يومين ولا 3


عقروبة نرحيه في رحاية القهوة كينحب رطب

[لينة71]

يعطيكم الصحة والله خففتو علينا ياربي يخفف عليكم الذنوب ويثقلكم بالحسنات
اختي حبيت نسقسي الطريقةالناجحة لقلب اللوز لاني شحال من مرة نديرو يجيني مكدس معجن وناشف لم اعرف السبب ..

[قمر 77]

عقروبة تعرفي وش ديري باش يجيك اللوز رطب ارحيه عادي فالكينوود نتاعك يجيك متوسط و مبعد زيديلو عبرة سكر قلاصي يرجع بودرة خصوصا كي تخدمي بيه لا بات داموند و غربليه و شوفي النتيجة و حتى ام اماني راها ديرتها في وصفة لابات داموند

[قمر 77]

اختي انا الحق الطريقة الوحيدة اللي نجحتلي هي قلب اللوز باللبن دارتو ليليا 3o ; و طبقاتو ام اماني و هذا شرحهاhttps://www.djelfa.info/vb/showthread.php?t=1585460