الجزء 121 من كوزينة واش طيبتي اليوم

[اسمهان79]

صباح الخير يا وجوه الخير
اسمحولي حبيباتي راني ضربت طلة خفيفة على واش حطيتو راكم ما شاء الله ربي يبارك في صحتكم وفي وليداتكم ويعطيكم ما تتمناو
الانترنت راهي تغزل فيا كل ما نحب نقرعج ونشارك تحلي صفحة وتقولي لامرا ولي لاورا والا مرا امشي للقدام اآآآآآآ رايحة تهبلني
تخليكم حبيباتي ونرجع اذا النت حنت وخلاني نفوت
يارب هاذ الرد يفوت
سلااااامي للجميع وربي يعينكم

[nihale89]

صباااااح الانواااار حبيباتي توحشتكوووووم
كانت النت مقطوعة نتمنى تكونو كاااامل بالف هير وعافية
سلامي لكن كل وحدة باسمها

[oum islem]

المازا قلب اللوز باللبن تاع ليليا30 هايل من كي جربتو ما عاودت وصفة اخرى اما على التحواس مع زينب في الليل قالي تخرجي نحيلك وذنيك رايحين غير النساء بلا محرم حقا زينب66 يوم الاثنين المقبل الرونديفو تاعي عند الطبيبة ثم في قسمطينة في عين الباي ومن ثم نشري الجوزية لاولادي وطمينة اللوز يا سلام وهدا قلب لوز للي ما كلاوش البارح

[*وردة الشرق*]

صباحكن فل وياسمين كيف الحال والهمة اليوم يا رب يكونو كل العضوات بخير يارب
اسمهان .ام اسلا.فراح فرفوشة.وهيبة .المازة صباحكن فل معطر باحلى ورد جوري
زينب 83 مساؤك فل جات متاخرة والله ما شفت ردك البارح
اليوم كيفاه رايحيين الديرو لغدا انا والله ناوية على قرنون والاولاد ما يكلوهش وندير كسرة بربي انشاء الله والحمد لله على كل النعم

[ارزاق]

صباح الخير علي الموجودات زينب وهيبة رحمة ام اسلام فراح فرفوشة ايمان اسمهان نهال المازا والغايبات

[saja hamed]

صباح الخير حبيباتي نتمي تكونو باحسن حال انا غدايا باذن الله مرقة في الفور وخبز ام اماني والحمد لله

[ارزاق]

الاخت لي سقسات علي الطبقة الصفراء لي فوق الملفاي هذيك كريمة الليمون راهي الوصفة في وصفات الحراير الجزء2 الصفحة 30 تقدري تحشي بيها الترتلات او الجينواز او الرولي

[ارزاق]

انا متهنية عندي الغدا لي هو العشاء تاع البارح نروح نهوي الحالة ونسيق سلام

[kaouka]

السلام عليكم ورحمة الله وبركاته صباح الخير لبنات وشراكم ﻻباس انا الغدا درت بربوشة

[om assem et loudjain]

السلام عليكم ورحمة الله وبركاته
صباح السعادة صباح الخير لكل المتواجدات
وهيبة صباحك عسل يا عسل . ايه والله طولنا السهرة مع لجين علابالك شعارها لا للنوم قبل الواحدة هههه
لكن ما تاخرتش في الاستيقاظ لان الزوج سافر الصباح. يسمى الغداء كيما يقول خويا الصغير كسرة وسكات هههه وبصحتكم الحساء والخبز وعلابالي كاشما رايحة ديري ابداع بالسلق
صباحكم قشطة فراح رحمة ام اسلام نمووووووووووت عالفول و الزوج ما يحبوش عمرو ما دخلو للدار سلامة بابا و شيخي نهار نروح لعندهم نبرد قلبي . هههه
شكرا المازة لينا الله يسلمك . يوم موفق
اسمهان نهال زينب صباحكم ورد يا وردات
لي نسيتها تسمحلي بدات تخونني الذاكرة هههه

السلاااااااااااااااااااااام عليكم
اصبحنا واصبح الملك لله وحده لا شريك له واليه النشور
واشراااااااااااااااااااااااااااكم توحشتكم والي سقساو علي نقولكم ربي يخليييييييييييييكم مقدرتش نرد عليكم كامل لانو النت ترووووووح وتجيييي تقريبا مكانش
حبيبتي زينب الف مبارك الكوزينة واطباقك وكلماتك روووووووووووووووعة يا بنت الاصول يا بنت قسنطينة بلد الثقافة والاصل
منيش نلبز بزاف لانو مشغولة بحلويات وتحضيرات عرسنا
حقة زينوبة العروسة راح نجيبوها من قسنطينة من عندكم ههههه

[فراح فرفوشة]

مشكل النات

[lyzzabel]

صباح النوووووور و السرووووور حبيبااااتيييي و نهاركم سعيييد و طيب توحششششششتكم وااااااع ماكانتش عندي النت

رراجعت غير شوية مازال ما لحقتش للصفحات الاخيرة قلت نصبح عليكم و نروح لاشغالي و نولي من بعد ان شاء الله و لاكان قدرت نحط شوية صور

فطورنا اليوم الزيتون بالجااااج و سلاطة و الحمد لله 6لى نعمه


اللهم ما اصبح بي من نعمة او باحد من خلقك فمنك وحدك لا شريك لك فلك الحمد و لك الشكر

[wahibaazel]

أحلى صباح لاحلي شلة ،المازة،زينب،فرح،ام اسلام يا سلام عليك ،كوكا ،ارزاق اسمهان ،ام عاصم اهلا بالغالية بنت الغالية ربي يشفيها لجين وربي يقدرك حنونة ،ام عاصم ياك ماتباتيش وحدك عيطي لخوك الصغير يبات معاك ،انت صغيرة وحلوة والبيت كبير ما شاء الله لازم يجي خوك الصغير .ربي يحفظلك الوالد وشيخك انا ثاني نموت علي الفول وخاصة حميس الفول بالبصل وزيت عرب نموتو عليه كامل .الي الملتقي الواجب المنزلي ينادي .

[أم ضياء عبد الرحيم]

صباح الخيرات و المسرات
صباح السعادة و التفاؤل و النشاط على حراير بلادي
مبروك الكوزينة زينب و تحية كبيرة لحراير قسنطينة
هذا باروك
رحت زيارة لجارتي درت قاطو الانيقة تاع ام رويدة جا هايل
و مقروض و درت خبز عطورة توحشتها
عجبوها الخبز و القاطو اعطيتها الوصفات
و هي حطتلي المسمن جا هايل قتلها كاش انهار علميني نديرو كيما انت و حطت التاي و مملحات و مكسرات و حرشة قدرت نصور غير المسمن حشمت منها







غدايا اليوم لي بات بي التونة في الفرن سلام بنات من بعد ان شاء الله